ເດືອນກໍລະກົດ ມີອຸບັດເຫດເກີດຂຶ້ນ 454 ລາຍ

0
613

ອີງຕາມຂໍ້ມູນອຸບັດເຫດຂອງພະແນກສືບສວນ-ສອບສວນ ຄະດີອຸບັດເຫດ ຂອງກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບ ປະຈຳເດືອນກໍລະກົດ ໃຫ້ຮູ້ວ່າ: ມີອຸບັດເຫດເກີດຂຶ້ນ 454 ລາຍ, ເພີ່ມຂຶ້ນ 57 ລາຍ, ພາຫະນະເປ່ເພ 794 ຄັນ, ເພີ່ມຂຶ້ນ 91 ຄັນ, ຄົນໄດ້ຮັບບາດເຈັບ 646 ຄົນ, ເພີ່ມຂຶ້ນ 5 ຄົນ, ຄົນເສຍຊີວິດ 66 ຄົນ, ເພີ່ມຂຶ້ນ 17 ຄົນ, ສະເພາະຢູ່ນະຄອນຫຼວງວຽງຈັນ ມີອຸບັດເຫດເກີດຂຶ້ນ 100 ລາຍ, ເພີ່ມຂຶ້ນ 14 ລາຍ, ພາຫະນະເປ່ເພ 195 ຄັນ, ເພີ່ມຂຶ້ນ 22 ຄັນ, ຄົນໄດ້ຮັບບາດເຈັບ 127 ຄົນ, ເພີ່ມຂຶ້ນ 35 ຄົນ, ຄົນເສຍຊີວິດ 11 ຄົນ, ຫຼຸດລົງ 3 ຄົນ, ສາເຫດສ່ວນໃຫຍ່ໃຊ້ຄວາມໄວເກີນ, ດື່ມເຫຼົ້າ, ປ່ຽນທິດທາງເດີນ, ລ່ວງປ້າຍຫ້າມ, ຊີງຂຶ້ນໜ້າບໍ່ຮັບປະກັນ ແລະ ອື່ນໆ.

ແຂວງທີ່ເກີດອຸບັດເຫດຫຼາຍກວ່າໝູ່ແມ່ນນະຄອນຫຼວງວຽງຈັນ, ຮອງລົງມາແມ່ນແຂວງຫຼວງພະບາງ, ສະຫວັນນະເຂດ, ຈໍາປາສັກ, ວຽງຈັນ ແລະ ແຂວງຫຼວງນໍ້າທາ ຊຶ່ງອາຍຸຜູ້ທີ່ເກີດອຸບັດເຫດສ່ວນໃຫຍ່ອາຍຸລະຫວ່າງ 16-30 ປີ, ອາຊີບຊາວນາ, ລອງລົງມາແມ່ນກຳມະກອນ, ນັກຮຽນ, ນັກສຶກສາ, ແຂວງທີ່ມີຄົນເສຍຊີວິດຫຼາຍກວ່າໝູ່ແມ່ນນະຄອນຫຼວງວຽງຈັນ, ຫຼວງພະບາງ, ໄຊຍະບູລີ ແລະ ແຂວງຈຳປາສັກ.

ຂໍ້ມູນຈາກ: ພະແນກສືບສວນ-ສອບສວນຄະດີອຸບັດເຫດ

LEAVE A REPLY

Please enter your comment!
Please enter your name here