ຂ່າວອຸບັດຕິເຫດ

ເດືອນກໍລະກົດ ມີອຸບັດເຫດເກີດຂຶ້ນ 454 ລາຍ

ອີງຕາມຂໍ້ມູນອຸບັດເຫດຂອງພະແນກສືບສວນ-ສອບສວນ ຄະດີອຸບັດເຫດ ຂອງກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບ ປະຈຳເດືອນກໍລະກົດ ໃຫ້ຮູ້ວ່າ: ມີອຸບັດເຫດເກີດຂຶ້ນ 454 ລາຍ, ເພີ່ມຂຶ້ນ 57 ລາຍ, ພາຫະນະເປ່ເພ 794 ຄັນ, ເພີ່ມຂຶ້ນ 91 ຄັນ, ຄົນໄດ້ຮັບບາດເຈັບ 646 ຄົນ, ເພີ່ມຂຶ້ນ 5 ຄົນ, ຄົນເສຍຊີວິດ 66 ຄົນ, ເພີ່ມຂຶ້ນ 17 ຄົນ, ສະເພາະຢູ່ນະຄອນຫຼວງວຽງຈັນ ມີອຸບັດເຫດເກີດຂຶ້ນ 100 ລາຍ, ເພີ່ມຂຶ້ນ 14 ລາຍ, ພາຫະນະເປ່ເພ 195 ຄັນ, ເພີ່ມຂຶ້ນ 22 ຄັນ, ຄົນໄດ້ຮັບບາດເຈັບ 127 ຄົນ, ເພີ່ມຂຶ້ນ 35 ຄົນ, ຄົນເສຍຊີວິດ 11 ຄົນ, ຫຼຸດລົງ 3 ຄົນ, ສາເຫດສ່ວນໃຫຍ່ໃຊ້ຄວາມໄວເກີນ, ດື່ມເຫຼົ້າ, ປ່ຽນທິດທາງເດີນ, ລ່ວງປ້າຍຫ້າມ, ຊີງຂຶ້ນໜ້າບໍ່ຮັບປະກັນ ແລະ ອື່ນໆ. ແຂວງທີ່ເກີດອຸບັດເຫດຫຼາຍກວ່າໝູ່ແມ່ນນະຄອນຫຼວງວຽງຈັນ, ຮອງລົງມາແມ່ນແຂວງຫຼວງພະບາງ, ສະຫວັນນະເຂດ,...

ເຫດຂັບລົດຈັກລົ້ມເອງນັບມື້ນັບຫຼາຍຂຶ້ນ

ດັ່ງທີ່ເຮົາເຫັນ ຈາກການລາຍງານຂອງທາງໜ່ວຍກູ້ໄພໃນແຕ່ລະວັນ ທີ່ໄດ້ລົງປະຕິບັດໜ້າທີ່ ເພື່ອຊ່ວຍເຫຼືອຄົນປະສົບອຸບັດເຫດຕ່າງໆ ໂດຍສະເພາະໃນທ້ອງຖະໜົນເວລາກາງຄືນ. ຈະເຫັນວ່າໃນເດືອນທີ່ຜ່ານມາ ພົບເຫດຄົນຂັບລົດລົ້ມເອງຫຼາຍພໍສົມຄວນ ສາເຫດຫຼັກໆກໍຍ້ອນຈາກ ການຂັບຂີ່ລົດຕອນເມົາ, ທາງມືດ, ທາງມື່ນ.... ອຸບັດຕິເຫດດັ່ງກ່າວອາດນຳມາສູນເສຍ ລົດເປ່ເພ, ຄົນຂັບຂີ່ລົດໄດ້ຮັບບາດເຈັບ ຖ້າຮຸນແຮງກໍອາດເຖິງແກ່ຄວາມຕາຍໄດ້. ດັ່ງນັ້ນ, ຂໍໃຫ້ທຸກຄົນຈົ່ງມີສະຕິ ຄ່ອຍໄປຄ່ອຍມາ ນຳກັນ ເພື່ອຫຼຸດຜ່ອນອຸບັດເຫດ. . . . . . . . ນີ້ເປັນພຽງພາກສ່ວນໜຶ່ງເທົ່ານັ້ນ, ຍັງມີອີກຫຼາຍເຫດທີ່ມີລັກສະນະດຽວກັນ. ຂໍຂອບໃຈຮູບພາບຈາກໜ່ວຍກູ້ໄພຕ່າງໆ

