Home Blog Page 161

ລາຍງານໂຄວິດ-19  ປະຈຳວັນທີ 14 ຕຸລາ 2021

ໂທລະໂຄ່ງ THOLAKHONG
-
0
ລາຍງານໂຄວິດ-19  ປະຈຳວັນທີ 14 ຕຸລາ 2021

ຕາມລາຍງານ ຂອງຄະນະສະເພາະກິດໃຫ້ຮູ້ວ່າ: ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 6,855 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 651 ຄົນ (ຕິດເຊື້ອພາຍໃນ ມີ 644 ຄົນ ແລະ ຕິດເຊື້ອນໍາເຂົ້າ 7 ຄົນ)

1.ຫຼວງພະບາງ 215 ຄົນ:

-ນະຄອນຫຼວງພະບາງ ມີ 13 ບ້ານ (135 ຄົນ)

  • ບ້ານຜາໂອ ມີ 112 ຄົນ (ຢູ່ໃນສະຖານທີ່ຄຸມຂັງ)
  • ບ້ານໂພສີ ມີ 5 ຄົນ
  • ບ້ານຜາສຸກ ມີ 6 ຄົນ
  • ບ້ານພູຊ້າງຄໍາ ມີ 2 ຄົນ
  • ບ້ານໂພນສະອາດ ມີ 2 ຄົນ
  • ບ້ານຄົກວາ, ບ້ານດອນໃໝ່, ບ້ານນາຊ່າງເຫວີຍ, ບ້ານນາຫຼວງ, ບ້ານປ່ອງຄໍາ (ພະນັກງານສາທາ), ບ້ານປົ່ງຫວ້ານ, ບ້ານພູໝອກ, ບ້ານຫາດຮ່ຽນ ມີ ບ້ານລະ  1 ຄົນ

-ເມືອງນໍ້າບາກ ມີ  4 ບ້ານ  (15 ຄົນ)

  • ບ້ານໂພນສະອາດ ມີ 8 ຄົນ
  • ບ້ານນໍ້າລາ ມີ 5 ຄົນ
  • ບ້ານຟ້າ ແລະ ບ້ານດອນຄ່ຳ ມີບ້ານ ລະ 1 ຄົນ

-ເມືອງຊຽງເງິນ ມີ 2 ບ້ານ (3 ຄົນ)

  • ບ້ານຊຽງເງິນ ມີ 2 ຄົນ
  • ບ້ານມູດ ມີ 1 ຄົນ

-ເມືອງງອຍ ມີ 1 ບ້ານ (61 ຄົນ)

  • ບ້ານສົບຮຸນ ມີ 6 ຄົນ
  • ອີກ 55 ຄົນ ກຳລັງເກັບກຳຂໍ້ມູນ

-ເມືອງຈອມເພັດ ມີ 1 ຄົນ ຈາກ​ບ້ານ ຊຽງແມນ  

2.ນະຄອນຫຼວງ 185 ຄົນ: ມາຈາກ 73 ບ້ານ, ໃນ 7 ເມືອງ

  •  ເມືອງຈັນທະບູລີ ມີ 10 ບ້ານ (20 ຄົນ)
  •  ເມືອງສີໂຄດຕະບອງ ມີ 12 ບ້ານ (31 ຄົນ)
  •  ເມືອງໄຊເສດຖາ ມີ 10 ບ້ານ (23 ຄົນ)
  •  ເມືອງສີສັດຕະນາກມີ 12 ບ້ານ (26 ຄົນ)
  •  ເມືອງນາຊາຍທອງ ມີ 10 ບ້ານ (53 ຄົນ)
  •  ເມືອງໄຊທານີ ມີ 13 ບ້ານ (35 ຄົນ)
  •  ເມືອງຫາດຊາຍຟອງ ມີ 6 ບ້ານ (8 ຄົນ)
  • ສືບຕໍ່ເອົາຂໍ້ມູນ 5 ຄົນ

3.ຄໍາມ່ວນ 148 ຄົນ:

  • ເມືອງທ່າແຂກ ມີ 145 ຄົນ
  • ຢູ່ໃນສະຖານທີ່ຄຸມຂັງ 92 ຄົນ
  • ກໍາມະກອນຢູ່ໂຮງງານລາວຄາຍຢວນ ກັກກັນຢູ່ສູນພະນົມພອນ (ກວດຕົວຢ່າງຄັ້ງທີ່ 2) ມີ 44 ຄົນ
  • ກໍາມະກອນຢູ່ ໂຮງງານນໍ້າດື່ມກາກະຕ່າຍທອງ ມີ 4 ຄົນ
  • ບ້ານສຸກສະຫວັນ ມີ 2 ຄົນ
  • ກໍາມະກອນຢູ່ ສວນນົກກະຈອກເທບ ມີ 2 ຄົນ
  • ບ້ານດົງມ່ວງໄຂ່ ມີ 1 ຄົນ
  • ເມືອງຫີນບູນ ມີ 01 ຄົນ ບ້ານຄໍາແກ້ວ
  • ເມືອງຄູນຄໍາ ມີ 01 ຄົນ ບ້ານຜາແຫ້ງ
  • ບ້ານໂພນໝາດ, ເມືອງຍົມມະລາດ ມີ 01 ຄົນ

4.ສະຫວັນນະເຂດ 35 ຄົນ:

 -ເມືອງອຸທຸມພອນ ມີ 24 ຄົນ, 04 ບ້ານ

  • ບ້ານໄຊຍະເພັດ ມີ 20 ຄົນ
  • ບ້ານຈະເລີນສຸກ ມີ 02 ຄົນ ແລະ ບ້ານຈອມເພັດ ມີ 01 ຄົນ
  • ບ້ານສີບຸນເຮືອງ ມີ 01 ຄົນ

-ນະຄອນໄກສອນ ມີ 11 ຄົນ, 07 ບ້ານ

  • ບ້ານຫົວເມືອງເໜຶອ ມີ 03 ຄົນ
  • ບ້ານຊອກ ມີ 02 ຄົນ
  • ບ້ານໄຊຍະພູມ ມີ 02 ຄົນ
  • ມີ 04 ຄົນ ຈາກບ້ານສະພານເໜຶອ, ບ້ານສຸນັກທາ, ບ້ານອຸດົມວິໄລ ແລະ ບ້ານໂພໄຊ ມີ ບ້ານລະຄົນ

5.ບໍ່ແກ້ວ 25 ຄົນ:

  • ເມືອງ ຫ້ວຍຊາຍ 02 ກໍລະນີ ( ຈາກບ້ານພັກ ຫົວລູຍ ບ້ານອຸດົມ ແລະ ບ້ານນໍ້າປຸກ)
  • ເມືອງ ຕົ້ນເຜີ້ງ 10 ກໍລະນີ; (ບ້ານ ຄວ້ານ 05; ດອນມູນ 02, ໂພນໂຮມ 02 ແລະ ພຽງງາມ 01)
  • ເຂດເສດຖະກິດພິເສດ 14 ກໍລະນີ (ກຳມະກອນ ຄົນພະມ້າ 12 ຄົນ; ຈີນ 01 ແລະ ຄົນລາວ 01)

6.ວຽງຈັນ 22 ຄົນ:

 -ເມືອງແກ້ວອຸດົມ ມີ 10 ຄົນ, 03 ບ້ານ

  • ບ້ານແສງສະຫວ່າງ ມີ 05 ຄົນ
  • ບ້ານພູເຂົາຄໍາ ມີ 04 ຄົນ
  • ບ້ານທ່າຊັນ ມີ 01 ຄົນ
  • ເມືອງທຸລະຄົມ ມີ 02 ຄົນ, 02 ບ້ານ
  • ມີ 02 ຄົນ ຈາກບ້ານນາແພງ ແລະ ບ້ານນາຫລ້າ

-ເມືອງໜື່ນ ບ້ານນາສ້າງໃຜ່, ມີ 01 ຄົນ

  • ຄົນຕ່າງແຂວງ ມີ 09 ຄົນ ກໍາມະກອນກໍ່ສ້າງ ໄຟຟ້າໂຄງການຈັກເບີ ມີ 09 ຄົນ
  • ມີ 06 ຄົນ ຈາກບ້ານດົງຄໍາຊ້າງ, ມີ 04 ຄົນ ແລະ ບ້ານຊຽງດາ ມີ 02 ຄົນ, ເມືອງໄຊເສດຖາ, ນະຄອນຫລວງວຽງຈັນ
  • ບ້ານຫ້ວຍເລກ, ເມືອງສຸຂຸມາ, ແຂວງຈໍາປາສັກ ມີ 01 ຄົນ

7.ຈໍາປາສັກ 11 ຄົນ:

-ນະຄອນປາກເຊ ມີ 05 ຄົນ, 03 ບ້ານ

  • ບ້ານນາແກ ມີ 02 ຄົນ
  • ບ້ານໂນນສະຫວ່າງ ມີ 02 ຄົນ
  • ບ້ານຈັດສັນ ມີ 01 ຄົນ
  • ໂພນທອງ ມີ 04 ຄົນ, 04 ບ້ານ
  • ພະນັກງານແຟນຊິບຊຸບເປີມາກ ມີ 02 ຄົນ (ບ້ານຫໍພະແກ້ວ ແລະ ບ້ານໂພໄຊ ມີບ້ານລະ 01 ຄົນ)
  • ບ້ານສະໝໍລຽບ ມີ 01 ຄົນ
  • ບ້ານຄັນແຍງ ມີ 01 ຄົນ (ຄ້າຂາຍ, ເພດຍິງ, ອາຍຸ 40 ປີ ເຂົ້າມາກວດຢູ່ໂຮງໝໍແຂວງ ດ້ວຍຮູບການຊືມເຊື້ອລະບົບຫາຍໃຈຮຸນແຮງກະທັນຫັນ (SARI)

