Blog - ໂທລະໂຄ່ງ THOLAKHONG

ເລີ່ມງວດໜ້າ! ປະຕິບັດອາກອນລາຍໄດ້ຈາກການຖືກລາງວັນຫວຍພັດທະນາທຸກປະເພດ

ຂ່າວພາຍໃນ

-

November 5, 2021

0

ເລີ່ມງວດໜ້າ! ປະຕິບັດອາກອນລາຍໄດ້ຈາກການຖືກລາງວັນຫວຍພັດທະນາທຸກປະເພດ

ເຖິງ: ທ່ານ ຫົວຫນ້າຫນ່ວຍ, ຫົວຫນ້າຈຸ, ຜູ້ຂາຍຫວຍ ແລະ ລູກຄ້າ ສາຂາພະຍານາກ ທົ່ວປະເທດ.

ເລື່ອງ: ການປະຕິບັດອາກອນລາຍໄດ້ຈາກການຖືກລາງວັນຫວຍພັດທະນາທຸກປະເພດ.

ເພື່ອປະຕິບັດຕາມກົດຫມາຍແລະຄໍາສັ່ງແນະນໍາ ຕົວແທນຈໍາຫນ່າຍຫວຍພັດທະນາທາງໂທລະສັບມືຖື ຂໍ ແຈ້ງມາຍັງຫົວຫນ້າຫນ່ວຍ, ຫົວຫນ້າຈຸ, ຜູ້ຂາຍ ແລະ ລູກຄ້າທຸກທ່ານຊາບວ່າ: ໃນງວດທີ່ 90 ກົງກັບວັນທີ 08/11/2021 ເປັນຕົ້ນໄປແມ່ນຈະໄດ້ເລີ່ມຈັດຕັ້ງປະຕິບັດການເກັບອາກອນລາຍໄດ້ຈາກຜູ້ຖືກລາງວັນຫວຍ ພັດທະນາທຸກປະເພດ ໂດຍເອົາມູນຄ່າຖືກລາງວັນ 60,000ກີບຂຶ້ນໄປ ຄູນໃຫ້ອັດຕາອາກອນ 5% ຕາມຂໍ້ກໍານົດ ຂອງກົດຫມາຍ ເພື່ອແຈ້ງມອບຕໍ່ຂະແຫນງສ່ວຍສາອາກອນ.

ດັ່ງນັ້ນ, ຈຶ່ງແຈ້ງມາຍັງທຸກທ່ານ ເພື່ອຮັບຊາບ ແລະ ພ້ອມກັນຈັດຕັ້ງປະຕິດບັດໃຫ້ໄດ້ຮັບຜົນດີ.

ໂຄວິດ-19 ວັນທີ 5 ພະຈິກ 2021 ຕິດເຊື້ອໃໝ່ +959 (ພາຍໃນ 948)

ໂທລະໂຄ່ງ THOLAKHONG

-

November 5, 2021

0

ໂຄວິດ-19 ວັນທີ 5 ພະຈິກ 2021 ຕິດເຊື້ອໃໝ່ +959 (ພາຍໃນ 948)

ຕາມການລາຍງານ ຂອງຄະນະສະເພາະກິດປະຈຳວັນຮູ້ວ່າ:

ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 8.394 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 959 ຄົນ (ຕິດເຊື້ອພາຍໃນ ມີ 948 ຄົນ ແລະ ຕິດເຊື້ອນໍາເຂົ້າ11 ຄົນ).

ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 948 ຄົນ ຈາກ 14 ແຂວງ ເຊິ່ງລາຍລະອຽດ ດັ່ງນີ້:

ນະຄອນຫຼວງ 415 ຄົນ: ມາຈາກ 155 ບ້ານ, ໃນ 9 ເມືອງ

	ເມືອງຈັນທະບູລີ	49 ຄົນ ຈາກ 14 ບ້ານ
1	ໂພນຕ້ອງຈອມມະນີ	7
2	ບໍ່ນາງົວ	6
3	ສີບູນເຮືອງ	6
4	ໜອງທາເໜືອ	5
5	ໂພນສະຫວ່າງ	5
6	ດອນແດງ	4
7	ຫ້ວຍຫົງ	3
8	ດົງປ່າແຫຼບ	3
9	ສີສະຫວາດ	3
10	ໂພນຕ້ອງສະຫວາດ	2
11	ຮ່ອງໄກ່ແກ້ວ	2
12	ຊຽງຍືນ	1
13	ສີບຸນເຮືອງ	1
14	ທົ່ງສ້າງນາງ	1
	ເມືອງສີໂຄດຕະບອງ	67 ຄົນ ຈາກ 26 ບ້ານ
1	ທົ່ງປົ່ງ	11
2	ນາເລົ່າ	5
3	ຫນອງດ້ວງທົ່ງ	5
4	ໜອງໜ້ຽວ	5
5	ຊຳເກດ	4
6	ໂນນສະຫ່ວາງ	4
7	ດົງນາໂຊກເໜືອ	4
8	ສີບຸນເຮືອງທົ່ງ	3
9	ວຽງສະຫວັນ	3
10	ຈັນສະຫ່ວາງ	2
11	ໜອງດ້ວງໃຕ້	2
12	ໜອງແຕ່ງໃຕ້	2
13	ສີໄຄທົ່ງ	2
14	ດົງນາທອງ	2
15	ປາກທ້າງ	2
16	ຂຸນຕາທ່າ	1
17	ວັດໃຕນ້ອຍ	1
18	ດ່ານຄຳ	1
19	ຕາດທອງ	1
20	ໜອງປາໃນ	1
21	ຫນອງຫນ້ຽວ	1
22	ວຽງຄຳ	1
23	ໜອງດ້ວງເໜືອ	1
24	ໂພສີ	1
25	ນາແຮ່	1
26	ໜອງບົວທອງເໜືອ	1
	ເມືອງໄຊເສດຖາ	93 ຄົນ ຈາກ 26 ບ້ານ
1	ໜອງໜ່ຽງ	16
2	ໜອງສ້າງທໍ່	8
3	ຈອມມະນີ	8
4	ນາໂນ	6
5	ຂາມງອຍ	6
6	ຮອງສຸພາບ	4
7	ໂນນສະຫງ່າ	4
8	ໂຊກຄຳ	4
9	ນາໄຊ	4
10	ໂພນເຄັງ	4
11	ສົມສະຫງ່າ	3
12	ໂນນຄໍ້ເໜືອ	3
13	ຊຽງດາ	3
14	ທາດຫຼວງເໜືອ	3
15	ໂຊກໃຫ່ຍ	2
16	ຮ່ອງແກ	2
17	ນາຄວາຍກາງ	2
18	ອາມອນ	2
19	ຝາຍ	2
20	ທາດຫຼວງໃຕ້	1
21	ໂນນສະຫວ່າງ	1
22	ນາສາງໄພ	1
23	ໂພນພະເນົາ	1
24	ວຽງຈະເລີນ	1
25	ໂຊກນ້ອຍ	1
26	ວັງຊາຍ	1
	ເມືອງສີສັດຕະນາກ	41 ຄົນ ຈາກ 17 ບ້ານ
1	ໂພນປ່າເປົ້າ	8
2	ດົງສະຫວາດ	5
3	ສະພານທອງໃຕ້	4
4	ໂພນສະຫວ່າງ	3
5	ໂພນສີນວນ	3
6	ສະພານທອງເໜືອ	3
7	ວັດນາກ	3
8	ຫາຍໂສກ	2
9	ດົງປ່າລານທົ່ງ	2
10	ຈອມເພັດເໜືອ	1
11	ໂພນສະຫັວນເໜືອ	1
12	ດອນນົກຂຸ້ນ	1
13	ທົ່ງກາງ	1
14	ຈອມເພັດໃຕ້	1
15	ສ້າງເຫີວຍ	1
16	ທ່າພະລານໄຊ	1
17	ດອນກອຍ	1
	ເມືອງນາຊາຍທອງ	13 ຄົນ ຈາກ 11 ບ້ານ
1	ເປິກ	2
2	ນາຊອນ	2
3	ດົງຫລວງ	1
4	ຜາງແຫ້ງ	1
5	ປັກແຮດ	1
6	ໜອງສະ	1
7	ນາສ້ຽວ	1
8	ນ້ຳຫຸມ	1
9	ໂພນແກ້ວ	1
10	ນາຍາງ	1
11	ນໍ້າກ້ຽງ	1
	ເມືອງໄຊທານີ	103 ຄົນ ຈາກ 42 ບ້ານ
1	ໄຊສົມບູນ	14
2	ໃຜ່ລ້ອມ	8
3	ຄຳຮຸ່ງ	7
4	ດົງໂດກ	6
5	ດອນຕິ້ວ	4
6	ໂນນທອງ	4
7	ໜອງພະຍາ	3
8	ຫົວຊຽງ	3
9	ໂນນສະອາດ	3
10	ຊ້າງຄູ້	3
11	ໂນນບໍ່ແກ້ວ	3
12	ໄຊສະຫວ່າງ	3
13	ສີວິໄລ	3
14	ສົມສະຫວັນ	3
15	ຕານມີໄຊ	2
16	ດົງໝາກຄາຍ	2
17	ດອນໜູນ	2
18	ນາສາລາ	2
19	ໂພນຕ້ອງ	2
20	ສາຍນ້ຳເງິນ	2
21	ຫລັກ 21	2
22	ດົງຄວາຍ	2
23	ໂພນສະຫວັນ	1
24	ນາແຄ	1
25	ໂຄກນ້ອຍ	1
26	ຫ້ວຍເຕີຍ	1
27	ໂນນແສງຈັນ	1
28	ທົ່ງມັ່ງ	1
29	ດອນລຸ່ມ	1
30	ທ່າສວນມອນ	1
31	ດົງສ້າງຫີນ	1
32	ທ່າງອນ	1
33	ດ່ານຊ້າງ	1
34	ອຸດົມຜົນ	1
35	ໂພຄໍາ	1
36	ເວີນຄຳ	1
37	ທ່ານາກ	1
38	ໂຄກສະອາດ	1
39	ວຽງແກ້ວ	1
40	ໂຄກສີວິໄລ	1
41	ລາດຄວາຍ	1
42	ພະຂາວ	1
	ເມືອງ ຫາດຊາຍຟອງ	26 ຄົນ ຈາກ 11 ບ້ານ
1	ນາໄຫ	8
2	ຈຽມປາງ	3
3	ຫາດກັນຊາ	3
4	ໝອງໄຮ	3
5	ທ່ານາແລ້ງ	2
6	ດອນດູ່	2
7	ໜອງແຫ້ວ	1
8	ຫ້ອມໃຕ້	1
9	ໂຄກຊາຍ	1
10	ຄວາຍແດງ	1
11	ນາໄຮ່	1
	ເມືອງ ສັງທອງ	2 ຄົນ ຈາກ 2 ບ້ານ
1	ໄຮ່ໃຕ້	1
2	ປາກຕອນ	1
	ເມືອງ ປາກງື່ມ	10 ຄົນ ຈາກ 06 ບ້ານ
1	ຖີ່ນທ່ງຽ	3
2	ດອນວັັງໂພ	3
3	ຖີ່ນທ່ຽງ	1
4	ພ້າວ	1
5	ດອນວັງເງີນ	1
6	ດອນໄຮ່	1
	ຕ່າງແຂວງທີ່ຢູ່ນະຄອນຫຼວງມີດັ່ງນີ້
ແຂວງໄຊຍະບູລີ ບ້ານນາປໍ ເມືອງໄຊຍະບູລີ	05 ຄົນ ຈາກ 4 ບ້ານ 4 ເມືອງ 1
1. ບ້ານນ້ຳສະຫນອມ ເມືອງຄູນຄຳ	2
2.ບ້ານນາກາງ ເມືອງປາກລາຍ	1
3.ບ້ານທົ່ງວ່າງ ເມືອງພຽງ	1
ເມືອງໂພນໂຮງ ແຂວງວຽງຈັນ		2 ຄົນ ຈາກ 2 ບ້ານ
ໂພນຄຳໃຕ້		1 ກວດແລ້ວກັບບ້ານ
ໂພນຄຳເຫນືອ		1
ສືບຕໍ່ເກັບກໍາຂໍ້ມູນ		5

–ຫຼວງນໍ້າທາ: 184 ຄົນ ມາຈາກ 45 ບ້ານ, ໃນ 4 ເມືອງ

–ຫຼວງພະບາງ: 86 ຄົນ ມາຈາກ 24 ບ້ານ, ໃນ 5 ເມືອງ

–ວຽງຈັນ: 74 ຄົນ ມາຈາກ 30 ບ້ານ, ໃນ 6 ເມືອງ

–ຄໍາມ່ວນ: 42 ຄົນ ມາຈາກ 11 ບ້ານ, ໃນ 2 ເມືອງ

–ບໍ່ແກ້ວ: 27 ຄົນ ມາຈາກ 13 ບ້ານ, ໃນ 2 ເມືອງ

–ອຸດົມໄຊ: 27 ຄົນ ມາຈາກ 16 ບ້ານ, ໃນ 2 ເມືອງ

–ສະຫວັນນະເຂດ: 27 ຄົນ ມາຈາກ 6 ບ້ານ, ໃນ 2 ເມືອງ

–ຈໍາປາສັກ: 23 ຄົນ ມາຈາກ 15 ບ້ານ, ໃນ 4 ເມືອງ

–ບໍລິຄໍາໄຊ: 19 ຄົນ ມາຈາກ 3 ບ້ານ, ໃນ 2 ເມືອງ

–ເຊກອງ: 12 ຄົນ ມາຈາກ 8 ບ້ານ, ໃນ 3 ເມືອງ

–ສາລະວັນ: 7 ຄົນ ມາຈາກ 2 ບ້ານ, ໃນ 2 ເມືອງ

–ໄຊຍະບູລີ: 3 ຄົນ ມາຈາກ 3 ບ້ານ, ໃນ 2 ເມືອງ

–ໄຊສົມບູນ: 2 ຄົນ ມາຈາກ 1 ບ້ານ, ໃນ 1 ເມືອງ

ສ່ວນການຕິດເຊືື້ອຂອງຜູ້ທີ່ເດີນທາງເຂົ້າປະເທດມີຈໍານວນ 11ຄົນ: 01 ຄົນຈາກ ນະຄອນຫຼວງວຽງຈັນ ແລະ 10 ຄົນຈາກແຂວງສະຫວັນນະເຂດ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

ມາຮອດວັນທີ 05 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 45.020 ຄົນ, ເສຍຊີວິດສະສົມ 77ຄົນ (ໃໝ່ 01), ປິ່ນປົວຫາຍດີ ແລະ ກັບບ້ານໃນມື້ວານ ມີ 554 ຄົນ, ກໍາລັງປິ່ນປົວ 8.262 ຄົນ.

