ບ່າວນັກບິນລົງມືຄາດຕະກຳເມຍ ຍ້ອນໃຈຮ້າຍ ທີ່ເມຍຂໍແຍກທາງ

0
1349

ວັນທີ 18 ມິຖຸນາ 2021 ເວັບໄຊ້ໃດລີເມວ ລາຍງານ, ຄວາມຄືບໜ້າ ຂອງຄະດີຄາດຕະກຳ ນາງ ແຄໂລລິນ ຄາວ ສັນຊາດ ອັງກິດ ແມ່ລູກໜຶ່ງ ອາຍຸ 20 ປີ ເຊິ່ງຖືກຄາດຕະກຳຢູ່ບ້ານພັກຂອງຕົນເອງ ໃນປະເທດກຣີດ (Greece) ຈົນສ້າງຄວາມສະເທືອນໃຈໃຫ້ກັບ ທ້າວ ບາບິນ ອາແນນໍປູລໍ ອາຍຸ 33 ປີ ອາຊີບ ນັກບິນ ເຊິ່ງເປັນສາມີ ຂອງຜູ້ເສຍຊີວິດ. ແຕ່ຫຼັງຈາກເຈົ້າໜ້າທີ່ຕຳຫຼວດ ໄດ້ສອບຖາມຫາຄວາມຈິງກັບຜູ້ເປັນສາມີ ໃຊ້ເວລາ 8 ຊົ່ວໂມງ ຈົນສຸດທ້າຍກໍຍອມຮັບວ່າ ຕົນເປັນຄົນລົງມືຂ້າເມຍຂອງຕົນເອງ.

ກ່ອນໜ້ານີ້ ທ້າວ ບາບິນ ເລົ່າວ່າ: ມີໂຈນເຂົ້າມາບຸກບ້ານຂອງຕົນ ແລະ ໄດ້ຂ້າຜູ້ເປັນເມຍ ຈົນເສຍຊີວິດ ສ່ວນຕົນນັ້ນຖືກໂຈນມັດມ້ຽນຢູ່ຫຼັງບ້ານ ເຊິ່ງຕັ້ງຢູ່ ກີຄາ ນິຣາ ນະຄອນເອເທັນ (Athens) ເມືອງຫຼວງ ຂອງປະເທດກຣີດ ໃນຊ່ວງເຊົ້າ ຂອງວັນທີ 11 ມິຖຸນາ ທີ່ຜ່ານມາ.

ສາເຫດການຄາດຕະກຳໃນຄັ້ງນີ້ ຍ້ອນຄວາມໂມໂຫໃຈຮ້າຍ ທີ່ເມຍຄູ່ແຍກທາງ ແລະ ຈະເອົາລູກໄປນຳ ເລີຍຕັດສິນໃຈໃຊ້ໝອນອັດໜ້າເມຍ ຈົນຫາຍໃຈບໍ່ອອກແລ້ວກໍເສຍຊີວິດ ແລະ ໄດ້ແຕ່ງເລື່ອງໂຈນຂຶ້ນມາ.

LEAVE A REPLY

Please enter your comment!
Please enter your name here