ຂ່າວລົດໄຟ

ຂະ​ບ​ວນ​ລົດ​ໄຟ​ຂົນ​ສົ່ງ​ສິນ​ຄ້າ​ຈີນ-ລາວ ​ຖ້ຽວ​ທຳ​ອິດ​ທີ່​ແລ່ນ​ອອກ​ຈາກເຂດ​ສາມຫຼ່ຽມ​​ປາກແມ່​ນ້ຳ​ຢາງ​ຊີ​ກຽງ

ຂະ​ບ​ວນ​ລົດ​ໄຟ​ຂົນ​ສົ່ງ​ສິນ​ຄ້າ​ຈີນ-ລາວ ​ໄດ້​ອອກ​ເດີນ​ທາງ​ຈາກ​ເຂດ​ສາມຫຼ່ຽມ​ປາກແມ່​ນ້ຳ​ຢາງ​ຊີ​ກຽງ, ​ປະ​ເທດ​ຈີນ​ແລ້ວ ໃນເວ​ລາ 11 ໂມງ 6 ນາ​ທີ ​ຂອງວັນ​ທີ 8 ທັນ​ວາ​ນີ້, ຂະ​ບ​ວນ​ລົດ​ໄຟ​ຂົນ​ສົ່ງ​ສິນ​ຄ້າ​ຈີນ-ລາວຖ້ຽວ 79561 ທີ່​ບັນ​ທຸກ​ສິນ​ຄ້າ​ສົ່ງ​ອອກ​​ ໃນ​ຕູ້​ຄອ​ນ​ເທນ​ເນີຈຳ​ນວນ 76 ຕູ້​​ນັ້ນ ໄດ້​​ແລ່ນອອກ​ຈາກ​ສະ​ຖາ​ນີ​ລົດ​ໄຟ​ຢາວ​ຮ​ວ້າ​ເມີນ ນະ​ຄອນ​ນານ​ກິ່ງ​ ແຂວງ​ຈ່ຽງ​ຊູ່​​ປະ​ເທດ​ຈີນ ແລະ ຈະ​ເດີນ​ຕາມ​ເສັ້ນ​ທາງ​ລົດ​ໄຟ​ລາວ​-ຈີນ ແລະ​ມຸ່ງ​ໜ້​າ​ໄປ​ສູ່ນະ​ຄ​ອນຫຼວງວຽງ​ຈັນ​ຂອງ​​ປະ​ເທດລາວ. ນີ້ເປັນ​ຂະ​ບວນ​ລົດ​ໄຟ​ຂົນ​ສົ່ງ​ສິນ​ຄ້​າ​ຈີນ-ລາວ (ນະ​ຄອນ​ນານ​ກິ່ງ - ນະ​ຄອນຫຼວງວຽງ​ຈັນ)​ ຖ້ຽວ​ທໍ​າ​ອິດ ແລະ​ກໍ​ເປັນຂະ​ບ​ວນ​ລົດ​ໄຟ​ຂົນ​ສົ່ງ​ສິນ​ຄ້າ​ຈີນ-ລາວ​ຖ້ຽວ​ທຳ​ອິດ​ ທີ່​ແລ່ນ​ອອກ​ຈາກເຂດ​ສາມຫຼ່ຽມ​​ປາກແມ່​ນ້ຳ​ຢາງ​ຊີ​ກຽງ​​ປະ​ເທດ​ຈີນ​ເຊັ່ນ​ກັນ. ຕາມ​ຂ່າວ​ແຈ້ງວ່າ: ຂະ​ບ​ວນ​ລົດ​ໄຟ​ດັ່ງ​ກ່າວ ໄດ້​ບັນ​ທຸກ​​ສິນ​ຄ້າ​ຕ່າງໆ​ທີ່​ຜະ​ລິດ​ໂດຍ​ແຂວງ​ຈ່ຽງ​ຊູ່ປະ​ເທດຈີນ ເຊັ່ນ: ອຸ​ປະ​ກອ​ນ​ການ​ສຶກ​ສາ​ທາງ​ໄກ, ວັດ​ສະ​ດຸ​ກໍ່​ສ້າງ, ສາຍ​​ກາບໄຟ​ຟ້າ, ເຄື່ອງ​ໃຊ້ໄຟ​ຟ້າ, ​ອາ​ໄລ່​ລົດ ແລະ​ອື່ນໆ ເຊິ່ງ​ມີ​ມູນ​ຄ່າ​ເກືອບ 3.000.000 ໂດ​ລາ​ສະ​ຫະ​ລັດ. ຂະ​ບ​ວນ​ລົດ​ໄຟ​ດັ່ງ​ກ່າວຈະແລ່ນ​ອອກ​ຈາກ​ປະ​ເທດ​ຈີນ​ຜ່ານ​ດ່ານ​ບໍ​ຫານ​ທີ່​ແຂ​ວງ​ຢຸນ​ນານ​ຂອງ​ຈີນ ແລະ​ມຸ່ງ​ໜ້າ​ໄປ​ສູ່​ນະ​ຄອນຫຼວງວຽງ​ຈັນປະ​ເທດ​ລາວ ເຊິ່ງ​​ມີໄລ​ຍະ​ທາງ​ທັງ​ໝົດ 3.500 ກວ່າ​ກິ​ໂລ​ແມັດ. ແຫຼ່ງຂ່າວ: CRI

