ຕາມການລາຍງານຂອງ ຄະນະສະເພາະກິດ ປະຈຳວັນທີ 21 ກັນຍາ 2021 ໃຫ້ຮູ້ວ່າ: ນະຄອນຫຼວງວຽງຈັນ ມີຜູ້ຕິດເຊື້ອທັງໝົດ 179 ຄົນ ເຊິ່ງຕິດເຊື້ອນຳເຂົ້າ 3 ຄົນ ຕິດເຊື້ອໃນຊຸມຊົນສູງເຖິງ 176 ຄົນ.

ນະຄອນຫຼວງ 176 ຄົນ: 1). ກຸ່ມ ໂຮງງານ ອານພີ ລາວ(ເກັບຈາກ ຈາກໂຮງງານ 191 ຕົວຢ່າງ) ໃຫ້ຜົນບວກ 72 ຕຢ; positive rate ເທົ່າ ກັບ 37.6% (72/191). 2). ຈຸດເກັບຕົວຢ່າງ ຈາກບືງຂະຫຍອງ : ໃຫ້ຜົນບວກ 25 ຄົນ (ຕົວຢ່າງຄ້າງ 04ຕົວຢ່າງ ຂໍ ກວດຄືນໃຫມ່) 3). ໂຮງຫມໍເຊດຖາທິລາດ ແລະ ໂຮງຫມໍ ເດັກ (ກວດຢູ່ IPL) ໃຫ້ຜົນບວກ 19 ຄົນ (ໂຮງຫມໍ ເດັກ 01 ແລະ ເສດຖາ 18) ຄື:

– ຈາກ ເມືອງສີໂຄດຕະບອງ ມີ 05 ຄົນ ( 05ບ້ານ) – ເມືອງ ຈັນທະບູລີ ມີ 03 ຄົນ (ຈາກ 03 ບ້ານ)

– ເມືອງ ສີສັດຕະນາກ ມີ 3 ຄົນ (02 ບ້ານ) – ເມືອງຫາດຊາຍຟອງ 01 ຄົນ (ບ້ານສົມຫວັງໄຕ້) – ເມືອງໄຊທານີ 4 ຄົນ ( ມີ 03 ບ້ານ)

– ເມືອງໄຊ ເສດຖາ ມີ 02 ຄົນ (02 ບ້ານ) – ເມືອງ ນາຊາຍທອງ 01 (ບ້ານ ນາຄູນນ້ອຍ) 4) ຈຸດມໍປາຍ ສີໂຄດ ແລະ ໂຮງຫມໍມະໂຫສົດ (ກວດຢູ່ ລົມຣູ ມະໂຫສົດ): ໃຫ້ຜົນບວກ 12 ຄົນ, 10 ຄົນ ຈາກຈຸດມໍປາຍສີໂຄດ ແລະ 02 ຄົນ ຈາກ ໂຮງຫມໍ ມະໂຫສົດ. 5). ເມືອງນາຊາຍທອງ (ທີມ1 ແລະ 2) ໃຫ້ຜົນບວກ 37ຄົນ ອັດຕາຜົນບວກ 25,8% (37/143); ກຸ່ມນີ້ແມ່ນ ເກັບຈາກກຸ່ມສໍາຜັດ C1 ທີ່ພົວພັນກັບ ໂຮງງານ ຕັດຫຍິບ ອັນພີລາວ ແລະ ໂຮງງານ ຕັດຫຍິບ ທີໂອ (ຊື່ງກ່ອນຫນ້າ ນີ້ ແມ່ນ ມີແມ່ຄ້າ ຂາຍເຄື່ອງຫນ້າໂຮງງານ ຕິດເຊື້ອ).