ເຫດລົດຈັກຕຳຟຸດບາດເຂດສວນມອນ ເຮັດໃຫ້ມີຜູ້ເສຍຊີວິດ

ເວລາປະມານ 23 ໂມງ ຂອງວັນທີ 25/05/2022 ໄດ້ມີອຸບັດຕິເຫດ ເຫດລົດຈັກລົ້ມເອງ ເຂດສວນມອນ ເມືອງສີສັດຕະນາກ ນະຄອນຫຼວງວຽງຈັນ. ຕໍ່ກັບເຫດການດັ່ງກ່າວ, ໝູ່ເພື່ອນທີ່ຮູ້ຈັກກັບກໍລະນີຂັບລົດລົ້ມເອງໄດ້ໃຫ້ຮູ້ວ່າ ແມ່ນ ສອງແມ່ລູກ, ເຊິ່ງໜ້າເສົ້າໃຈເດັກນ້ອຍແມ່ນໄດ້ເສຍຊີວິດແລ້ວ ສ່ວນຜູ້ເປັນແມ່ແມ່ນຍັງຖ້າຟັງອາການ. ເວລາປະມານ 14:30 ຂອງວັນທີ 26/05/2022 ທາງເຈົ້າໜ້າທີ່ກູ້ໄພ ໜ່ວຍກູ້ໄພຊ່ວຍເຫຼືອ ແລະ ບັນເທົາທຸກ ນະຄອນຫຼວງວຽງຈັນໄດ້ລາຍງານວ່າ: ໜ້າເສົ້າກັບເຫດການລົດຈັກແມ່ ແລະ ລູກອາຍຸ 6 ປີ ຕຳຟຸດບາດ ແລ້ວກະທົບໃສ່ເຫຼັກຫຼັກເສົາເຢືອງທາງ ເມື່ອທາງໜ່ວຍກູ້ໄພເຮົາໄດ້ຮັບການແຈ້ງເຫດກໍ່ໄປຮອດຈຸດເກີດເຫດພາຍໃນບໍ່ຮອດ 5 ນາທີ ແຕ່ກໍ່ຊ່ວຍໄດ້ສຸດຄວາມສາມາດ. ເສຍດາຍຖ້າເຮົາໄດ້ຮັບແຈ້ງເຫດໄວກວ່ານັ້ນ ຄືຈະບໍ່ເກີດເຫດການເສົ້າສະຫຼົດໃຈ. ສຸດທ້າຍນີ້ຢາກໃຫ້ພໍ່ແມ່ພີ່ນ້ອງເຂດເມືອງສີສັດຕະນາກ ຫຼື ເຂດສວນມອນ ຂໍໃຫ້ເຊັບ ( ບັນທຶກ ) ເບີໂທຂອງທາງໜ່ວຍງານເຮົາໄວ້ກໍ່ຈະເປັນການດີ 020 54000089 ເພາະໜ່ວຍເຮົາແມ່ນຢູ່ໃກ້ທີ່ສຸດ ແລະ ເປັນສາຍຕົງຂອງໜ່ວຍງານເຮົາ ເພາະເຮົາຈະໄດ້ໄປໃຫ້ໄວກວ່ານີ້.

ອຸບັດເຫດລົດໃຫຍ່ຕໍາລົດໃຫຍ່ ສີ່ແຍກໂຮງໝໍມະໂຫສົດ

ທ່ານ ພັນໂທ ບຸນແອັດ ສຸບົວຈັນ ຮອງພະແນກຕໍາຫລວດຊີ້ນໍາຈະລາຈອນ ເມືອງສີສັດຕະນາກ ໄດ້ໃຫ້ຂໍ້ມູນ ເບື້ອງຕົ້ນກ່ຽວກັບອຸບັດເຫດລົດໃຫຍ່ຕໍາລົດໃຫຍ່ຢູ່ສີ່ແຍກໂຮງຫມໍມະໂຫສົດນີ້ວ່າ: ເມື່ອເວລາປະມານ 23:40 ໂມງ ຂອງວັນທີ 24 ພຶດສະພາ 2022 ມີເຫດລົດໃຫຍ່ຕໍາລົດໃຫຍ່ຢູ່ສີ່ແຍກໂຮງຫມໍມະໂຫສົດ ເມື່ອເຈົ້າຫນ້າທີ່ລົງ ໄປກວດກາ ເປັນລົດຟໍຈູນເນີທີ່ມຸ່ງຫນ້າມາແຕ່ເສັ້ນທາງໂຮງແຮມດອນຈັນພາເລດ ພໍມາຮອດສີ່ແຍກໂຮງໝໍມະໂຫສົດ ມີລົດກະບະ ມາແຕ່ເສັ້ນທາງໂຮງຫມໍມະໂຫສົດຈະມຸ່ງຫນ້າໄປເສັ້ນທາງແຄມຂອງ ມາຮອດຈຸດສີ່ແຍກ ຕ່າງຝ່າຍຕ່າງບໍ່ຜ່ອນຄວາມໄວຈຶ່ງເຮັດໃຫ້ເກີດອຸບັດເຫດ ມີຄົນໄດ້ຮັບບາດເຈັບເລັກ ຫນ້ອຍ 1 ຄົນ, ສ່ວນລົດ ທັງສອງຄັນແມ່ນເປ່ເພຫລາຍຫລາຍສົມຄວນ. ຕໍ່ກັບບັນຫາທີ່ປະຊາຊົນຮຽກຮ້ອງໃຫ້ແກ້ໄຂບາງບັນຫາຢູ່ທາງດ່ວນນະຄອນຫລວງວຽງຈັນ-ວັງວຽງ ເປັນຕົ້ນ ແມ່ນ ບໍ່ໄຕ້ໄຟອຸມົງເວລາຂັບຂີ່ເຂົ້າໄປສ່ຽງຕໍ່ການເກີດອຸບັດເຫດ ແລະ ຮາວກັ້ນຂອບທາງເປ່ເພ ສ່ຽງເປັນ ອັນຕະລາຍຕໍ່ຜູ້ຂັບຂີ່ ໃນໄລຍະທີ່ຜ່ານມາ, ມາຮອດວັນທີ 26 ພຶດສະພາ 2022 ທ່ານ ພັນຕີ ວັດທະນາ ຈິດຕະ ພົງ ເຈົ້າຫນ້າທີ່ປະຈໍາທາງດ່ວນ ໃຫ້ຮູ້ວ່າ: ທາງເຈົ້າຫນ້າທີ່ໄດ້ຕິດຕໍ່ຫາບໍລິສັດທີ່ຮັບຜິດຊອບແລ້ວ ຈົນມາຮອດ ປັດຈຸບັນຍັງບໍ່ໄດ້ຮັບການແກ້ໄຂເທື່ອ. ຂໍ້ມູນຮູບພາບ+ຈາກ: ລາວພັດທະນາ

