ຜ່ານໄປແລ້ວ ກັບການແຂ່ງຂັນບານເຕະ AFF​SUZUKI​ ​CUP​ 2020 ທີ່​ສະໜາມກິລາ Bishan, ປະເທດ​ສິງກະໂປ​ ນັດທີ 1 ກຸ່ມ B​ ເປັນການພົບກັນລະຫວ່າງ ທີມຊາດລາວ ແລະ ທີມຊາດຫວຽດນາມ ໄດ້ລົງແຂ່ງໃນເວລາ​ 19:30​ ໂມງ​ ໃນວັນທີ​ 6​ ທັນວາຄືນວານ​ນີ້​ ເຊິ່ງຜົນການແຂ່ງ​ ແມ່ນລາວ ເສຍໃຫ້​ ຫວຽດນາມ​ 0-2​ ປະຕູ.

ທີມຊາດຫວຽດນາມ ໄດ້ປະຕູຈາກ​ 𝙉𝙜𝙪𝙮𝙚𝙣 𝘾𝙤𝙣𝙜 𝙋𝙝𝙪𝙤𝙣𝙜​ ນາທີ​ 27​ ແລະ​ Phan Van Duc ນາທີ​ 55

ຫຼັງຈາກຈົບເກມ ກໍໄດ້ມີການສຳພາດ ບິນລີ້ ເກດແກ້ວພົມພອນ ກອງໜ້າໜ້າ ຂອງທີມຊາດລາວ ເຊິ່ງບິນລີ້ ໄດ້ບອກຄວາມໃນໃຈວ່າ:

“ຂ້ອຍຮູ້ສຶກເປັນກຽດ ແລະ ດີໃຈຫຼາຍທີ່ໄດ້ລົງສະໜາມຮັບໃຊ້ທີມຊາດລາວເປັນຄັ້ງທຳອິດ ເຖິງວ່າຜົນການແຂ່ງຂັນຈະບໍ່ເປັນໄປຕາມທີ່ພວກເຮົາຫວັງກໍ່ຕາມ ແຕ່ພວກເຮົາຈະຂໍສູ້ຈົນເຖິງທີ່ສຸດ. ຂ້ອຍຮູ້ສຶກຕື້ນຕັນໃຈທີ່ໄດ້ຍິນສຽງເພງຊາດລາວດັງຂື້ນ ເພາະນີ້ຄືປະເທດບ້ານເກີດເມືອງນອນພໍ່ແມ່ຂ້ອຍ ແລະ ຂ້ອຍກໍມີຄວາມພູມໃຈເປັນຢ່າງຍິ່ງທີ່ໄດ້ຮັບໃຊ້ ແລະ ມີສ່ວນຮ່ວມກັບທີມຊຸດນີ້”.

ນອກຈາກນີ້, ບິນລີ້ ຍັງຝາກລົງທ້າຍດ້ວຍການຂໍຂອບໃຈທຸກໆກຳລັງໃຈທີ່ມອບໃຫ້ບິນລີ້ສະເໝີມາ ພ້ອມເວົ້າຄຳວ່າ ລາວ ສູ້ໆ.

• ສຳລັບນັດຕໍ່ໄປວັນທີ 09/12/2021 ເວລາ 16:30 ທີມຊາດລາວ ພົບ ມາເລເຊຍ.
• ວັນທີ 12/12/2021 ເວລາ 16:30 ທີມຊາດລາວ ພົບ ທີມຊາດອິນໂດເນເຊຍ
• ວັນທີ 15/12/2021 ເວລາ 16:30 ທີມຊາດລາວ ພົບ ທີມຊາດກຳປູເຈຍ.

