ມາຮູ້ກ່ຽວກັບຂໍ້ມູນ ຂອງສະຖານີລົດໄຟ ລາວ-ຈີນ ທີ່ຈະເປີດໃຫ້ບໍລິການໄວໆນີ້.

ຕາມການລາຍານຂອງ Laos – China Railway Company: ສະຖານີຂອງທາງລົດໄຟລາວ-ຈີນ ມີທັງໝົດ 11​ ແຫ່ງ, ເຊິ່ງຈະເປີດນຳໃຊ້ກ່ອນ 10 ແຫ່ງຄື: ສະຖານີບໍ່ເຕັນ, ສະຖານີນາເຕີຍ, ສະຖານີນາໝໍ້, ສະຖານີເມືອງໄຊ, ສະຖານີເມືອງງາ, ສະຖານີຫຼວງພະບາງ, ສະຖານີວັງວຽງ, ສະຖານີກາສີ, ສະຖານີໂພນໂຮງ ແລະ ສະຖານີນະຄອນຫຼວງວຽງຈັນ; ໃນນັ້ນ,​ ສະຖານີທີ່ໃຫຍ່ທີ່ສຸດແມ່ນ ສະຖານີນະຄອນຫຼວງວຽງຈັນ, ສະຖານີຫຼວງພະບາງ, ສະຖານີບໍ່ເຕັນ, ສະຖານີວັງວຽງ ແລະ ສະຖານີເມືອງໄຊ.

ເຊິ່ງທັງ 10 ສະຖານີທີ່ກ່າວມາ ນອກຈາກສະຖານີບໍ່ເຕັນ,​ ສະຖານີນາໝໍ້,​ ສະຖານີເມືອງງາ ແລະ ສະຖານີນະຄອນຫຼວງ ທີ່ເປັນສະຖານີຂົນສົ່ງຜູ້ໂດຍສານຢ່າງດຽວແລ້ວ ທີ່ເຫຼືອແມ່ນຈະເປັນທັງສະຖານີຂົນສົ່ງໂດຍສານ ແລະ ຂົນສົ່ງສິນຄ້າ.

ການກໍ່ສ້າງອາຄານສະຖານີຂອງທາງລົດໄຟ ແມ່ນຈະມີຮູບຊົງປະສົມປະສານລະຫວ່າງວັດທະນະທຳ ແລະ ສະຖາປັດຕະຍະກຳ ຂອງລາວ ແລະ ຈີນ ໂດຍໃນອາຄານສະຖານີນອກຈາກຈະເປັນບ່ອນຂາຍປີ້ ແລະ ລໍຖ້າຂື້ນລົດໄຟແລ້ວຍັງມີຮ້ານເຄື່ອງດື່ມ, ຮ້ານສະດວກຊື້ ແລະ ສິ່ງອຳນວຍຄວາມສະດວກຕ່າງໆໄວ້ຄອຍໃຫ້ບໍລິການທຸກທ່ານ.

ຕາມລາຍງານ ຂອງຂປລ: ແຫຼ່ງຂ່າວ ຈາກແຂວງສະຫວັນນະເຂດ ແຈ້ງໃຫ້ຮູ້ໃນວັນທີ 28 ກໍລະກົດ 2021 ນີ້ວ່າ ທ່ານ ນາງ ພາວັນ ບົວຫຼວງລາດ ຫົວໜ້າພະແນກແຮງງານ ແລະ ສະຫວັດດີການ ແຂວງສະຫວັນນະເຂດ ກ່າວວ່າ: ເພື່ອເປັນການຮອງຮັບໃຫ້ແກ່ບັນດາແຮງງານລາວ ທີ່ກັບມາຈາກຕ່າງປະເທດໄດ້ມີວຽກເຮັດງານທຳ ຢູ່ພາຍໃນປະເທດຫຼາຍຂຶ້ນ, ແນໃສ່ໃຫ້ເຂົາເຈົ້າໄດ້ມີລາຍຮັບສາມາດກຸ້ມຕົນເອງນັ້ນ ຂະແໜງການຕົນ ດໍາເນີນການສຳຫລວດ ແລະ ເກັບກຳຕົວເລກຜູ້ໄປອອກແຮງງານຢູ່ປະເທດໄທ ໃນປີ 2019 ຈາກຄອບຄົວໃນແຕ່ລະບ້ານ ທົ່ວແຂວງສະຫວັນນະເຂດ ມີທັງໝົດ 35.726 ຄົນ (ຍິງ 20.544 ຄົນ). ໃນນັ້ນ 21.972 ຄົນແມ່ນໄປຖືກຕ້ອງຕາມລະບຽບກົດໝາຍ, ສ່ວນອີກ 13.754 ຄົນ ແມ່ນໄປບໍ່ຖືກກົດໝາຍ.