ລາຍລະອຽດຜູ້ເສຍຊີວິດໃໝ່ 01 ຄົນ ມີດັ່ງນີ້: ເພດຍິງ, ອາຍຸ 53 ປີ, ອາຊີບ: ຄ້າຂາຍ, ບ້ານຢູ່ປະຈຸບັນບ້ານໂນນໄຮ, ເມືອງໝື່ນ, ແຂວງວຽງຈັນ

ພະຍາດປະຈໍາຕົວ: ຄົນເຈັບເປັນ ຄວາມດັນເລືອດສູງ ກີນຢາປະຈໍາ
ຄົນເຈັບໄດ້ຮັບການສັກຢາວັກຊີນ Johnson and Johnson
ຄອບຄົວມີສະມາຊິກ 5 ຄົນ ຕິດເຊື້ອ 4 ຄົນ
ຜົນກວດພົບເຊື້ອ 02 ພະຈິກ 2021 ແລະ ຜູ້ກ່ຽວເຂົ້າສູນໂພນງາມ ເມືອງໝື່ນແຂວງວຽງຈັນ. ອາການເບຶ້ອງຕົ້ນ ມີໄອເລັກນ້ອຍ, ບໍ່ໄຂ້ ແລະ ບໍ່ຫາຍໃຈຝຶດ.
ມາຮອດ ເວລາ 19:00 ໂມງ ຂອງວັນທີ 04 ພະຈິກ: ຄົນເຈັບມີອາການ, ອິດເມື່ອຍ, ຊຸດໂຊມລະບົບຫາຍໃຈ, ຫາຍໃຈໄວ, ຫາຍໃຈຫອບ, ແຫ້ນນຫນ້າເອິກ ແລະ ອາການກໍ່າແຫລ້, BP 80/60, spo2 35%, ໄດ້ເຊີດຊູຄົນເຈັບ ໃຫ້ຢາຈຳນວນຫນຶ່ງ ໃສ່ oxygen ອາການບໍ່ດີຂຶ້ນ, spo2 56% ແລະ ໄດ້ພົວພັນກຽມສົ່ງມາສູນປິ່ນປົວ covid ໂພນໂຮງ.
ມາຮອດ ເວລາ 21:30 ໂມງມາຮອດສູນປິ່ນປົວໂຄວິດໂພນໂຮງ ຊື່ງຄົນເຈັບມີພາວະຢຸດຫາຍໃຈ, ຈັບສັນຍານຊີບບໍ່ໄດ້, ຕົນໂຕເຢັນ, ກໍ່າແຫລ້, ບໍ່ຕອບສະຫນອງຕໍ່ການກະຕຸ້ນ, ວົງຕາດຳຍະ ແພດໄດ້ສຸມໃສ່ເຊີດຊູເຕັມທີ່ ແຕ່ຄົນເຈັບບໍ່ມີການຕອບສະໜອງ ແລະ ເສຍຊີວິດໃນເວລາຕໍ່ມາ.

ລາຍງານຜູ້ຕິດເຊື້ອໃໝ່ ວັນທີ 5 ພະຈິກ 2021

ໂທລະໂຄ່ງ THOLAKHONG

-

November 5, 2021

0

ຕາມການລາຍງານຈານ ສູນຂ່າວສານການແພດໃຫ້ຮູ້ວ່າ:

ລາຍລະອຽດພາຍຫຼັງຖະແຫຼງຂ່າວປະຈຳວັນ

ສຶກສາອົບຮົມ ພ້ອມປັບໃໝກຸ່ມໄວລຸ້ນ 2 ກຸ່ມ ຕັ້ງວົງຊຸມແຊວ

ໂທລະໂຄ່ງ THOLAKHONG

-

November 4, 2021

0

ສຶກສາອົບຮົມ ພ້ອມປັບໃໝກຸ່ມໄວລຸ້ນ 2 ກຸ່ມ ຕັ້ງວົງຊຸມແຊວ

ປກສ ກຸ່ມທ່າເດື່ອ ສຶກສາອົບຮົມ ປັບໃໝກຸ່ມໄວລຸ້ນ 2 ກຸ່ມ ຕັ້ງວົງຊຸມແຊວ.

ວັນທີ 3 ພະຈິກ 2021, ເວລາ 00:46 ໂມງ ປກສ ກຸ່ມທ່າເດື່ອ ໄດ້ສົມທົບກັບການຈັດຕັ້ງບ້ານດົງໂພສີ ເມືອງຫາດຊາຍຟອງ ນວ, ສຶກສາອົບຮົມ ແລະ ປັບໄໝກຸ່ມໄວລຸ້ນ 2 ກຸ່ມ ມີ 16 ຄົນ, ຍິງ 3 ຄົນ ຕັ້ງວົງຊຸມແຊວ ຢູ່ເຂດປ່າສະຫງວນ ແລະ ຢູ່ເຮືອນເຊົ່າ, ໜ່ວຍ 18 ບ້ານດົງໂພສີ; ເຊິ່ງເປັນການ ລະເມີດຕໍ່ແຈ້ງຂອງຄະນະສະເພາະກິດ ເລກທີ 40/ສພກ.ນວ ລົງວັນທີ 30 ຕຸລາ 2021 ວ່າດ້ວຍການສືບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19.

ຈິ່ງໄດ້ເຊີນຕົວ ຂຶ້ນມາຫ້ອງການ ປກສ ກຸ່ມ ທ່າເດື່ອ ເພື່ອເຮັດບົດບັນທຶກສຶກສາອົບຮົມ ກ່າວເຕືອນ ແລະ ປັບໃໝ ຕາມລະບຽບການ.ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງພໍ່ແມ່ປະຊາຊົນ ຊາວ ນວ ຈົ່ງພ້ອມກັນຮ່ວມມືຮ່ວມໃຈກັນ ແລະ ປະຕິບັດຄຳສັ່ງ, ແຈ້ງການ ຂອງຂັ້ນເທິງຢ່າງເຂັ້ມງວດ ເພື່ອເປັນການສະກັດກັ້ນການແຜ່ລະບາດເຊື້ອພະຍາດໂຄວິດ 19 ທີ່ກຳລັງແຜ່ລະບາດໃນປັດຈຸບັນ.

ຖ້າພົບເຫັນສະພາບ ແລະ ປະກົດການຫຍໍ້ທໍ້ຕ່າງໆທີ່ເກີດຂຶ້ນ ໃນນະຄອນຫຼວງວຽງຈັນ ແຈ້ງໄດ້ຊ່ອງທາງ whatsapp 020 2889 9774 ຫຼື ທາງຂໍ້ຄວາມ Facebook ປ້ອງກັນຄວາມສະຫງົບ ນະຄອນຫຼວງວຽງຈັນ ຕະຫຼອດ 24 ຊົ່ວໂມງ ເພື່ອແກ້ໄຂສະພາບຢ່າງທັນເຫດການ.

