ຂ່າວລົດໄຟ

ກຽມເຊື່ອມຕໍ່ທາງລົດໄຟລາວ-ຈີນ ຈາກສະຖານີວຽງຈັນໃຕ້ ຫາ ສະຖານີທ່າບົກທ່ານາແລ້ງ

ເພື່ອຂົນສົ່ງສິນຄ້າ ພາຍໃນເດືອນມິຖຸນາ ປີນີ້ ນັບແຕ່ເປີດບໍລິການຢ່າງເປັນທາງການໃນວັນທີ 4 ທັນວາ 2021 ມາຮອດເດືອນເມສາ 2022, ທ່າບົກທ່ານາແລ້ງຢູ່ນະຄອນຫຼວງວຽງຈັນ ໄດ້ບໍລິການຂົນສົ່ງສິນຄ້າຜ່ານລົດໄຟລາວ-ຈີນ ແລ້ວ 11.000 ຕູ້ ແລະ ພາຍໃນທ້າຍເດືອນມິຖຸນາ ປີນີ້ ຈະເປີດການເຊື່ອມຕໍ່ທາງລົດໄຟລາວ-ຈີນ ຈາກສະຖານີວຽງຈັນໃຕ້ ຫາ ສະຖານີທ່າບົກທ່ານາແລ້ງ ເພື່ອອໍານວຍຄວາມສະດວກໃນການຂົນສົ່ງສິນຄ້າໃຫ້ດີຂຶ້ນກວ່າເກົ່າ. ທ່ານ ສາຄອນ ພິລາງາມ, ຜູ້ອໍານວຍການໃຫຍ່ ບໍລິສັດທ່າບົກທ່ານາແລ້ງ ຈໍາກັດຜູ້ດຽວ ໃຫ້ສໍາພາດຕໍ່ສື່ມວນຊົນທີ່ເຂົ້າຮ່ວມການສຳພາດຕາມທາງລົດໄຟລາວ-ຈີນ ພາຍໃຕ້ຫົວຂໍ້: “ສາຍແນນລາວ-ຈີນ ເສັ້ນທາງແຫ່ງຄວາມສຸກ” ຈັດຂຶ້ນໂດຍເວັບໄຊ www.younnangateway.com ທີ່ຂຶ້ນກັບວາລະສານແມ່ນໍ້າຂອງ, ໜັງສືພິມຢຸນນານ ແຫ່ງ ສປ ຈີນ ໃນວັນທິ 23 ພຶດສະພາ 2022 ວ່າ: ໃນຈໍານວນສິນຄ້າ 11.000 ຕູ້, 80% ແມ່ນເປັນສິນຄ້າຜ່ານແດນ ເຊີ່ງເປັນສິນຄ້າຈາກ ສປ ຈີນ ຜ່ານລາວໄປໄທ, ມຽນມາ, ກໍາປູເຈຍ, ຫວຽດນາມ ແລະ ມາເລເຊຍ. ໃນນີ້, ສ່ວນໃຫຍ່ແມ່ນສິນຄ້າອຸດສາຫະກໍາ ເປັນຕົ້ນ: ເຄື່ອງອຸປະກອບອີເລັກໂຕຣນິກ, ປຸ໋ຍ, ຊີ້ນສ່ວນປະ ກອບເຄື່ອງໃຊ້ໄຟຟ້າ, ສິນຄ້າຕັດຫຍິບ...

25 ກຸມພານີ້! ເປີດບໍລິການຂາຍປີ້ລົດໄຟ ທີ່ສູນການຄ້າວຽງຈັນເຊັນຕີ

ຕາມການລາຍງານຈາກ ບໍລິສັດທາງລົດໄຟລາວຈີນໄດ້ປະກາດໃຫ້ຮູ້ວ່າ: ບໍລິສັດທາງລົດໄຟລາວ-ຈີນຈ ະເປີດຈຸດຂາຍປີ້ຢູ່ວຽງຈັນເຊັນເຕີ ຢ່າງເປັນທາງການໃນວັນທີ 25 ກຸມພາ 2022 ກົງກັບວັນສຸກ ເວລາ 10:00 ໂມງ ອີງຕາມການລາຍງານຂອງເພສຂ່າວ CRI ໃນວັນທີ 16 ກຸມພາ ທີ່ຜ່ານມາ ໃຫ້ຮູ້ວ່າ: ບ່ອນຂາຍປີ້ລົດໄຟແຫ່ງໃໝ່ຕັ້ງຢູ່ຊັ້ນໜຶ່ງຂອງອາຄານສູນການຄ້າວຽງຈັນເຊັນເຕີ, ຂາຍປີ້ລົດໄຟ 3 ວັນລ່ວງໜ້າ ມີແຜນຈະຂາຍປີ້ລົດໄຟຈາກວຽງຈັນຫາບໍ່ເຕັນ, ເມືອງໄຊ ແລະ ຫຼວງພະບາງ. ເວລາຂາຍປີ້ໃນເບື້ອງຕົ້ນຈະເລີ່ມແຕ່ 10 ໂມງເຊົ້າ ຫາ 15 ໂມງ 30 ນາທີ.ສ່ວນວິທີຊື້ປີ້ສາມາດຈ່າຍຜ່ານການຮູບບັດທະນາຄານ ຫຼື ສະແກນ QR code, ໃນເບື້ອງຕົ້ນຂອງການຊື້ປີ້ຍັງບໍ່ຮັບເງິນສົດ.

