ຕາມການລາຍງານ ຂອງຜູ້ເສຍຊີວິດໃໝ່ ລາຍງານໂດຍຄະນະສະເພາະກິດປະຈຳວັນທີ 9 ກັນຍາ 2021 ມີດັ່ງນີ້:

ຜູ້ທີ 1: ເພດຊາຍ, ອາຍຸ 80 ປີ, ບ້ານໂພນສະຫວັນ, ເມືອງນາຊາຍທອງ, ນະຄອນຫຼວງວຽງຈັນ,​ ມີພະຍາດປະຈຳໂຕ ຄື ຄວາມດັນເລືອດສູງ ແລະ ເປັນອຳມະພາດ.

• ຜ່ານມາບໍ່ໄດ້ຮັບການສັກວັກຊີນກັນພະຍາດໂຄວິດ-19 (ລູກຊາຍ ແລະ ລູກໄພ້ ຕິດເຊື້ອ).
• ວັນທີ 1 ຕຸລາ 2021 ຜູ້ກ່ຽວມີອາການໄອ ແລະ ຫາຍໃຈຝຶດ, ວັນທີ 6 ຕຸລາ 2021​ ຜູ້ກ່ຽວ ພ້ອມດ້ວຍພັນລະຍາ ຈຶ່ງໄດ້ໄປເກັບຕົວຢ່າງກວດ ແລະ ຜົນກວດພົບເຊື້ອໃນວັນທີ 8 ຕຸລາ 2021 ໃນມື້ດຽວກັນ ທີມງານໄດ້ໂທແຈ້ງຜົນກວດ ແລະ ປະສານພົວພັນລົດ ແຕ່ຄົນເຈັບໄດ້ເສຍຊີວິດລົງຢູ່ບ້ານ ໃນເວລາ 16:00 ໂມງ.

ຜູ້ທີ 2: ເພດຊາຍ, ອາຍຸ 58 ປີ, ອາຊີບ: ຂາຍດິນບ໋ອກເຮັດເສົາ, ບ້ານທ່າແຂກ, ເມືອງຫາດຊາຍຟອງ,​ ນະຄອນຫຼວງວຽງຈັນ,​ ມີພະຍາດປະຈຳໂຕ: ໄຂ່ຫຼັງຊຸດໂຊມ. ຜ່ານມາບໍ່ໄດ້ຮັບການສັກວັກຊີນກັນພະຍາດໂຄວິດ-19 (ພັນລະຍາຕິດເຊື້ອ).

• ວັນທີ 8 ຕຸລາ 2021: ຜູ້ກ່ຽວໄດ້ໄປຟອກໄຂ່ຫຼັງໃນຕອນທ່ຽງ ພາຍຫຼັງຟອກແລ້ວ ໃນເວລາ 16:00 ໂມງ ມີອາການເມື່ອຍ ແລະ ງ້ວງຊືມເວລາ 18:00 ໂມງ ມາກວດຢູ່ໂຮງໝໍມີດຕະພາບ (ຄົນເຈັບບໍ່ໄດ້ສະຕິ) ເວລາ 19:00​ ໂມງ ເກັບຕົວຢ່າງກວດຫາເຊື້ອ ແລະ ຜົນກວດພົບເຊື້ອໂຄວິດ-19 ເວລາ 20:00 ໂມງ ຜູ້ກ່ຽວເສຍຊີວິດ

ເມືອງນອງ ແຂວງສະຫວັນນະເຂດ ເຝົ້າລະວັງນ້ຳຖ້ວມໃນເຂດລຽບຝັ່ງແມ່ນ້ຳເຊລະນອງ ແລະ ເຂດພື້ນທີ່ຕ່ຳເນື່ອງຈາກມີຝົນຕົກຕິດຕໍ່ກັນເປັນເວລາຫຼາຍວັນເລີ່ມແຕ່ວັນທີ 4 ຕຸລາ 2021 ເປັນຕົ້ນມາ ເມືອງນອງແຂວງສະຫວັນນະເຂດໄດ້ມີຝົນຕົກໃນລະດັບປານກາງ ຈົນມາຮອດຄືນວັນທີ 6 ຕຸລາ 2021ຝົນໄດ້ຕົກລິນຕະຫຼອດທັງກາງເວັນ ແລະກາງຄືນຕິດຕໍ່ກັນ, ມີຄ່ອຍຫາແຮງ ເຮັດໃຫ້ສາຍນ້ຳຫ້ວຍ, ຮ່ອງຄອງບຶງ ແລະສາຍນ້ຳນ້ອຍໃຫ່ຍໄຫຼໂຮມໂຕເຂົ້າຫາກັນກໍ່ໃຫ້ເກີດມີນ້ຳຖ້ວມອັ່ງ, ນ້ຳຖ້ວມຂັງເປັນຕົ້ນແມ່ນ: ສາຍນ້ຳເຊລະນອງມີການຍື່ງໂຕຂຶ້ນຮອດແຄມຕາຝັ່ງເຊ ແລະ ຢູ່ໃນລະດັບວັງໄພແລ້ວ.

