Home ຂ່າວທ້ອງຖິ່ນ ບໍ່ແກ້ວຢຶດຢາບ້າໄດ້ 48 ເປົ້າ! ເລັ່ງຊອກຫາເຈົ້າຂອງຢາ

ບໍ່ແກ້ວຢຶດຢາບ້າໄດ້ 48 ເປົ້າ! ເລັ່ງຊອກຫາເຈົ້າຂອງຢາ

0

ຕາມການລາຍງານຂອງປົກກັນຄວາມສະຫງົບໃຫ້ຮູ້ວ່າ: ໃນວັນທີ 17 ມີນາ 2022 ກອງບັນຊາການ ປກສ ເມືອງຫ້ວຍຊາຍ ໄດ້ຮັບແຈ້ງຈາກພົນລະເມືອງດີວ່າ: ພົບເຫັນລົດຮຸນໄດສີຟ້າ (ບໍ່ມີປ້າຍທະບຽນ) ຂັບເຂົ້າໄປຈອດຢູ່ໃນຕະຫຼາດບ້ານນ້ຳເກິ່ງໃໝ່ ເມືອງຕົ້ນເຜິ້ງ ເຊິ່ງລົດຄັນດັ່ງກ່າວແມ່ນບັນທຸກເປົ້າສີຂາວສີ່ຫຼຽມ, ມີຜ້າແສສີດໍາປົກໄວ້ແຕ່ບໍ່ຮູ້ແມ່ນເປົາຫຍັງ. ໃນເວລານັ້ນມີຜູ້ຊາຍສອງຄົນແລ່ນອອກຈາກລົດຄັນດັ່ງກ່າວເຂົ້າໄປໃນບ້ານນ້ຳເກິ່ງໃໝ່.

ຈາກນັ້ນ ເຈົ້າໜ້າທີ່ປກສ ເມືອງຫ້ວຍຊາຍໄດ້ໄປກວດກາວ່າມີມູນຄວາມຈິງແທ້, ຈຶ່ງໄດ້ປະສານຫາຫ້ອງຕໍາຫຼວດ. ຫຼັງຈາກນັ້ນ ຫ້ອງຕ່າຫຼວດ ຈຶ່ງໄດ້ແຕ່ງພະແນກວິຊາສະເພາະໄປກວດກາຕົວຈິງໂດຍສົມທົບກັບກຳລັງ ປກສ ພວກເຮົາທີ່ປະຈຳຈຸດກວດການ້ຳເກິ່ງ, ປກສ ເມືອງຫ້ວຍຊາຍ, ປກສ ກຸ່ມບ້ານນ້ຳເກິ່ງ ແລະ ເຈົ້າໜ້າທີ່ທະຫານ 405. ຜ່ານການກວດກາລົດຄັນດັ່ງກ່າວ ແມ່ນພົບເຫັນຢາບ້າ ຈຳນວນ 48 ເປົ້າ ມີຈຳນວນ 5.960 ມັດ ເທົ່າກັບ 11,920.000 ເມັດ ມີນ້ຳໜັກ 1.288 ກິໂລກຼາມ.

ປັດຈຸບັນ ກອງບັນຊາການ ປກສ ແຂວງບໍ່ແກ້ວ ພວມດຳເນີນການສືບສວນ-ສອບສວນຫາແຫຼ່ງທີ່ໄປ-ທີ່ມາຂອງຢາເສບຕິດດັ່ງກ່າວ ແລະ ກຸ່ມແກ້ງໃນການຂົນສົ່ງຢາຄັ້ງນີ້. ຖ້າມີລາຍລະອຽດເພີ່ມຕື່ມຈະຂລາຍງານໃຫ້ຊາບຫຼັງ.

NO COMMENTS

LEAVE A REPLY

Please enter your comment!
Please enter your name here

Exit mobile version