ພາບ: LFF

ກົມ ວສ-ປສ ທົດສອບປະສິດທິພາບເສື້ອເກາະກັນກະສຸນ, ໃນວັນທີ 3 ທັນວາ 2021, ຢູ່ທີ່ສະໝາມຍິງປືນສາກົນ 199 ກົມວິທະຍາ ສາດ- ປະຫວັດສາດ (ວສ-ປສ) ການທະຫານ ໄດ້ ດຳເນີນການທົດສອບກວດກາປະ ສິດທິພາບຂອງເສື້ອເກາະກັນລູກປືນ A762, ໂດຍການເຂົ້າຮ່ວມ ຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ປະທານສະພາ ວິທະຍາສາດຂັ້ນລາງຫົວໜ້າກົມ ວິທະຍາສາດປະຫວັດສາດ-ການ ທະ ຫານ, ມີຄະນະສະພາວິທະຍາສາດຂັ້ນລາງ, ມີກົມສູ້ຮົບ, ກົມກຳລັງພົນ, ກົມອົບຮົມພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.

ສະຫາຍພັນໂທ ສັນຕິ ຫຼ່ຽມ ຜີ ຮອງຫົວໜ້າພະແນກວິທະຍາ ສາດກົມວິທະຍາສາດ-ປະຫວັດ ສາດການທະ ຫານ ໄດ້ໃຫ້ຮູ້ວ່າ: ໂຄງການຄົ້ນຄວ້າເສື້ອເກາະກັນ ກະສຸນເເມ່ນໜຶ່ງໃນບັນດາໂຄງ ການຄົ້ນຄວ້າທີ່ກົມ ວສ-ປສ ການ ທະຫານ ໄດ້ມີການປະດິດສ້າງ ແລະ ໄດ້ຮັບອະນຸມັດຈາກກະ ຊວງປ້ອງກັນປະເທດຕາມຂໍ້ຕົກລົງ ເລກທີ 1256/ກປທ ລົງວັນທີ 26 ກຸມພາ 2020.

ຕະຫຼອດໄລ ຍະຫຼາຍເດືອນກົມ ວສ- -ປສ ການ ທະຫານແມ່ນໄດ້ດໍາເນີນການ ອອກແບບແລະທົດລອງຍິງລູກປືນແທ້ມາຫຼາຍຄັ້ງ, ໄດ້ທົດລອງ ຜະລິດແຜ່ນເກາະກັນກະສຸນອອກ ມາຫຼາຍປະເພດມີບາງປະເພດກໍມີປະສິດທິພາບຕາມເປົ້າໝາຍ ການຄິດໄລ່ໄວ້ແລະມີບາງປະ ເພດກໍບໍ່ໄດ້ຕາມເປົ້າໝາຍ.

ດັ່ງນັ້ນເພື່ອເປັນການຮັບຮູ້ ແລະ ຢັ້ງຢືນທາງດ້ານປະສິດທິພາບຂອງ ເສື້ອເກາະກັນລູກປືນລຸ້ນ A762 ເຊິ່ງມີປະສິດທິພາບໃນການປ້ອງ ກັນກະສຸນອາວຸດປືນຂະໜາດ 7,62 ມມ ລົງມາ, ປືນ AKM, M 16 ແລະ ປືນສັ້ນເກືອບທຸກຊະນິດ. ເສື້ອເກາະ A762 ມີຂະໜາດ 25×30 ຊັງຕີແມັດ, ມີນໍ້າໜັກ 5,37 ກິ ໂລກຣາມ ທີ່ເປັນເສື້ອ ເກາະໃນລຸ້ນດຽວກັບຂອງຕ່າງປະ ເທດຈະມີນໍ້າໜັກ7,5 ກິໂກຣາມ ຂຶ້ນໄປ.

ດັ່ງນັ້ນໃນມື້ນີ້ພວກເຮົາ ຈຶ່ງໄດ້ນໍາເອົາຜະລິດຕະພັນຈາກ ການຄົ້ນຄວ້າປະສິດທິພາບໃນການປ້ອງກັນອາວຸດປືນຮາບ ລຸ້ນ A762.