ດັ່ງນັ້ນ:ຈຶ່ງແຈ້ງເຕືອນ ປະຊາ ຊົນຊາວບ້ານນ້ອງວິໄລ ຫຼືບ້ານທີ່ຢູ່ຕິດແຄມເຊລະນອງ ໃນເຂດພື້ນທີ່ຕ່ຳຈົ່ງມີສະຕິລະວັງຕົວຂຶ້ນຕື່ມໃນການໄປມາ ໂດຍສະເພາະປະຊາຊົນທີ່ມີໄຮ່ນາ, ຮົ້ວສວນຢູ່ພາກເຊລະນອງ ໃຫ້ຢຸດຕິການໄປມາ ແລະ ຂົນສັດລ້ຽງ, ສິ່ງຂອງຈຳເປັນໄປໄວ້ບ່ອນທີ່ສູງ ແລະ ປອດໄພ ເພື່ອລີກລ່ຽງຄວາມເສຍຫາຍທີ່ຈະເກີດຂຶ້ນ, ຖ້າຫາກວ່າຝົນຍັງສືບຕໍ່ຕົກລິນຈົນຮອດວັນທີ 11 ຕຸລາ2021ນີ້ຄາດວ່າເນື້ອທີ່ທຳການຜະລິດຂອງພໍ່ແມ່ປະຊາຊົນຊາວເມືອງນອງຈະຖືກຜົນກະທົບຢ່າງໜັກໜ່ວງເປັນຕົ້ນ: ຜົນຜະລິດເຂົ້ານາປີ ແລະເນື້ອທີ່ໄຮ່ສວນລຽບແຄມສາຍເຊລະນອງ.

ຂໍ້ມູນ: Lao National Radio

ລາຍງານວັນທີ 8 ຕຸລາ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 5,484 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 731ຄົນ ( ຕິດເຊື້ອພາຍໃນ = 726 ຄົນ ແລະ ຕິດເຊື້ອນໍາເຂົ້າ 5 ຄົນ ) ຂ້າພະເຈົ້າຂໍລາຍງານໂດຍຫຍໍ້ກ່ຽວກັນຜູ້ຕິດເຊື້ອພາຍໃນ (ຫຼື ຊຸມຊົນ)ໃໝ່ ທັງໝົດມີ 726 ຄົນ ຈາກແຂວງທີ່ມີການຕິດເຊື້ອຫຼາຍຫາ ແຂວງທີ່ມີການຕິດເຊື້ອໜ້ອຍ ດັ່ງນີ້:

1.ນະຄອນຫຼວງ 450 ຄົນ: 

• ເມືອງຈັນທະບູລີ ມີ 5 ບ້ານ (15ຄົນ)
• ເມືອງສີໂຄດຕະບອງ ມີ 10 ບ້ານ (13 ຄົນ)
• ເມືອງໄຊເສດຖາ ມີ 7 ບ້ານ (158 ຄົນ)
• ເມືອງສີສັດຕະນາກມີ 6 ບ້ານ (12 ຄົນ)
• ເມືອງນາຊາທອງ ມີ 8 ບ້ານ (31 ຄົນ)
• ເມືອງໄຊທານີ ມີ 7 ບ້ານ (216 ຄົນ) (ບ. ສາຍນໍ້າເງິນ ໂຮງງານ ເວັນເຈີ 198 ເກັບຕົວຢ່າງຄັ້ງທີ 2
• ເມືອງຫາດຊາຍຟອງ ມີ 3 ບ້ານ ( 5 ຄົນ )