ບໍລິສັດລົດໄຟລາວ-ຈີນ ມີພະນັກງານ 1.206 ຄົນ ໃນນີ້ສັນຊາດລາວ 675 ຄົນ

ນັບຕັ້ງແຕ່ເລີ່ມການກໍ່ສ້າງເປັນຕົ້ນມາ ໃນໄລຍະເວລາ 5 ປີ ໂຄງການທາງລົດໄຟລາວ-ຈີນ ໄດ້ສະໜອງວຽກເຮັດງານທໍາໃຫ້ແກ່ປະຊາຊົນທ້ອງຖິ່ນໃນລາວເຖິງ 111.164 ເທື່ອຄົນ, ມີການສ້າງຫຼັກສູດຊຸດຝຶກອົບ ຮົມ, ຫອ້ງຮຽນຝຶກອົບຮົມໃຫ້ແກ່ເຈົ້າໜ້າທີ່ຝ່າຍລາວເຖິງ 995 ຊຸດ. ສ່ວນພະນັກງານຂອງບໍລິສັດທາງລົດໄຟລາວ-ຈີນ ທີ່ມີໃນປັດຈຸ ບັນ ແມ່ນ 1.206 ຄົນ,ໃນນີ້ ມີພະນັກງານສັນຊາດລາວ 675 ຄົນ. ສ່ວນພາກສ່ວນທີ່ຮ່ວມເຮັດວຽກນຳບໍລິສັດລົດ ໄຟລົດໄຟລາວ-ຈີນ ເຊັ່ນ: ບໍລິສັດປ້ອງກັນຄວາມປອດໄພ, ບໍລິສັດອະນາໄມທຳຄວາມສະອາດ, ເຮັດສວນ, ສົ່ງອາຫານ ແລະ ສິ່ງອຳນວຍຄວາມສະດວກອື່ນໆ ມີປະມານ 1.000 ກວ່າຄົນ, ເຊີ່ງເປັນການປະກອບສ່ວນສໍາຄັນໃນການຊ່ວຍສ້າງວຽກເຮັດງານທໍາໃຫ້ປະຊາຊົນຂອງທ້ອງຖິ່ນໃນລາວ. ທ່ານ ວົງທອງ ສຸພັນທອງ, ຮອງວິສະວະກອນເອກ ບໍລິສັດທາງລົດໄຟລາວ-ຈີນ ຈໍາກັດ ໃຫ້ສໍາພາດຕໍ່ສື່ມວນຊົນ ໃນວັນທີ 18 ກຸມພາ 2022 ວ່າ: ພະນັກງານສັນຊາດລາວ 675 ຄົນ ທີ່ເຮັດວຽກນໍາບໍລິສັດລົດ ໄຟລາວ-ຈີນ ແບ່ງ ອອກເປັນ 2 ພາກສ່ວນ ຄື: ເຮັດວຽກຢູ່ສໍານັກງານໃຫຍ່ຂອງບໍລິສັດ 35 ຄົນ ແລະ ເຮັດວຽກຢູ່ບັນດາສະຖານີ ແລະ ເທີງລົດໄຟ, ລວມເຖີງເຮັດວຽກຕິດຕາມສ້ອມແປງລະບົບໄຟຟ້າ...

ສະຖານີນາເຕີຍ ຈະເປີດບໍລິການຂົນສົ່ງຜູ້ໂດຍສານໃນໄວໆນີ້ແລ້ວ!

