ຢ້ຽມຢາມສະພາບໄພພິບັດນໍ້ຖ້ວມ ແລະ ມອບເຄື່ອງຊ່ວຍເຫຼືອ ຢູ່ເມືອງຫຼາ

0
499

ສະພາປະຊາຊົນແຂວງອຸດົມໄຊ ລົງຢ້ຽມຢາມສະພາບໄພພິບັດນໍ້ຖ້ວມ ແລະ ມອບເຄື່ອງຊ່ວຍເຫຼືອ ຢູ່ເມືອງຫຼາ.

ຕອນເຊົ້າຂອງວັນພຸດ, ວັນທີ 31 ສິງຫາ 2022, ສະພາປະຊາຊົນແຂວງອຸດົມໄຊນໍາໂດຍທ່ານ ຄໍາດີ ວົງລ້ອມ ປະທານສະພາປະຊາຊົນແຂວງ, ບັນດາທ່ານຄະນະປະຈໍາ ສພຂ ໄດ້ລົງຢ້ຽມຢາມສະພາບໄພພິບັດນໍ້າຖ້ວມ ແລະ ມອບເຄື່ອງຊ່ວຍເຫຼືອຢູ່ເມືອງຫຼາ, ມີທ່ານ ນາງ ໄລວອນ ຈັນທະລາ ສະມາຊິກສະພາປະຊາຊົນແຂວງ ປະຈໍາເຂດເລືອຕັ້ງເມືອງຫຼາ, ບັນດາທ່ານສະມາຊິກສະພາປະຊາຊົນແຂວງ ປະຈໍາເຂດເລືອຕັ້ງເມືອງຫຼາ ແລະ ຄະນະຮັບຜິດຊອບເຂົ້າຮ່ວມ.ເຄື່ອງທີ່ນໍາມາມອບໃນຄັ້ງນີ້ ປະກອບມີ:

ນໍ້າດື່ມ, ໝີ, ເກືອແປ້ງນົວ, ເກີບ, ແຟັບສະບູ ແລະ ຢາຖູແຂ້ວ ລວມມູນຄາທັງໝົດປະມານ 10 ລ້ານກວ່າກີບ ແລະ ໄດ້ຈັດມອບໃຫ້ຄອບຄົວທີ່ຖືກນໍ້າພັດເຮືອນໄຫລ 51 ຫຼັງຄາໃນຈໍານວນ 9 ບ້ານຄື: ບ້ານສາມັກຄໄຊ, ບ້ານໂພນໄຊ, ບ້ານຫ້ວຍຫຼາ, ປາກກໍ ແລະ ບ້ານອື່ນໆໂອກາດດັ່ງກ່າວ ທ່ານ ຄໍາດີ ວົງລ້ອມ ປະທານສະພາປະຊາຊົນແຂວງ ໄດ້ມີຄໍາເຫັນກ່ອນອື່ນທ່ານໄດ້ສະແດງ ຄວາມເສຍໃຈ ແລະ ຢ້ຽມຢາມຖາມຂ່າວ ຄອບຄົວທີ່ຖືກຜົນກະທົບ ແລະ ເຫດການທີ່ເກີດຂື້ນ ແລະ ໄດ້ດົມວັດຖຸປັດໃຈ ຈາກສະພາແຫ່ງຊາດ ໄດ້ຈໍານວນ 20 ລ້ານກວ່າກີບ (ເພື່ອນໍໄປຊື້ເຂົ້າສານ), ຖົງມືຈໍານວນ 300 ຄູ່ ເພື່ອນນໍາໄປມອບໃຫ້ກໍາລັງທີ່ໄປຊ່ວຍອານາໄມ ແລະ ຟື້ນຟູ ເຮືອນຊານບ້ານຊອງ.

ພາບ/ຂ່າວ: ແສງພອນ ອິນນະລົງ (ສະພາປະຊາຊົນແຂວງ ອຸດົມໄຊ)

LEAVE A REPLY

Please enter your comment!
Please enter your name here