ກະຊວງແຮງງານ ແລະ ສະຫວັດດີການສັງຄົມ ແຈ້ງກ່ຽວກັບຜູ້ອອກແຮງງານ

ຂ່າວພາຍໃນ

ໂທລະໂຄ່ງ THOLAKHONG

-

November 4, 2021

0

ກະຊວງແຮງງານ ແລະ ສະຫວັດດີການສັງຄົມ ແຈ້ງກ່ຽວກັບຜູ້ອອກແຮງງານ

ທົ່ວປະເທດ ມີຜູ້ອອກແຮງງານທີ່ຖືກເລີກຈ້າງ ແລະ ໂຈະການເຮັດວຽກກວ່າ 400.000 ຄົນ

ໃນຕອນເຊົ້າວັນທີ 4 ພະຈິກ 2021, ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ຊີ້ແຈງຕໍ່ຄຳຊັກຖາມ ຂອງບັນດາສະມາຊິກສະພາແຫ່ງຊາດ ກ່ຽວກັບການແກ້ໄຂບັນຫາແຮງງານລາວ ທີ່ກັບມາຈາກຕ່າງປະເທດ ແລະ ແຮງງານ ທີ່ໄດ້ຮັບຜົນກະທົບຈາກການແຜ່ລະບາດ ຂອງພະຍາດໂຄວິດ-19 ໃນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ IX ວ່າ: ການລະບາດຂອງພະຍາດໂຄວິດ- 19 ໄດ້ສົ່ງຜົນກະທົບເຮັດໃຫ້ບັນດາຫົວໜ່ວຍທຸລະກິດ, ໂຮງຈັກໂຮງງານ, ບໍລິສັດ ແລະ ໂຄງການລົງທຶນ ສ່ວນຫລາຍກໍຫລຸດຜ່ອນ ຫລື ໂຈະການດຳເນີນກິດຈະການຊົ່ວຄາວເປັນບາງໄລຍະ ຫລື ບາງບ່ອນກໍໄດ້ປິດກິດຈະ ການລົງ ອັນໄດ້ສົ່ງຜົນກະທົບຕໍ່ການມີວຽກເຮັດງານທຳ ຂອງແຮງງານລາວບໍ່ໜ້ອຍ.

ຜ່ານການປະສານສົມທົບ ກັບບັນດາຂະແໜງການທີ່ກ່ຽວຂ້ອງຂອງສູນກາງ ແລະ ທ້ອງຖິ່ນ ລວມທັງອົງການຈັດຕັ້ງ 3 ຝ່າຍ ເກັບກຳຂໍ້ມູນຜູ້ອອກແຮງງານ ທີ່ໄດ້ຮັບຜົນກະທົບໃນຄັ້ງນີ້ເຫັນວ່າມີຜູ້ຖືກເລີກຈ້າງ ແລະ ໂຈະການເຮັດວຽກ ຈໍານວນ 439.082 ຄົນ. ໃນຂະນະທີຂໍ້ມູນແຮງ ງານ ທີ່ກັບມາຈາກຕ່າງປະເທດທີ່ວ່າງງານ ແລະ ຜູ້ວ່າງງານພາຍໃນປະເທດ ມີຈໍານວນ 496.000 ຄົນ, ເທົ່າກັບ 21,8%, ໃນນີ້ ກັບມາຈາກຕ່າງປະເທດ 56.918 ຄົນ ແລະ ວ່າງງານພາຍໃນປະເທດຈໍານວນ 439.082 ຄົນ. ສໍາລັບຕົວເລກແຮງງານທີ່ໄປອອກແຮງງານ ຢູ່ຕ່າງປະເທດ ທີ່ເກັບກຳໄດ້ທັງໝົດນັບແຕ່ປີ 2020 ມາຮອດເດືອນ ກັນຍາ 2021 ມີ 224.118 ຄົນ. ໃນນີ້, ກັບຄືນມາໃນປີ 2020 ຈຳນວນ 158.753 ຄົນ.

ໃນປີ 2021 ນັບແຕ່ເດືອນ ມັງ ກອນ ຫາ ກັນຍາ 2021 ຈຳນວນແຮງງານ ທີ່ໄດ້ກັບຄືນປະເທດ ມີ 56.918 ຄົນ ແລະ ຍັງຄ້າງ 8.447 ຄົນ. ທ່ານ ນາງ ໃບຄຳ ຂັດທິຍະ ໄດ້ຊີ້ແຈງວ່າ: ເຖິງວ່າຈະມີຄວາມຫຍຸ້ງຍາກຫລາຍພໍສົມຄວນກໍຕາມ, ກະຊວງແຮງງານ ແລະ ສະຫວັດດີການສັງຄົມ ໄດ້ເອົາໃຈໃສ່ຊີ້ນໍາຂະແໜງການສາຍຕັ້ງ ປະຕິບັດບັນດາຄາດໝາຍທີ່ກຳນົດໃນມະຕິກອງປະຊຸມ ສະບັບເລກທີ 12/ສພຊ ພ້ອມທັງໄດ້ຕັ້ງໜ້າຈັດຕັ້ງຜັນຂະຫຍາຍທິດຊີ້ນຳ ກົມການເມືອງສູນ ກາງພັກ, ຄຳແນະນຳ ຂອງບັນດາສະມາຊິກສະພາແຫ່ງຊາດ ໃນກອງປະຊຸມສະໄໝວິສາມັນ ເທື່ອທີ 1 ແລະ ການຊີ້ນຳໂດຍກົງຂອງລັດຖະບານ ໂດຍໄດ້ສ້າງກົນໄກຕິດຕາມການເຄື່ອນໄຫວ ແລະ ຄວາມຕ້ອງການຂອງຕະຫລາດແຮງງານລາວ ທີ່ຢາກມີວຽກເຮັດງານທຳ ແລະ ຢາກຝືກວິຊາຊີບຕ່າງໆ ເຊັ່ນ: ອອກແຈ້ງການໃຫ້ພະແນກ ຮສສ ສົມທົບກັບອົງການປົກຄອງທ້ອງຖິ່ນທຸກຂັ້ນ ເພື່ອເກັບກຳຂໍ້ມູນແຮງ ງານດັ່ງກ່າວ, ໄດ້ສ້າງສູນບໍລິການຂໍ້ມູນເພື່ອຊ່ວຍເຫລືອແຮງງານ (Call Center), ສ້າງລະບົບໂຄສະນາ ແລະ ຂຶ້ນທະບຽນທາງອອນລາຍເຊັ່ນ: ເວບໄຊ, Facebook, Line, Whatsapp ເພື່ອເກັບກໍາຈໍານວນ ແລະ ຊ່ວຍເຫລືອໃນການຈັດຫາວຽກເຮັດງານທຳ ໃຫ້ແກ່ແຮງງານທັງພາຍໃນ ແລະ ແຮງງານທີ່ກັບຈາກຕ່າງປະເທດ.