ວັນທີ 20 ກັນຍາ 2021 ນີ້, ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງໂຄວິດ-19 ແຂວງວຽງຈັນ ອອກແຈ້ງການເພີ່ມເຕີມ ເລື່ອງການເພີ່ມທະວີມາດຕະການປ້ອງກັນ ເພື່ອສະກັດກັ້ນການແຜ່ລະບາດຂອງໂຄວິດ-19 ຢູ່ແຂວງວຽງຈັນ ໃນປັດຈຸບັນ ໂດຍສະເພາະແມ່ນ ຢຸດເຊົາຊົ່ວຄາວການອອກອະນຸ ຍາດໃຫ້ບັນດາກະຊວງ, ອົງການພາກລັດ, ອົງການຈັດຕັ້ງສາກົນ, ເອກະຊົນ ແລະ ບຸກ ຄົນ ຈາກນະຄອນຫລວງວຽງຈັນ(ນວ) ທີ່ມີຈຸດປະສົງຈະເດີນທາງມາຈັດກອງປະຊຸມ ແລະ ເຄື່ອນໄຫວວຽກງານຢູ່ແຂວງວຽງຈັນ ເວັ້ນເສຍແຕ່ພາກສ່ວນ ແລະ ບຸກຄົນທີ່ໄດ້ຮັບອະນຸ ຍາດຈາກຄະນະສະເພາະກິດຂັ້ນສູນກາງ ແລະ ຄະນະສະເພາະກິດນະຄອນຫລວງວຽງຈັນ ແມ່ນຈະພິຈາລະນາເປັນແຕ່ລະກໍລະນີ.

ສໍາລັບພາກສ່ວນ ຫລື ບຸກຄົນ ທີ່ໄດ້ຮັບອະນຸຍາດຈາກຄະນະສະເພາະກິດແຂວງແລ້ວ ແຕ່ບໍ່ທັນໄດ້ຈັດແມ່ນເຫັນດີໃຫໂຈະໄວ້ກ່ອນ ຈົນກວ່າຈະມີແຈ້ງການສະບັບໃໝ່; ພາກສ່ວນ ຫລື ບຸກຄົນທີ່ໄດ້ຈັດຕັ້ງແລ້ວ ແຕ່ບໍ່ທັນສໍາເລັດນັ້ນ ສະເໜີໃຫ້ຈັດຕັ້ງສໍາເລັດໂດຍໄວ.

ພ້ອມນີ້ ໃຫ້ຢຸດເຊົາຊົ່ວຄາວການອອກອະນຸຍາດໃຫ້ບຸກຄົນທັງພາກລັດ, ເອກະຊົນ ແລະ ປະຊາຊົນ ເດີນທາງໄປນະຄອນຫລວງວຽງຈັນ ແລະ ແຂວງທີ່ມີການລະບາດໃນຊຸມຊົນ ຈົນກວ່າຈະມີແຈ້ງການສະບັບໃໝ່. ກໍລະນີມີຄວາມຈຳເປັນ ສະເໜີໃຫ້ຄະນະສະເພາະກິດແຂວງ ປະສານສົມທົບກັບຄະນະສະເພາະກິດນະຄອນຫລວງ ຖ້າໄດ້ຮັບອະ ນຸຍາດແລ້ວ ຈຶ່ງຈັດຕັ້ງປະຕິບັດ;

ໃຫ້ຄະນະສະເພາະກິດເມືອງ ຊີ້ນຳອົງການປົກຄອງບ້ານ ເປັນເຈົ້າການຕິດຕາມ, ກວດກາການເຂົ້າ-ອອກບ້ານ, ການເດີນທາງຂອງຍາດພີ່ນ້ອງມາຢ້ຽມຢາມ, ການກັບມາຂອງນັກຮຽນ-ນັກສຶກສາ ທີ່ມາຈາກນະຄອນຫລວງ ຫລື ເຂດທີ່ມີຄວາມສ່ຽງ ລາຍງານໃຫ້ຄະນະສະເພາະກິດຊາບ ເພື່ອມີວິທີ່ການແກ້ໄຂ ແລະ ປ້ອງກັນໃຫ້ທັນເວລາ;

