ຂ່າວອຸບັດຕິເຫດ

ພຽງ 5 ວັນ ສະຫຼອງປີໃໝ່ ທົ່ວປະເທດມີອຸບັດຕິເຫດເກີດຂຶ້ນ 197 ຄັ້ງ

5 ວັນຂອງການສະເຫຼີມສະຫຼອງ ສົ່ງທ້າຍປີເກົ່າ ຕ້ອນຮັບປີໃໝ່ທົ່ວປະເທດມີອຸບັດຕິເຫດເກີດຂຶ້ນ 197 ຄັ້ງ ກົມໃຫຍ່ ຕຳຫຼວດ ກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບໃຫ້ຮູ້ວ່າ: ໃນ 5 ວັນຂອງການສະເຫຼີມສະຫຼອງ ສົ່ງທ້າຍປີເກົ່າ ຕ້ອນຮັບປີໃໝ່ 2022 ທົ່ວປະເທດມີອຸບັດຕິເຫດເກີດຂຶ້ນ ທັງໝົດ 197 ຄັ້ງ, ມີຜູ້ໄດ້ຮັບບາດເຈັບ 297 ຄົນ, ເສຍຊີວິດ ຈາກອຸບັດຕິເຫດ 43 ຄົນ, ມີພາຫະນະເປເພ 315 ຄັນ. ຖ້າທຽບ ໃສ່ 5 ວັນຂອງປີ 2021, ເຫັນວ່າຈໍຳນວນອຸບັດຕິເຫດປີນີ້ ໜ້ອຍກວ່າ ປີຜ່ານມາ 20 ຄັ້ງ, ແຕ່ປີນີ້ ມີຜູ້ເສຍຊີວິດຫຼາຍກວ່າປີກາຍ 7 ຄົນ. ແຂວງທີ່ເກີດອຸບັດຕິເຫດຫລາຍກວ່າໝູ່ ແມ່ນແຂວງຈຳປາສັກ, ມີອຸບັດຕິເຫດເກີດຂຶ້ນທັງໝົດ 32 ຄັ້ງ, ນະຄອນຫຼວງວຽງຈັນ 29 ຄັ້ງ, ແຂວງວຽງຈັນ 22 ຄັ້ງ, ແຂວງສະຫວັນນະເຂດ 18 ຄັ້ງ, ແຂວງຫຼວງພະບາງ, ອຸດົມໄຊ ແຂວງລະ 13 ຄັ້ງ, ແຂວງບໍລິຄຳໄຊ 12...

ພຽງທິດດຽວ ນະຄອນຫຼວງວຽງຈັນມີອຸບັດເຫດທັງໝົດ 19 ເລື່ອງ

ຕາມການລາຍງານຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: 1 ອາທິດຜ່ານມາ ( ໃນວັນທີ 29 ພະຈິກ - 5 ທັນວາ 2021 ) ຢູ່ນະຄອນຫຼວງວຽງຈັນ ມີອຸບັດຕິເຫດເກີດຂຶ້ນທັງໝົດ 19 ເລື່ອງ, ຄົນໄດ້ຮັບບາດເຈັບ 23 ຄົນ, ເສຍຊີວິດ 5 ຄົນ, ທຽບໃສ່ອາທິດຜ່ານມາ ອຸບັດຕິເຫດເພີ່ມຂຶ້ນ 6 ເລື່ອງ, ຄົນໄດ້ຮັບບາດເຈັບເພີ່ມຂຶ້ນ 5 ຄົນ ແລະ ຄົນເສຍຊີວິດເພີ່ມຂຶ້ນ 3 ຄົນ. ເຈົ້າໜ້າທີ່ ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໃຫ້ຮູ້ວ່າ: 1 ອາທິດຜ່ານມາ ຢູ່ນະຄອນຫຼວງວຽງຈັນ ມີອຸບັດຕິເຫດເກີດຂຶ້ນທັງໝົດ 19 ເລື່ອງ, ມີຄົນໄດ້ຮັບບາດເຈັບ 23 ຄົນ ແລະ ເສຍຊີວິດ 5 ຄົນ, ພາຫະນະເປ່ເພ່ ທັງໝົດ 33 ຄັນ, ລວມມູນຄ່າເສຍຫາຍ 245.000.000 ລ້ານກີບ, ໄລຍະເວລາທີ່ອຸບັດຕິເຫດເກີດຂຶ້ນຫລາຍ ແມ່ນເວລາ 17:00 - 23:45 ໂມງ...