ໃນ 3 ເດືອນ ແຂວງເຊກອງມີຜູ້ເສຍຊີວິດ 14 ຄົນ ຈາກອຸບັດເຫດ

ຕາມການລາຍງານຂອງ ທ່ານຮ້ອຍເອກ ບຸນສະຫງວນ ພົມມະລິນ ຮອງຫົວໜ້າພະແນກຈະລາຈອນ ກອງບັນຊາການ ປກສ ແຂວງເຊກອງ ເມື່ອບໍ່ດົນນີ້ໃຫ້ຮູ້ວ່າ: ໃນ 3 ເດືອນຕົ້ນປີ 2022 ທົ່ວແຂວງເຊກອງ ມີອຸບັດເຫດເກີດຂຶ້ນທັງໝົດ 38 ລາຍ, ທຽບໃສ່ໄລຍະດຽວປີຜ່ານມາຫຼຸດລົງ 22 ລາຍ, ມີພາຫະນະເປ່ເພທັງໝົດ 56 ຄັນ ແລະ ມີຜູ້ໄດ້ຮັບບາດເຈັບ 48 ຄົນ. ໃນນີ້, ເຈັບເລັກນ້ອຍ 20 ຄົນ, ເຈັບສົມຄວນ 22 ຄົນ, ສາຫັດ 6 ຄົນ, ເສຍຊີວິດ 14 ຄົນ ແລະ ປະເມີນມູນຄ່າເສຍຫາຍ 600 ລ້ານກວ່າກີບ. ເຖິງວ່າສະພາບການເກີດອຸບັດເຫດຈະມີທ່າອ່ຽງຫຼຸດລົງ ແຕ່ໂດຍລວມຍັງມີຜູ້ຂັບຂີ່ໄດ້ຮັບບາດເຈັບ, ເສຍຊີວິດ ແລະ ມູນຄ່າການເສຍຫາຍສູງ ຊຶ່ງສາເຫດທີ່ພາໃຫ້ເກີດອຸບັດເຫດ ສ່ວນໃຫຍ່ແມ່ນມາຈາກຜູ້ຂັບຂີ່ຂາດສະຕິໃນການໃຊ້ລົດ-ໃຊ້ຖະໜົນ ແລະ ລະເມີດກົດລະບຽບການສັນຈອນເປັນຕົ້ນ ເດັກອາຍຸບໍ່ທັນເຖິງກະສຽນ, ບໍ່ມີໃບອະນຸຍາດຂັບຂີ່, ການຂັບຂີ່ລົດໄວເກີນກໍານົດ, ດື່ມສິ່ງມຶນເມົາແລ້ວຂັບຂີ່ ແລະ ປ່ຽນທິດທາງ ຫຼື ລ້ຽວບໍ່ຮັບປະກັນ. ທ່ານ ຮ້ອຍເອກ ບຸນສະຫງວນ ພົມມະລິນ ຍັງໄດ້ຮຽກຮ້ອງມາຍັງພໍ່-ແມ່ປະຊາຊົນຜູ້ໃຊ້ລົດ-ໃຊ້ຖະໜົນໃຫ້ມີສະຕິຕື່ນຕົວໃນການສັນຈອນ...
All countries
646,384,116
Total confirmed cases
Updated on November 29, 2022 01:38
Italy
24,260,660
Total confirmed cases
Updated on November 29, 2022 01:38
Spain
13,595,504
Total confirmed cases
Updated on November 29, 2022 01:38
Iran
7,559,634
Total confirmed cases
Updated on November 29, 2022 01:38
Germany
36,373,164
Total confirmed cases
Updated on November 29, 2022 01:38

Frequently Asked Questions

spot_img