ໃນນັ້ນ, ມີປືນ AKM, M16 ແລະ ປືນສັ້ນເກືອບທຸກຊະນິດ ສໍາລັບການທົດລອງຍິງແມ່ນ ໄດ້ນໍາໃຊ້ຫຸ່ນຍົນຕິດປືນAKM ເພື່ອຍິງເປົ້າໝາຍແທນຄົນ ຍິງໃນໄລຍະ 10 ແມັດ ເຊິ່ງເປັນໄລຍະຫ່າງທີ່ມີປະສິດທິພາບທີ່ສຸດ.

ທັງນີ້ກໍເພື່ອຮັບປະກັນໃນການກະກຽມມອບຜະລິດຕະພັນເສື້ອ ເກາະກັນລູກປືນໃຫ້ແກ່ກະຊວງ ປ້ອງກັນປະເທດເພື່ອນໍາໄປມອບ ໃຫ້ກົມວິຊາສະເພາະໄດ້ນໍາໃຊ້ ເຂົ້າໃນວຽກງານຕົວຈິງຢ່າງມີປະສິດທິພາບສູງ.

ຂໍ້ມູນ: Lao National Radio

ຕາມການລາຍງານຂອງສູນຂ່າວສານການແພດສຸຂະສຶກສາປະຈຳວັນ

ລາຍລະອຽດພາຍຫຼັງ

ເມືອງວຽງທອງ ທໍາລາຍສວນກັນຊາທີ່ປະຊາຊົນລັກລອບປູກ 2,3 ເຮັກຕາ

ຕາມແຫຼ່ງຂ່າວຈາກ ແຂວງບໍລິຄຳໄຊ ໃຫ້ຮູ້ວ່າ: ວັນທີ 3 ທັນວາ ຜ່ານມາ, ໜ້າທີ່ ປກຊ-ປກສ ເມືອງວຽງທອງ, ພ້ອມດ້ວຍກຳລັງຊາວໝຸ່ມເມືອງ, ພາກສ່ວນກ່ຽວຂ້ອງຂອງເມືອງ ແລະ ປກສ ກຸ່ມນາຊວງ, ອໍານາດການປົກຄອງບ້ານ, ຊາວໝຸ່ມບ້ານອຸດົມໄຊ ໄດ້ລົງກວດກາ ແລະ ທຳລາຍສວນກັນຊາຂອງປະຊາຊົນ ທີ່ລັກລອບປູກຢູ່ເຂດບ້ານອຸດົມໄຊ. ທັງນີ້ ກໍເພື່ອເປັນການແກ້ໄຂບັນຫາການລັກລອບ ປູກກັນຊາ ຂອງປະຊາຊົນ ຢູ່ເມືອງວຽງທອງ ໃຫ້ຫລຸດໜ້ອຍຖອຍລົງ ຈົນກວ່າຈະບໍ່ມີການລັກລອບປູກອີກ.

ການລົງກວດກາຄັ້ງນີ້, ໄດ້ເຫັນສວນປູກກັນຊາ ຈໍານວນ 8 ສວນ ຢູ່ໃນ 3 ຈຸດ ເຂດບ້ານອຸດົມໄຊ ມີເນື້ອທີ່ 2,3 ເຮັກຕາ, ມີ 2.535 ຂຸມ, ປະເມີນນໍ້າໜັກປະມານ 8.593 ກິໂລກຣາມ ທີ່ຍັງບໍ່ທັນຮູ້ເຈົ້າຂອງສວນ, ປັດຈຸບັນ ເຈົ້າໜ້າທີ່ໄດ້ສືບຕໍ່ຕິດຕາມກວດກາຄືນຫາເຈົ້າຂອງເພື່ອນໍາມາດໍາເນີນຄະດີຕາມລະບຽບກົດໝາຍ. ສຳລັບ ສວນກັນຊາທີ່ພົບເຫັນ ເຈົ້າໜ້າທີ່ໄດ້ພ້ອມກັນທໍາລາຍດ້ວຍການຕັດ ແລະ ຈູດໄຟຖິ້ມ.

ແຫຼ່ງຂ່າວ: ປະເທດແລ້ວ