ເຫດລົດກະບະເສຍຫຼັກຕົກໜອງນ້ຳ ລະຫວ່າງເມືອງຊຳເໜືອ ຫາ ເມືອງວຽງໄຊ

ເກີດອຸປະຕິເຫດລົດໃຫຍ່ເສຍຫຼັກຕົກໜອງນ້ຳເສຍຊີວິດ 01 ຄົນ ຕາມການລາຍງານຂອງເຈົ້າໜ້າທີ່ ປກສ ແຂວງຫົວພັນ ໃຫ້ຮູ້ວ່າ: ໃນຕອນເຊົ້າວັນທີ 14 ຕຸລາ 2021 ນີ້ ທີ່ຜ່ານມາ, ໄດ້ເກີດອຸປະຕິເຫດລົດໃຫຍ່ກະບະ ເສຍຫຼັກຕົກລົງໜອງນ້ຳຂ້າງທາງ ຢູ່ກິໂລແມັດທີ 9 ເສັ້ນທາງລະຫວ່າງເມືອງຊຳເໜືອ ຫາ ເມືອງວຽງໄຊ ແຂວງຫົວພັນ. ຜ່ານການລົງເກັບກຳຂໍ່້ມູນຂອງເຈົ້າໜ້າທີ່ໄດ້ພົບເຫັນ ລົດໃຫຍ່ກະບະ ຍີ່ຫໍ້ ອີຊຸຊຸ ດີແມັກ ທະບຽນລົດ ກຈ 4579 ກຳແພງນະຄອນ ເຊິ່ງຜູ້ຂັບຂີ່ແມ່ນ ທ້າວ ບຸນມາ ຈັນມີໄຊ ພະນັກງານ ຫ້ອງການຊັບພະຍາກອນ ທຳມະຊາດ ແລະ ສິ່ງແວດລ້ອມ ເມືອງຊຽງຄໍ້ ແຂວງຫົວພັນ, ໄດ້ເກີດອຸປະຕິເຫດ ຂັບຂີ່ລົດໃຫຍ່ເສຍຫຼັກຕົກລົງໜອງນ້ຳຂ້າງທາງ ຢູ່ລະຫວ່າງກິໂລແມັດທີ່ 9 ເສັ້ນທາງ ເມືອງຊຳເໜືອຫາເມືອງວຽງໄຊ ແຂວງຫົວພັນ ເຮັດໃຫ້ຜູ້ກ່ຽວເສຍຊີວິດຄາທີ່, ສ່ວນຂໍ່້ມູນ ເຫດການລາຍລະອຽດທີ່ພາໃຫ້ເກີດອຸບັດຕິເຫດນັ້ນ ທາງເຈົ້າໜ້າທີ່ກຳລັງສືບສວນ-ສອບສວນ. ຈາກເຫດການທີ່ເກີດຂຶ້້ນໃນຄັ້ງນີ້ ທາງທິມງານຂອງພວກເຮົາ ຂໍສະແດງຄວາມເສຍໃຈ ມາຍັງຍາດຕິພີ່ນ້ອງຂອງຜູ້ກ່ຽວ ແລະ ຮຽກຮ້ອງມາຍັງຜູ້ນຳໃຊ້ລົດ, ເສັ້ນທາງໃນການສັນຈອນໄປມາ ຈົ່ງພ້ອມກັນຂັບຂີ່ລົດດ້ວຍຄວາມລະມັດລະວັງ ເພື່ອຄວາມປອດໄພ.

ໝຸ່ນໝົດສອງ ລົດໃຫຍ່ຕຳລົດໃຫຍ່ ເຮັດໃຫ້ມີຜູ້ເສຍຊີວິດ 1 ແລະ ບາດເຈັບ 4

ເຫດລົດຕຳກັນ ເຂດເສັ້ໜທາງພູເກົ້າຫຼັກ ໃນຕອນບ່າຍ ເວລາ14:34ນາທີ ຂອງວັນທີ 10 ຕຸລາ 2021 ໜ່ວຍກູ້ຊີບອົງການກາແດງລາວຫຼວງພະບາງ ລາຍງານໃຫ້ຮູ້ວ່າ: ໄດ້ຮັບແຈ້ງຈາກປະຊາຊົນຜ່ານເບີ 071 1625 ວ່າ​: ມີ​ອຸບັດຕິເຫດ​ຂັບຂີ່ລົດໃຫຍ່+ລົດໃຫຍ່ ຢູ່ບ້ານນາເມືອງ ເສັ້ນທາງພູເກົ້າຫຼັກ ເມືອງນານ ແຂວງຫລວງພະບາງ. ເມື່ອຫນ່ວຍກູ້ຊີບອົງການກາແດງລາວກວດສອບພົບຜູ້ບາດເຈັບທັງຫມົດ2ຄົນ ເພດຊາຍ, ເສຍຊີວິດ01ຄົນ​ ເພດຊາຍ. ພ້ອມຜູ້ບາດເຈັບຜູ້ທີ່01 ມີບາດແຜຢູ່ຂາໂຕ້ເບື້ອງຊ້າຍ ແລະ ແໜ້ນຫນ້າເອິກ (ບໍ່ປະສົ່ງໄປໂຮງໝໍ) +ຜູ້ທີ່ 02 ມີບາດແຜເຫລີ້ນຢູ່ແຂນສອກເບື້ອງຊ້າຍ,ເຈັບບ່າໄຫ່ລເບື້ອງຊ້າຍ. +ອີກສອງຄົນແມ່ນນຳສົ່ງໂຮງໜໍນາເມືອງກ່ອນ +ຜູ້ເສຍຊິວິດ ຊື່ທ້າວ ກຸດສະລາດ ອາຍຸ 48ປີ ບ້ານເຊໂນ ເມືອງອຸທຸມພອນ ແຂວງສະຫວັນນະເຂດ. ດັ່ງນັ້ນທາງທີມງານຫນ່ວຍກູ້ຊີບອົງການກາແດງລາວຈື່ງໄດ້ທຳການຫໍ່ສົບແລ້ວນຳສົ່ງໂຮງເຢັນໂຮງໜໍແຂວງ.ເພື່ອຕິດຕໍ່ໃຫ້ຍາດພີ່ນ້ອງມາຮັບເພືອເຮັດພິທີຕາມສາສະຫນາຕໍ່ໄປ

