ດ່ານກວດກາເມືອງປາກງື່ມ ພົບເຫັນການເຄື່ອນຍ້າຍແຮ່ທາດ 1492 ກິໂລກຼາມ

ຕາມການລາຍງານ ຂອງປ້ອງກັານຄວາມສາະຫງົບນະຄອນຫຼວງວຽງຈັນໃຫ້ຮູ້ວ່າ: ເວລາປະມານ 00:10 ໂມງ ວັນທີ 25 ຕຸລາ 2021 ມີລົດ landcruiser ໝາຍເລກທະບຽນ ກກ 2499 ກໍາແພງນະຄອນ ທີ່ແລ່ນຜ່າດ່ານໜີການກວດກາ 3 ແຍກ ທົງເມັກ ຈຸດເຂົ້າ-ອອກເມືອງ ບໍ່ໃຫ້ຄວາມຮ່ວມມືກັບເຈົ້າໜ້າທີ່, ສນ 1191 ເມືອງປາກງື່ມ ຈຶ່ງຂັບຂີ່ລົດນຳລົດຄັນດັ່ງກ່າວໄດ້ທັນ ຢູ່ເຂດບ້ານໄຮ່ ເມືອງປາກງື່ມ ຫ່າງຈາກຈຸດກວດກາ ປະມານ 3-4 ກິໂລແມັດ, ເຈົ້າໜ້າທີ່ ຈຶ່ງໄດ້ຂໍກວດຄົ້ນລົດ ພົບເຫັນ ແຮ່ທາດຄ້າຍຄືຫີນ ຈຳນວນ 24 ເປົາ, ນໍ້າໜັກ 1492 ກິໂລກຼາມ, ບໍ່ມີເອກະສານເຄື່ອນຍ້າຍ ຈຶ່ງນໍາຕົວມາສອບສວນ.

ຜ່ານການສອບສວນເບື້ອງຕົ້ນ ຮູ້ໄດ້ວ່າ: ຜູ້ຂັບຂີ່ລົດ ຊື່ ທ້າວ ເພັດປະເສີດ ອາຍຸ 35 ປີ, ຄ້າຂາຍ ຢູ່ບ້ານຫ້ວຍຫົງ ເມືອງຈັນທະບູລີ ນວ ເປັນຄົນຂົນສົ່ງຮັບຈ້າງ ໃຫ້ຂົນສົ່ງແຮ່ທາດສີຂຽວ-ເຫຼືອງ ຈຳນວນ 24 ເປົາ ແທ້ເພື່ອນໍາສົ່ງໃຫ້ໝູ່ ຢູ່ເຂດບ້ານທ່າພະບາດ ເມືອງບໍລິຄໍາໄຊ ແຂວງບໍລິຄໍາໄຊ ໄດ້ຮັບຄ່າຈ້າງ 1,000,000 ກີບ ຕໍ່ຖ້ຽວ.

ຕໍ່ກັບບັນຫາດັ່ງກ່າວ ເຈົ້າໜ້າທີ່ ກຳລັງທຳການສືບສວນ-ສອບສວນ ໃຫ້ຮູ້ລາຍລະອຽດຈະແຈ້ງ ຮູ້ໄດ້ທີ່ມາຂອງແຮ່ທາດ ແລະ ການອະນຸຍາດການຂົນສົ່ງ.

ສົ່ງແຮງໃຈເຊຍ ວ່າວເຕີ້ ສະນ້ອຍ ອຸປະຖານາ ! ວ່າວເຕີ້, ນັກກິລາເຊື້ອສາຍລາວ-ອາເມລິກາ ເປັນຕົວແທນ ສປປ ລາວ ເຂົ້າຮ່ວມແຂ່ງຂັນຊິງແຊ້ມມວຍໂລກ AIBA men’s World Boxing Championships ທີ່ເມືອງເບລເກຣດ, ປະເທດເຊີຣເບຍ.