6 ສິ່ງຄວນຮູ້ກ່ອນໄປໃຊ້ບໍລິການລົດໄຟລາວ-ຈີນ

ອີງຕາມແຈ້ງການຂອງບໍລິສັດທາງລົດໄຟລາວ-ຈີນ ຈຳກັດ ລົງວັນທີ 30 ພະຈິກ 2021 ເລື່ອງ: ລະບຽບ 6 ຂໍ້ທີ່ສໍາຄັນມີທັງຂໍ້ຫ້າມ ແລະຄໍາແນະນໍາກ່ອນຂຶ້ນ-ລົງລົດ ເພື່ອ ເຮັດໃຫ້ການບໍລິການຂອງທຸກຄົນມີຄວາມປອດ ເຊິ່ງມີລາຍລະອຽດດັ່ງນີ້: 1.ຫ້າມພົກພາສິ່ງຂອງມີຄົມ ຫຼືວັດຖຸອັນຕະລາຍທີ່ໄວໄຟ, ມີພິດ ຫຼືກໍາມັນຕະລັງສີຂຶ້ນລົດໄຟຢ່າງເດັດຂາດ. 2.ຜູ້ໂດຍສານຕ້ອງຕິດຕາມການປະກາດເວລາກວດປີ້, ກະລຸນາຂຶ້ນລົດໄປກ່ອນລ່ວງຫນ້າ ຫຼືລໍຖ້າໃນເສັ້ນຂີດແດນຄວາມປອດໄພເທິງແທ່ນ ຂື້ນລົງລົດໄຟ 3.ເວລາຂຶ້ນ-ລົງລົດໄຟ ກະລຸນາລຽນແຖວໃຫ້ເປັນລະບຽບ, ຫ້າມບຽດແຫຍ້ກັນ ໃຫ້ ຜູ້ໂດຍສານທີ່ຈະລົງລົງໄປກ່ອນ ແລ້ວຈິ່ງຢ່າງຂຶ້ນລົດໄຟ. ຫ້າມໂດດລົງທາງລົດໄຟ, ຫ້າມເຂົ້າໄປໃນແລວທາງລົດໄຟ ແລະອື່ນໆທີ່ເປັນອັນຕະລາຍ, ຫ້າມແລ່ນໃນເວລາລົດໄຟຍັງບໍ່ຈອດຢຸດນິ່ງ. 4.ຫ້າມຢືນຕິດ ຫຼືຕັນປະຕູ. ຫ້າມດຶງ ຫຼືກົດປຸ່ມສຸກເສີນຕ່າງໆທີ່ຢູ່ເທິງຂະບວນລົດໄຟເຊັ່ນ ປຸ່ມເບກສຸກເສີນ, ປຸ່ມຢຸດລົດສຸກເສີນ ແລະອຸປະກອນຄວາມປອດໄພຕ່າງໆເດັດຂາດ. 5.ເວລາເກີດເຫດມີສະພາບຄວາມສ່ຽງຕໍ່ຄວາມປອດໄພຂອງຜູ້ໂດຍສານ ແລະຂະບວນ ລົດໄຟ, ຕ້ອງຟັງຄໍາແນະນໍາຈາກພະນັກງານເທິງລົດໄຟ, ຮັກສາຄວາມເປັນລະບຽບໃຫ້ດີ ບໍ່ຟ້າວເອົາເຄື່ອງ. ຕ້ອງຊ່ວຍເຫຼືອຜູ້ຕ້ອງການຄວາມຊ່ວຍເຫຼືອເຊັ່ນ: ຜູ້ເຖົ້າ, ເດັກນ້ອຍ, ຄົນປ່ວຍ, ຄົນພິການ ແລະຜູ້ຖືພາກ່ອນ. ກໍລະນີມີເຫດອັນຕະລາຍ, ກະລຸນາແຈ້ງໃຫ້ພະນັກງານເທິງຂະບວນຮັບຊາບທັນທີ. 6.ໃນສະຖານະການສຸກເສີນຕ້ອງອອກຈາກຕູ້ຂະບວນລົດໄຟ, ສາມາດອອກຫຼັງຈາກ ຂະບວນລົດໄຟຢຸດຈອດນິ່ງ ແລ້ວໃຊ້ຄ້ອນຕີທຸບກະຈົກເພື່ອອອກ, ສາມາດກົດປຸ່ມ (ລາວ)ຢຸດລົດສຸກ ເສີນໃນຂະບວນລົດໄຟດ່ວນ. ແຫຼ່ງຂ່າວ: CRI