-ເມືອງບາຈຽງຈະເລີນສຸກ ບ້ານລົ່ມສັກເໜຶອ, ມີ 01 ຄົນ

-ເມືອງປາກຊ່ອງ ບ້ານຫຼັກ, ມີ 01 ຄົນ

8.ຫຼວງນໍ້າທາ 2 ຄົນ (ສັນຊາດຈີນທັງ 2 ຄົນ)

9.ບໍລິຄໍາໄຊ 1 ຄົນ:

– ບ້ານ ທົ່ງນາມີ ເມືອງ ປາກກະດີງ ( ເດັກຊາຍ, ອາຍຸ 2 ປີ)

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດ ມີ 7 ຄົນ: 5 ຄົນຈາກແຂວງສະຫວັນນະເຂດ ແລະ 2 ຄົນ ຈາກແຂວງສາລະວັນ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

ສຳລັບຜູ້ຕິດເຊື້ອພະຍາດໂຄວິດ 19 ຢູ່ ແຂວງຫຼວງພະບາງເສຍຊີວິດແລ້ວ 1 ກໍລະນີ:

ວັນທີ່ 13 ຕຸລາ 2021 ນີ້ ດຣ ທອງພຸດ ສຸກກະເສີມ ອຳນວຍການໂຮງໝໍແຂວງຫຼວງພະບາງ ໄດ້ຕາງໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງ ພະຍາດ COVID-19 ຂັ້ນແຂວງຫຼວງພະບາງ ໄດ້ຖະແຫຼງຂ່າວປະຈໍາວັນກ່ຽວກັບ ການຄຸ້ມຄອງ-ປີ່ນປົວກໍລະນີຄົນເຈັບ ຜູ້ທີ່ຕິດເຊື້ອພະຍາດໂຄວິດ 19 ຢູ່ໃນ ໂຮງໝໍແຂວງຫຼວງພະບາງ ທ່ານກ່າວວ່າ:

ສຳລັບກໍລະນີຄົນເຈັບເສຍຊີວິດ ເປັນເພດຊາຍອາຍຸ 60 ປີ ສັນຊາດລາວ, ອາຊີບປະຊາຊົນ, ບ້ານນາຫຼວງ ນະຄອນ ຫຼວງພະບາງ ເຂົ້າປີ່ນປົວຢູ່ໂຮງໝໍແຂວງວັນທີ່ 10 ຕຸລາ 2021 ເວລາ 20 ໂມງ 40 ນາທີ, ສາເຫດເຂົ້າໂຮງໝໍ ແມ່ນຕິດເຊື້ອພະຍາດໂຄວິດ-19 ປະ ຫວັດຜ່ານມາ ຄົນເຈັບມີພະຍາດປະຈໍາຕົວຫຼາຍຢ່າງເຊັ່ນ: ຄວາມດັນເລືອດສູງ, ເສັ້ນເລືອດສະໝອງຕິບຕັນ, ອໍາມະ ພຶກອໍາມະພາດ, ລ່ອຍແຂນຂາເບື້ອງຊ້າຍ ເຮັດໃຫ້ຄົນເຈັບເສຍຊີວິດໃນວັນທີ່ 12 ຕຸລາ 2021 ເວລາ 24 ໂມງ 00 ນາທີ ສ່ວນສົບຂອງຜູ້ເສຍຊີວິດ ເຈົ້າໜ້າທີ່ແພດໄດ້ເອົາໄປຈູດ ຢູ່ວັດວັດປ່າຫຍ້າທຶບ ແລະ ອັດທິ ຫຼື ກະດູກຂອງຜູ້ເສຍຊິວິດ ຈະຕ້ອງໄດ້ຝັງ ຫຼື ໃສ່ທາດ ຫ້າມບໍ່ໃຫ້ເອົາໄປໄຫຼນໍ້າເດັດຂາດ, ໃນກໍລະນີສະມາຊິກໃນຄອບຄົວຜູ້ໃດຜູ້ໜື່ງເສຍຊີວິດ ຄະນະສະເພາະກິດຂອງແຂວງ ບໍ່ສາມາດມອບສົບ ໃຫ້ກັບຄອບຄົວໄປບໍາເພັນກູສູນໄດ້ ເພື່ອບໍ່ໃຫ້ເຊື້ອໂລກແຜ່ກະຈາຍ ເວລາໄປສົ່ງສະການ ກໍ່ໃຫ້ມີແຕ່ຍາດພີ່ນ້ອງຄອບຄົວເປັນວົງແຄບ ແລະ ຢູ່ຫ່າງໄກຈາກສົບ.

ປັດຈຸບັນ, ຫຼວງພະບາງ ມີຜູ້ຕິດເຊື້ອສະສົມ ທີ່ເຂົ້າປີ່ນປົວໃນໂຮງໝໍແຂວງມາເຖີງປັດຈຸບັນ ມີຕົວເລກສະສົມທັງໝົດ 141 ຄົນ, ຍັງມີໜ້າປີ່ນປົວ 41 ຄົນ, ເຊິ່ງເປັນຄົນເຈັບທີ່ມີອາການປານກາງ 39 ຄົນ ແລະອາການໜັກ 2 ຄົນ ເປັນເພດຍີງທັງ 2 ຄົນ, ສ່ວນຢູ່ໂຮງໝໍພາກສະໜາມຂອງແຂວງ ມີໜ້າປີ່ນປົວທັງໝົດ 174 ຄົນ, ສ່ວນຫຼາຍແມ່ນຕິດຕາມອາການ ເປັນຄົນເຈັບເບົາບາງ, ນອກຈາກນັ້ນ ແມ່ນການປີ່ນປົວຢູ່ໂຮງໜໍພາກສະໜາມ ຂອງແຕ່ລະເມືອງພາຍໃນແຂວງ.

ມາຮອດວັນທີ 13 ຕຸລາ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 30,615 ຄົນ, ເສຍຊີວິດສະສົມ 36 (ໃໝ່ 01), ປິ່ນປົວຫາຍດີ ແລະ ກັບບ້ານໃນມື້ວານ ມີ 315ຄົນ, ກໍາລັງປິ່ນປົວ 7,102ຄົນ.

Nissan ALMERA – ຍອດຂາຍກວ່າ 20,000,000 ຄັນ ນັບຕັ້ງແຕ່ມື້ເປີດໂຕຮອດປັດຈຸບັນ

ໂທລະໂຄ່ງ THOLAKHONG
-
0
Nissan ALMERA – ຍອດຂາຍກວ່າ 20,000,000 ຄັນ ນັບຕັ້ງແຕ່ມື້ເປີດໂຕຮອດປັດຈຸບັນ

ລົດເກັງຂອງ Nissan ທີ່ຂາຍດີທີ່ສຸດໃນໂລກ, ທີ່ໄດ້ຮັບການຍອມຮັບ ແລະ ຄວາມເຊື່ອໝັ້ນມາເປັນເວລາ ກວ່າ 50 ປີ

ເດືອນຕຸລາ ປີ 2021 – ບໍລິສັດ Tan Chong Motor (Lao) Co. Ltd. (“TCML”), ຕົວແທນຈໍາໜ່າຍພາຫະນະຂອງ Nissan ພຽງໜຶ່ງດຽວ ໃນ ສປປ ລາວ ແລະ ເປັນບໍລິສັດລູກຂອງ Tan Chong Motor Holdings Berhad (Malaysia), ຈະເປີດໂຕແລະວາງຈໍາໜ່າຍລົດເກັງຂອງ Nissan ທີ່ຂາຍດີທີ່ສຸດໃນໂລກໃນໄວໆນີ້. ກ່ອນອື່ນ, ໄປທຳຄວາມຮູ້ຈັກກັບຄວາມເປັນມາອັນຍາວນານຂອງລົດລຸ້ນດັ່ງກ່າວກັນເລີຍ.

ປີ 1966-1969 – ລົດ Nissan ລຸ້ນ 1000cc ລຸ້ນທໍາອິດ ໄດ້ຖືກວາງຈໍາໜ່າຍໃນປະເທດຍີ່ປຸ່ນ. Datsun Sunny ເປັນລົດລຸ້ນນ້ອຍ ບັນຈຸຜູ້ໂດຍສານໄດ້ 5 ຄົນ ສໍາລັບເດີນທາງຈາກທາງຫຼວງໄປຍັງບັນດາເມືອງຕ່າງໆ, ເຄື່່ອນໄຫວຢ່າງຄ່ອງໂຕ ແລະ ລາຄາເປັນມິດ.

ປີ 1970-1973 –  ລຸ້ນທີ 2 ທີ່ມີເຄື່ອງຍົນຂະໜາດ 1.2L & 1.4L ທີ່ເປັນຂະໜາດທີ່ໃຫຍ່ຂຶ້ນກວ່າເກົ່າ (ລົດເກັ໋ງຊະນິດສອງປະຕູລຸ້ນທໍາອິດໃນປະເທດຍີ່ປຸ່ນ) ມີພະລັງງານທີ່ສົມດຸນ, ນິ້ມນວນ, ປອດໄພ ແລະ ປະຫຍັດນໍ້າມັນ.

ປີ 1973-1977 – ລຸ້ນທີ 3 ທີ່ມີຮູບຮ່າງໃຫຍ່, ໂຄ້ງ ແລະ ມີພາບລັກທີ່ເປັນໄວລຸ້ນ. Sunny ໄດ້ຮັບໄຊຊະນະອັນດັບທີໜຶ່ງ ໃນການແຂ່ງຂັນລົດປະຫຍັດນໍ້າມັນ ທີ່ຈັດໂດຍສຳນັກງານຮັກສາສິ່ງແວດລ້ອມຂອງສະຫະລັດອາເມລິກາ.

