ໃນວັນທີ 30 ກັນຍາ 2020 ນີ້, ກອງພັນໃຫຍ່ 584 ປິດຊຸດອົບ ຮົມ-ຫັດແອບທະຫານໃໝ່ຊຸດທີ XXI ປະຈໍາປີ 2020 ຂຶ້ນໂດຍການເປັນປະທານຂອງສະຫາຍ ພັນເອກ ມອນໄທ ສະລິດໄຊ ຮອງເລຂາຄະນະພັກຫົວໜ້າການທະຫານກອງພັນໃຫຍ່ 584, ມີ ບັນດາຄະນະພັກ-ຄະນະບັນຊາ ກອງພັນໃຫຍ່ 584, ກອງພັນນ້ອຍ, ພະແນກການ, ຄະນະຮັບຜິດຊອບ ແລະ ຄູ-ອາຈານ ຕະຫຼອດຮອດນັກຮົບທະຫານໃໝ່ເຂົ້າ ຮ່ວມ.

ສະຫາຍ ພັນໂທ ດາລາວັນ ວົງທໍາມາ ຄະນະຮັບຜິດຊອບ ການເຝິກອົບຮົມ ຂຶ້ນສະຫຼຸບຕີ ລາຄາໝາກຜົນໃນການຈັດຕັ້ງ ປະຕິບັດຕະຫຼອດໄລຍະ 3 ເດືອນທີ່ຜ່ານມາເປັນຕົ້ນແມ່ນໄດ້ຍົກ ໃຫ້ເຫັນດ້ານດີ,ດ້ານອ່ອນຂໍ້ຄົງ ຄ້າງ, ຂໍ້ສະດວກ, ຂໍ້ຫຍຸ້ງຍາກ ໃນການຈັດຕັ້ງປະຕິບັດ ພ້ອມກັນ ນັ້ນຍັງໄດ້ເອົາໃຈໃສ່ສຶກສາອົບ ຮົມການເມືອງ-ນຳພາແນວຄິດ, ຖືເອົາການດໍາເນີນຊີວິດການ ເມືອງເປັນພຶ້ນຖານ ຕິດພັນກັບ 4 ໜ້າທີ່ ໃຫຍ່ 26 ແຜນງານຂອງ ຄະນະພັກກະຊວງປ້ອງກັນປະ ເທດວາງອອກ ສາມາດສະຫຼຸບຕີລາຄາໝາກຜົນທີ່ໄດ້ຮັບຄື: ວິຊາ ການເມືອງ ເກັ່ງ 43%, ກາງ 57 %, ວິຊາເສນາພະລາທິການ ເກັ່ງ 64%, ກາງ 36%, ວິຊາງົດງາມ ເກັ່ງ 44%, ກາງ 56%, ວິຊາສິລະ ປະຍຸດ ເກັ່ງ 61%, ກາງ 39%, ວິຊາຍຸດທະວິທີ ເກັ່ງ 42%, ກາງ 58%, ວິຊາຊ່າງແສງ ເກັ່ງ 60%,ກາງ 40% ພ້ອມກັນນັ້ນຍັງໄດ້ມອບການຍ້ອງຍໍປະເພດ I ຈໍານວນ 4 ສະຫາຍ, ນັກຮຽນດີ- ຮຽນເກັ່ງ ປະເພດ II ຈໍານວນ 4 ສະຫາຍ, ນັກຮຽນດີ-ຮຽນເກັ່ງ ປະເພດ III ຈໍານວນ 4 ສະຫາຍ, ບຸກຄົນດີເດັ່ນໃນການປະຕິບັດ 7 ລະບອບ 18 ວຽກ ຈໍານວນ 16 ສະຫາຍ.

ພື້ນທີ່ໂຄສະນາ

ໂອກາດນີ້, ສະຫາຍ ພັນເອກ ມອນໄທ ສະລິດໄຊ ໄດ້ຍ້ອງຍໍ ຊົມເຊີຍຕໍ່ຜົນສໍາເລັດໃນການ ເຝິກອົບຮົບ-ຫັດແອບການທະ ຫານໃໝ່ ແລະ ຮຽກຮ້ອງໃຫ້ທະ ຫານໃໝ່ຈົ່ງຕັ້ງໃຈເຝິກຝົນຫຼໍ່ ຫຼອມທາງດ້ານຄຸນທາດການ ເມືອງໃຫ້ໜັກແໜ້ນ ເຂັ້ມແຂງ ທາງດ້ານການຈັດຕັ້ງ, ເອົາໃຈ ໃສ່ເຝິກຝົນຫຼໍ່ຫຼອມຕົນເອງຊອກ ຮູ້ຮໍ່າຮຽນທາງດ້ານເຕັກນິກ ການທະຫານ ແລະ ນໍາເອົາບົດຮຽນທີຮຽນມາໝູນໃຊ້ເຂົ້າໃນ ວຽກງານຕົວຈິງໃຫ້ແຕກດອກ ອອກຜົນ.

ໂດຍ: ດວງມະນີ ສິນທະວົງ

LEAVE A REPLY

Please enter your comment!
Please enter your name here