ເຈົ້າໜ້າທີ່ເລັ່ງຊອກຜູ້ຜູ້ກໍ່ເຫດຕຳແລ້ວໜີ ຄູ່ກໍລະນີເສຍຊີວິດຄາທີ່!

ເຈົ້າໜ້າທີ່ເລັ່ງຊອກຫາຜູ້ກໍ່ເຫດແລ້ວໜີ ຂະນະທີ່ຄູ່ກໍລະນີເສຍຊີວິດຄາທີ່. ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ອຸບັດຕິເຫດ ລົດໃຫຍ່ຕໍາກັບລົດຈັກ ໃນເວລາ 21:30 ໂມງ, ຂອງວັນທີ 27 ສິງຫາ 2021, ຢູ່ເຂດບ້ານໂພນມ່ວງ ເມືອງນາຊາຍທອງ ນະຄອນຫຼວງວຽງຈັນ ເຮັດໃຫ້ເກີດມີຜູ້ຂັບຂີ່ລົດຈັກເສຍຊີວິດຄາທີ່; ຫຼັງເກີດເຫດຜູ້ຂັບຂີ່ລົດຍົນ ໄດ້ເອົາຕົວລົບໜີ. ປັດຈຸບັນ ເຈົ້າໜ້າທີ່ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ປະສານສົມທົບກັບພາກສ່ວນກ່ຽວຂ້ອງ ເລັ່ງຕິດຕາມຕົວຜູ້ຫຼົບໜີມາດໍາເນີນຄະດີຕາມຂັ້ນຕອນຂອງກົດໝາຍ. ເຈົ້າໜ້າທີ່ ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງເກີດເຫດ ໄດ້ລົງກວດກາຊັນນະສູດສະຖານທີ່ເກີດເຫດວັດແທກ ແລະ ເກັບກໍາຂໍ້ມູນທ້ອນໂຮມຫຼັກຖານຮ່ອງຮອຍການກະທົບເບື້ອງຕົ້ນຮູ້ໄດ້ວ່າ: ອຸບັດຕິເຫດຄັ້ງນີ້ ເກີດຈາກລົດຍົນຕໍາກັບ ລົດຈັກຮອນດ້າເວບ 100 ໝາຍເລກທະບຽນ ດລ 0363 ກໍາແພງນະຄອນ ຜູ້ຂັບຂີ່ລົດຈັກ ຊື່ ທ້າວ ບຸນທັນ ອາຍຸ 21 ປີ, ກໍາມະກອນ, ຢູ່ບ້ານແສນດິນ ເມືອງນາຊາຍທອງ ນະຄອນຫຼວງວຽງຈັນ ເສຍຊີວິດ; ສ່ວນຜູ້ຂັບຂີ່ລົດຍົນໄດ້ເອົາຕົວຫຼົບໜີ ປັດຈຸບັນ ເຈົ້າໜ້າທີ່ພວມເລັ່ງຕິດຕາມຕົວຜູ້ກ່ຽວມາດໍາເນີນຄະດີຕາມກົດໝາຍ. ຕໍ່ກັບເຫດການຄັ້ງນີ້, ກອງບັນຊາການ ປກສ ນະຄອນຫຼວງວຽງຈັນ ໄດ້ສະແດງຄວາມເສຍໃຈຕໍ່ຄອບຄົວຜູ້ເສຍຊີວິດ ແລະ ຮຽກຮ້ອງມາຍັງຜູ້ໃຊ້ລົດໃຊ້ຖະໜົນ ໃຫ້ມີສະຕິ, ເອົາໃຈໃສ່ປະຕິບັດກົດຈະລາຈອນຢ່າງເຂັ້ມງວດ, ໃຫ້ກຽດເຊິ່ງກັນແລະກັນ,...
All countries
350,428,630
Total confirmed cases
Updated on January 23, 2022 15:32
Italy
9,781,191
Total confirmed cases
Updated on January 23, 2022 15:32
Spain
8,975,458
Total confirmed cases
Updated on January 23, 2022 15:32
Iran
6,250,490
Total confirmed cases
Updated on January 23, 2022 15:32
Germany
8,683,293
Total confirmed cases
Updated on January 23, 2022 15:32

Frequently Asked Questions

spot_img