ປີ 1977-1981 – ລຸ້ນທີ 4 ມີເຄື່ອງຍົນຂະໜາດ 1.4L ພ້ອມທັງແວ່ນໜ້າລົດທີ່ກວ້າງຂຶ້ນ ແລະ  waistline ທີ່ຕໍ່າກວ່າເກົ່າ ເພີ່ມປັບການແນມເຫັນ ແລະ ຄວາມຄ່ອງແຄ້ວຂອງລົດຕະກູນ Saloon ໃຫ້ດີຂຶ້ນ.

ປີ 1981-1985 – ລຸ້ນທີ 5  ແມ່ນລຸ້ນແຫ່ງການປະຕິວັດ ແລະ ປະສົບຜົນສຳເລັດທົ່ວໂລກ.  ການຈັດວາງຮູບແບບລົດຂັບເຄື່ອນດ້ວຍລໍ້ໜ້າ (FF) ໃໝ່ ແລະ ເຄື່ອງຍົນດ້ານໜ້າປະເພດ E-type OHC 1.3L ແລະ 1.5L ໄດ້ຮັບການເປີດໂຕຂຶ້ນ. Nissan ໄດ້ເພີ່ມໂຮງງານໃນປະເທດສະຫະລັດອາເມລິກາ, ສະເປນ ແລະ ອັງກິດ ເພື່ອຮອງຮັບການຜະລິດພິເສດ. ປີ 1983 Sunny ໄດ້ກາຍເປັນລຸ້ນທີ່ໄດ້ຮັບການຜະລິດຫຼາຍທີ່ສຸດທົ່ວໂລກ, ແຊງໜ້າລົດ Volkswagen Golf ແລະ Toyota Corolla. ລົດດັ່ງກ່າວ ໄດ້ຖືກຈໍາໜ່າຍໃນ 130 ປະເທດທົ່ວໂລກ.

ປີ 1985-1990 – ລຸ້ນທີ 6 ທີ່ຕາມມາ ແມ່ນລົດທີ່ຂັບເຄື່ອນດ້ວຍຄຸນະພາບ ແລະ ຮັກສາສົມດຸນໄດ້ເປັນຢ່າງດີ.

ປີ 1990-1994 – ວິວັດທະນາການລຸ້ນທີ 7 ແມ່ນໄດ້ຮັບການພັດທະນາພາຍໃຕ້ແນວຄວາມຄິດ “ລົດ super saloon sedan ລຸ້ນໃໝ່ ທີ່ມີຄວາມງາມທີ່ມີສະໄຕລ໌ ແລະ ຂັບຂີ່ມ່ວນ” ພ້ອມທັງມີດ້ານ sport, ມີພາບລັກຫຼູຫຼາ ແລະ ລາຄາຄຸ້ມຄ່າ.

ປີ 1994-1998 – ລຸ້ນທີ 8 ແມ່ນເປັນການປະຕິວັດດ້ານການອອກແບບ ແລະ ການປະຕິບັດງານ. ລຸ້ນນີ້ ປະກອບມີການປະສົມປະສານຄັ້ງທຳອິດໃນໂລກ ລະຫວ່າງ ລະບົບກັນສະເທືອນຫຼັງ ແບບ multi-link ແລະ torsion beam ທີ່ໄດ້ຮັບການພັດທະນາດ້ານການຂັບຂີ່ ແລະ ການຕອບສະໜອງຂອງລໍ້ລົດ. ການອອກແບບໂຄງຫຼັກຂອງລົດ ແມ່ນໄດ້ອອກແບບົນພື້ນຖານແຜນໂຄງສ້າງ ຫຼື platform Fairlady Z, Silvia, ແລະ Skyline.

ປີ 1998-2010 – ລຸ້ນທີ 9 ແມ່ນປະຕິບັດການໂດຍອີງໃສ່ platform ອັນໃໝ່ອ່ຽມ, 4 ເຄື່ອງຍົນລະບົບຫົວສີດເຊື້ອເພີງເຂົ້າສູ່ຫ້ອງເຜົາໄໝ້ໂດຍກົງ ໃໝ່, ລະບົບເກຍແປຜັນ (ເກຍ CVT) ທີ່ຄ່ອງແຄ້ວ, ພະນັກພິງຫົວ ແລະ ລະບົບເພີ່ມແຮງເບກອັດຕະໂນມັດ (ປະດິດໂດຍ Nissan). ລົດລຸ້ນນີ້ ຈະສຸມໃສ່ຄວາມຫຼູຫຼາ ແລະ ຄວາມຊັບຊ້ອນ.

ປີ 2010-2019 – ລຸ້ນທີ 10 ລຸ້ນ Almera ເປັນລົດ sedan ທີ່ ໄດ້ຮັບການຍອມຮັບ ແລະ ມີພາບລັກທີ່ໜ້າເຊື່ອຖື ທີ່ຮັກສາສາຍເລືອດຂອງການເປັນ “ລົດຄອບຄົວ sedan ທີ່ຫຼູຫຼາ ແລະ  ມີສົມດຸນທີ່ດີ” ທີ່ໄດ້ຮັບການປະຕິວັດຈາກລຸ້ນຜ່ານມາ ເຮັດໃຫ້ກາຍເປັນລຸ້ນທີ່ປະສົບຄວາມສຳເລັດທົ່ວໂລກມາເປັນເວລາກວ່າ 50 ປີ. ລົດລຸ້ນນີ້ ມີຍອດຂາຍກວ່າ 2.7 ລ້ານຄັນຈາກໃນ 108 ປະເທດ.

ປີ 2021 – ລົດ Nissan ALMERA ໃໝ່ ກໍາລັງຈະໄດ້ຮັບການວາງຈໍາໜ່າຍໃນ ສປປ ລາວ ໃນໄວໆນີ້  ແລະ ຈະບໍ່ພຽງແຕ່ຮັກສາມາດຕະຖານໃນການປະຢັດນໍ້າມັນ, ການປະຕິບັດງານ, ຄວາມນິ້ມນວນ, ຄວາມສະດວກສະບາຍ, ເທັກໂນໂລຢີ AI, ຄວາມປອດໄພ, ຄວາມຫຼູຫຼາ ແລະ ຄວາມປະທັບໃຈໃນການຂັບຂີ່ ເທົ່ານັ້ນ, ແຕ່ຍັງມີລາຄາທີ່ເປັນມິດ ແລະ ມີການອອກແບບລາຍລະອຽດພາຍນອກ ແລະ ພາຍໃນທີ່ສະດຸດຕາອີກດ້ວຍ.   

ລົດລຸ້ນ Nissan ALMERA ໃໝ່ ຈະໄດ້ຮັບການວາງຈໍາໜ່າຍພາຍໃນ 2-3 ອາທິດນີ້, ໂດຍລົດລຸ້ນດັ່ງກ່າວ ເປັນລຸ້ນທີ່ມີຮູບແບບທີ່ເງົາງາມ ແລະ ອອກແນວ sport ພ້ອມດ້ວຍອົງປະກອບພາຍໃນທີ່ມີຄຸນະພາບສູງ. ພ້ອມນີ້, ເທັກໂນໂລຢີໃນການເຄື່ອນຍ້າຍລ່າສຸດຂອງ Nissan ກໍຖືກນໍາມາໃຊ້ໃນລົດ sedan ໃໝ່ລຸ້ນນີ້.

ທ່ານສາມາດເຂົ້າຢ້ຽມຊົມໃນເວັບໄຊທ໌ www.nissan-lao.la/ ຫຼື ຕິດຕາມ Facebook Page ຂອງ Nissan Laos ທີ່ fb.com/NissanLaos/ ເພື່ອເບິ່ງຂໍ້ມູນເພີ່ມເຕີມກ່ຽວກັບລົດ Nissan ທຸກໆລຸ້ນ.

ລາຍງານຜູ້ຕິດເຊື້ອໃໝ່ມື້ນີ້ +566 ຄົນ ແລະ ເສຍຊີວິດໃໝ່ 2 ຄົນ

ໂທລະໂຄ່ງ THOLAKHONG
-
0
ລາຍງານຜູ້ຕິດເຊື້ອໃໝ່ມື້ນີ້ +566 ຄົນ ແລະ ເສຍຊີວິດໃໝ່ 2 ຄົນ

ຕາມການລາຍງານ ຂອງຄະນະສະເພາະກິດ ປະຈຳວັນທີ 13 ຕຸລາ 2021 ໃຫ້ຮູ້ວ່າ:

ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 6,427 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 566 ຄົນ (ຕິດເຊື້ອພາຍໃນ ມີ 557 ຄົນ ແລະ ຕິດເຊື້ອນໍາເຂົ້າ 9 ຄົນ) ແລະ ເສຍຊີວິດໃໝ່ເພີ່ມ 2 ກໍລະນີ.

ລາຍລະອຽດຜູ້ເສຍຊິວິດ 02 ຄົນມີດັ່ງນີ້

ຜູ້ເສຍຊີວິດຄົນທີ 01, ຢູ່ໂຮງໝໍມິດຕະພາບ ເພດຍີງ ອາຍຸ 45 ປີ ອາຊີບ: ຫວ່າງງານ.  ບ້ານ ໂນນສົມບູນ ເມືອງ ສີໂຄດ ແຂວງ ນະຄອນຫລວງ.