ເມື່ອບໍ່ດົນມານີ້, ບໍ​ລິ​ສັດ​ທາ​ງ​ລົດ​ໄຟ​ລາວ-ຈີນ​ຈຳ​ກັດ​ ແຈ້ງ​ໃຫ້​ຮູ້​ວ່າ: ເພື່ອ​ຕອບ​ສະ​ໜອງ​ຕາມ​ຄວາມ​ຮຽກ​ຮ້ອງ​ຕ້ອງ​ການ​​ການຂົນ​ສົ່ງ​ຜູ້​ໂດຍ​ສານ​ທີ່​ນັບ​ມື້​ນັບ​ເພີ່ມຂຶ້ນ ແລະ ​ອີງ​ຕາມ​ຄວາມ​ຕ້ອງ​ການ​ຂອງວຽກ​ງານ​ທີ່​ກ່ຽວ​ຂ້ອງ​ ຂອງ​ແຂວງຫຼວງ​ນ້ຳ​ທາ​ປະ​ເທດລາວ, ບໍ​ລິ​ສັດ​ທາ​ງ​ລົດ​ໄຟ​ລາວ-ຈີນ​ຈຳ​ກັດ​ ໄດ້​ຕົກ​ລົງ​ວ່າ: ນັບ​ແຕ່​ວັນ​ທີ 6 ກຸມ​ພາ​ນີ້​ເປັນ​ຕົ້ນ​ໄປ, ສະ​ຖາ​ນີ​ນາ​ເຕີຍ​ຕາມ​ທາງ​ລົດ​ໄຟ​ລາວ​-ຈີນ ຕອນ​ຢູ່​ປະ​ເທດ​ລາວ​ຈະ​ເລີ່ມ​ເປີດ​ບໍ​ລິ​ການ​ຂົນ​ສົ່ງ​ຜູ້​ໂດຍ​ສານ, ພ້ອມ​ກັນ​ນັ້ນ, ເວ​ລາ​ການ​ເດີນ​ລົດ​ກໍ​ຈະ​ມີ​ການ​ປັບ​ປຸງ​ເຊັ່ນ​ດຽວ​ກັນ. ຈາກ​ນັ້ນ, ສະ​ຖາ​ນີ​ຕາມ​ທາງ​ລົດ​ໄຟ​ລາວ-ຈີນ ​ຕອນຢູ່​ປະ​ເທດ​ລາວ ທີ່​ໄດ້​ເປີດ​ບໍ​ລິ​ການ​ຂົນ​ສົ່ງ​ຜູ້​ໂດຍ​ສານ ​ໃນ​ໄລ​ຍະ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຈະ​ເພີ່ມ​ຂຶ້ນ​ຈາກ 6 ສະ​ຖາ​ນີ ເປັນ 7 ສະ​ຖາ​ນີ ເຊິ່ງ​ເປັນ​ການ​ຮັບ​ປະ​ກັນ​ຄວາມ​ຕ້ອງ​ການ​ຂອງ​ການ​ຂົນ​ສົ່ງ​ຜູ້​ໂດຍ​ສານ. ພາຍຫຼັງ​ສະ​ຖາ​ນີ​ນາ​ເຕີຍ​ເປີດ​ບໍ​ລິ​ການ​ຂົນ​ສົ່ງ​ຜູ້​ໂດຍ​ສານ​ແລ້​ວ, ເວ​ລາ​ການ​ເດີນ​ລົດ​​ຂອ​ງ​ສະ​ຖາ​ນີ​ບໍ່​ເຕັນ ແລະ​ສະ​ຖາ​ນີ​ນາ​ເຕີຍ​ກໍ​ຈະ​ມີ​ການ​ປັບ​ປຸງ​ຈຳ​ນວນ​ໜຶ່ງ. ປັດ​ຈຸ​ບັນ, ພາກ​ສ່ວນ​ທີ່​ກ່ຽ​ວ​ຂ້ອງ​ກຳ​ລັງ​ປະ​ຕິ​ບັດ​ວຽກ​ງານ​ກະ​ກຽ​ມ​ການ​ປ້ອງ​ກັນ ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ວຽກ​ງານ​ປ້ອງ​ກັນ​ຄວາມ​ປອດ​ໄພ ແລະ​ວຽກ​ງານ​ບໍ​ລິ​ການ​ຜູ້​ໂດຍ​ສານ ແລະ​ອື່ນໆ​ຢູ່​ສະ​ຖາ​ນີ​ນາ​ເຕີຍ ເພື່ອ​ຮັບ​ປະ​ກັນ​ໃຫ້​ສາ​ມາດ​ເປີດ​ບໍ​ລິ​ການ​ຂົນ​ສົ່ງ​ຜູ້​ໂດຍ​ສານ​ຕາມ​ແຜນ​ການ​ຢ່າງ​ມີ​ຄຸນ​ນະ​ພາບ​ສູງ ແລະ​ຕອບ​ສະ​ໜອງ​ຕາມ​ຄວາມ​ຕ້ອງ​ການ​​ດ້ານ​ການຂົນ​ສົ່ງ​ຜູ້​ໂດຍ​ສານ. ແຫຼ່ງຂ່າວ: ສຳນັກຂ່າວ CRI

ບໍລິສັດລົດໄຟລາວ-ຈີນ ບໍ່ໄດ້ອະນຸຍາດໃຫ້ໜ່ວຍງານ ຫຼື ບຸກຄົນໃດເປັນຕົວແທນຂາຍປີ້ລົດໄຟເທື່ອ