ຜ່ານການປະຕິ ບັດຕົວຈິງ ໃນ 9 ເດືອນຕົ້ນປີ 2021 ສາມາດເກັບກຳຕຳແໜ່ງງານວ່າງໄດ້ທັງໝົດ 25.254 ຕໍາ ແໜ່ງ ແລະ ສາມາດຈັດຫາວຽກເຮັດງານທຳໄດ້ 7.167 ຄົນ, ຍິງ 3.120 ຄົນ.

ອີງໃສ່ການປະສານງານຢ່າງໃກ້ຊິດກັບອົງການ 3 ຝ່າຍ, ເຂດເສດຖະກິດພິເສດ, ເຂດເສດຖະ ກິດສະເພາະ, ໂຄງການລົງທຶນທັງພາຍໃນ ແລະ ຕ່າງປະ ເທດ ແລະ ຫົວໜ່ວຍແຮງງານ ເຊິ່ງການລາຍງານເບື້ອງຕົ້ນ ຂອງສູນບໍລິການຂໍ້ມູນເພື່ອຊ່ວຍເຫລືອແຮງງານ ໃນເດືອນຕຸລາ 2021 ຜ່ານມານີ້ ສາມາດເກັບກຳຈຳນວນແຮງງານເຂົ້າສູ່ຕຳແໜ່ງໄດ້ຕື່ມຈຳນວນ 11.461 ຄົນ, ຍິງ 1.821 ຄົນ, ຄາດວ່າຈະສາມາດສະໜອງແຮງງານເຂົ້າສູ່ຕຳແໜ່ງງານໄດ້ທັງໝົດ 18.628 ຄົນ, ຍິງ 4.941 ຄົນ. ພ້ອມກັນນັ້ນ, ກໍເຫັນວ່າ ຍັງມີຕໍາແໜ່ງງານວ່າງຢ່າງໜ້ອຍ 6.626 ຕໍາແໜ່ງ ທີ່ພ້ອມຈະຮັບເອົາແຮງງານເຂົ້າເຮັດວຽກນຳ.

ແຫຼ່ງຂ່າວ: ຂປລ

ເຮັງຕົ້ນເດືອນແທ້ໆ ແຕກ 1,200,000,000 ກີບ ຈາກແອັບ SokxayPlus

ຂ່າວພາຍໃນ

ໂທລະໂຄ່ງ THOLAKHONG

-

November 4, 2021

0

ແຕກ 1,200,000,000 ກີບຈາກແອັບ SokxayPlus

ວັນທີ 3 ພະຈິກ 2021 ທີ່ຜ່ານມາ, ນະຄອນຫຼວງວຽງຈັນ ມີຜູ້ໂຊກດີຈາກຫວຍທັນສະໄໜໂຊກໄຊສາຂາ4 ຈຳນວນ 2 ທ່ານ ຄື:

ຜູ້ທີ 1 Saipanhya Sisouphanh ຢູ່ບ້ານສາລາຄຳເໜືອ ເມືອງຫາດຊາຍຟອງ ນະຄອນຫຼວງວຽງຈັນ ຖືກຫວຍ 6 ໂຕ 2000 ກີບ ມູນຄ່າ 800,000,000 ກີບ;

ຜູ້ທີ 2 Vanlla Soukkaseum ຢູ່ບ້ານຊຽງດາ ເມືອງໄຊເສດຖາ ນະຄອນຫຼວງວຽງຈັນ ຖືກຫວຍ 6 ໂຕ 1000 ກີບ ມູນຄ່າ 400,000,000 ກີບ

ເຊີ່ງຫຼັງຈາກເລກອອກທີມງານ ກໍໄດ້ຕິດຕໍ່ຫາທັນທີ ເຊິ່ງ Saipanhya Sisouphanh ແມ່ນກຳລັງຈະເຂົ້ານອນ ແລະ Vanlla Soukkaseum ແມ່ນບໍ່ຮູ້ໂຕວ່າໂຕເອງຖືກເລກດ້ວຍຊໍ້າ ເຊິ່ງການຖືກເລກດັ່ງກ່າວແມ່ນຈາກການສຸ່ມຊື້ເລກໃນແອັບ SokxayPlus ເຊິ່ງພາຍໃນ 2 ຊົ່ວໂມງເງິນກໍໂອນເຂົ້າບັນຊີອັດໂຕໂນມັດເລີຍ ສະດວກສະບາຍບໍ່ຕ້ອງໄປແອອັດຂື້ນເງິນ.

ດັ່ງສະໂລແກນຂອງແອັບ SokxayPlus ປ່ຽນຊີວິດໃຫ້ງ່າຍຂື້ນ ເຊິ່ງທ່ານສາມາດດາວໂຫຼດແອັບໄດ້ທີ່ ລະບົບ IOS ແລະ Andriod.

📱ລະບົບ IOS: https://apps.apple.com/vn/app/sokxayallplus/id1587092986

📱 ລະບົບ Andriod: https://play.google.com/store/apps/details?id=app.sokxayall.plus

ພິທີເປີດນໍາໃຊ້ຂົວນໍ້າພະນາຍ 3 ບ້ານເກິນກາງ ເມືອງທຸລະຄົມ ແຂວງວຽງຈັນ

ໂທລະໂຄ່ງ THOLAKHONG

-

November 4, 2021

0

ພິທີເປີດນໍາໃຊ້ຂົວນໍ້າພະນາຍ 3 ບ້ານເກິນກາງ ເມືອງທຸລະຄົມແຂວງວຽງຈັນ

ໃນວັນທີ 3 ພະຈິກ 2021 ນີ້, ອົງການປົກຄອງເມືອງທຸລະຄົມ ແຂວງວຽງຈັນໄດ້ຈັດພິທີເປີດນໍາໃຊ້ຂົວຂ້າມນໍ້າພະນາຍ 3, ໂດຍການເຂົ້າຮ່ວມຂອງ ທ່ານ ນາງ ຈັນທະບູນ ໂພສາລາດ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງວຽງຈັນ, ທັງເປັນຜູ້ຊີ້ນໍາວຽກງານຮອບ ດ້ານປະຈໍາເມືອງທຸລະຄົມ ແລະ ທ່ານ ນາງ ວົງເດືອນ ວັດຕະໂສ ກໍາມະການພັກແຂວງ, ເລຂາພັກເມືອງ, ເຈົ້າເມືອງທຸລະ ຄົມ, ມີທ່ານຮອງເຈົ້າເມືອງ, ພ້ອມບັນດາການນໍາຂອງເມືອງ, ຫົວໜ້າຫ້ອງການກ່ຽວຂ້ອງ, ນັກທຸລະກິດ, ບໍລິສັດ ຟ້າໃສ ການຊ່າງ, ກໍ່ສ້າງຂົວທາງ ແລະ ເຄຫາສະຖານ ຈໍາກັດ, ອົງການຈັດຕັ້ງບ້ານເຂດເທດສະບານເມືອງ ແລະ ພໍ່ແມ່ປະຊາຊົນເຂົ້າຮ່ວມຈໍານວນໜຶ່ງ.