  • ຜູ້ກ່ຽວໄດ້ໄປກວດຢູ່ໂຮງໝໍຕຳຫລວດ ພົບວ່າເລືອດຈາງທ່ານໝໍໄດ້ເເນະນຳໄປໃສ່ເລືອດຢູໂຮງໝໍສູນກາງ, ມາຮອດທີ່ 25/9/2021 ໄປກວດຢູ່ມະໂຫສົດແລ້ວໄດ້ກັກຢູ່ຫ້ອງແຍກປ່ຽວ,ຈົນມາຮອດທີ່ 28/9/2021 ໄດ້ຜົນກວດຢັ້ງຢືນເປັນ COVID-19 ແລ້ວ ຍ້າຍມາໂຮງໝໍມິດຕະພາບ.
  • ພະຍາດປະຈຳຕົວ:  ຫາກໍ່ຮູ້ວ່າເປັນໄຂ່ຫລັງຊຸດໂຊມ.
  • ໄດ້ສັກຢາວັກຊິນ 1 ເຂັມ, Sinopharm.
  • ໄລຍະທີ່ນອນປິ່ນປົວຢູ່ໂຮງໝໍແມ່ນແຕ່ວັນທີ 28/09/2021-12/10/2021.
  • ຮອດເວລາ 12:20 ໂມງຂອງວັນທີ 12/10/2021 ຜູ້ກ່ຽວໄດ້ເສຍຊີວິດ.

ຜູ້ເສຍຊີວິດຄົນທີ 02, ເປັນເພດຊາຍ, ອາຍຸ 80 ປີ, ບ້ານປາກແຮດ, ເມືອງນາຊາຍທອງ, ນະຄອນຫລວງວຽງຈັນ

  • ບໍ່ໄດ້ຮັບການສັກຢາວັກຊີນກັນພະຍາດໂຄວິດ-19
  • ພະຍາດປະຈໍາຕົວ: ເສັ້ນເລືອດສະໜອງແຕກ ຜ່າຕັດມາໄດ້ 06 ປີແລ້ວ, ຄົນເຈັບມີຊັກ ແຕ່ບໍ່ກິນຢາປະຈໍາ ແລະ ຄວບຄຸມຊັກບໍ່ໄດ້
  • ໃນເບື້ອງຕົ້ນ ຜູ້ກ່ຽວມີປະຫັວດສໍາຜັດໃກ້ຊິດກັບຄົນໃນຄອບຄົວຕິດເຊື້ອທັງໜົົດ ມີ 05 ຄົນ
  • ວັນທີ 7 ຕຸລາ 2021: ຜູ້ກ່ຽວ ໄດ້ເຂົ້າໂຮງໝໍພາກສະໜາມສູນຝຶກວິຊາຊີບຄົນພິການສີເກີດ ນໍາເມຍຂອງຜູ້ກ່ຽວ ຍ້ອນວ່າ ເມຍ, ລູກ ຕິດເຊື້ອ ແລະ ອີກຢ່າງໜື່ງຜູ້ກ່ຽວເປັນຄົນເຈັບທີ່ບໍ່ສາມາດຊ່ວຍເຫລຶອຕົນເອງໄດ້.
  • ວັນທີ 8 ຕຸລາ 2021: ຜົນກວດອອກມາແມ່ນພົບເຊື້ອ
  • ໄລຍະທີ່ນອນຢູ່ສູນດັ່ງກ່າວ ແມ່ນແຕ່ວັນທີ 07-13/10/2021 ເປັນເວລາ 07 ມື້
  • ຮອດເວລາ 05:00 ໂມງເຊົ້າຂອງວັນທີ 13/10/2021 ຜູ້ກ່ຽວໄດ້ເສຍຊີວິດ.
  • ສາຍເຫດຂອງການເສຍຊິວິດ ຍ້ອນ Uncontrolled Status Epilepticus

ສຳລັບຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນ ໃໝ່ ທັງໝົດ 557 ຄົນ ຊຶ່ງມີລາຍລະອຽດຈາກແຂວງທີ່ມີການຕິດເຊື້ອຫຼາຍຫາ ແຂວງທີ່ມີການຕິດເຊື້ອໜ້ອຍ ດັ່ງນີ້:

-ນະຄອນຫຼວງ 246 ຄົນ: ມາຈາກ 86 ບ້ານ, ໃນ 07 ເມືອງ

  •  ເມືອງຈັນທະບູລີ ມີ 08 ບ້ານ (18 ຄົນ)
  •  ເມືອງສີໂຄດຕະບອງ ມີ 26 ບ້ານ (48 ຄົນ)
  •  ເມືອງໄຊເສດຖາ ມີ 13 ບ້ານ (105 ຄົນ)( ຄ້າຍຂຸມຂັງ ນາໄຫ 70ຄົນ)
  •  ເມືອງສີສັດຕະນາກມີ 08 ບ້ານ (14 ຄົນ)
  •  ເມືອງນາຊາທອງ ມີ 08 ບ້ານ (10 ຄົນ)
  •  ເມືອງໄຊທານີ ມີ 16 ບ້ານ (35 ຄົນ)( ສູນຫຼັກ 27 ມີ 7 ຄົນ )
  •  ເມືອງຫາດຊາຍຟອງ ມີ 07 ບ້ານ (15 ຄົນ)

ສືບຕໍ່ເອົາຂໍ້ມູນ 01 ຄົນ

-ຫຼວງພະບາງ 187 ຄົນ:

+ນະຄອນຫຼວງພະບາງ ມີ 16 ບ້ານ (129 ຄົນ)

  • ບ້ານຜາໂອ ມີ 93 ຄົນ (ນັກໂທດ 84 ຄົນ, ນັກບວດວັດຜາໂອ: 9 ຄົນ)
  • ບ້ານໂພສີ ມີ 8 ຄົນ
  • ບ້ານຜາສຸກ ມີ 6 ຄົນ
  • ບ້ານພູຊ້າງຄໍາ ມີ 3 ຄົນ
  • ບ້ານໜອງຄໍາ ມີ  3 ຄົນ
  • ບ້ານໝື່ນນາ ມີ  3 ຄົນ
  • ບ້ານພູໝອກ ມີ 2 ຄົນ
  • ບ້ານພູເຫຼັກມີ 2 ຄົນ
  • ບ້ານນາຊ່າງເຫວີຍ ມີ 2 ຄົນ
  • ບ້ານຂົ່ວທີ່1, ບ້ານຊຽງແກ້ວ, ບ້ານນາຫຼວງ, ບ້ານວຽງໄຊ, ບ້ານໜອງໂຕກ, ບ້ານເມືອງງາ, ບ້ານໂພນໄຊ ມີ ບ້ານລະ  1 ຄົນ.

+ເມືອງນໍ້າບາກ ມີ  5 ບ້ານ  (42 ຄົນ)

  • ບ້ານໂພນສະອາດ ມີ 30 ຄົນ
  • ບ້ານຟ້າ ມີ 4 ຄົນ
  • ບ້ານໂພນໄຊ ມີ 3 ຄົນ
  • ບ້ານນ້ຳລາ ມີ 3 ຄົນ
  • ບ້ານບົມ ມີ 2 ຄົນ

+ເມືອງງອຍ ມີ 3 ບ້ານ (16 ຄົນ)

  • ບ້ານໜອງຂຽວ ມີ 14 ຄົນ
  • ບ້ານງອຍເກົ່າ ແລະ ບ້ານສົບກອງ ມີ ບ້ານລະ 1 ຄົນ

-ວຽງຈັນ 49 ຄົນ:

+ເມືອງແກ້ວອຸດົມ ມີ 08 ບ້ານ (26 ຄົນ)

  • ບ້ານພູເຂົາຄໍາ ມີ 07 ຄົນ (ພະນັກງານໄຟຟ້າ 01 ຄົນ)
  • ບ້ານຖີ່ນແກ້ວ ມີ 06 ຄົນ (ຄ້າຂາຍ 03 ຄົນ, ນັກຮຽນ, ເດັກ ແລະ ປະຊາຊົນ)
  • ບ້ານໂພນຄໍາ ມີ 03 ຄົນ
  • ບ້ານໂພນແຍງ ມີ 02 ຄົນ (ພະນັກງານຄູ ແລະ ເດັກ)
  • ບ້ານໂພຄໍາ ມີ 02 ຄົນ
  • ບ້ານທ່າຊັນ ມີ 02 ຄົນ (ແມ່ເຮືອນ ແລະ ປະຊາຊົນ)
  • ບ້ານແສງສະຫວ່າງ ມີ 02 ຄົນ (ພະນັກງານໄຟຟ້າ)
  • ບ້ານສາມັກຄີໄຊ (ນັກໂທດ), ບ້ານນາປູນ (ນັກຮຽນ),

+ເມືອງວັງວຽງ ມີ 03 ບ້ານ (12 ຄົນ)

  • ບ້ານວຽງແກ້ວ ມີ 09 ຄົນ (ຊາວນາ ມີ 08 ຄົນ ແລະ ຊາວນາ ມີ 01 ຄົນ)
  • ບ້ານຫ້ວຍແຍ ມີ 02 ຄົນ (ຊາວນາ)
  • ບ້ານເມືອງຊອງ ມີ 01 ຄົນ (ພະນັກງານແພດ)
  • ເມືອງໂພນໂຮງ ມີ 04 ບ້ານ (06 ຄົນ)
  • ບ້ານນາເລົ່າ ມີ 02 ຄົນ (ເດັກ ແລະ ປະຊາຊົນ)
  • ບ້ານນາໂພໃຕ້ ມີ 02 ຄົນ (ນັກສຶກສາ ແລະ ປະຊາຊົນ)
  • ບ້ານນາໂພເໜຶອ ມີ 01 ຄົນ (ພະນັກງານແພດ)
  • ບ້ານໂພນສີເໜຶອ ມີ 01 ຄົນ (ພະນັກງານ)

+ເມືອງວຽງຄໍາ ມີ 02 ບ້ານ (05 ຄົນ)

– ບ້ານດອນກວດ ມີ 04 ຄົນ (ເດັກ 02 ຄົນ ແລະ ຜູ້ເຖົ້າ)

– ບ້ານນາເຄຶອ ມີ 01 ຄົນ (ພະນັກງານ)

-ສະຫວັນນະເຂດ  27 ຄົນ:

1). ເມືອງອຸທຸມພອນ ມີ 02 ຄົນ, 02 ບ້ານ

  • ບ້ານຈະເລີນສຸກ ມີ 01 ຄົນ
  • ບ້ານມະນີວົງໄຊ ມີ 01 ຄົນ

2). ນະຄອນໄກສອນ ມີ 25 ຄົນ, 03 ບ້ານ

  • ບ້ານດົງນາຄໍາ ມີ 13 ຄົນ
  • ບ້ານດົງດໍາດວນ; ບ້ານໜອງຜື ແລະ ບ້ານໂພນສະຫວ່າງໃຕ້ ມີ ບ້ານລະ 02 ຄົນ
  • ບ້ານໂພນສະຫວັນ, ບ້ານນາແກ (ກໍາມະກອນ), ບ້ານສະພານ (ກໍາມະກອນ), ບ້ານສະຫນາມໄຊ  (ພະນັກງານຄູ), ບ້ານສະພານເຫນຶອ (ພະນັກງານໂຮງແຮມທີ່ເອັດທີ) ແລະ ບ້ານໂນນສະຫວາດ (ຄ້າຂາຍ) ມີບ້ານລະ  01 ຄົນ.