ພິທີໄດ້ເປີດຢ່າງເປັນທາງການມື້ວານນີ້ ເຊິ່ງຈະມີນັກກິລາເຂົ້າຮ່ວມແຂ່ງຂັ້ນ 500 ກວ່າຄົນ ຈາກ 88 ກວ່າປະເທດ ລວມທັງ ປະເທດລາວ.

ເຊິ່ງນັກກິລາທັງໝົດຈະເຂົ້າຮ່ວມແຂ່ງຂັນໃນ 13 ປະເພດນຳ້ໜັກ ນັບຕັ້ງແຕ່ວັນທີ 24 ຕຸລາ – 6 ພະຈິກນີ້ ແລະ ຍົກທຳອິດຂອງວ່າວເຕີ້ແມ່ນມື້ວັນສຸກນີ້ ວັນທີ 29 ຕຸລານີ້, ສາມາດຮ່ວມຮັບຊົມ ແລະ ເຊຍໃຫ້ກຳລັງໃຈຜ່ານຊ່ອງຢູທູບ AIBA Boxing Youtube Channel https://bit.ly/3nHFeX1 ຢ່າລືມຄອມເມັ້ນໃຫ້ກຳລັງໃຈ ແລະ ໃຫ້ວ່າວເຕີ້ຄວ້າໄຊຊະນະຂອງຍົກທຳອິດໃຫ້ໄດ້.

ຂໍ້ມູນຈາກ: US Embassy Vientiane

ລັດຖະບານ ສສ ຫວຽດນາມ ມອບເງິນສົດ ແລະ ອຸປະກອນການແພດໃຫ້ແກ່ ສປປ ລາວ ເພື່ອຮັບມືກັບການແຜ່ລະ ບາດຂອງເຊື້ອພະຍາດໂຄວິດ-19 ຢູ່ລາວ.

ຕອນແລງຂອງວັນທີ 25 ຕຸລາ 2021 ທີ່ ກະຊວງການຕ່າງປະເທດ ສສ ຫວຽດ ນາມ ໄດ້ມີພິທີມອບ-ຮັບເງິນ ສົດ ແລະ ເຄື່ອງຊ່ວຍເຫຼືອອຸປະກອນການແພດ ຈາກລັດຖະບານຫວຽດນາມມອບໃຫ້ລັດຖະບານລາວ ໂດຍສະຫາຍ ຫງວຽນ ກວກ ຢຸງ, ຮອງລັດຖະມົນຕີກະຊວງການຕ່າງປະເທດຫວຽດນາມ ຕາງໜ້າໃຫ້ແກ່ລັດຖະບານ ສສ ຫວຽດ ນາມ ເປັນຜູ້ກ່າວມອບ ແລະ ກ່າວຮັບໂດຍ ສະຫາຍ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ເພື່ອສົ່ງຕໍ່ໃຫ້ລັດຖະບານລາວ ໂດຍການເຂົ້າຮ່ວມເປັນສັກຂີພິຍານຂອງຄະນະນຳສະ ຖານທູດລາວ ທີ່ຮ່າໂນ້ຍ ພ້ອມດ້ວຍພະນັກ ງານຂອງທັງສອງຝ່າຍລາວ-ຫວຽດນາມ.