ໃນບົດຄໍາເຫັນກ່າວເປີດນໍາໃຊ້ຂົວ ຂອງ ທ່ານ ນາງ ວົງເດືອນ ວັດຕະໂສ ເຈົ້າເມືອງໆທຸລະຄົມ ກ່າວວ່າ: ພິທີ ເປີດການນໍາໃຊ້ຂົວນໍ້າພະນາຍ 3 ທີ່ບ້ານເກິນກາງ ເມືອງທຸລະຄົມ, ໄດ້ເລີ່ມລົງມືກໍ່ສ້າງໄລຍະທ້າຍເດືອນກັນຍາ ແລະ ສໍາເລັດໃນທ້າຍເດືອນຕຸລາ 2021 ລວມໄລຍະເວລາກໍ່ສ້າງ 1 ເດືອນ, ຮັບເໝົາໂດຍ ບໍລິສັດ ຟ້າໃສ ການຊ່າງ, ກໍ່ສ້າງຂົວທາງ ແລະ ເຄຫາສະຖານ ຈໍາກັດ ໃນມູນຄ່າ 120.000.000 ກີບ , ຂະໜາດຂອງຂົວ ຄວາມຍາວ 33 ແມັດ, ກວ້າງ 4 ແມັດ, ອະນຸຍາດນໍາໃຊ້ສະເພາະລົດເບົາ ຮັບນໍ້າໜັກບໍ່ເກີນ 8 ໂຕ່ນ, ຈໍາກັດລວງສູງທີ່ເໝາະສົມ, ດ້ວຍຮາວເຫຼັກກັ້ນ 3 ຈຸດ, ມີຮາວເຫຼັກຂອບຂົວທັງສອງຟາກ ກໍ່ສ້າງຕາມແລວຂົວເກົ່າທີ່ເຄີຍມີມາໃນແຕ່ກ່ອນ.

ຂົວນໍ້າພະນາຍ 3 ກໍ່ສ້າງສໍາເລັດ ແລະ ເປີດນໍາໃຊ້ແລ້ວ ແຕ່ສິ່ງທີ່ຂ້າພະເຈົ້າມີຄວາມເປັນຫ່ວງທີ່ສຸດກໍ່ຄືການປົກປັກຮັກສາ ແລະ ການຄຸ້ມຄອງນໍາໃຊ້ ເພື່ອໃຫ້ຂົວແຫ່ງນີ້ເກີດຜົນປະໂຫຍດແກ່ທຸກທ່ານ, ມີອາຍຸການໃຊ້ງານໄດ້ຍາວນານ ແລະ ເປັນຂົວອະນຸລັກຄູ່ບ້ານເມືອງຕາມການເວລາ, ຈຶ່ງຂໍຮຽກຮ້ອງໃຫ້ຂະແໜງການກ່ຽວຂ້ອງ, ປະຊາຊົນທຸກຊັ້ນຄົນ ຈົ່ງມີສ່ວນຮ່ວມໃນການຊົມໃຊ້, ການບູລະນະສ້ອມແປງຖ້າຫາກມີການເປ່ເພໃນອະນາຄົດ, ໂດຍບໍ່ໃຫ້ເປັນຄວາມຮັບຜິດຊອບຂອງພາກສ່ວນໃດໜຶ່ງ ເພື່ອຜົນປະໂຫຍດສ່ວນລວມຂອງທຸກໆຄົນ;

ກະຊວງການເງິນ ຊີ້ແຈງ ການອອກຫວຍ 3 ຄັ້ງຕໍ່ອາທິດ ເພື່ອສ້າງວຽກເຮັດງານ ທຳແກ່ສັງຄົມ

ຂ່າວພາຍໃນ

ໂທລະໂຄ່ງ THOLAKHONG

-

November 4, 2021

0

ກະຊວງການເງິນ ຊີ້ແຈງ ການອອກຫວຍ 3 ຄັ້ງຕໍ່ອາທິດ ເພື່ອສ້າງວຽກເຮັດງານ ທຳແກ່ສັງຄົມ

ທ່ານ ບຸນໂຈມ ອຸບົນປະເສີດ ລັດຖະ ມົນ ຕີກະຊວງການເງິນ ໄດ້ຊີ້ແຈງຕໍ່ຄຳຊັກຖາມຂອງສະມາຊິກສະພາແຫ່ງ ຊາດ (ສສຊ) ກ່ຽວກັບບັນຫາ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 10 ເດືອນ, ຄາດຄະເນໝົດປີ 2021 ແລະ ທິດທາງແຜນງົບປະມານປີ 2022 ໃນວາລະດຳເນີນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ IX ຜ່ານລະບົບທາງໄກ ໃນຕອນບ່າຍຂອງວັນທີ 3 ພະຈິກ 2021, ນີ້ວ່າ: ບັນຫາການອອກຫວຍພັດທະນາລາວ ໃນປີ 2016 ຜ່ານມາ ແມ່ນ 3 ຄັ້ງຕໍ່ອາທິດ (ວັນຈັນ, ພຸດ, ສຸກ) ເຊິ່ງໃນເວລານັ້ນມີຕົວແທນຂາຍຫວຍ (ຜູ້ທີ່ຂາຍຢູ່ແຄມທາງ) ໃນທົ່ວປະເທດມີປະມານ 15.000 -20.000 ຄົນ ແລະ ມີ 50 ຕົວແທນຈໍາໜ່າຍ (ແມ່ຫວຍ) ເຮັດໃຫ້ພັນທະງົບປະມານໄດ້ສະເລ່ຍປະມານ 80 ຕື້ກີບ.

ຕໍ່ມາກໍໄດ້ມີຫາງສຽງຈາກສັງຄົມ ວ່າມັນເປັນການສ້າງຄວາມເບື່ອເມົາ ແລະ ຕິດການສ່ຽງໂຊກລາບຂອງພໍ່ແມ່ປະຊາຊົນຫລາຍເກີນໄປ ເພື່ອແກ້ໄຂບັນຫາດັ່ງກ່າວ ໃນປີ 2018 ລັດຖະບານໄດ້ຢຸດການອອກຫວຍ 3 ຄັ້ງຕໍ່ອາທິດ ມາເປັນອາທິດລະຄັ້ງ ພ້ອມທັງລົບລ້າງຫວຍຂູດ ເຮັດໃຫ້ພວກເຮົາສູນເສຍລາຍຮັບຈາກ 80 ຕື້ ເຫລືອ 40 ຕື້ກີບ, ໃນຂະນະດຽວກັນ, ຊ້ຳພັດມີຫວຍເຖື່ອນເຂົ້າມາແທນທີ່ ເຮັດໃຫ້ລັດເຮົາສູນເສຍລາຍຮັບໄປ ປະມານ 60% ຂອງຈໍານວນທີ່ເຮົາເຄີຍໄດ້ຈໍາໜ່າຍຜ່ານມາ ໂດຍທີ່ລັດບໍ່ໄດ້ຫຍັງ.

ຍົກຕົວຢ່າງຄື ຫວຍໄທ ແມ່ນອອກເດືອນໜຶ່ງສອງຄັ້ງ (ວັນທີ 1 ແລະ ວັນທີ 16), ຫວຍຫວຽດນາມ ອອກ 4 ຄັ້ງຕໍ່ມື້ ທີ່ໄດ້ແຜ່ກະຈາຍຫລາຍໃນສັງຄົມລາວ.