2.ແຂວງ ບໍລິຄຳໄຊ: 65 ຄົນ ຈາກ

• ເມືອງ ປາກກະດິງ ມີ 03 ບ້ານ (55 ຄົນ)
• ເມືອງປາກຊັນ ມີ 04 ບ້ານ (08 ຄົນ)
• ເມືອງວຽງທອງ ມີ 2 ບ້ານ (02 ຄົນ)

3.ຫຼວງພະບາງ 56 ຄົນ ຈາກ:

• ເມືອງງອຍມີ  26 ຄົນ
• ເມືອງນ້ຳບາກ ມີ 13 ຄົນ
• ນະຄອນຫຼວງພະບາງ ມີ 10 ຄົນ
• ເມືອງຈອມເພັດ ມີ 3 ຄົນ
• ເມືອງຊຽງເງີນ ມີ 4 ຄົນ
• ເມືອງນານ ມີ 1 ຄົນ
• ເມືອງປາກແຊງ ມີ 1 ຄົນ

4.ສະຫວັນນະເຂດ 42 ຄົນ ຈາກ:

• ເມືອງອຸທຸມພອນ ມີ 4 ບ້ານ (33 ຄົນ)
• ນະຄອນໄກສອນ ມີ 7 ບ້ານ (8 ຄົນ)
• ເມືອງໄຊບູລີ ມີ 1 ບ້ານ (1 ຄົນ)

5.ແຂວງວຽງຈັນ 42 ຄົນ ຈາກ :

• ເມືອງແກ້ວອຸດົມ 22 ຄົນ
• ເມືອງ ວຽງຄໍາ 9 ຄົນ
• ເມືອງ ວັງວຽງ 8 ຄົນ
• ເມືອງ ໂພນໂຮງ 3 ຄົນ

6.ບໍ່ແກ້ວ 26 ຄົນ ຈາກ:

• ເມືອງ ຕົ້ນເຜີ້ງ 13 ແລະ ເຂດພິເສດ 12 ຄົນ ແລະ ເມືອງຫ້ວຍຊາຍ 1 ຄົນ.

7.ຄໍາມ່ວນ 19 ຄົນ ຈາກ:  

• ກໍາມະກອນຢູ ໂຮງງານລາວຄາຍຢວນ ທີ່ ກັກໂຕຢູ່ ມີ 11 ຄົນ.    
• ກໍາມະກອນຢູ່ ບໍລິສັດສະປີດ ຂົນສົ່ງສາກົນ (ຂົວມິດຕະພາບ 3): ມີ 2 ຄົນ
• ບ້ານນາບົງ ມີ 01 ຄົນ ຈາກ
• ບ້ານເລົ່າໂພໄຊ ມີ 05 ຄົນ

8.ຈໍາປາສັກ 12 ຄົນ:

• ເມືອງບາຈຽງຈະເລີນສຸກ ມີ 10 ຄົນ
• ເມືອງໂພນທອງ ມີ 2 ຄົນ

9.ສາລະວັນ 12 ຄົນ

• ເມືອງສາລະວັນ 12 ຄົນ

10.ໄຊສົມບູນ 2 ຄົນ

• ເມືອງລ່ອງຊານ ມີ 1 ຄົນ
• ເມືອງອານຸວົງ ມີ 1 ຄົນ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 5 ຄົນ ຄື: 3 ຄົນ ຈາກແຂວງຫຼວງພະບາງ ແລະ 2 ຄົນ ຈາກ ສະຫວັນນະເຂດ, ເຊິ່ງທັງໝົດນັ້ນແມ່ນໄດ້ມີການເກັບຕົວຢ່າງແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ ແລະ ເມື່ອຜົນກວດຕົວຢ່າງເປັນບວກພວກກ່ຽວໄດ້ ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້. ມາຮອດວັນທີ 7 ຕຸລາ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 27,607  ຄົນ, ເສຍຊີວິດສະສົມ 24 (1 ໃໝ່), ປິ່ນປົວດີ ແລະ ກັບບ້ານໃນມື້ວານ ມີ 925 ຄົນ, ກໍາລັງປິ່ນປົວ 6.084 ຄົນ.