ບໍລິສັດທາງລົດໄຟລາວ-ຈີນ ຂໍແຈ້ງມາຍັງທ່ານຊາບວ່າ: ປະຈຸບັນ, ບໍລິສັດລົດໄຟລາວ-ຈີນ ບໍ່ໄດ້ອະນຸຍາດໃຫ້ໜ່ວຍງານ ຫຼື ບຸກຄົນໃດເປັນຕົວແທນຂາຍປີ້ລົດໄຟ ຕາມການລາຍງານງານ ຈາກແຟນເພຈທາງການ Laos - China Railway Company Limited ໄດ້ຈີ້ແຈງວ່າ: ຢ່າຫຼົງເຊື່ອຂ່າວປອມ! ບໍລິສັດທາງລົດໄຟລາວ-ຈີນ ຂໍແຈ້ງມາຍັງທ່ານຊາບວ່າ: ປະຈຸບັນ, ບໍລິສັດລົດໄຟລາວ-ຈີນ ບໍ່ໄດ້ອະນຸຍາດໃຫ້ໜ່ວຍງານ ຫຼື ບຸກຄົນໃດເປັນຕົວແທນຂາຍປີ້ລົດໄຟ, ຂໍ້ມູນທີ່ເອົາມາອ້າງວ່າຕົນເປັນຕົວແທນຂາຍປີ້ ແລະ ລາຄາປີ້ຕ່າງໆທີ່ໂພສໃນເຟສບຸກ ຫຼື ສື່ສັງຄົມອອນລາຍອື່ນໆ ແມ່ນຕ່າງກໍບໍ່ທັນໄດ້ຮັບອະນຸຍາດຈາກບໍລິສັດທັງໝົດ, ​ເຊິ່ງ​ຖືວ່າເປັນ​ການກະທຳ​ທີ່​ຜິດຕໍ່ລະບຽບ​ກົດໝາຍ. ພ້ອມຍັງແຈ້ງເພີ່ມອີກວ່: ຂໍຄວາມຊ່ວຍເຫຼືອນຳໝູ່ເພື່ອນ ແລະ ພີ່ນ້ອງປະຊາຊົນທຸກໆຄົນຊ່ວຍແຊກັນຕໍ່ໆ, ຮ່ວມກັນຢຸດຕິການຂາຍປີ້ທີ່ບໍ່ຖືກຕ້ອງນີ້, ພ້ອມທັງຂໍໃຫ້ທຸກຄົນຊື້ປີ້ຜ່ານຊ່ອງທາງທີ່ຖືກຕ້ອງຢູ່ທຸກສະຖານີເທົ່ານັ້ນ ເພື່ອເປັນການປ້ອງກັນບໍ່ໃຫ້ຖືກຕ໋ວະ. ພ້ອມດຽວກັນນີ້, ບໍລິສັດທາງລົດໄຟລາວ-ຈີນ ຈະເພີ່ມທະວີການຮ່ວມມືກັບບັນດາກະຊວງກົມກອງຂອງລັດຖະບານ, ເພື່ອຊຸກຍູ້ການເພີ່ມທະວີການລົງໂທດບັນດາບໍລິສັດ ຫຼື ບຸກຄົນ ທີ່ຂາຍປີ້ຜິດກົດໝາຍ ກໍຄືຜູ້ທີ່ສວຍໂອກາດກັກຕຸນປີ້ໂດຍສານ, ມີນາຍໜ້າຈອງໄວ້ ເພື່ອຂາຍປີ້ເກງກຳໄລ. ຖ້າພີ່ນ້ອງປະຊາຊົນພົບເຫັນການກະທຳທີ່ຜິດຕໍ່ກົດໝາຍ ອັນສ້າງຄວາມເສຍຫາຍຕໍ່ພາບພົດຂອງທາງ​ລົດ​ໄຟ​ລາວ-ຈີນ ແລະ ​ຜົນ​ປະ​ໂຫຍດ​ຂອງ​ປະ​ຊາ​ຊົນ, ຂໍໃຫ້ທຸກຄົນແຈ້ງມາຍັງບໍລິສັດທາງລົດໄຟລາວ-ຈີນ ​ຫຼື​ ແຈ້ງເຈົ້າໜ້າທີ່ຕຳຫຼວດໂດຍດ່ວນ.
All countries
549,822,960
Total confirmed cases
Updated on June 28, 2022 05:10
Italy
18,259,261
Total confirmed cases
Updated on June 28, 2022 05:10
Spain
12,681,820
Total confirmed cases
Updated on June 28, 2022 05:10
Iran
7,236,713
Total confirmed cases
Updated on June 28, 2022 05:10
Germany
27,914,240
Total confirmed cases
Updated on June 28, 2022 05:10

Frequently Asked Questions

spot_img