ລາຍງານຈາກແຟນເພຈສູນຂ່າວສານການແພດສຸຂະສຶກສາ ປະຈຳວັນທີ 15 ຕຸລາ 2021

ມື້ນີ້ເຮົາຈະເຫັນວ່າຄຳມ່ວນຕິດເຊື້ອພານໃນສູງສຸດ +161, ຮອງລົງມາແມ່ນນະຄອນຫຼວງວຽງຈັນ +145 ແລະ ແຂວງວຽງຈັນ +86 ຕາມລຳດັບ.

ລາຍລະອຽດເພີ່ມເຕີມແມ່ນຈະລາຍງານຕາມເວລາ 10:30 ຖະແຫຼງການ ຂອງແຕ່ລະວັນ.

ກອງພັນປ້ອງກັນເຄື່ອນທີ່ໄວ ນວ ແກ້ໄຂກຸ່ມຫຼິ້ນການພະນັນ ຢູ່ບ້ານພະຂາວ

ອີງຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ຮອ ບຸນແຈ້ງ ສຸກກະເສີມ ຮອງຫົວໜ້າໝວດ 1 ປ້ອງກັນທີ່ຕັ້ງ ກອງພັນປ້ອງກັນເຄື່ອນທີ່ໄວ ນວ ໃຫ້ຮູ້ວ່າ: ໃນວັນທີ 13 ຕຸລາ 2021, ເວລາ 16:00 ໂມງ ກອງພັນປ້ອງກັນເຄື່ອນທີ່ໄວ ນວ ໄດ້ຮັບແຈ້ງຈາກພົນລະເມືອງ ຜ່ານທາງໂທລະສັບ ວ່າ: ມີການຫຼິ້ນການພະນັນຕ້ອງຫ້າມ (ຫຼິ້ນໄພ້) ຢູ່ເຮືອນຂອງປະຊາຊົນ ເຂດບ້ານພະຂາວ ເມືອງໄຊທານີ ນວ ດັ່ງນັ້ນ ຈຶ່ງໄດ້ສົມທົບກັບພາກສ່ວນກ່ຽວຂ້ອງ ລົງກວດກາສະຖານທີ່ດັ່ງກ່າວ ພົບເຫັນເຈົ້າຂອງເຮືອນ ແລະ ຜູ້ຫຼິ້ນການພະນັນຕ້ອງຫ້າມ (ຫຼິ້ນໄພ້) ຈໍານວນ 5 ຄົນ.

ເຈົ້າໜ້າທີ່ຈິ່ງໄດ້ກັກຕົວແລ້ວ ມອບໃຫ້ ປກສ ກຸ່ມ ສີວິໄລ ແລະ ອຳນາດການປົກຄອງບ້ານພະຂາວ ສຶກສາອົບຮົມ ແລະ ປັບໃໝຕາມລະບຽບການ.

ຕໍ່ກັບສະພາບການລະບາດຂອງເຊື້ອພະຍາດໂຄວິດ-19 ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງພໍ່ແມ່ປະຊາຊົນຊາວ ນວ ໃຫ້ພ້ອມກັນເອົາໃຈໃສ່ປະຕິບັດມາດຕະການ, ຄຳສັ່ງ, ແຈ້ງການ ຂອງຂັ້້ນເທິງວາງອອກຢ່າງເຂັ້ມງວດ ເພື່ອເປັນການປະກອບສ່ວນໃນການຕ້ານ, ສະກັດກັ້ນ ແລະ ແກ້ໄຂການແຜ່ລະບາດພະຍາດໂຄວິດ-19 ໃຫ້ໝົດໄປ ແລະ ພ້ອມກັນປະກອບສ່ວນພັນທະຊ່ວຍເຈົ້າໜ້າທີ່ ພົບເຫັນການເຄື່ອນໄຫວທີ່ຜິດຕໍ່ກົດໝາຍແຈ້ງມາເບີວອດແອັບ ປກສ ນວ 020 28899774.

ແຈ້ງການຈາກຫ້ອງວ່າການແຂວງສະຫວັນນະເຂດ ເລື່ອງ: ກະກຽມຮັບມືໄພພິບັດນ້ໍາຖ້ວມ ຈາກການປ່ອຍນໍ້າຂອງເຂື່ອນໄຟຟ້າ ເຊລະນອງ1.