ອີງຕາມການລາຍງານ ຂອງຄະນະສະເພາະກິດ ປະຈຳວັນທີ 8 ຕຸລາ 2021 ໃຫ້ຮູ້ວ່າ: ສປປ ລາວ ມີ ຜູ້ເສຍຊີວິດໃໝ່ ຈາກໂຄວິດ-19 ເພີ່ມອີກ 1 ຄົນ ເຊິ່ງລາຍລະອຽດຜູ້ເສຍຊີວິດດັ່ງນີ້:

-ເພດຍິງ ອາຍຸ 50 ປີ ບ້ານນາດາວ ເມືອງວັງວຽງ ແຂວງວຽງຈັນ, ຜູ້ກ່ຽວມີປະຫັວດການາສຳຜັດໃກ້ຊິດກັບຜູ້ຕິດເຊື້ອ ຢູ່ບ້ານນາມອນ ເມືອງວັງວຽງ ເຊິ່ງກໍໄດ້ຖະແຫຼງຂ່າວກ່ອນໜ້ານີ້ແລ້ວ.

-ຜູ້ກ່ຽວມີພະຍາດປະຈຳຕົວ ມີເບົາຫວານ, ຄວາມດັນ, ໄຂ່ຫຼັງຊຸກໂຊມ ແລະ ປອດບວມ.

ວັນທີ 2 ຕຸລາ 2021 ຜູ້ກ່ຽວມີອາການອິດເມື່ອຍຫາຍໃຈຍາກ

-ວັນທີ 5 ຕຸລາ 2021 ໄປເກັບຕົວຢ່າງ ແລະ ໄດ້ນອນຕິດຕາມຢູ່ໂຮງໝໍວັງວຽງ ເພື່ອພ້ອມທັງແຍກປ່ຽວ

-ວັນທີ 7 ຕຸລາ ປີ 2021 ຜົນລາຍງານ ຂອງການກວດໂຄວິດ-19 ແມ່ນອອກມາເປັນບວກ ແລະ ອາການຜູ້ກ່ຽວບໍ່ດີຂຶ້ນ ແລະ ສົ່ງໄປປິ່ນປົວຕໍ່ໂຮງໝໍແຂວງ ຫຼັງຈາກນັ້ນຜູ້ກ່ຽວກໍເສຍຊີວິດ

-ມີຜູ້ສຳຜັດໃກ້ຊິດທັງໝົດ 7 ຄົນ ເປັນຄົນໃນຄອບຄົວຜູ້ເສຍຊີວິດ.

ປກສ ແຂວງສະຫວັນນະເຂດ ປະກາດວິໄນນາຍຕຳຫຼວດ ອອກຈາກກຳລັງປ້ອງກັນຄວາມສະຫງົບ 3 ນາຍ

ຕາມການລາຍງານຂອງ ປກສ ແຂວງສະຫວັນນະເຂດ ໃຫ້ຮູ້ວ່າ: ວັນທີ 7 ຕຸລາ 2021 ກອງບັນຊາການ ປກສ ແຂວງສະຫວັນນະເຂດ ໄດ້ ປະກາດວິໄນນາຍຕຳຫຼວດ ທີ່ເຄື່ອນ ໄຫວລະເມີດລະບຽບວິໄນ, ກົດໜາຍວ່າດ້ວຍກຳລັງປ້ອງ ກັນຄວາມສະຫງົບ ອອກຈາກກຳລັງປ້ອງກັນຄວາມສະ ຫງົບ ປກສ ແຂວງສະຫວັນນະເຂດ ໂດຍການເຂົ້າຮ່ວມຂອງທ່ານ ພັອ ສັງທອງ ສີປະເສີດ ຮອງຫົວໜ້າກອງບັນ ຊາການ ປກສ ແຂວງສະຫວັນນະເຂດ, ມີຄະພັກກອງບັນ ຊາການ, ຄະນະຫ້ອງອ້ອມຂ້າງ, ກອງບັນຊາການ ປກສ ນະຄອນໄກສອນພົມວິຫານ ແລະ ພາກສ່ວນກ່ຽວຂ້ອງເຂົ້າຮ່ວມ.