ສ່ວນຫວຍກຳປູເຈຍພວມເຂົ້າມາແຜ່ລາມໃນສັງຄົມລາວ ເຊິ່ງຖ່າຍທອດສົດທຸກມື້ ອອກ 3 ຄັ້ງຕໍ່ມື້, ຫວຍຈີນອອກມື້ລະຄັ້ງ, ຫວຍອອນລາຍ ມີ 3 ຫວຍທີ່ພວກເຮົາຍັງບໍ່ສາມາດເຂົ້າຫາຂໍ້ມູນໄດ້ ໂດຍມີເງິນສະສົມລາງວັນ 800 ລ້ານກີບ ເຊິ່ງບໍ່ແມ່ນຫວຍຂອງລັດຖະບານ ແຕ່ແມ່ນຫວຍເຖື່ອນ (ຫວຍອອນລາຍເຖື່ອນ) ທີ່ປະກາດໂຄສະນາຢູ່ໃນເຟສບຸກ.

ສ່ວນຫວຍມາເລເຊຍ ອອກ 25 ຄັ້ງຕໍ່ມື້ ອອກອອນລາຍທຸກໆ 30 ນາທີ ເຊິ່ງບັນຫາຂອງຫວຍເຖື່ອນນີ້ ໄດ້ເຮັດໃຫ້ເກີດມີບັນຫາຂອງສັງຄົມຂຶ້ນ ໂດຍສະເພາະຖືກຫວຍແລ້ວແຕ່ບໍ່ໄດ້ເງິນ ພ້ອມກັນນີ້ ບັນດາແມ່ຫວຍເຖື່ອນ ກໍບໍ່ໄດ້ປະກອບສ່ວນພັນທະຫຍັງ ໃຫ້ແກ່ປະເທດຊາດຂອງເຮົາ.

ສະນັ້ນ, ພວກເຮົາຈິ່ງໄດ້ຄົ້ນຄວ້າຄືນວ່າ ຄວາມຕ້ອງການສ່ຽງໂຊກຂອງປະຊາຊົນ ແມ່ນຍັງມີຢູ່ຫລາຍ, ລັດຖະ ບານຈຶ່ງໄດ້ຕົກລົງກັນຄືນໃໝ່ ໃນປີ 2020 ແມ່ນໄດ້ອອກຫວຍ 2 ຄັ້ງຕໍ່ອາທິດ ເຮັດໃຫ້ຕົວແທນຈຳໜ່າຍເລີ່ມກັບມາມີວຽກເຮັດອີກຄັ້ງ ແລະ ລັດເຮົາກໍໄດ້ຮັບລາຍຮັບເພີ່ມຂຶ້ນຕື່ມປະມານ 70 ຕື້ກີບຕໍ່ປີ.

ມາຮອດປັດຈຸບັນ ຕົວແທນ ຫລື ຜູ້ທີ່ເຄີຍຂາຍຫວຍ ນອກຈາກໄດ້ມີວຽກເຮັດງານທຳແລ້ວ ຍັງສ້າງລາຍຮັບແກ່ເຂົາເຈົ້າຕື່ມອີກ.

ດ້ວຍເຫດຜົນນີ້, ລັດຈຶ່ງໄດ້ຕົກລົງທົດລອງອອກຄືນໃນ 3 ຄັ້ງຕໍ່ອາທິດ ເພື່ອຈະໄດ້ແກ້ໄຂ ແລະ ທັງເປັນການສົ່ງເສີມບັນຫາການສ້າງວຽກເຮັດງານທຳໃຫ້ແກ່ຜູ້ວ່າງງານຢູ່ໃນສັງຄົມເຮົາ ໂດຍສະເພາະ ຄົນເສຍອົງຄະ, ຄົນພິການ ແລະ ຜູ້ດ້ອຍໂອກາດ ໃຫ້ເຂົ້າສູ່ການເປັນຕົວແທນການຈຳໜ່າຍຫວຍ, ເຊິ່ງຄາດວ່າຈະສ້າງລາຍຮັບເຂົ້າງົບປະມານ ຢູ່ປະມານ 80-120 ຕື້ກີບ.

ນອກຈາກນີ້ ຍັງຈະປະກອບສ່ວນຊ່ວຍເຫລືອສັງຄົມຫລາຍຕື້ເຊັ່ນດຽວກັນ.

ຕົວຢ່າງ ໃນປີ 2016 ພວກເຮົາໄດ້ຈ່າຍເງິນຄ່າເປີເຊັນຂາຍ ປະມານ 200 ກວ່າຕື້ກີບ ໃນຈຳນວນ 15.000-20.000 ຄົນ, ມາຮອດປີນີ້ແມ່ນຈະເລັ່ງໃສ່ ສູນເສຍອົງຄະ, ຜູ້ພິການ ແລະ ຜູ້ດ້ອຍໂອກາດ ໃຫ້ເຂົ້າມາເປັນຕົວແທນຈຳໜ່າຍ.

ຂ່າວ: ມະນີທອນ, ພາບ: ເກດສະໜາ

ລາຍລະອຽດຜູ້ເສຍຊີວິດໃໝ່ ແລະຜູ້ຕິດເຊື້ອໃໝ່ ວັນທີ 4 ພະຈິກ 2021

ໂທລະໂຄ່ງ THOLAKHONG

-

November 4, 2021

0

ລາຍລະອຽດຜູ້ເສຍຊີວິດໃໝ່ ແລະຜູ້ຕິດເຊື້ອໃໝ່ ວັນທີ 4 ພະຈິກ 2021

ຕາມການລາຍງານຂອງຄະນະສະເພາະກິດ ປະຈຳວັນທີ 4 ພະຈິກ 2021 ໃຫ້ຮູ້ວ່າ: ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 7,179 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 1,170 ຄົນ (ຕິດເຊື້ອພາຍໃນ ມີ 1.165 ຄົນ ແລະ ຕິດເຊື້ອນໍາເຂົ້າ05 ຄົນ).

ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 1,165 ຄົນ ຈາກ 13 ແຂວງ ເຊິ່ງລາຍລະອຽດ ດັ່ງນີ້:

1.ນະຄອນຫຼວງ 589 ຄົນ: ມາຈາກ 194 ບ້ານ, ໃນ 9 ເມືອງ

ເມືອງຈັນທະບູລີ ມີ 59 ຄົນ 26 ບ້ານ
ເມືອງສີໂຄດ ມີ 124 ຄົນ 41 ບ້ານ
ເມືອງໄຊເສດຖາ ມີ 115 ຄົນ 33 ບ້ານ
ສີສັດຕະນາກ ມີ 80 ຄົນ 19 ບ້ານ
ເມືອງນາຊາຍທອງ ມີ 28 ຄົນ 13 ບ້ານ
ເມືອງໄຊາທານີ ມີ 135 ຄົນ 45 ບ້ານ
ເມືອງຫາດຊາຍຟອງ ມີ 42 ຄົນ 16 ບ້ານ
ເມືອງປາກງື່ມ ມີ 5 ຄົນ 2 ບ້ານ
ເມືອງສັງທອງ ມີ 1 ຄົນ 1 ບ້ານ