ໄທ​ ສົນໃຈ ແລະ ຕ້ອງຊອກ​ຫາ​ວິ​ທີ​ເຊື່ອມ​ຕໍ່​ກັບ​ທາງ​ລົດ​ໄຟ​ຈີນ-ລາວ

ຕາມການລາຍງານ ຂອງສຳນັກຂ່າວ CRI-FM93 ໃຫ້ຮູ້ວ່າ: ເຈົ້າ​ໜ້າ​ທີ່​ໄທ​ກ່າວ​ວ່າ: ໄທ​ຕ້ອງຊອກ​ຫາ​ວິ​ທີ​ເຊື່ອມ​ຕໍ່​ກັບ​ທາງ​ລົດ​ໄຟ​ຈີນ-ລາວ ​ໂດຍ​ໄວ ທາງ​ລົດ​ໄຟ​ຈີນ-ລາວ ໄດ້​ເລີ່ມ​ລົງ​ມື​ກໍ່​ສ້າງ​ໃນ​ປີ 2016, ຄາດ​ວ່າ​ຈະ​ເລີ່ມ​ເປີດ​ບໍ​ລິ​ການໃນ​ເດືອນ​ທັນ​ວາ​ປີ​ນີ້. ຫວ່າງ​ມໍ່ໆ​ມາ​ນີ້, ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ພັດ​ທະ​ນາ​ແລະ​ປະ​ຕິ​ຮູບ​ແຫ່ງ​ຊາດ​ໄທ​ກ່າວ​ວ່າ: ໄທ​ຕ້ອງ​ຊອ​ກ​ຫາ​ວິ​ທີ​ທີ່​ຈະ​ສາ​ມາດ​​ເຊື່ອ​ມ​ຈອດ​​ກັບ​ທາງ​ລົດ​ໄຟ​ຈີນ-ລາວໄດ້​ແນວ​ໃດ​ໂດຍ​ໄວ. ໂດຍ​ສະ​ເພາະ​ໃນ​​ຂະ​ນະ​ທີ່​ໂຄງ​ການ​ຮ່ວມ​ມື​ທາງ​ລົດ​ໄຟ​ຈີນ-​ໄທ​ ມີ​ຄວາມ​ຄືບ​ໜ້າ​ຊ້າ​ລົງ, ກໍ​ອາດ​ຈະ​ສາ​ມາ​ດ​ປະ​ຕິ​ບັດ​ແຜນ​ວິ​ເຄາະ​ທາງ​ດ້ານ​ເສດ​ຖະ​ກິດເປັນ​ບຸ​ລິ​ມະ​ສິດ​ເພື່ອ​ສ້າງ​​ໂຄງການ​ເຊື່ອມ​ຈອດ​ລະ​ຫວ່າງ​ແຂວງ​ໜອງຄາຍປະ​ເທດ​ໄທ​ກັບ​​ນະ​ຄອນ​ຫຼວງວຽງ​ຈັນ​ປະ​ເທດ​ລາວ​ໂດຍຜ່ານ​ທາງ​ລົດ​ໄຟ​ຈີນ-ລາວ. ໃນ​ຕໍ່​ໜ້າ, ​ນັກ​ທ່ອງ​ທ່ຽວ​ຈາກ​ແຂວງ​ທາງ​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ​ຈະ​ມີ​ທາງ​ເລືອກ​ຫຼາຍ​ທາງ​ໃນ​ການ​ໄປ​ທ່ຽວ​​ປະ​ເທດລາວ​ແລະ​ໄທ, ການ​ອອກ​ໄປ​ທ່ຽວ​ຢູ່​ຕ່າງ​ປະ​ເທດ​ດ້ວຍ​ທາງ​ລົດ​ໄຟ​ຄວາມ​ໄວ​ສູງ​ຈະ​ແມ່ນ​​ທາງ​ເລືອກ​ທີ່​ເໝາະ​ສົມ. ກ່ອນ​ໜ້າ​ນີ້, ຮອງ​ໂຄ​ສົກ​ຄະ​ນະ​ລັດ​ຖະ​ບານ​ໄທ​​ໄດ້ເຜີຍ​ໃຫ້​ຮູ້​ວ່າ: ທ່ານ ປ​ຣາ​ຢຸດ ຈັນ​ໂອ​ຊາ ນາ​ຍົກ​ລັດ​ຖະ​ມົ​ນ​ຕີ​ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ປ້ອງ​ກັນ​ປະ​ເທດ​ໄທ​ໄດ້​ມີ​ຄວາມ​ສົນ​ໃຈ​ຫຼາຍ​ແລະ​​ໄດ້​ໃຫ້​ການສະ​ໜັບ​ສະ​ໜູນ​ວຽກ​ງານ​ກະ​ກຽມ​ເປີດ​ບໍ​ລິ​ການ​ທາງ​ລົດ​ໄຟ​ຈີນ-ລາວ​ໃນ​ເດືອນ​ທັນ​ວາ​ປີ​ນີ້.