ສຳລັບການເຂົ້າມາຂອງແຮງງານ ຍ້ອນການແຜ່ລະບາດ ຂອງພະຍາດໂຄວິດ-19 ເລີ່ມແຕ່ເດືອນມີນາ 2020 ມາຮອດປັດຈຸບັນ ແມ່ນໄດ້ແບ່ງເປັນສອງໄລຍະ ຄື: ໄລຍະທີ 1 ມີແຮງງານເຂົ້າມາຈໍານວນ 27.659 ຄົນ (ຍິງ 13.445 ຄົນ) ແລະ ໄລຍະທີ 2 ມີແຮງງານ 23.445 ຄົນ (ຍິງ 10.984 ຄົນ). ໃນນີ້ຂະແໜງການກ່ຽວຂ້ອງແຂວງ ຍິນດີຮັບເອົາຄົນລາວໃນໄວເຮັດວຽກງານ, ໄວສະລາ ແລະ ເດັກນ້ອຍ ເປັນບູລິມະສິດກ່ອນໝູ່, ພ້ອມທັງເອົາໃຈໃສ່ປິ່ນປົວເຂົາເຈົ້າດ້ວຍວິທີການນຳເຂົ້າສູນຈຳກັດບໍລິເວນ 14 ວັນ, ໄປຄຽງຄູ່ການສຸມໃສ່ປິ່ນປົວກໍລະນີມີຜູ້ຕິດເຊື້ອພະຍາດໂຄວິດ-19 ໃຫ້ດີ. ຂະນະດຽວກັນ, ກໍໄດ້ເອົາໃຈໃສ່ວຽກງານໂຄສະນາເຜີຍແຜ່ຂໍ້ມູນຂ່າວສານ ກ່ຽວກັບແຮງງານ, ການຈ້າງງານ, ການຊອກວຽກເຮັດງານທຳ, ສຶກສາອົບຮົມແນວທາງຂອງພັກ, ລະບຽບກົດໝາຍຂອງລັດ ດ້ວຍຫລາຍຮູບການ ເພື່ອໃຫ້ເຂົາເຈົ້າຮູ້ໄດ້ເຖິງຄວາມເປັນຫ່ວງເປັນໃຍຂອງພັກ ແລະ ລັດຖະບານ ຕໍ່ບັນດາແຮງງານ, ຕໍ່ຍາດພີ່ນ້ອງຮ່ວມຊາດ ກໍຄື ການຫາບ່ອນພັກເຊົາ, ການກັກກັນ, ການປິ່ນປົວໂດຍບໍ່ເສຍຄ່າ, ພ້ອມທັງອຳນວຍຄວາມສະດວກ ໃນການປະສານງານກັບທ້ອງຖິ່ນ, ສ້າງເງື່ອນໄຂໃຫ້ໄດ້ຮັບວັກຊີນ, ປະຊາສຳພັນໃຫ້ແຮງງານທີ່ມີຈຸດປະສົງ ສະໝັກວຽກລົງທະບຽນຢູ່ຈຸດບໍລິການຈັດຫາງານ, ເຊິ່ງມີຢູ່ພະແນກແຮງງານ ແລະ ສະຫວັດດີການສັງຄົມແຂວງ, ໄປຄຽງຄູ່ໄດ້ຊຸກຍູ້ໃຫ້ບໍລິສັດຈັດຫາງານ ທີ່ເຄື່ອນໄຫວພາຍໃນແຂວງ ເປັນຜູ້ຊ່ວຍໃນການຊອກຫາວຽກເຮັດງານທໍາໃຫ້ເຂົາເຈົ້າ, ເຊິ່ງຄາດວ່າຖ້າແຮງງານຂອງພວກເຮົາໄດ້ຮັບວັກຊີນຢ່າງທົ່ວເຖິງ ກໍເປັນເງື່ອນໄຂໜຶ່ງໃນການເຂົ້າເຖິງຕະຫລາດແຮງງານ ແລະ ຍັງຈະໄດ້ມີການປຶກສາຫາລືກັບພາກສ່ວນທີ່ກ່ຽວຂ້ອງ ເພື່ອຊ່ວຍແຮງງານດັ່ງກ່າວ ເຊັ່ນ: ສະພາການຄ້າອຸດສາຫະກຳ, ຈັດຕະຫລາດນັດແຮງງານ, ຂະຫຍາຍເຄືອຂ່າຍບໍລິການຈັດຫາງານໃຫ້ຮອດເມືອງ ແລະ ບ້ານ, ເປີດການຝຶກອົບຮົມທາງດ້ານສີມືແຮງງານ ແລະ ອື່ນໆ.