ຫ້າມບຸກຄົນ ແລະ ພາຫະນະໂດຍສານຈາກແຂວງທີ່ມີການລະບາດຂອງພະຍາດໂຄວິດ-19 ເດີນທາງເຂົ້າມາແຂວງວຽງຈັນ ເວັ້ນເສຍແຕ່ໄດ້ຮັບການອະນຸຍາດຈາກຄະນະສະເພາະກິດຈາກແຂວງດັ່ງກ່າວ ແຕ່ຕ້ອງໄດ້ຈຳກັດບໍລິເວນ ເປັນເວລາ 14 ວັນ ແລະ ປະຕິບັດມາດຕະການອື່ນໆ ຢ່າງເຂັ້ມງວດ.

ໃຫ້ກຳລັງ ປກຊ-ປກສ ສົມທົບກັບ ຄະນະສະເພາະກິດເມືອງ ເພີ່ມທະວີຄວາມເອົາໃຈໃສ່ໃນການຕິດຕາມ, ກວດກາ, ລາດຕາເວນ ຕາມສະຖານທີ່, ຮ້ານບໍລິການຕ່າງໆໃນຄວາມຮັບຜິດຊອບຂອງຕົນ ຫ້າມບໍ່ໃຫ້ມີການຕັ້ງກຸ່ມຊຸມແຊວກັນ, ບໍ່ໃຫ້ບໍລິການເຄື່ອງດື່ມທີ່ມີທາດເຫລົ້າ, ຖ້າກວດພົບເຫັນມີການລະເມີດມາດຕະການທີ່ ຄະນະ ສະເພາະກິດວາງອອກ ໃຫ້ສຶກສາອົບຮົມ ແລະ ຢຸດເຊົາ, ກໍລະນີຍັງດື້ດ້ານສືບຕໍ່ລະເມີດ ຕ້ອງຖືກປັບໄໝ ຢ່າງເຂັ້ມງວດ ແລະ ເດັດຂາດ ເຊັ່ນ: ບຸກຄົນທີ່ລະເມີດ ໃຫ້ປັບໄໝຜູ້ລະ 500.000 ກີບ, ເຈົ້າຂອງຮ້ານ ຫລື ນິຕິບຸກຄົນ 3.000.000 ກີບ.

ກໍລະນີຍັງມີຄວາມດື້ດ້ານກໍສາມາດພິຈາລະນາໃຫ້ປິດກິດຈະການ ແລະ ຖອນໃບອະນຸຍາດດຳເນີນທຸລະກິດ ໂດຍສະເພາະກໍລະນີມີການຕິດເຊື້ອ ແລະ ມີການລະບາດຂອງພະຍາດ ຕ້ອງຮັບຜິດຊອບຕໍ່ຄວາມເສຍຫາຍທີ່ເກີດຂຶ້ນ ພ້ອມທັງຖືກດໍາເນີນຄະດີຕາມກົດໝາຍ; ໃຫ້ປິດການຮຽນ-ການສອນ ທັງພາກລັດ ແລະ ໂຮງຮຽນເອກະຊົນທຸກຊັ້ນຮຽນ ລວມທັງການສຶກສາກ່ອນໄວຮຽນ ໃນທົ່ວແຂວງວຽງຈັນ ຈົນເຖິງວັນທີ 30 ກັນຍາ 2021.

ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ອອກແຈ້ງການແນະນຳເພີ່ມເຕີມ ດັ່ງນີ້:

ຕາມການລາຍງານ ຂອງຄະນະສະເພາະກິດ ປະຈຳວັນທີ 20 ກັນຍາ 2021 ໃຫ້ຮູ້ວ່າ: ຊຽງຂວາງພົບຜູ້ຕິດເຊື້ອໃນຊຸມຊົນ 2 ຄົນ ເຊິ່ງມີລາຍລະອຽດດັ່ງນີ:

ທັງສອງຄົນເປັນເອື້ອຍນ້ອງກັນ (ເພດຍິງ, ອາຍຸ 42 ປີ ອາຊິບ: ກໍາມະກອນຕັດຫຍິບໂຮງງານອານປີລາວ ແລະ ເພດຍິງ, ອາຍຸ 34 ປີ, ອາຊີບ: ຄ້າຂາຍ)

ເຫດຜົນເດີນທາງໄປແຂວງຊຽງຂວາງ ຍ້ອນວ່າໄປສົ່ງສະການພໍ່ເສຍຊີວິດ ຢູ່ບ້ານຫໍສິມ, ເມືອງຜາໄຊ.