ເຄື່ອງຊ່ວຍເຫຼືອທີ່ນຳມາມອບໃນຄັ້ງນີ້ມີ ເງິນສົດຈຳນວນ 2.150.000 ໂດລາສະຫະລັດ (ສອງລ້ານໜຶ່ງແສນຫ້າໝື່ນໂດລາສະຫະລັດ) ພ້ອມດ້ວຍອຸປະກອນການແພດຈຳນວນໜຶ່ງ ລວມມູນຄ່າ 2.270.000 ໂດລາສະຫະລັດ (ສອງລ້ານສອງແສນເຈັດໝື່ນໂດລາສະຫະລັດ).ໃນພິທີ ສະຫາຍ ຫງວຽນ ກວກ ຢຸງ, ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ຕາງໜ້າພັກ, ລັດສະແດງຄວາມເປັນຫວ່ງເປັນໃຍຕໍ່ການລະບາດພະຍາດໂຄວິດ-19 ຮອບໃໝ່ (ຮອບ 3) ຢູ່ ສປປ ລາວ ຊຶ່ງເງິນ ແລະ ອຸປະກອນການແພດທີ່ນຳມາມອບໃນຄັ້ງນີ້ຈະບໍ່ຫຼາຍ ແຕ່ກໍເປັນການປະກອບສ່ວນດ້ວຍຄວາມຈິງໃຈເພື່ອປະກອບສ່ວນເຂົ້າໃນການຊ່ວຍເຫຼືອ ສປປ ລາວ ໃນການປ້ອງກັນໂຄວິດ-19 ທີ່ກຳລັງລະບາດຢູ່ລາວໃນປັດຈຸບັນ ຫວັງວ່າລັດຖະບານ ແລະ ປະຊາຊົນລາວຈະພ້ອມກັນຕ້ານ ແລະ ສະກັດກັ້ນເຊື້ອພະຍາດໂຄດວິດ-19 ໄດ້ ແລະ ຂໍໃຫ້ປະຊາຊົນລາວກັບມາໃຊ້ຊີວິດແບບປົກກະຕິໂດຍໄວ.

ສະຫາຍ ແສງເພັດ ຮຸ່ງບຸນຍວງ ກໍໄດ້ສະແດງຄວາມຮູ້ບຸນຄຸນ ແລະ ຂອບອົກຂອບໃຈຢ່າງຈິງໃຈມາຍັງ ພັກ, ລັດ ແລະ ປະຊາຊົນຫວຽດນາມ, ສະແດງຄວາມຂອບໃຈມາຍັງສະຫາຍ ຫງວຽນ ກວກ ຢຸງ, ຮອງລັດຖະມົນຕີກະຊວງການຕ່າງປະເທດຫວຽດນາມ, ການຊ່ວຍເຫຼືອຄັ້ງນີ້ເປັນການສະແດງໃຫ້ເຫັນເຖິງນຳ້ໃຈມິດຕະພາບອັນຍິ່ງໃຫຍ່, ຄວາມ ສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ອ້າຍນ້ອງ ທີ່ເວລາໃດກໍໄດ້ໃຫ້ການຊ່ວຍເຫຼືອເຊິ່ງກັນ ແລະ ກັນຕະຫຼອດມາ ໂດຍສະເພາະໃນເວລາທີ່ກໍາລັງພົບຄວາມຫຍຸ້ງຍາກ. ເຖິງວ່າ ຢູ່ ຫວຽດນາມ ກໍກຳລັງພົບຄວາມຫຍຸ້ງຍາກ ເນື່ອງຈາກປະເຊີນໜ້າກັບການແຜ່ລະບາດຂອງເຊື້ອພະຍາດໂຄວິດ-19 ຮອບທີ 4 ໃນຂອບເຂດທົ່ວປະເທດ ຊຶ່ງໄດ້ສ້າງຄວາມເສຍຫາຍໃຫ້ແກ່ຊີວິດປະຊາຊົນເປັນຈຳນວນຫຼວງຫຼາຍ, ສົ່ງຜົນກະທົບຕໍ່ການດຳລົງຊີວິດຂອງປະຊາຊົນຫວຽດນາມອ້າຍນ້ອງ, ກໍຄືເສດຖະກິດຢ່າງມະຫາສານ. ແຕ່ເຖິງຢ່າງໃດກໍຕາມພັກ, ລັດ ແລະ ປະຊາຊົນຫວຽດນາມ ກໍຍັງສະແດງຄວາມເປັນຫ່ວງເປັນໄຍ ແລະ ບິແບ່ງວັດຖຸ ເງິນຄຳໄປຊ່ວຍເຫຼືອພັກ, ລັດ ແລະ ປະຊາຊົນລາວຕະຫຼອດມາ.