– ຕ່າງແຂວງ 2 ຄົນ

2.ຫຼວງພະບາງ: 109 ຄົນ ມາຈາກ 38 ບ້ານ, ໃນ 8 ເມືອງ

3.ບໍ່ແກ້ວ: 18 ຄົນ ມາຈາກ 12 ບ້ານ, ໃນ 2 ເມືອງ

4.ອຸດົມໄຊ: 46 ຄົນ ມາຈາກ 18 ບ້ານ, ໃນ 2 ເມືອງ

5.ຫຼວງນໍ້າທາ: 154 ຄົນ ມາຈາກ 38 ບ້ານ, ໃນ 3 ເມືອງ

6.ແຂວງວຽງຈັນ: 167 ຄົນ ມາຈາກ 43 ບ້ານ, ໃນ 8 ເມືອງ

7.ບໍລິຄຳໄຊ: 2 ຄົນ ມາຈາກ 2 ບ້ານ, ໃນ 2 ເມືອງ

8.ຜົ້ງສາລີ: 1 ຄົນ (ບໍ່ຮູ້ແຫຼ່ງທີ່ມາຂອງການຕິດເຊື້ອ)

9.ໄຊຍະບູລີ 1 ຄົນ ມາຈາກ 1ບ້ານ, ໃນ 1 ເມືອງ

10.ໄຊສົມບູນ: 5 ຄົນ ມາຈາກ 1 ບ້ານ, ໃນ 1 ເມືອງ

11.ຄໍາມ່ວນ: 15 ຄົນ ມາຈາກ 7 ບ້ານ, ໃນ 2 ເມືອງ

12.ສາລະວັນ: 7 ຄົນ ມາຈາກ 4 ບ້ານ, ໃນ 2 ເມືອງ

13.ສະຫວັນນະເຂດ 5 ຄົນ ມາຈາກ 2 ບ້ານ, ໃນ 2 ເມືອງ

14.ຈໍາປາສັກ: 27 ຄົນ ມາຈາກ 16 ບ້ານ, ໃນ 4 ເມືອງ

15.ເຊກອງ: 19 ຄົນ ມາຈາກ 10 ບ້ານ, ໃນ 2 ເມືອງ

ສ່ວນການຕິດເຊືື້ອຂອງຜູ້ທີ່ເດີນທາງເຂົ້າປະເທດມີຈໍານວນ 05 ຄົນ: ນະຄອນຫຼວງ 2 ຄົນ, ສາລະວັນ 1 ຄົນ ແລະ ໄຊຍະບູລີ 2 ຄົນ, ທັງໝົດແມ່ນຖືກເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

ມາຮອດວັນທີ 04 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 44.061 ຄົນ, ເສຍຊີວິດສະສົມ 76 ຄົນ (ໃໝ່ 03), ປິ່ນປົວຫາຍດີ ແລະ ກັບບ້ານໃນມື້ວານ ມີ 532 ຄົນ, ກໍາລັງປິ່ນປົວ 7.699 ຄົນ.

ລາຍລະອຽດຜູ້ເສຍຊີວິດໃໝ່ 03 ຄົນ ມີດັ່ງນີ້:

ຜູ້ທີ 1 : ເພດຊາຍ, ອາຍຸ 67 ປີ, ບ້ານໂພນຫີນ, ເມືອງນານ, ແຂວງຫລວງພະບາງ

ພະຍາດປະຈໍາຕົວ: ໄຂ່ຫຼັງຊຸດໂຊມຂັ້ນສຸດທ້າຍ ແລະ ຄວາມດັນເລືອດສູງ
ຜ່ານມາບໍ່ໄດ້ຮັບການສັກຢາວັກຊີນກັນໂຄວິດ-19
ວັນທີ 22 ຕຸລາ 2021: ໄດ້ເຂົ້າມາກວດ ຢູ່ໂຮງໝໍແຂວງ ດ້ວຍອາການໄອ, ຫາຍໃຈຝຶດ ແລະ ນອນພຽງບໍ່ໄດ້ ພ້ອມທັງ ໄດ້ເກັບຕົວຢ່າງມາກວດຊອກຫາພະຍາດໂຄວິດ-19 ແລະ ຜົນກວດແມ່ນພົບເຊື້ອ
ໄລຍະນອນປີ່ນປົວຢູ່ໂຮງໝໍດັ່ງກ່າວ ແຕ່ວັນທີ 22 ຕຸລາ 2021 – 02 ພະຈິກ 2021, ເປັນເວລາ 12 ວັນ
ມາຮອດເວລາ 13:40 ໂມງ ຂອງວັນທີ 02 ພະຈິກ 2021: ຄົນເຈັບໄດ້ເສຍຊີວິດ

ຜູ້ທີ 2: ເພດຊາຍ, ອາຍຸ 59 ປີ, ອາຊີບ: ກຳມະກອນ, ບ້ານຫ້ວຍຫົງ, ເມືອງໄຊທານີ, ນະຄອນຫລວງວຽງຈັນ

ພະຍາດປະຈຳຕົວ: ປະດົງຄໍ່
ຜ່ານມາໄດ້ສັກຢາວັກຊີນຄົບ
ວັນທີ 14 ຕຸລາ 2021: ກວດຕົວຢ່າງຊອກຫາເຊື້ອພະຍາດໂຄວິດ-19
ວັນທີ 15 ຕຸລາ 2021: ຜົນກວດພົບເຊື້ອ ນຳສົ່ງໄປປິ່ນປົວຢູ່ພາກສະຫມາມ ມຊ
ວັນທີ 21 ຕຸລາ 2021: ມີອາການເຈັບເອິກ, ໄອຫລາຍ ຈຶ່ງໄດ້ນຳສົ່ງມາປິ່ນປົວຢູ່ໂຮງຫມໍມິດຕະພາບ ໃນມື້ດຽວກັນນັ້ນ
ໄລຍະທີ່ນອນປິ່ນປົວຢູ່ໂຮງໝໍແມ່ນແຕ່ວັນທີ 21 ຕຸລາ 2021-03 ພະຈິກ 2021.
ຮອດເວລາ ~05:30 ໂມງຂອງວັນທີ 03 ພະຈິກ 2021: ຜູ້ກ່ຽວໄດ້ເສຍຊີວິດ.

ຜູ້ທີ 3: ເພດຍິງ, ອາຍຸ 29 ປີ, ອາຊີບ:ກຳມະກອນ, ບ້ານາມົນ, ເມືອງໄຊທານີ, ນະຄອນຫລວງວຽງຈັນ

ພະຍາດປະຈຳໂຕ: ເບົາຫວານ
ຜ່ານມາໄດ້ສັກຢາວັກຊີນຄົບ
ວັນທີ 30 ຕຸລາ 2021: ມີອາການວິນຫົວ, ຫາຍໃຈຝືດ ແລະ ກະວົນກະວາຍ
ວັນທີ 02 ພະຈິກ 2021: ກວດຕົວຢ່າງຊອກຫາພະຍາດໂຄວິດ-19 ແລະ ໃນມື້ດຽວກັນ ຜົນກວດ ອອກມາພົບເຊື້ອ ແລະ ໄດ້ເຂົ້ານອນປີ່ນປົວຢູ່ໂຮງໝໍມິດຕະພາບ
ໄລຍະທີ່ນອນປິ່ນປົວຢູ່ໂຮງໝໍແມ່ນແຕ່ວັນທີ 2 – 3 ພະຈິກ 2021
ຮອດເວລາ 08:40 ຂອງວັນທີ 3 ພະຈິກ 2021: ຄົນເຈັບໄດ້ເສຍຊີວິດ