-ບໍ່ແກ້ວ 16 ຄົນ:

  • ເມືອງ ຕົ້ນເຜີ້ງ ບ້ານດອນມູນ 01 ຄົນ
  • ເຂດເສດຖາກິດພິເສດ 16 ຄົນ ຊື່ງແມ່ນ ກຳມະກອນກໍ່ສ້າງສະໜາມ ບິນ (ຄົນລາວ 07 ຄົນ, ພະມ້າ 07 ຄົນ, ຈີນ 03 ຄົນ)

-ຈໍາປາສັກ 15 ຄົນ:

+ບາຈຽງຈະເລີນສຸກ ມີ 09 ຄົນ, 04 ບ້ານ: ບ້ານຫ້ວຍລືສີ ມີ 06 ຄົນ ແລະ ບ້ານຫົວແຊ, ບ້ານລົ່ມສັກເໜຶອ ແລະ ບ້ານໜອງກອກ ບ້ານລະ 01 ຄົນ

+ນະຄອນປາກເຊ ມີ 05 ຄົນ, 05 ບ້ານ ມີ 05 ຄົນຈາກບ້ານຫ້ວຍເລົາ ແລະ ບ້ານໂພນສະຫວັນ (ພະນັກງານແຟນຊິບ), ບ້ານກາງ (ຄ້າຂາຍ), ບ້ານສະໜາມໄຊ (ນັກຮຽນ) ແລະ ບ້ານພູຄູນ (ເດັກ 03 ປີ) ມີບ້ານລະ 01 ຄົນ.

+ເມືອງຊະນະສົມບູນ ບ້ານເລົ່າ, ມີ 01 ຄົນ (ເພດຊາຍ, ອາຍຸ 49 ປີ,  ເຂົ້າມາກວດດ້ວຍຮູບການຊືມເຊື້ອລະບົບຫາຍໃຈຮຸນແຮງກະທັນຫັນ (SARI).

-ຄໍາມ່ວນ 6 ຄົນ: ຈາກ ເມືອງຄູນຄໍາ, ບ້ານຜາຊ້າງ ມີ 6 ຄົນ

-ຫຼວງນໍ້າທາ 5 ຄົນ: ມີ 04 ຄົນ ມີປະຫວັດເດີນທາງມາປີ່ນປົວຢູ່ໂຮງໝໍ 150 ຕຽງ ນະຄອນຫລວງວຽງຈັນ ແລະ ອີກ 01 ຄົນ ຈາກບ້ານ ໂພນໄຊສະຫວ່າງ, ເມືອງນໍ້າທາ, ແຂວງຫຼວງນໍ້າທາ ເຊີງ ມາກວດຢູ່ແຂວງຫລວງນໍ້າທາ ແຕ່ຍັງບໍ່ທັນຮູ້ແຫຼ່ງທີ່ມາຂອງການຕິດເຊື້ອ.

-ໄຊສົມບູນ 3 ຄົນ:

  • ເມືອງລ້ອງຊານ ມີ 03 ຄົນ, 02 ບ້ານ
  • ບ້ານສັນປາຕອງ ມີ 02 ຄົນ 
  • ບ້ານຖໍ້າດິນ ມີ 01 ຄົນ

-ບໍລິຄໍາໄຊ 2 ຄົນ:

  • ເມືອງປາກຊັນ 02 ຄົນ
  • ບ້ານປາກຊັນ ມີ 01 ຄົນ (ນັກຮຽນ ມປ ປາກຊັນ ເກັບຕົວຢ່າງຄັ້ງ 2
  • ບ້ານກ້ວຍອຸດົມ ມີ 01 ຄົນ (ເພດຊາຍ, ພະນັກງານ ດ່ານໜ້າ ສໍາພັດກັບຄົນ ຕິດເຊື້ອ)

-ສາລະວັນ 2 ຄົນ: ຈາກ ເມືອງສາລະວັນ ບ້ານນາເຫຼັກມີ 02 ຄົນ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 9 ຄົນ: 4 ຄົນຈາກ ແຂວງຄໍາມ່ວນ 1 ຄົນ ຈາກ ນະຄອນຫຼວງວຽງຈັນ ແລະ 4 ຄົນຈາກແຂວງສະຫວັນນະເຂດ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

ຫຼວງພະບາງຕິດເຊື້ອມື້ດຽວຈາກ 25 ບ້ານ ໃນ 3 ເມືອງ

ໂທລະໂຄ່ງ THOLAKHONG
-
0
ຫຼວງພະບາງຕິດເຊື້ອມື້ດຽວຈາກ 25 ບ້ານ ໃນ 3 ເມືອງ

ສະຖານນະການ ໂຄວິດ-19 ແຂວງຫຼວງພະບາງ ປະຈຳວັນທີ 13 ຕຸລາ 2021

ລາຍງານໂດຍ: ຂ່າວສານຫຼວງພະບາງ

ພຣະສົງ ແລະ ສາມະເນນ ສະຫວັນນະເຂດຫາຍດີອອກຈາກໂຮງໝໍພາກສະໜານແລ້ວ

ໂທລະໂຄ່ງ THOLAKHONG
-
0
ພຣະສົງ ແລະ ສາມະເນນ ສະຫວັນນະເຂດຫາຍດີອອກຈາກໂຮງໝໍພາກສະໜານແລ້ວ

ຫາຍດີອອກຈາກໂຮງໝໍພາກສະໜານສູນອັບເກນ​ໝົດແລ້ວ ສາທຸເດີ້.

ຕາມການລາຍງານ ຂອງເພຈ ໜ້າຂ່າວຊາວພຸດ ໃຫ້ຮູ້ວ່າ: ແຈ້ງຂ່າວ​ອອກໂຮງຫມໍ​ ຫາຍດີຈາກໂຄວິດແລ້ວພໍ່ແມ່ຄູບາອາຈານ ແລະ ສັດທາຍາດໂຍມຊາບວ່າພຣະສົງ ແລະ ສາມະເນນ ທີ່ຕິດເຊື້ອໂຣກໂຄວິດ-19 ໃນວັນທີ 25-28/09/2021 ມາປິ່ນປົວຢູ່ໂຮງໝໍພາກສະໜານສູນອັບເກນ​ ນະຄອນ​ໄກສອນ​ພົມວິຫານ​ ແຂວງ​ສະຫວັນ​ນະ​ເຂດ​ນັ້ນ ແມ່ນຈະໄດ້ກັບວັດແລ້ວເດີ​ ໃນວັນທີ 13/10/2021 ການປິ່ນປົວແມ່ນຫາຍດີເປັນປົກກະຕິແລ້ວ ຈະໄດ້ກັບວັດຈຳນວນ 33 ອົງ ຍັງສືບຕໍ່ປິ່ນປົວຢູ່ສູນຫຼັກ 9 ຈຳນວນ 4 ອົງ ເນື້ອງຈາກວ່າ ພວກເພິ່ນມາຕາມຫຼັງ ຈະຢູ່ປິ່ນປົວໃຫ້ຄົບ 14 ວັນຈິງກັບວັດໄດ້.

ຕອນນີ້ ການປິ່ນປົວກໍ່ຫາຍດີໝົດທຸກອົງແລ້ວ.ອອກຕົນຍາດໂຍມ ຢາກຈະທຳບຸນຖວາຍຈັງຫັນ ແລະ ຖວາຍເພນ ແມ່ນໃຫ້ໄປຖວາຍຢູ່ວັດເລີຍເດີ ທ້າຍສຸດນີ້ອາຕະມາພາບ ກໍ່ຂໍອວຍພອນໃຫ້ພໍ່ແມ່ຄູບາອາຈານແລະສັດທາອອກຕົນຍາດໂຍມ ຈົ່ງມີແຕ່ຄວາມສຸກຄວາມຈະເລີນປາສະຈາກໂຣກໄພໄຂ້ເຈັບທຸກປະການເທີດ ສາທຸ ຂໍນ້ອມນະມັດສະການ ແລະ ຂໍຈະເລີນພອນ ຂໍຂອບໃຈ.