ໃນພິທີ ທ່ານ ພັທ ດາວວອນ ຄົມທິລາດ ຮອງຫົວໜ້າຫ້ອງການເມືອງ ປກສ ແຂວງສະຫວັນນະເຂດ ໄດ້ຂຶ້ນຜ່ານ ຂໍ້ຕົກລົງ ກົມໃຫ່ຍການເມືອງ ປ້ອງກັນຄວາມສະຫງົບ ເລກທີ 3500, 3501 ແລະ 3502/ກມປສ, ລົງວັນທີ 06 ຕຸລາ 2021 ວ່າດ້ວຍການປະຕິບັດວິໄນນາຍຕຳຫຼວດ ເຊິ່ງໃນນີ້ ປະຕິບັດວິໄນ ຮທ ເວີນ ສີດາວົງ, ຮຕ ສິດທິສອນ ໄຊທານີ ໜ້າທີ່ຮັບຜິດຊອບວິຊາການ ສັງກັດຢູ່ຫ້ອງຕຳຫຼວດ ແລະ ຮທ ສີສຸພັນ ທາດາສະຫວັນ ໜ້າທີ່ຮັບຜິດ ຊອບວິຊາການ ສັງກັດຢູ່ຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ຂຶ້ນກັບ ປກສ ແຂວງສະຫວັນນະເຂດ.

ເຫດຜົນ ຍ້ອນການກະທຳຜິດຕໍ່ລະບຽບກົດໝາຍຂອງກຳລັງປ້ອງ ກັນຄວາມສະຫງົບ ພາກທີ V ມາດຕາ 39 ຂໍ້ 01, ຂໍ້ 03 ການເມີນເສີຍບໍ່ປະຕິບັດຕາມມະຕິ ຫຼື ຄຳສັງຂອງຂັ້ນເທິງ ແລະ ລະເມີດຄຳສັ່ງຂອງ ທ່ານນາຍົກລັດຖະມົນຕີສະບັບເລກທີ 15/ນຍ, ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກະ ກຽມຄວາມພ້ອມຮອບດ້ານເພື່ອຕ້ານພະຍາດ COVID- 19 ສະນັ້ນຈື່ງປະຕິບັດວິໄນສະຫາຍທັງສາມນີ້ອອກຈາກກຳລັງ ປ້ອງກັນຄວາມສະຫງົບ ໂດຍບໍ່ໄດ້ຮັບອຸດໜູນນະໂຍບາຍໃດໆ.

ຄຳສັ່ງເຈົ້າເມືອງເຊໂປນ ວ່າດ້ວຍປົດການລັອກດາວ ທຸກໆບ້ານເທດສະບານ, ເມືອງເຊໂປນ, ແຂວງສະຫວັນນະເຂດ ເພື່ອຜ່ອນຜັນມາດຕະການປ້ອງກັນ, ສະກັດກັ້ນຄວບຄຸມ ແລະ ກຽມຄວາມພ້ອມດ້ານເພື່ອຕ້ານການລະບາດພະຍາດໂຄວິດ-19, ເລີ່ມແຕ່ວັນທີ 7 ຫາ 16 ຕຸລາ 2021.

ມະຕິວ່າດ້ວຍການຮັບຮອງ ແລະ ປະກາດໃຊ້ນະໂຍບາຍ ການນໍາໃຊ້ລົດໄຟຟ້າຢູ່ໃນ ສປປ ລາວ

-ອີງຕາມ ກົດຫມາຍວ່າດ້ວຍລັດຖະບານ ສະບັບເລກທີ 04/ສພຊ, ລົງວັນທີ 08 ພະຈິກ 2016; – ອີງຕາມ ມະຕິຂອງກົມການເມືອງສູນກາງພັກ ວ່າດ້ວຍການເພີ່ມທະວີການນໍາພາແກ້ໄຂບັນຫາເສດຖະກິດ-ການເງິນ ແລະ ສ້າງຄວາມເຂັ້ມແຂງ ໃນການຄຸ້ມຄອງມະຫາພາກ ສະບັບເລກທີ057/ດມສພ, ລົງວັນທີ 19 ທັນວາ 2018; – ອີງຕາມ ແຈ້ງການຫ້ອງວ່າການສູນກາງພັກ ສະບັບເລກທີ 35/ຫສພ, ລົງວັນທີ 03 ສິງຫາ 2021ເລື່ອງທິດຊີ້ນໍາຂອງກົມການເມືອງສູນກາງພັກ ກ່ຽວກັບນະໂຍບາຍ ແລະ ທິດທາງຈັດຕັ້ງປະຕິບັດ ການຫັນໄປສູ່ການນໍາໃຊ້ລົດໄຟຟ້າ; ອີງຕາມ ຍຸດທະສາດສົ່ງເສີມການນໍາໃຊ້ພະລັງງານສະອາດ ສໍາລັບຂະແຫນງຄົມມະນາຄົມ-ຂົນສົ່ງ ແຜນພັດທະນາຮອດປີ 2025, ຍຸດທະສາດຮອດປີ 2030 ແລະ ວິໃສທັດ 2050 ທີ່ໄດ້ຮັບຮອງ ແລະ ປະກາດໃຊ້ ຕາມດໍາລັດ ສະບັບເລກທີ 231/ນຍ, ລົງວັນທີ 11 ພຶດສະພາ 2020; ອີງຕາມ ມະຕິຂອງສະພາແຫ່ງຊາດ ວ່າດ້ວຍການຮັບຮອງເອົາວາລະແຫ່ງຊາດ ກ່ຽວກັບການແກ້ໄຂ ຄວາມຫຍຸ້ງຍາກດ້ານເສດຖະກິດ-ການເງິນ ສະບັບເລກທີ 03/ສພຊ, ລົງວັນທີ 10 ສິງຫາ 2021.