ຫ້ອງວ່າການແຂວງ ສະຫວັນນະເຂດ ຂໍຖືເປັນກຽດແຈ້ງການ ມາຍັງທ່ານຊາບວ່າ:

ບໍລິສັດເຂື່ອນໄຟຟ້າ ເຊລະນອງ1 ມີແຜນຄາດຄະ ນເປີດປະຕູລະບາຍນ້ໍາຂອງເຂື່ອນໄຟຟ້າເຊລະນອງ 1 ເພື່ອບໍລິຫານລະດັບນໍ້າໃນອ່າງເກັບນ້ໍາພາຍໃນເຮືອນ ເລີ່ມແຕ່ເວລາ 00:00ໂມງ ຂອງວັນທີ 13/10/2011 ຫາເວລາ 24:00ໂມງ ຂອງວັນທີ 21/10/2011 ຄາດວ່າປະລິມານນໍ້າໄຫຼເຂົ້າອ່າງສູງສຸດແມ່ນ 8500 m/s, ປະລິມານນໍ້າທີ່ ລະບາຍອອກສູງສຸດແມ່ນ 8500 m/s ແລະ ລະດັບນ້ໍາທ້າຍເຂື່ອນສູງສຸດຈະຢູ່ທີ່ 187 masl.

ສະນັ້ນ, ຈຶ່ງແຈ້ງເຕືອນເຖິງອໍານາດການປົກຄອງເມືອງ ແລະ ປະຊາຊົນບັນດາເຜົ່າທີ່ອາໃສຢູ່ແຄມແມ່ນໍ້າ ເຊລະນອງ, ເຊບັງຫຽງ ຈົ່ງມີສະຕິລະມັດລະວັງໄພພິບັດນ້ໍາຖ້ວມ ທີ່ຈະເກີດຂຶ້ນໃນໄລຍະເຂື່ອນໄຟຟ້າເຊລະ ນອງ1 ເປີດປະຕູລະບາຍນ້ໍາ ພ້ອມທັງກະກຽມ ຍົກຍ້າຍວັດຖຸສິ່ງຂອງມີຄ່າ ແລະ ສັດລ້ຽງໄປໄວ້ປອນສູງ ແລະ ປອດໄຜ ແລະ ຂໍໃຫ້ຕິດຕາມຂ່າວສະພາບພະຍາກອນອາກາດຈາກທາງການຢ່າງຕໍ່ເນື່ອງ.

ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຮັບຊາບ ແລະ ຈັດຕັ້ງປະຕິບັດຕາມແຈ້ງການສະບັບນີ້ດ້ວຍ.

ກໍານົດເອົາຫໍພັກຫຼັງທີ 2 ຂອງ ໂຮງງານເວນເຈີ ເປັນສູນກັກກັນປິ່ນປົວ ພາຍຫຼັງກວດພົບຜູ້ຕິດເຊື້ອໂຄວິດ-19

ໃນວັນທີ 8-10 ຕຸລາ 2021 ທີ່ຜ່ານມາ, ພະແນກສາທາລະນະສຸກ ນະຄອນຫຼວງວຽງຈັນ ສົມທົບກັບອໍານາດປົກຄອງເມືອງ ໄຊທານີ ແລະ ປກສ ກຸ່ມ ສີວິໄລ ລົງກວດກາປະເມີນ ການລະບາດຂອງພະຍາດໂຄວິດ 19 ໂຮງງານເວນເຈີ ຕັ້ງຢູ່ບ້ານ ສາຍນ້ຳເງິນ ເມືອງໄຊທານີ ນວ ພ້ອມທັງວາງແຜນກໍານົດເອົາຫໍພັກແຮງງານຫຼັງທີ 2 ຂອງໂຮງງານ ເປັນໂຮງໝໍພາກສະໜາມ ເພື່ອປົວປິ່ນແຮງງານກັບທີ່. ຜ່ານການລົງກວດໂຮງງານດັ່ງກ່າວ ມີຜູ້ອອກແຮງງານ ທັງໝົດ 860 ຄົນ, ຍິງ 754 ຄົນ.

ໃນນີ້ ມີຜູ້ອອກແຮງງານ ນອນຢູ່ຫໍພັກ 321 ຄົນ, ມາດ້ວຍຕົນເອງມີ 487 ຄົນ ແລະ ລົດໂຮງງານຮັບສົ່ງ 52 ຄົນ, ຈໍານວນຜູ້ອອກແຮງງານໄດ້ສັກຢາວັກຊິນຄົບ 2 ໂດສ ມີ 840 ຄົນ, 1 ໂດສ ມີ 10 ຄົນ ແລະ ບໍ່ທັນສັກວັກຊິນຈຳນວນ 10 ຄົນ, ສາເຫດ (ຖືພາ).