• ວັນທີ 14 ກັນຍາ 2021 ໄດ້ເດີນທາງຈາກນະຄອນຫລວງວຽງຈັນ ໄປຮອດແຂວງຊຽງຂວາງ
• ງານສົບຈັດແຕ່ວັນທີ 14-17 ກັນຍາ 2021
• ວັນທີ 17 ກັນຍາ 2021 ໄດ້ສົ່ງສະການພໍ່
• ທາງແຂວງຊຽງຂວາງ ໄດ້ປະກາດ ໃຫ້ພໍ່ແມ່ປະຊາຊົນ ຜູ້ໃດໄດ້ຮ່ວມງານສົບ ໃຫ້ໄປເກັບຕົວຢ່າງ ພ້ອມທັງຈຳກັດບໍລິເວນ

ໃນໂອກາດຖະແຫຼງຂ່າວຕໍ່ສື່ມວນຊົນ ທີ່ກະຊວງສາທາລະນະສຸກ, ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະສົ່ງເສີມສຸຂະພາບ ກະຊວງສາທາລະນະສຸກ ໃຫ້ຮູ້ວ່າ : ວັກຊີນທີ່ນຳເຂົ້າມາໃຊ້ ຢູ່ລາວປະຈຸບັນມີ 5 ຊະນິດ ປະກອບມີ ຊີໂນຟາມ, ອັດສະຕາຊີນີກາ, ສະປູກນິກ, ຟາຍເຊີ, ຈອນສັນ ແອນຈອນສັນ ລວມທັງໝົດ 5,567,490ໂດສ.

ເຊິ່ງວັກຊິນດັ່ງກ່າວ ໄດ້ແຈກຈ່າຍໄປໃຫ້ແຕ່ລະແຂວງ ໃນຂອບເຂດທົ່ວປະເທດ ເພື່ອສັກໃຫ້ກຸ່ມປະຊາກອນທີ່ມີອາຍຸ ແຕ່ 18 ປີ ຂື້ນໄປ ມາຮອດປະຈຸບັນ ສັກເຂັມທີ 1 ໄດ້ 2,788,830 ໂດສ ກວມເອົາ 38,01% ຂອງປະຊາກອນ ແລະເຂັມທີ 2 ສັກໄດ້ 1,907,657 ໂດສ ກວມເອົາ 26% ຂອງປະຊາກອນ.

ໃນນັ້ນແຂວງທີ່ກາຍ 50% ຂຶ້ນໄປແລ້ວ ມີນະຄອນຫຼວງວຽງຈັນ ແລະ ແຂວງບໍ່ແກ້ວ ສ່ວນແຂວງອື່ນໆ ກໍສະເລ່ຍຢູ່ໃນ 38% ຂອງເຂັມທີ 1.

