ທ່ານ ປອ. ນາງ ວິພາວັນ ພົມວິຫານ ລົງຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ

0
10753

ທ່ານ ປອ. ນາງ ວິພາວັນ ພົມວິຫານ ຢ້ຽມຢາມ ແລະ ມອບວັດຖຸອຸປະກອນໃຫ້ໂຮງຮຽນສາມັນກິນນອນຊົນເຜົ່າອຸດົມໄຊ

ເນື່ອງໃນໂອກາດທີ່ ທ່ານ ປອ. ນາງ ວິພາວັນ ພົມວິຫານ ພັນລະຍາທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ລົງຢ້ຽມຢາມ ແລະ ເຮັດວຽກຢູ່ແຂວງອຸດົມໄຊໃນຕອນເຊົ້າຂອງວັນທີ 15 ສິງຫາ 2022, ທ່ານ ປອ. ນາງ ວິພາວັນ ພົມວິຫານ ພ້ອມດ້ວຍຄະນະຈາກສະພາແຫ່ງຊາດ, ສະພາປະຊາຊົນແຂວງອຸດົມໄຊ ໄດ້ມາຢ້ຽມຢາມໂຮງຮຽນສາມັນກິນນອນຊົນເຜົ່າ ແຂວງອຸດົມໄຊ, ໃຫ້ກຽດຕ້ອນຮັບໂດຍ ທ່ານ ສີວອນ ເພັງມີໄຊ ຮອງຫົວໜ້າພະແນກສຶກສາທິການ ແລະ ກິລາ, ທ່ານ ສົມຈັນ ພົນທະສິດ ຜູ້ອຳນວຍການໂຮງຮຽນ ພ້ອມດ້ວຍຄະນະ, ຄູອາຈານ ແລະ ນ້ອງນັກຮຽນ.

ໃນການລົງມາຢ້ຽມຢາມໃນຄັ້ງນີ້ ທ່ານໄດ້ນຳເອົາວັດຖຸອຸປະກອນການຮຽນ, ເຄື່ອງມືກະສິກຳ ແລະ ເງີນ ລວມມູນຄ່າທັງໝົດ 30 ລ້ານ ກີບ ມອບໃຫ້ໂຮງຮຽນ ເພື່ອຮັບໃຊ້ເຂົ້າໃນວຽກບໍລິຫານ-ຄຸ້ມຄອງໂຮງຮຽນທັງສົ່ງເສີມໄປຕາມ 3 ລັກສະນະ 5 ຫັກມູນການສຶກສາ.

ໃນໂອກາດດັ່ງກ່າວ ທ່ານກໍໄດ້ນຳເອົາຄວາມອົບອຸ່ນ ແລະ ບາງເນື້ອໃນຈິດໃຈໂອ້ລົມຕໍ່ພະນັກງານ, ຄູອາຈານ ພ້ອມກັນນັ້ນໄດ້ໄປຢ້ຽມຊົມຫ້ອງວາງສະແດງເຄື່ອງນຸ່ງບັນດາເຜົ່າຂອງນ້ອງນັກຮຽນ.

LEAVE A REPLY

Please enter your comment!
Please enter your name here