ໃນໂຮງງານ ມີຫໍພັກ 2 ຫຼັງ, ຫຼັງທີ 1 ມີຜູ້ອອກແຮງງານ ຕິດເຊື້ອ 91 ຄົນ ໄດ້ນໍາສົ່ງຕົວໄປປິ່ນປົວຢູ່ສູນປິ່ນປົ່ວດົງໂດກ, ສູນປິ່ນປົວຫລັກ 27, ສູນປິ່ນປົວລ້ານຊ້າງ, ພາຍຫຼັງມີການແຜ່ລະບາດພະຍາດທາງໂຮງງານກໍໄດ້ປິດຫໍພັກ 1 ຫຼັງ ແລະ ໄດ້ຍ້າຍຜູ້ສຳພັດກໍລະນີ c2, c3, c4 ໄປລວມຕົວກັນຢູ່ຫໍພັກຫຼັງທີ 2; ເຊິ່ງມີຜູ້ອອກແຮງງານ ທັງໝົດ 232 ຄົນ, ຍິງ 230 ຄົນ ແລ້ວສືບຕໍ່ເກັບຕົວຢ່າງ ໃນວັນທີ 23 ກັນຍາ 2021 ຜົນເປັນລົບ ແຕ່ທາງໂຮງງານ ໃຫ້ສືບຕໍ່ກັກກັນຕົວຄົບ 14 ວັນ ແລ້ວກັບມາກວດຫາເຊື້ອຄືນໃໝ່ ຈິ່ງພົບກໍລະນີເປັນບວກ ( ຕິດເຊື້ອ ) ແລະ ມີການລະບາດຢູ່ຫໍພັກຫຼັງທີ 2 ຈໍານວນ 198 ຄົນ, ຍິງ 197 ຄົນ.

ດັ່ງນັ້ນ ຕໍ່ກັບສະພາບການລະບາດຂອງເຊື້ອພະຍາດໂຄວິດ-19 ພາຍໃນໂຮງງານ ທາງຄະນະສະເພາະກິດ ຈຶ່ງໄດ້ມີມາດຕະການ ແລະ ກໍານົດເອົາຫໍພັກຫຼັງທີ 2 ຂອງໂຮງງານ ເປັນຈຸດກັກກັນ ແລະ ປິ່ນປົວກັບທີ່, ກອງບັນຊາການ ປກສ ນວ ຮຽກຮ້ອງມາຍັງຊາວ ນວ ໂດຍສະເພາະຜູ້ອອກແຮງງານ ຫຼື ຜູ້ກຳລັງຕິດເຊື້ອພະຍາດ ໃຫ້ກັກກັນປິ່ນປົວ ຈົ່ງປະຕິບັດຕາມມາດຕະການຂອງຄະນະສະເພາະກິດກໍານົດໄວ້ ເພື່ອເຮັດໃຫ້ການແຜ່ລະບາດພະຍາດ ໃນ ນວ ເວົ້າສະເພາະໃນຂອບເຂດພື້ນທີ່ໂຮງງານ ຢຸດຂາດດ້ວຍດີບໍ່ໃຫ້ມີການແຜ່ລະບາດເປັນວົງກວ້າງ.

ຂໍ້ມູນ: ປ້ອງກັນຄວາມສະຫງົບນະຄອນຫຼວງວຽງຈັນ

ມີກຸ່ມຄົນບໍ່ຫວັງດີ 2 ຄົນ ໄດ້ລັກເຂົ້າໄປສະຖານີໄຟຟ້າໂຄກສະອາດ

ຕາມການລາຍງານ ຂອງລັດວິສາຫະກິດໄຟຟ້າລາວ ໃຫ້ຮູ້ວ່າ: ໃນຄໍ່າຄືນຂອງວັນທີ 11 ຕຸລາ 2021 ຜ່ານມາ, ໄດ້ເກີດເຫດຄົນບໍ່ຫວັງດີລັກເຂົ້າໄປສະຖານີໄຟຟ້າໂຄກສະອາດ ຢູ່ ບ້ານ ສະພັງຄະນົງ ເມືອງໄຊທານີ ນະຄອນຫຼວງວຽງຈັນ ຊຶ່ງເປັນສະຖານີໄຟຟ້າແຮງສູງ ມີແຮງດັນ 115/22 ກິໂລໂວນ.