ກວດພົບຜູ້ຕິດເຊື້ອ 7 ຄົນ ໃນກຸ່ມໄວລຸ້ນ 32 ຄົນ ທີ່ລະເມີດແຈ້ງການ 37/ຈນວ ອາທິດກ່ອນ

ໂທລະໂຄ່ງ THOLAKHONG
-
0
ກວດພົບຜູ້ຕິດເຊື້ອ 7 ຄົນ ໃນກຸ່ມໄວລຸ້ນ 32 ຄົນ ທີ່ລະເມີດແຈ້ງການ 37/ຈນວ ອາທິດກ່ອນ

ກວດພົບຜູ້ຕິດເຊື້ອ 7 ຄົນ ໃນກຸ່ມໄວລຸ້ນ ຈຳນວນ 32 ຄົນ ທີ່ລະເມີດແຈ້ງການ 37/ຈນວ ຢູ່ໂຮງແຮມໂຄ້ງຄໍາ

ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນໃຫ້ຮູ້ວ່າ: ໄດ້ກວດພົບຜູ້ຕິດເຊື້ອ 7 ຄົນ ໃນກຸ່ມໄວລຸ້ນ ຈຳນວນ 32 ຄົນ ທີ່ລະເມີດແຈ້ງການ 37/ຈນວ ຢູ່ໂຮງແຮມໂຄ້ງຄໍາ ໃນວັນທີ 4 ຕຸລາ 2021 ທີ່ຜ່ານມາ.

ຈາກການລາຍງານຂອງທ່ານ ພັທ ອຸດອນ ຈັນທະວົງ ຮອງຫົວໜ້າຫ້ອງສັນຕິບານ ປກສ ນວ ໃຫ້ຮູ້ວ່າ: ຜ່ານການສືບສວນ-ສອບສວນ ຈຳນວນ 32 ຄົນ ທີ່ໄດ້ກັກຕົວຢຸ່ໂຮງແຮມໂຄ້ງຄຳ, ມີຜູ້ກະທຳຜິດທາງອາຍາ 4 ຄົນ, ໃນຂໍ້ຫາມີອາວຸດເສີກໄວ້ໃນຄອບຄອງ ( ສົ່ງໃຫ້ຫ້ອງຕຳຫຼວດ ດຳເນີນຄະດີ ) ສ່ວນອີກ 28 ຄົນ, ຍິງ 13 ຄົນ, ທີ່ໄດ້ລະເມີດຄໍາສັ່ງ, ແຈ້ງການ ເຈົ້າໜ້າທີ່ຫ້ອງສັນຕິບານ ປກສ ນວ ໄດ້ໃຊ້ມາດຕະການສຶກສາອົບຮົມ ແລະ ປັບໃໝ 3.000.000 ກີບ/ຄົນ ພ້ອມທັງນໍາໄປຈໍາກັດບໍລິເວນຢູ່ໂຮງແຮມປານີ ບ້ານຊຽງດາ ເມືອງໄຊເຊດຖາ ຕາມຄວາມສະໝັກໃຈຂອງຜູ້ລະເມີດ ໂດຍໃຫ້ຮັບຜິດຊອບຄ່າໃຊ້ຈ່າຍຢູ່ກິນດ້ວຍຕົນເອງທັງໝົດ.

ມາຮອດວັນທີ 7 ຕຸລາ 2021 ຈຶ່ງກວດພົບເຊື້ອ ຈຳນວນ 7 ຄົນ, ໄດ້ນໍາຕົວໄປຕິດຕາມອາການ ແລະ ປິ່ນປົວ ຢູ່ໂຮງໝໍສະໜາມ ຫຼັກ 27 ແລະ ໂຮງໝໍສະໝາມວັງຊັບ ໂດຍໃຫ້ພວກກ່ຽວຮັບຜິດຊອບຄ່າໃຊ້ຈ່າຍການກິນຢູ່ ແລະ ປິ່ນປົວເອງທັງໝົດ ເພາະເປັນການກະທໍາໂດຍເຈດຕະນາ, ສ່ວນ 21 ຄົນ ສືບຕໍ່ຈຳກັດບໍລິເວນໃຫ້ຄົບກໍານົດ 14 ວັນ ເຈົ້າໜ້າທີ່ຈະນໍາຕົວມາດໍາເນີນຕາມກົດໝາຍ.

ກອງບັນຊາການ ປກສ ນະຄອນຫຼວງວຽງຈັນ ແຈ້ງມາຍັງບັນດາທ່ານ ໃຫ້ເຂົ້າໃຈຕື່ມອີກວ່າ: ການອອກມາດຕະການຫ້າມບໍ່ໃຫ້ມີການຈັດຕັ້ງຊຸມແຊວ, ເປີດບໍລິການກີນດື່ມສິ່ງມືນເມົາ ກໍ່ຍ້ອນວ່າພຶດຕິກຳເຫຼົ່ານີ້ເປັນສາເຫດການແຜ່ເຊື້ອໄດ້ງ່າຍດັ່ງກໍລະນີນີ້ ຖ້າວ່າເຈົ້າໜ້າທີ່ບໍ່ສະກັດກັ້ນໄວ້ໄດ້ໃນຈຳນວນ 32 ຄົນນີ້ ຈະນຳເອົາເຊື້ອໄປແຜ່ໃສ່ຄົນໃນສັງຄົມຍິ່ງຈະຫຼາຍໄປກວ່ານີ້.

ຂໍຄວາມຮ່ວມມື: ປກສ ນະຄອນຫຼວງວຽງຈັນ ຮຽກຮ້ອງມາຍັງທຸກທ່ານຈົ່ງເປັນຫູເປັນຕາຊ່ວຍເຈົ້າໜ້າທີ່ ໃນການສະກັດກັ້ນ ຖ້າພົບເຫັນປະກົດການຫຍໍ້ທໍ້ ໂທແຈ້ງເບີວອດແອັບ ປກສ ນວ 020 28899774 ຫຼື ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

ປະຕູໂຂງ ເຂົ້າ-ອອກ ເທດສະບານເມືອງແກ່ນທ້າວ ແຂວງໄຊຍະບູລີ

ໂທລະໂຄ່ງ THOLAKHONG
-
0
ປະຕູໂຂງ ເຂົ້າ-ອອກ ເທດສະບານເມືອງແກ່ນທ້າວ ແຂວງໄຊຍະບູລີ

ປະຕູໂຂງ ເຂົ້າ-ອອກ ເທດສະບານເມືອງແກ່ນທ້າວ ສໍາເລັດແລ້ວ 75%

ໂຄງການກໍ່ສ້າງປະຕູໂຂງ ເຂົ້າ-ອອກ ເທດສະບານເມືອງແກ່ນທ້າວ ແຂວງໄຊຍະບູລີ ເລີ່ມລົງມືກໍ່ສ້າງມາແຕ່ເດືອນກໍລະກົດ 2021 ທີ່ຜ່ານມາ ຊຶ່ງມີຄວາມສູງ 6 ແມັດ, ດ້ານໜ້າກວ້າງ 12 ແມັດ, ດ້ານຂ້າງ 2,5 ແມັດ ລວມມູນຄ່າການກໍ່ສ້າງທັງໝົດ 187 ລ້ານກວ່າກີບ ໂດຍແມ່ນຫ້ອງວ່າການເມືອງ ເປັນເຈົ້າຂອງໂຄງການ ແລະ ບໍລິສັດ ຈັນທະວົງ ກໍ່ສ້າງ-ຂົວທາງ ເປັນຜູ້ຮັບເໝົາ.

ໃນວັນທີ 9 ຕຸລາຜ່ານ​ມານີ້, ໄດ້ຍົກໂຄງຫຼັງຄາປະຕູໂຂງດັ່ງກ່າວ ໂດຍໄດ້ມີພິທີທາງສາສະ ໝາຕາມຮີດຄອງປະເພນີ ເປັນກຽດເຂົ້າຮ່ວມໃນພິທີມີ ທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ, ມີ​ພາກ​ສ່ວນ​ກ່ຽວ​ຂ້ອງເຂົ້າຮ່ວມ. ມາຮອດປັດຈຸບັນນີ້, ໂຄງການດັ່ງກ່າວສໍາເລັດແລ້ວ 75% ແລະ ຄາດວ່າຈະສໍາເລັດ 100% ໃນທ້າຍເດືອນຕຸລາ 2021 ນີ້.

(ຂ່າວ-ພາບ: ແກ່ນທ້າວ)

ແຈ້ງໃຫ້ໂຈະຊົ່ວຄາວການເປີດບໍລິການ! ຈົນກວ່າຈະມີແຈ້ງການປ່ຽນແປງ

ໂທລະໂຄ່ງ THOLAKHONG
-
0
ແຈ້ງໃຫ້ໂຈະຊົ່ວຄາວການເປີດບໍລິການ! ຈົນກວ່າຈະມີແຈ້ງການປ່ຽນແປງ

ແຈ້ງການ ເຖິງ : ຜູ້ອໍານວຍການ ( ເຈົ້າຂອງກິດຈະການ ) ຮ້ານ ດີມາກ ທີ່ຕັ້ງຢູ່ບ້ານ ດົງປາລານທ່າ ເມືອງສີສັດຕະນາກນະຄອນຫລວງວຽງຈັນ.

ເລື່ອງ : ຂໍຄວາມຮ່ວມມືໃຫ້ໂຈະຊົ່ວຄາວການເປີດບໍລິການ.

ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ເມືອງສິສັດຕະນາກ ແຈ້ງຂໍຄວາມຮ່ວມມືມາຍັງ ຜູ້ອໍານວຍການ ( ເຈົ້າຂອງກິດຈະການ ) ຮ້ານ ດີມາກ ທີ່ຕັ້ງຢູ່ບ້ານດົງປາລານທ່າ ເມືອງສີສັດຕະນາກ ໃຫ້ໂຈະຊົ່ວຄາວການເປີດບໍລິການ, ເນື່ອງຈາກວ່າຢູ່ພາຍໃນສູນການຄ້າ ຂອງ ທ່ານໄດ້ເກີດມີກໍລະນີຜູ້ຕິດເຊື້ອພະຍາດ COVID-19 ແລະ ຜູ້ສໍາຜັດທີ່ເປັນກຸ່ມສ່ຽງ ຂອງພະນັກງານທິມາເຮັດຫນ້າທີ່ບໍລິການໃຫ້ລູກຄ້າ ຢູ່ພາຍໃນສູນການຄ້າຂອງທ່ານ ເພື່ອປະຕິບັດຕາມມາດຕະການປ້ອງກັນ, ຄວບຄຸມ ແລະ ແກ້ໃຂ ການລະບາດຂອງພະຍາດ COVID-19 ໃຫ້ເຂັ້ມງວດ ແລະ ຮັບປະກັນໃນການປ້ອງກັນການແຜ່ ເຊື້ອໃນຊຸມຊົນ, ເຊິ່ງປະຈຸບັນກໍາລັງແຜ່ລະບາດຫລາຍໃນນະຄອນຫລວງວຽງຈັນ ເວົ້າສະເພາະກໍ່ຄືຢູ່ເມືອງສີ ສັດຕະນາກຂອງພວກເຮົາ.

ສະນັ້ນຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ເມືອງສີສັດຕະນາກ ຈຶ່ງໄດ້ແຈ້ງຂໍຄວາມຮ່ວມມືມາຍັງທ່ານໃຫ້ປະຕິບັດຕາມມາດຕະການດັ່ງຕໍ່ໄປນີ້ຢ່າງເຂັ້ມງວດ

ສະນັ້ນຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ເມືອງສີສັດຕະນາກ ຈຶ່ງໄດ້ແຈ້ງຂໍຄວາມຮ່ວມມືມາຍັງທ່ານໃຫ້ປະຕິບັດຕາມມາດຕະການດັ່ງຕໍ່ໄປນີ້ຢ່າງເຂັ້ມງວດ

1. ໃຫ້ໂຈະຊົ່ວຄາວກ່ຽວກັບການເປີດບໍລິການສູນການຄ້າ ຕັ້ງແຕ່ວັນທີ 12 ຕຸລາ 2021 ເປັນຕົ້ນໄປ ຈົນກວ່າຈະມີແຈ້ງການປ່ຽນແປງ.

2. ໃຫ້ສຶບຄົ້ນຫາຜູ້ຕິດເຊື້ອ ແລະ ຜູ້ສໍາພັດໃກ້ສິດ ຂອງພະນັກງານທີ່ມາໃຫ້ບໍລິການລູກຄ້າຂອງຂອງທ່ານໂດຍໄວ, ພ້ອມທັງໃຫ້ຜູ້ທີ່ສໍາພັດໃກ້ສິດ ( C1 ) ໄປກວດຫາເຊື້ອພະຍາດໂຄວິດ-19 ຢູ່ທີ່ສະຖານທີ່ກວດຫາເຊື້ອ ທີ່ທາງການໄດ້ກໍານົດໃວ້.

3. ໃຫ້ແຈ້ງປະຫວັດການເຄື່ອນໄຫວຂອງຜູ້ຕິດເຊື້ອໂດຍດ່ວນຕໍ່ເຈົ້າຫນ້າທີ່ທີມງານລະບາດວິທະຍາຫ້ອງການສາທາລະນະສຸກເມືອງກໍ່ຄືພະແນກສາທາລະນະສຸກນະຄອນຫຼວງວຽງຈັນໂດຍດ່ວນ.

4. ໃຫ້ດໍາເນີນການສີດຜົ່ນຢາຂ້າເຊື້ອ, ເຮັດອານາໄມຄວາມສະອາດ ໃນທົ່ວບໍລິເວນສູນການຄ້າ ແລະ ຈຸດຂາຍສິນຄ້າທີ່ເຫັນວ່າມີຄວາມສ່ຽງໃນການຕິດເຊື້ອ ຕາມມາດຕະການທີ່ຄະນະສະເພາະກິດວາງອອກ.

5. ໃຫ້ຈໍາກັດບໍລິເວນເວລາ14ວັນ ພະນັກງານທີ່ສໍາພັດກັບຜູ້ຕິດເຊື້ອ CI ແລະ ຜູ້ຢູ່ໃນກຸ່ມສ່ຽງ C2.

6. ໃຫ້ເຈົ້າສຸນການຄ້າ, ຜູ້ຈັດການ ໂຄສະນາເຜີຍແຜ່ ແລະ ແຈ້ງໃຫ້ພະນັກງານຂອງຕົນ ບໍ່ໃຫ້ແຕກຕື່ນ ແລະ ຕິດຕາມອາການຕົນເອງຢູ່ເຮືອນໃຫ້ຄົບ 14 ວັນ.

7. ກ່ອນຈະເປີດການໃຫ້ບໍລິການຄືນໃຫມ່, ຕ້ອງໄດ້ແຈ້ງຫາຄະນະສະເພາະກິດຂັ້ນເມືອງ, ຂັ້ນນະຄອນຫຼວງວຽງຈັນ ເພື່ອລົງກວດກາປະເມີນສະຖານະການ ແລະ ຄວມພ້ອມຂອງຕະຫລາດ ຕາມມາດຕະການປ້ອງ ກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19, ໂດຍອີງໃສ່ແຈ້ງການຂອງ ຄະນະ ສະເພາະກິດ ເພື່ອປ້ອງກັນ, ຄວບຄຸມພະຍາດ ແລະ ແກ້ໄຂ ການລະບາດຂອງພະຍາດ ((OVID-19 ຂັ້ນ ສູນກາງ, ສະບັບເລກທີ 4303/ສພກ, ລົງວັນທີ 17 ກັນຍາ 202I ແລະ ຫນັງສືແຈ້ງການຂອງພະແນກ ອຸດສາຫະກໍາ ແລະ ການຄ້າ ນະຄອນຫລວງວຽງຈັນ ສະບັບເລກທີ 1435/ອຄ.ນວ.ຄພນ, ລົງວັນທີ 07 ຕຸລາ 2021.

ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ພ້ອມກັນຈັດຕັ້ງປະຕິບັດຕາມແຈ້ງການສະບັບນີ້ຢ່າງ ເຂັ້ມງວດ.

ຕິດເຊື້ອພາຍໃນຍັງຕໍ່ເນື່ອງ ແລະ ກະແຈກກະຈາຍຢູ່ຫຼາຍບ້ານ

ໂທລະໂຄ່ງ THOLAKHONG
-
0
ຕິດເຊື້ອພາຍໃນຍັງຕໍ່ເນື່ອງ ແລະ ກະແຈກກະຈາຍຢູ່ຫຼາຍບ້ານ

ລາຍງານວັນທີ 12 ຕຸລາ 2021 ຂອງຄະນະສະເພາະກິດລາຍງານ ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ທັງໝົດ ຊຶ່ງມີລາຍລະອຽດຈາກແຂວງທີ່ມີການຕິດເຊື້ອຫຼາຍຫາ ແຂວງທີ່ມີການຕິດເຊື້ອໜ້ອຍ ດັ່ງນີ້:

–ນະຄອນຫຼວງ 387 ຄົນ:  ມີ 7 ເມືອງ ແລະ 113 ບ້ານ

  • ເມືອງຈັນທະບູລີ ມີ 24 ຄົນ, 12 ບ້ານ
  • ເມືອງສີໂຄດຕະບອງ ມີ 33 ຄົນ, 21 ບ້ານ
  • ເມືອງໄຊເສດຖາ ມີ 132 ຄົນ, 20 ບ້ານ (ສະຖານທີ່ຄຸມຂັງ 99 ຄົນ)
  • ເມືອງສີສັດຕະນາກມີ 27 ຄົນ, 10 ບ້ານ
  • ເມືອງນາຊາຍທອງ ມີ 42 ຄົນ, 7 ບ້ານ
  • ເມືອງໄຊທານີ ມີ 80 ຄົນ, 29 ບ້ານ (ສະຖານທີ່ຈຳກັດບໍລິເວນ 33 ຄົນ)
  • ເມືອງຫາດຊາຍຟອງ ມີ 40 ຄົນ, 14 ບ້ານ
  • ກຳລັງເກັບກຳຂໍ້ມູນຕື່ມອີກ 15 ຄົນ

–ຫຼວງພະບາງ 52 ຄົນ:

  • ນະຄອນຫລວງພະບາງ ມີ 14 ບ້ານ, 33 ຄົນ
  • ເມືອງງອຍ ມີ 1 ບ້ານ, 7 ຄົນ
  • ເມືອງນໍ້າບາກ ມີ 1 ບ້ານ, 12 ຄົນ

​-ສະຫວັນນະເຂດ 22 ຄົນ:

  • ເມືອງອຸທຸມພອນ ມີ 1 ບ້ານ, 14 ຄົນ
  • ນະຄອນໄກສອນ ມີ 3 ບ້ານ, 8 ຄົນ

–ແຂວງວຽງຈັນ 18 ຄົນ:

  • ເມືອງແກ້ວອຸດົມ ມີ 4 ບ້ານ, 6  ຄົນ
  • ເມືອງວັງວຽງ ມີ 2 ບ້ານ, 7 ຄົນ
  • ເມືອງວຽງຄຳ ມີ 2 ບ້ານ, 5  ຄົນ

–ບໍລິຄຳໄຊ 17 ຄົນ

  • ເມືອງປາກກະດິງ ມີ 16 ຄົນ, 6 ບ້ານ
  • ເມືອງປາກຊັນ 1 ຄົນ

–ຈໍາປາສັກ 15 ຄົນ:

  • ນະຄອນປາກເຊ ມີ 4 ບ້ານ, 8 ຄົນ
  • ເມືອງບາຈຽງຈະເລີນສຸກ ມີ 2 ບ້ານ, 7 ຄົນ

–ໄຊສົມບູນ 10 ຄົນ:

  •  ເມືອງລ່ອງຊານ 2 ບ້ານ, 5 ຄົນ
  • ເມືອງອະນຸວົງ 2 ບ້ານ, 3 ຄົນ
  • ເມືອງທ່າໂທມ 2 ບ້ານ, 2​ ຄົນ

–ບໍ່ແກ້ວ 10 ຄົນ: ເມືອງຕົ້ນເຜື້ອງ 7 ຄົນ ແລະ ເຂດພິເສດ 3 ຄົນ (ຫວຽດນາມ 2 ຄົນ ແລະ vພະມ້າ 1 ຄົນ)

–ຄຳມ່ວນ 7​ ຄົນ: ທັງໝົດ ມາຈາກເມືອງທ່າແຂກ  

–ສາລະວັນ 2 ຄົນ: ຈາກເມືອງສາລະວັນ 1 ຄົນ ແລະ ເມືອງເລົ່າງາມ 1​ ຄົນ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 9 ຄົນ: 6 ຄົນຈາກ ນະຄອນຫຼວງວຽງ ແລະ ອີກ 3 ຄົນ ຈາກ ແຂວງສະຫວັນນະເຂດ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

ມາຮອດວັນທີ 11 ຕຸລາ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 29,398 ຄົນ, ເສຍຊີວິດສະສົມ 33 (ໃໝ່ 3), ປິ່ນປົວຫາຍດີ ແລະ ກັບບ້ານໃນມື້ວານ ມີ 248 ຄົນ, ກໍາລັງປິ່ນປົວ 7,258   ຄົນ.

ພ້ອມກັນນັ້ນ, ທ່ານ ດຣ. ສະໜອງ ທອງສະນະ​ ຮອງລັດຖະມົນຕີ, ກະຊວງສາທາລະນະສຸກ ໄດ້ກ່າວໃນບົດຖະແຫຼງຂ່າວຕື່ມວ່າ:ໃນສອງອາທິດຜ່ານມານີ້ ທິມງານວິຊາການໄດ້ທົບທວນຄືນກ່ຽວກັບການຕິດເຊື້ອພາຍໃນ ຂອງ ນະຄອນຫຼວງວຽງຈັນ ພົບວ່າ ໃນຈໍານວນຜູ້ຕິດເຊື້ອ ພາຍໃນນັ້ນ ຫຼາຍກວ່າເຄີງໜື່ງ ແມ່ນກຸ່ມຄົນທີ່ຢູ່ໂຮງງານ, ຕະຫຼາດ, ຫຼື ສໍານັກງານອົງການ. ລັກສະນະການຕິດເຊື້ອເຊັ່ນນີ້ ບົ່ງບອກວ່າ ການຢູ່ໃນຈຸດທີ່ມີຄົນຫຼາຍ ລ້ວນແຕ່ອັນຕະລາຍ ສ່ຽງສູງທີ່ສຸດທີ່ຈະຕິດເຊື້ອ. ນີ້ຄືສາຍເຫດສໍາຄັນທີ່ຄະນະສະເພາະກິດໄດ້ຢໍ້າເຕືອນສະເໝີວ່າ ທຸກຄົນຄວນໄດ້ຢູ່ສະຖານທີ່ເປີດ ອາກາດລ່ວງດີ ບໍ່ແອອັດ ແຕ່ລະຄົນຢູ່ຫ່າງກັນຢ່າງໜ້ອຍ 1 ແມັດຂື້ນໄປ ແລະ ຕ້ອງລ້າງມືເລື້ອຍໆ ພ້ອມໃສ່ຜ້າປິດປາກ-ດັງຕະຫລອດເວລາທີ່ສ່ຽງນີ້.

ສະເທືອນໃຈ! 1 ໃນ ຜູ້ເສຍຊີວິດແມ່ນກຳລັງຖືພາ

ໂທລະໂຄ່ງ THOLAKHONG
-
0
ສະເທືອນໃຈ! 1 ໃນ ຜູ້ເສຍຊີວິດແມ່ນກຳລັງຖືພາ

ຕາມການລາຍງານ ຂອງຄະນະສະເພາະກິດປະຈຳວັນທີ 12 ຕຸລາ 2021 ໃຫ້ຮູ້ວ່າ: ຜູ້ເສຍຊີວິດໃໝ່ເພີ່ມ +3 ຄົນ ເຊິ່ງລາຍລະອຽດ ດັ່ງນີ້:

ຜູ້ທີ1: ເພດຍິງ, ອາຍຸ 30 ປີ,  ອາຊີບ ແມ່ເຮືອນ, ບ້ານ ບໍ່ໂອ,  ເມືອງຫາດຊາຍຟອງ, ນະຄອນຫຼວງວຽງຈັນ, ບໍ່ທັນໄດ້ຮັບວັກຊີນ, ຖືພາ ໄດ້ 8 ເດືອນ

  • ມີພະຍາດປະຈຳໂຕ ເປັນເບົາຫວານ, ຄວາມດັນເລືອດສູງ.
  • ຜູ້ກ່ຽວໄດ້ສໍາຜັດໃກ້ຊິດກັບຄົນໃນຄອບຄົວທີ່ຕິດເຊື້ອມາກ່ອນ.
  • ວັນທີ 8 ຕຸລາ 2021 ມາໂຮງໝໍ ດ້ວຍອາການໄອອອກເລືອດ, ກ່ອນໜ້ານີ້ ແມ່ນມີອາການໄອ ແລະ ມີຂີ້ກະເທີ ຢູ່ບ້ານໄດ້ໜຶ່ງອາທິດແລ້ວ.
  • ໂຮງໝໍສົ່ງຜູ້ກ່ຽວເຂົ້າໄປນອນຕືກແຍກປ່ຽວ, ວັນທີ 9 ຕຸລາ 2021 ໄດ້ເກັບຕົວຢ່າງກວດ ຜົນກວດພົບເຊື້ອໂຄວິດ.
  • ວັນທີ 10 ຕຸລາ 2021 ອາການ ແມ່ບໍ່ດີ ແລະ ຄວາມດັນເລືອດຕໍ່າ ໄດ້ຜ່າຕັດເອົາລູກ (ສະພາບຂອງລູກ ຫລັງຜ່າຕັດ ເດັກບໍ່ດີ້ນ, ສຽງຫົວໃຈເດັກບໍ່ເຕັ້ນແລ້ວ ແລະ ເສຍຊີວິດ).
  • ມາຮອດວັນທີ 11 ຕຸລາ 2021 ຜູ້ກ່ຽວເສຍຊີວິດ.

ຜູ້ທີ2: ເພດຊາຍ, ອາຍຸ 50 ປີ, ອາຊີບ: ຊາວນາ, ບ້ານໜອງຂຽດ, ເມືອງ ປາກງື່ມ, ນະຄອນຫລວງວຽງຈັນ

  • ໄດ້ສັກຢາວັກຊິນ 1 ເຂັມ (Astrazeneca)
  • ມີພະຍາດປະຈຳຕົວ:  ຄວາມດັນເລືອດສູງ, ເບົາຫວານ, ຄໍ່ອັກເສບຊ້ຳເຮື້ອ, ບາດແຜໃນກະເພາະ ແລະ ເລືອດຈາງ.
  • ເກັບຕົວຢ່າງວັນທີ 26 ກັນຍາ 2021,  ຜູ້ກ່ຽວເປັນກໍລະນີຢັ້ງຢືນຕິດເຊື້ອທີ່ໄດ້ນອນປີ່ນປົວຢູ່ໂຮງຫມໍ 103 ແລະ ໄດ້ຍ້າຍມາໂຮງໝໍມິດຕະພາບ ໃນວັນທີ 27 ກັນຍາ 2021 ຍ້ອນມີອາການທາງດ້ານລະບົບຫາຍໃຈຮຸນແຮງ.
  • ມາຮອດເວລາ 10:20 ໂມງຂອງວັນທີ 11 ຕຸລາ 2021 ຜູ້ກ່ຽວໄດ້ເສຍຊີວິດ.

ຜູ້ທີ3: ເພດຊາຍ, ອາຍຸ 77 ປີ, ອາຊີບ: ຜູ້ເຖົ້າ, ບ້ານຄອນວັດ, ເມືອງລ້ອງຊານ, ແຂວງໄຊສົມບູນ, ຜູ້ກ່ຽວໄດ້ໄປງານເຮືອນດີຢູ່ບ້ານຖໍ້າດິນ ແລະ ມີລາຍງານຜູ້ຕິດເຊື້ອ.

  • ຜູ້ກ່ຽວ ບໍ່ທັນໄດ້ສັກຢາວັກຊິນກັນພະຍາດໂຄວິດ-19.
  • ພະຍາດປະຈໍາຕົວ: ໄອຊໍ້າເຮື້ອ. ວັນທີ 22 ກັນຍາ 2021 ຜູ້ກ່ຽວມີອາການໄຂ້, ໄອ, ປວດຕາມຕົນໂຕ, ເຈັບຄໍ ແລະ ປວດຂໍ້ກະດູກ.
  • ວັນທີ 27 ກັນຍາ 2021 ໄດ້ເກັບຕົວຢ່າງມາກວດຊອກຫາເຊື້ອພະຍາດໂຄວິດ-19.
  • ວັນທີ 29 ກັນຍາ 2021: ຜົນກວດອອກມາ ແມ່ນພົບເຊື້ອ.
  • ວັນທີ 30 ກັນຍາ 2021 ເຂົ້ານອນປີ່ນປົວຢູ່ສູນໂຮງຮຽນ ມສ ລ້ອງຊານ ຈົນຮອດເວລາ 11:20 ໂມງຂອງວັນທີ 11 ຕຸລາ 2021 ຜູ້ກ່ຽວໄດ້ເສຍຊີວິດ.
1...160161162...265Page 161 of 265