ຊົມທິວທັດທຳມະຊາດລຽບຕາມທາງລົດໄຟລາວ-ຈີນ ແຕ່ວຽງຈັນ ຫາ ບໍ່ເຕັນ

ຕາມການລາຍງານຂອງ ສຳນັກຂ່າວ CRI-FM93 ຜ່ານແຟນເພສໃຫ້ຮູ້ວ່າ: ທິວທັດລຽບຕາມທາງລົດໄຟລາວ-ຈີນແຕ່ວຽງຈັນ-ບໍ່ເຕັນ 20 ຕຸລາ 2021 ນີ້, ໃນຂະນະທີ່ທາງລົດໄຟລາວ-ຈີນ ໄດ້ເຮັດການທົດລອງເຕັກນິກລົດໄຟເຄື່ອນທີ່ຕົວຢ່າງ ເພື່ອປະເມີນຜົນ ແລະກວດກາທຸກລະບົບຂອງກ່ຽວກັບລົດໄຟ ແລະລາງ ເພື່ອຮັບປະກັນຄວາມປອດໄພທຸກສະຖານະການ. ທີມງານນັກຂ່າວ CRI ນອກຈາກ ໄດ້ເກັບພາບການເຮັດວຽກການກວດກາເຕັກນິກເຄື່ອນທີ່ລົດໄຟຢ່າງຮອບດ້ານແລ້ວ, ພວກເຮົາຍັງໄດ້ເກັບພາບບັນຍາກາດດ້ານໃນ ແລະວິວດ້ານນອກຂອງລົດໄຟ ເພື່ອມາໃຫ້ທຸກທ່ານໄດ້ເຫັນເຖິງທິວທັດຄວາມສວຍສົດງົດງາມຂອງທໍາມະຊາດ ທີ່ອອ້ອມຮອບເຕັມໄປດ້ວຍພູຜາປ່າໄມ້, ແມ່ນໍ້າລໍາເຊ, ການດໍາລົງຊີວິດຂອງປະຊາຊົນລາວບັນດາເຜົ່ານັບແຕ່ນະຄອນຫຼວງວຽງຈັນຈົນຮອດບໍ່ເຕັນແຂວງຫຼວງນໍ້າທາທີ່ເປັນຊາຍແດນຕິດຈອດກັບ ສປ ຈີນ. ພາບງາມໆຈາກ: ສອນປະເສີດ.