ໃນເວລາທ່ຽງຄືນໄດ້ມີບຸກຄົນບໍ່ຫວັງດີ ຈໍານວນ 2 ຄົນ ໄດ້ລັກຕັດຮົ້ວຫຼັກເຂົ້າມາສະຖານີໄຟຟ້າ ເພື່ອກໍ່ເຫດລັກສາຍດິນ ຫຼື ສາຍກັນຟ້າຜ່າ ສ້າງຄວາມບໍ່ສະຫງົບ ທີ່ເປັນເຫດໃຫ້ລະບົບໄຟຟ້າຖືກຕັດເປັນບໍລິເວນກວ້າງສ້າງຜົນເສຍຫາຍໃຫ້ກັບຜູ້ຊົມໃຊ້ໄຟຟ້າ ພວກກ່ຽວທັງ 2 ໄດ້ ຕັດເອົາສາຍທອງແດງ ຫຼື ສາຍດີນ ທີ່ມີຢູ່ 7 ຈຸດ ຂອງສະຖານີໄຟຟ້າດັ່ງກ່າວ.

ຫຼັງຈາກນັ້ນ ເຈົ້າໜ້າທີ່ ປກສ ບ້ານກໍ່ໄດ້ຕິດຕາມເຂົ້າຈັບກຸມໃນເວລາຕໍ່ມາ ເພື່ອເອົາຜູ້ກ່ຽວມາດໍາເນີນຄະດີຕາມລະບຽບກົດໝາຍບ້ານເມືອງ ແຕ່ຍັງມີອີກ 1 ຄົນ ທີ່ຍັງລົບໜີຢູ່ຍັງຢູ່ລະຫວ່າງການຕິດຕາມມາດຳເນີນຄະດີ. ສະຖານີໄຟຟ້າໂຄກສະອາດ ເປັນໜຶ່ງ ສະຖານີໜຶ່ງ ທີ່ສະໜອງພະລັງງານໄຟຟ້າໃຫ້ກັບເຂດເສດຖະກິດໄຊເຊດຖາ ແລະ ເມືອງອ້ອມຂ້າງ, ສະຖານີໄຟຟ້າແມ່ນເປັນເຂດຫວງຫ້າມ, ເຂດອັນຕະລາຍ, ເປັນເຂດຫ້າມບຸກຄົນ ນິຕິບຸກຄົນເຂົ້າໃກ້ເດັດຂາດ ເພາະເປັນເຂດທີ່ມີ ກະແສໄຟຟ້າ ຫຼື ພະລັງງານໄຟຟ້າໄຫລຜ່ານຕະຫຼອດ 24 ຊົ່ວໂມງ ເປັນເຂດຫວງຫ້າມ ອັນຕະລາຍ ຕ້ອງໄດ້ຮັບອານຸຍາດເທົ່ານັ້ນຈິ່ງສາມາດເຂົ້າໄດ້.

ຕາມການລາຍງານ ຂອງຄະນະສະເພາະກິດປະຈຳວັນທີ 14 ຕຸລາ 2021, ເຊິ່ງດຳເນີນການຖະແຫຼງຂ່າວໂດຍ ທ່ານ ດຣ. ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ ເຊິ່ງໄດ້ມາລາຍງານສະພາບໂຄວິດ-19 ໃນ ສປປ ລາວ ແລະ ທົ່ວໂລກ ພ້ອມກັນນັ້ນ, ທ່ານຍັງໄດ້ກ່ວກັບກັບເຄື່ອງກວດໂຄວິດ-19 ແບບໄວ ໃນການນຳໃຊ້ຢູ່ ສປປ ລາວ ມີດັ່ງນີ້:

“ດັ່ງດັ່ງທີ່ບັນດາທ່ານ ໄດ້ຕິດຕາມຂ່າວສານໃນມື້ວານນີ້ ທາງຄະນະກົມອາຫານ ແລະ ຢາ ກະຊວງສາທາລະນະສຸກ ກໍ່ໄດ້ຢໍ້າຄືນ ປະຈຸບັນ ກະຊວງສາທາລະສຸກ ຍັງບໍ່ໄດ້ອະນຸຍາດໃຫ້ບຸກຄົນໃດໜຶ່ງ ນໍາເຂົ້າ ຈໍລະຈອນ ຂາຍ ຫຼື ນໍາໃຊ້ເຄື່ອງກວດແບບໄວດ້ວຍຕົນເອງ/ບຸກຄົນໃດໜຶ່ງ“

ພ້ອມທັງຂໍໃຫ້ສື່ມວນຊົນທຸກຂະແໜງການ ທາງພາກລັດ ແລະ ເອກະຊົນ ຊ່ວຍກັນການຈາຍຂໍ້ມູນ ແລະ ນຳສະເໜີຂ່າວ ໃຫ້ປະຊາຊົນຮັບຊາບຢ່າງຕໍ່ເນື່ອງ. ການທີ່ບຸກຄົນໃດໜຶ່ງ ບໍ່ໃຫ້ຄວາມຮ່ວມມື ແລະ ຝ່າຝືນລະບຽບຂາຍຊະຊາຍ ໄດ້ສ້າງຄວາມຜົນກະທົບ ໃນການຄວບຄຸມການລະບາດ ແລະ ການເຝົ້າລະວັງ ທີ່ມີຢູ່ໃນປັດຈຸບັນ.

