ເມື່ອວັນທີ 4 ເມສາ ທີ່ຜ່ານມາ, ທ່ານ ນາງ ພອນສະຫລີ ສຸກສະຫວັດ ຫົວໜ້າສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ພ້ອມດ້ວຍຄະນະ ແລະ ພະແນກທີ່ກ່ຽວຄ້ອງຂອງແຂວງ ໄດ້ໄປຢ້ຽມຢາມທີ່ເຂດເສດຖະກິດພິເສດ ສາມຫຼ່ຽມຄຳ ແຂວງບໍ່ແກ້ວ, ໃຫ້ກຽດຕ້ອນຮັບໂດຍທ່ານ ນາງ ທອງຄູນ ພົນທອງສີ ຫົວໜ້າຄະນະຄຸ້ມຄອງເຂດເສດຖະກິດພິເສດ.

ພ້ອມນັ້ນໄດ້ນຳພາຄະນະໄປທ່ຽວຊົມໂຄງການກໍ່ສ້າງສະໜາມບິນສາກົນບໍ່ແກ້ວ, ເຊິ່ງມີ ທ່ານ ຕູ້ກົງ ຫົວໜ້າໂຄງການກໍ່ສ້າງສະໜາມບິນສາກົນບໍ່ແກ້ວ ໄດ້ອະທິບາຍເຖິງຄວາມເປັນມາຂອງການກໍ່ສ້າງ ແລະ ສິ່ງອຳໜ່ວຍຄວາມສະດວກຕ່າງໆພາຍໃນສະໜາມບິນ, ເຊິ່ງຄາດວ່າຈະເປີດໃຫ້ບໍລິການໄວໆນີ້.

ພ້ອມໄດ້ນຳພາໄປທ່ຽວຊົມໂຄງການພັດທະນາກະສິກຳ, ຕະຫຼາດກະສິກຳແຫ່ງໃໝ່ ຂອງເຂດເສດຖະກິດພິເສດ ສາມຫຼ່ຽມຄຳ, ທ່າເຮືອຂົນສົ່ງສິນຄ້າ ແລະ ປ່ອງຢ້ຽມສາມຫຼ່ຽມຄຳ (ດອນຊາວ).

ທ່ານ ນາງ ພອນສະຫລີ ສຸກສະຫວັດ ຫົວໜ້າສູນສະຖິຕິແຫ່ງຊາດ ຍັງໄດ້ກ່າວວ່າ: ການພັດທະນາຂອງເຂດແມ່ນໄດ້ພັດທະນາໄປຢ່າງວ່ອງໄວ ແລະ ມີຄວາມສວຍສົດງົດງາມ ໃນການຕົກແຕ່ງພາຍໃນເຂດ ເຫັນວ່າ ເປັນລະບົບລະບຽບດີ.

ແຫຼ່ງຂ່າວ ແລະ ຮູບພາບ: ເຂດເສດຖະກິດພິເສດສາມຫຼ່ຽມຄຳ

LEAVE A REPLY

Please enter your comment!
Please enter your name here