່ ລັດຖະບານ ຕົກລົງ:

ມາດຕາ 1ເຫັນດີຮັບຮອງນະໂຍບາຍ ການນໍາໃຊ້ລົດໄຟຟ້າຢູ່ໃນ ສປປ ລາວ ເຊິ່ງມີລາຍລະອຽດລຸ່ມນີ້:

1. 1 ຈຸດປະສົງ ແລະ ລະດັບຄາດຫມາຍເພື່ອຈັດຕັ້ງຜັນຂະຫຍາຍວາລະວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກດ້ານເສດ ຖະກິດ-ການເງິນ ໂດຍສະເພາະມາດຕະການປະຢັດມັດທະຍັດ ແນໃສ່ຫຼຸດຜ່ອນການນໍາເຂົ້າ ນ້ໍາມັນເຊື້ອໄຟຈາກຕ່າງປະເທດ ກໍຄືຫຼຸດຜ່ອນການໄຫຼອອກຂອງເງິນຕາຕ່າງປະເທດ, ຫຼຸດຜ່ອນ ຄ່າໃຊ້ຈ່າຍ ຂອງຜູ້ຊົມໃຊ້ຍານພາຫະນະ ຫຼຸດຜ່ອນມົນລະພິດຈາກການນໍາໃຊ້ລົດ ທີ່ແລ່ນ ດ້ວຍນ້ໍາມັນເຊື້ອໄຟ ແລະ ເປັນການສົ່ງເສີມການນໍາໃຊ້ພະລັງງານໄຟຟ້າ ທີ່ ສປປ ລາວ ມີທ່າແຮງໃນການຜະລິດ; ສູ້ຊົນຮອດປີ 2025 ໃຫ້ອັດຕາສ່ວນລົດໄຟຟ້າທີ່ຊົມໃຊ້ໃນສັງຄົມ ກວມເອົາຢ່າງຫນ້ອຍ 1% ຂອງຈໍານວນພາຫະນະທັງຫມົດ; ຮອດປີ 2030 ໃຫ້ກວມເອົາ 30% ຂຶ້ນໄປ.

1.2 ນະໂຍບາຍຕໍ່ຜູ້ນໍາເຂົ້າ ແລະ ຈໍາຫນ່າຍລົດໄຟຟ້າ:

1) ເຫັນດີໃຫ້ປະຕິບັດນະໂຍບາບທີ່ກໍານົດໄວ້ຕາມກົດຫມາຍ ວ່າດ້ວຍການສົ່ງເສີມການລົງທຶນ, ກົດຫມາຍວ່າດ້ວຍພາສີ, ກົດຫມາຍວ່າດ້ວຍການຄຸ້ມຄອງສ່ວຍສາອາກອນ, ກົດຫມາຍ ແລະ ລະບຽບການອື່ນໆທີ່ກ່ຽວຂ້ອງ ເພື່ອສົ່ງເສີມທຸລະກິດນໍາເຂົ້າ ແລະ ຈໍາຫນ່າຍລົດໄຟຟ້າ;

2) ລັດຈະບໍ່ຈໍາກັດດ້ານໂກຕ້າ ໃນການນໍາເຂົ້າລົດໄຟຟ້າ ເພື່ອສົ່ງເສີມໃຫ້ມີການແຂ່ງຂັນລາຄາຕາມກົນໄກຕະຫຼາດ;

(ອ່ານເພີ່ມເຕີມຕໍ່ໃນເອກະສານ)