ລາຍງານຜູ້ຕິດເຊື້ອໃໝ່ວັນທີ 14 ຕຸລາ 2021, ແຂວງຄຳມ່ວນມີຜູ້ຕິດເຊຶ້​ອພາຍໃນໃໝ່ສູງເປັນອັນດັບ 3 ຂອງມື້ນີ້, ໃນນັ້ນມີການຕິດເຊື້ອໃນຄ່າຍຄຸມຂັງ +92 ຄົນ.

ເຊິ່ງມີເນື້ອໃນຂອງຜູ້ຕິດເຊື້ອພາຍໃນແຂວງດັ່ງນີ້ດັ່ງນີ້:

ຄໍາມ່ວນ 148ຄົນ:

-ເມືອງທ່າແຂກ ມີ 145 ຄົນ

• ຢູ່ໃນສະຖານທີ່ຄຸມຂັງ 92 ຄົນ
• ກໍາມະກອນຢູ່ໂຮງງານລາວຄາຍຢວນ ກັກກັນຢູ່ສູນພະນົມພອນ (ກວດຕົວຢ່າງຄັ້ງທີ່ 2) ມີ 44 ຄົນ
• ກໍາມະກອນຢູ່ ໂຮງງານນໍ້າດື່ມກາກະຕ່າຍທອງ ມີ 4 ຄົນ
• ບ້ານສຸກສະຫວັນ ມີ 2 ຄົນ
• ກໍາມະກອນຢູ່ ສວນນົກກະຈອກເທບ ມີ 2 ຄົນ
• ບ້ານດົງມ່ວງໄຂ່ ມີ 1 ຄົນ

-ເມືອງຫີນບູນ ມີ 01 ຄົນ ບ້ານຄໍາແກ້ວ

-ເມືອງຄູນຄໍາ ມີ 01 ຄົນ ບ້ານຜາແຫ້ງ  ບ້ານໂພນໝາດ, ເມືອງຍົມມະລາດ ມີ 01 ຄົນ

ວຽກງານປ່ຽນທາງໄຟແມ່ນສຳເລັດ 100% ​ສຳລັບການ ຮື້ສາຍ​ ແລະ​ ອຸກອນໄຟຟ້າ ໜ້າໂຮງໝໍມະໂຫສົດຕຶກໃໝ່.

ໃນຕອນເຊົ້າ​ວັນທີ 13​ ຕຸລາ ​2021​ ທ່ານ​ ວາດສະໜາ​ ເພັດລຳພັນ ຮອງຫົວໜ້າສາຂາ ນະ​ຄອນຫຼວງ1 ລັດວິສາຫະກິດໄຟຟ້າລາວ​ ໄດ້ລົງ​ຊີ້ນຳ​ ກວດກາ​ ວຽກງານ​ ປ່ຽນທາງໄຟ,​ ຮື້ສາຍ ແລະ​ ອຸກອນໄຟຟ້າ ຢູ່ດ້ານໜ້າ ໂຮງໝໍ​ ມະໂຫສົດຫຼັງໃໝ່, ເຊິ່ງທາງຫ້ອງການ ຄຸ້ມຄອງລະບົບ​ ແລະ​ບໍລິການ​ ໄດ້​ປະຕິບັດ​ວຽກດັ່ງກ່າວມາແຕ່ຕົ້ນເດືອນ ຕຸລາ​ 2021 ແລ້ວ, ມາຮອດປະຈຸບັນ ວຽກງານປ່ຽນທາງໄຟແມ່ນສຳເລັດ 100% ເປັນທີ່ຮຽບຮ້ອຍ.

ສຳລັບການ ຮື້ສາຍ​ ແລະ​ ອຸກອນໄຟຟ້າ​ ທີ່ຜ່ານດ້ານໜ້າ​ ຂອງຕຶກໃໝ່ໂຮງໝໍ ມະໂຫສົດ​ນີ້ ກໍ່ແມ່ນເພື່ອຄວາມເປັນລະບຽບຮຽບຮ້ອຍ​ ແລະ​ ຈົບ​ງາມ​ໃນຈຸດດັ່ງກ່າວ.