ໃນໂອກາດນີ້, ສະຫາຍເອກອັກຄະລັດ ຖະທູດ ຍັງໄດ້ຢືນຢັນວ່າ ການຊ່ວຍເຫຼືອອັນລ້ຳຄ່າຄັ້ງນີ້ ຈະເປັນການປະກອບສ່ວນອັນສຳຄັນໃຫ້ແກ່ ສປປ ລາວ ໃນການຮັບມື ແລະ ຜ່ານຜ່າ ຈາກການແຜ່ລະບາດຂອງເຊື້ອພະຍາດໂຄວິດ-19 ຢູ່ພາຍໃນປະເທດ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນລາວບັນດາເຜົ່າກັບຄືນສະພາບປົກກະຕິໂດຍໄວ.

ຂ່າວ, ພາບ: ໂອລຳ Lao National Radio

ກະຊວງອຸດສາຫະກຳ ແລະ ການຄ້າ ແຈ້ງການວ່າດ້ວຍການລົບລ້າງອອກໃບອະນຸຍາດນຳເຂົ້າລົດແທຣັກເຕີທີ່ຮັບໃຊ້ສະເພາະການຜະລິດກະສິກຳ ສະບັບເລກທີ 0982/ອຄ ລົງວັນທີ 19 ຕຸລາ 2021 ນະຄອນຫຼວງວຽງຈັນ.

ແອັດມິນເພສ ພິສູດບັ້ງໄຟພະຍານາກ ຍື່ນຄຳຮ້ອງໃຫ້ສະຖານທູດ ສປປ ລາວ ປະຈຳໄທ ເພື່ອຂໍໃຫ້ກວດສອບມູນຄວາມຈິງ ກໍລະນີທີ່ມາຂອງບັ້ງໄຟພະຍານາກ ທີ່ເກີດຈາກການຍິງລູກປືນແສງ ຈາກບ້ານເຂດຝັ່ງລາວ ເຮັດໃຫ້ຄົນໄທເຂົ້າໃຈຜິດວ່າເປັນບັ້ງໄຟພະຍາຍນາກມາຫຼາຍສິບປີ.

ຈາກການລາຍງານຂ່າວ ຂອງ Thairath ໃຫ້ຮູ້ວ່າ: ເຊົ້າມື້ນີ້ ວັນທີ 25 ຕຸລາ 2021 ໄດ້ມີແອັດມິນເພຈພິສູດບັ້ງໄຟພະຍານາກ ນຳຫຼັກຖານເປັນລາຍຊື່ບ້ານ ຮູບຖ່າຍ ແລະ ວີດີໂອທີ່ໄດ້ບັນທຶກການເກີດບັ້ງໄຟພະຍານາກວ່າ ເປັນການຍິງລູກປືນແສງ ຈາກບ້ານເຂດຝັ່ງລາວ ເຊິ່ງໄດ້ສ້າງຄວາມເຂົ້າໃຈຜິດໃຫ້ຄົນໄທວ່າ ເປັນບັ້ງໄຟພະຍານາກ.

ແອັດມິນເພຈ ດັ່ງກ່າວ ບອກວ່າ: ໄດ້ກວດສອບ ແລະ ສັ່ງເກດການເລື່ອງນີ້ມາດົນເຖິງ 10 ປີ ແລະ ໃນປີ 2011, ໄດ້ເດີນທາງໄປເບິ່ງບັ້ງໄຟພະຍານາກດ້ວຍໂຕເອງ ໂດຍໃຊ້ກ້ອງ DSLR ເປີດໜ້າກ້ອງໄວ້ ເພື່ອໃຫ້ເຫັນລູກໄຟເປັນເສັ້ນ ແຕ່ພາບທີ່ໄດ້ມາພັດບໍ່ແມ່ນລູກໄຟຂຶ້ນຈາກນໍ້າ ສ່ວນໃຫຍ່ແມ່ນຂຶ້ນມາຈາກຝັ່ງລາວທັງໝົດ ໂດຍລັກສະນະຄ້ານຄືຂອງແຂງ ແລະ ລອຍຂຶ້ນເປັນເສັ້ນຊື່.