ໂຄງການລົດໄຟລາວ-ຈີນ ແມ່ນມາດຕະຖານຊັ້ນ I ຮັບນ້ຳໜັກການຂົນສົ່ງໄດ້ເຖິງ 3.000 ໂຕນ

ໂຄງການລົດໄຟລາວ-ຈີນ ໄດ້ອອກແບບເປັນລົດໄຟມາດຕະຖານຊັ້ນ I ສາມາດຮອງຮັບນ້ຳໜັກການຂົນສົ່ງ ໄດ້ເຖິງ 3.000 ໂຕນ ອີງຕາມເອກະສານໂຄສະນາເຜີຍແຜ່ນຳພາແນວຄິດ ກ່ຽວກັບໂຄງການກໍ່ສ້າງລົດໄຟລາວ-ຈີນ ໄດ້ໃຫ້ຮູ້ວ່າ: ໂຄງການລົດໄຟລາວ-ຈີນ ແມ່ນໄດ້ອອກແບບເປັນລົດໄຟມາດຕະຖານຊັ້ນ I ແລະ ປະ ເພດເສັ້ນທາງດ່ຽວ, ລັດສະໝີໂຄ້ງຕ່ຳສຸດ 2.000 ແມັດ ແລະ ເຂດທົ່ວໄປ 1.600 ແມັດ, ພະລັງງານການຂັບເຄື່ອນແມ່ນພະລັງງານໄຟຟ້າ, ລະບົບຄວບຄຸມການຈອດລົດ ເປັນລະບົບອັດຕະໂນມັດ, ປະເພດການບັນຊາການຈໍລະຈອນ ມີສູນກາງລະບົບຄວບຄຸມ. ການກຳນົດຄວາມເນີນອອກແບບສູງສຸດຂອງໂຄງ ການແມ່ນ 1,2% ຢູ່ເຂດທົ່ງພຽງ ແລະ 2,4% ເຂດພູສູງ, ການກຳນົດເຕັກນິກການອອກແບບເສັ້ນທາງລົດໄຟດັ່ງກ່າວ ແມ່ນອີງໃສ່ພູມີປະເທດເປັນຫລັກ, ຊຶ່ງໃນນີ້ໄດ້ແບ່ງການອອກແບບເປັນ 2 ໄລຍະ ຄື: ບໍ່ເຕ່ນ-ວັງວຽງ ເປັນເຂດພູຜາຊັນ ແລະ ໄລຍະ ວັງວຽງ-ນະຄອນຫລວງວຽງຈັນ ເປັນເຂດທົ່ງພຽງ. ອີງໃສ່ບົດຮຽນຂອງຫລາຍປະເທດ ແລະ ເພື່ອຮັບປະກັນຄວາມປອດໄພ ໃນການກຳນົດຄວາມໄວອອກແບບສຳລັບຂົນສົ່ງໂດຍສານ ທີ່ມີປະສິດທິຜົນສະເພາະເຂດພູດອຍແມ່ນ 160 ກມ/ຊມ, ແຕ່ສຳລັບເຂດທົ່ງພຽງ ໄລຍະ ວັງວຽງຫາ ນະຄອນຫລວງວຽງຈັນ ແມ່ນໄດ້ມີການອອກແບບຮອງຮັບຄວາມໄວ 200 ກມ/ຊມ ໃນອະນາຄົດ. ສ່ວນຄວາມໄວອອກແບບ ສໍາລັບການຂົນສົ່ງສິນຄ້າແມ່ນກໍານົດເອົາ 120...
All countries
531,051,334
Total confirmed cases
Updated on May 28, 2022 10:40
Italy
17,355,119
Total confirmed cases
Updated on May 28, 2022 10:40
Spain
12,326,264
Total confirmed cases
Updated on May 28, 2022 10:40
Iran
7,231,284
Total confirmed cases
Updated on May 28, 2022 10:40
Germany
26,254,124
Total confirmed cases
Updated on May 28, 2022 10:40

Frequently Asked Questions

spot_img