ສະນັ້ນປະຈຸບັນ ຢູ່ໃນແຕ່ລະແຂວງ ກໍພວມເລັງໃສ່ການສັກເຂັມທີສອງ ຂອງຊີໂນຟາມ ແລະ ອັດສະຕາຊີນິກາ ຂໍໃຫ້ພໍ່ແມ່ປະຊາຊົນບັນດາເຜົ່າຈົ່ງຮິບຮ້ອນເຂົ້າໄປບໍລິການເພື່ອສ້າງພູມຕ້ານທານໃຫ້ຕົນເອງ.ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະສົ່ງເສີມສຸຂະພາບ ກະຊວງສາທາລະນະສຸກ ຍັງແຈ້ງໃຫ້ນັກຮຽນ ທີ່ຮຽນຈົບ ມ ປາຍ ປີນີ້ ທີ່ມີອາຍຸ 17 ປີ ຈົ່ງໄປສັກວັກຊີນກັນພະຍາດໂຄວິດ-19 ເພື່ອຄວາມສະດວກໃນການເດີນທາງ ແລະເຂົ້າຫ້ອງສອບເສັງເຂົ້າມະຫາວິທະຍາໄລ, ພ້ອມນັ້ນແມ່ຍິງຖືພາ ທີ່ມີອາຍຸຂອງການຕັ້ງຄັນ 12 ອາທິດຂື້ນໄປກໍສາມາດສັກໄດ້ ເພາະກອງປະຊຸມທາງດ້ານວິຊາການຂອງອົງການອະນາໄມໂລກ ປະຈຳລາວ ແລະ ຄະນະກຳມະການແຫ່ງຊາດ ທາງດ້ານວິຊາການກ່ຽວກັບການສ້າງພູມຄຸ້ມກັນ NITAC ໄດ້ຄົ້ນຄົ້ວ ແລະເຫັນດີເປັນເອກະພາບ ແລະຍັງບໍ່ອະນຸຍາດໃຫ້ມີການສັກເຂັມທີ 3 ຊຶ່ງເອີ້ນວ່າ ບຸດສະເຕີ. ເຫດຜົນກໍຍ້ອນຍັງບໍ່ມີການວິໄຈທີ່ມາອ້າງອີງໄດ້ເທື່ອ ແລະວັກຊິນຢູ່ປະເທດເຮົາກໍຍັງມີຢູ່ໃນຂອບເຂດຈຳກັດ ສະນັ້ນຂໍໃຫ້ທຸກຄົນໄດ້ເຂົ້າເຖິງຢ່າງທົ່ວເຖິງກ່ອນ.

ສະເພາະໄຕມາດທີ 4 ປີ ນີ້ ສປປ ລາວ ຈະໄດ້ຮັບວັກຊີນຕື່ມອີກ 2.434.580 ໂດສ ໃນນັ້ນຈະໄດ້ຮັບຈາກລັດຖະບານ ສປຈີນ, ອົດສະຕາລີ, ກາແດງຈີນ ແລະການລະດົມທືນຈັດຊື້ຈາກພາກສ່ວນເອກະຊົນ. ຍ້ອນວ່າໃນທ້າຍປີນີ້ ທາງລັດຖະບານມີແຜນຈະເປີດເສັ້ນທາງລົດໄຟຄວາມໄວສູງ ຈາກຈີນສູ່ລາວ -ລາວສູ່ຈີນ ສະນັ້ນ, ມາດຕະການສັກວັກຊີນຄົບ 2ເຂັມຈະເປັນເງື່ອນໄຂໜຶ່ງທີ່ຈະຕ້ອງໄດ້ມີການກວດສອບ ຄືກັນກັບການເດີນທາງຢູ່ພາຍໃນປະເທດຂອງເຮົາ ສະນັ້ນບັນດາທ່ານກໍຈະຕ້ອງກຽມພ້ອມໃຫ້ໄດ້ສັກວັກຊີນໃຫ້ຄົບ 2ເຂັມເຊັ່ນດຽວກັນ.

ຂໍ້ມູນ: Lao National Radio

ເຖິງແມ່ນວ່າ ແຂວງຫົວພັນຍັງບໍ່ມີລາຍງານຜູ້ຕິດເຊື້ອ ຕັ້ງແຕ່ມີການລະບາດຂອງໂຄວິດ-19 ເປັນຕົ້ນມາ, ແຕ່ແຂວງຫົວພັນຍັງສືບຕໍ່ເຄື່ອນໄຫວວຽກງານຕ້ານ ແລະສະກັດກັ້ນເຊື້ອພະຍາດໂຄວິດ-19 ຢູ່ພາຍໃນແຂວງຢ່າງດີ.