ພ້ອມຍັງກ່າວອີກວ່າ: ຕົນເອງໄດ້ປ່ຽນບ່ອນເບິ່ງບັ້ງໄຟພະຍານາກໄປຫຼາຍໆບ່ອນ ເພື່ອຈະເຫັນບັ້ງໄພຂຶ້ນຈາກນໍ້າ ໂດຍຫວັງຊ່ວງປີກ່ອນໆ ໄດ້ນຳໃຊ້ໂດຣນມາຖ່າຍເພື່ອເປັນຫຼັກຖານ ເປັນການຕັ້ງກ້ອງຈາກຝັງໄທ ເຊິ່ງໄດ້ພົບວ່າ ໃນວີດີໂແທີ່ບັນທຶກໄດ້ ສ່ວນໃຫຍ່ບັ້ງໄຟແມ່ນປາກົດຂຶ້ນມາຈາກຝັ່ງລາວທັງໝົດ ເປັນການຍິງເລີກເຂົ້ສໄປໃນນໍ້າ ແລະ ເຊື່ອວ່າບັ້ງໄຟພະຍານາກ ແມ່ນເກີດຈາກຄົນເຮັດ.

ແຈ້ງເຕືອນ ພາຍຸດີເປລຊັ້ນ (Tropical Depression) ສະບັບທີ 1, ພາຍຸດີເປູ່ຊັ້ນ ໄດ້ກໍ່ຕົວຢູ່ເຂດ ທະເລຈີນຕອນລຸ່ມ, ຊຶ່ງໃນເວລາ 07 ໂມງ 00 ຂອງວັນທີ 25 ຕຸລາ 2021 ມີຈຸດສູນກາງຢູ່ເສັ້ນຂະຫນານທີ 10.8 ອົງສາເຫນືອ ແລະ ເສັ້ນແວງທີ 114.2 ອົງສາຕາເວັນອອກ, ກໍາລັງເຄື່ອນທີ່ໃນທິດຕາເວັນຕົກສ່ຽງເຫນືອ ຊຶ່ງຄວາມໄວສູງສຸດຢູ່ໃກ້ຈຸດສູນກາງ 45 ກິໂລແມັດຕໍ່ຊົ່ວໂມງ.

ພາຍຸຫົວນີ້ ຈະເຄື່ອນທີ່ຂຶ້ນຝັ່ງທາງພາກໃຕ້ຂອງປະເທດຫວຽດນາມ ໃນຕອນເຊົ້າຂອງວັນທີ 27 ຕຸລາ 2021 ແລະ ສືບຕໍ່ເຄື່ອນ ທີ່ຜ່ານພາກເຫນືອຂອງປະເທດກໍາປູເຈຍໃຫ້ກັບພາກໃຕ້ຂອງ ປະເທດລາວ ໃນວັນທີ 28 ຕຸລາ 2021 ນີ້.

ເຊິ່ງຈະເຮັດໃຫ້ມີຝົນຕົກໃນລະດັບປານກາງ ຫາ ຕົກຫນັກ ພ້ອມມີລົມພັດແຮງຢູ່ບາງທ້ອງຖິ່ນແຂວງ ພາກໃຕ້ ແລະ ພາກກາງໃນ ໄລຍະວັນທີ 26 ຫາ 29 ຕຸລາ 2021.

ດັ່ງນັ້ນ, ຈຶ່ງແຈ້ງເຕືອນເຖີງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງ ອັດຕະປື, ຈໍາປາສັກ, ເຊກອງ, ສາລະວັນ, ສະຫວັນນະເຂດ ແລະ ຄໍາມ່ວນ ຈົ່ງມີສະຕິລະມັດລະວັງຕໍ່ສະພາບຝົນຕົກຫນັກ ແລະ ລົມພັດແຮງ ທີ່ ຈະເຮັດໃຫ້ມີ ນ້ໍາຖ້ວມອັ່ງ ແລະ ນ້ໍາຖ້ວມຶ່ງ, ຕົ້ນໄມ້ຫັກລົ້ມ ແລະ ເຮືອນເປ່ເພ ທີ່ຈະເກີດຂື້ນໄດ້ໃນໄລຍະນີ້, ຂໍໃຫ້ຕິດຕາມຂ່າວ ພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ 1 ຫາ 3 ວັນຕໍ່ຫນ້ານີ້.