ປັດຈຸບັນ ໄດ້ມີ 3 ບໍລິສັດແລ້ວ ທີ່ຍື່ນສະເໜີຫາພະແນກແຮງງານ ແລະ ສະຫວັດດີການສັງ ຄົມແຂວງ ທີ່ມີຄວາມຕ້ອງການທາງດ້ານແຮງງານເປັນຕົ້ນ ແມ່ນ:

ບໍລິສັດ ສາມມິດ ຈັດຫາງານ ມີຄວາມຕ້ອງການພະນັກງານຊ່າງຊີມັງ-ຊ່າງເຫລັກ ຈໍານວນຫຼາຍຄົນ ໃນໂຄງການກໍ່ສ້າງຂົວຂ້າມແມ່ນ້ຳ ຂອງແຫ່ງທີ 5 ປາກຊັນ-ບຶງການ, ມີຄ່າແຮງງານເລີ່ມຕົ້ນ 85.000 ກີບ ຫາ 100.000 ກີບຕໍ່ມື້, ມີເງິນລ່ວງເວລາ 13.000 ກີບ ຕໍ່ຊົ່ວໂມງ, ເຮັດວຽກ 8 ຊົ່ວໂມງຕໍ່ມື້.

ບໍລິສັດ ທຣີໂອລາວ ເອັກປອດ ຈຳກັດ ຕ້ອງການພະນັກງານ 350 ຄົນ, ຕຳແໜ່ງງານຫຍິບຜ້າ, ຫົວໜ້າລາຍການຜະລິດ, ຊ່າງສ້ອມແປງເຄື່ອງຈັກ, ໂດຍປະຕິບັດນະໂຍບາຍຕາມກົດໝາຍແຮງງານ ແລະ ກົດໝາຍປະກັນສັງ ຄົມ ມີເງິນໃຫ້ 1.400.000 ກີບ ຫາ 5.000.000 ກີບຕໍ່ເດືອນ, ພ້ອມມີຫໍພັກຍິງໃຫ້ຢູ່.

ບໍລິສັດ ຕຣີມາກ ຈໍາກັດ ດໍາເນີນທຸລະກິດ ກ່ຽວກັບຫຍິບເສື້ອຜ້າສົ່ງອອກ ຕ້ອງການພະນັກງານຫຍິບຜ້າຈຳນວນຫຼາຍ ມີນະໂຍບາຍຄ່າແຮງງານຕາມກົດໝາຍ, ມີເງິນລ່ວງເວລາ, ເງິນຜົນຜະລິດ, ມີຄ່າອາ ຫານ ແລະ ມີເງິນໂບນັດໃຫ້ນຳອີກ. ໂດຍຈະຈ່າຍເງິນໃຫ້ໃນທຸກໆວັນທີ 10 ແລະ ວັນທີ 25 ຂອງແຕ່ລະເດືອນ.

ສ່ວນວ່າ ເຂດເສດຖະກິດພິເສດສະຫວັນນະເຂດ ບໍລິສັດ ເຣັນໂຣເວິກ ກໍມີທ່າອ່ຽງຈະຮັບແຮງງານເພີ່ມຕື່ມໃນຫຼາຍຕຳແໜ່ງງານ, ບໍລິສັດປ້ອງກັນເວນຍາມ (ປກສ) ຕ້ອງການພະນັກງານ 40 ຄົນ, ຂົງເຂດກະສິກຳ ຕ້ອງການແຮງງານປັກດຳ, ກ່ຽວເຂົ້າ, ປູກ ແລະ ຕັດອ້ອຍ, ປູກ ແລະ ເກັບກູ້ມັນຕົ້ນ 4.000 ຄົນ ເປັນແຮງງານຕາມລະດູການ ແລະ ກໍມີໂຄງການລົງທຶນຂອງບໍລິສັດ ເອອາບີຊີ ໃນຂົງເຂດກະສິກຳປຸງແຕ່ງ, ຊຶ່ງສະເໜີໂຄງການ ຢູ່ເມືອງຈຳພອນ ແລະ ເມືອງສອງຄອນ ໃນເນື້ອທີ່ 100.000 ກວ່າເຮັກຕາ ຄາດຄະເນຄວາມຕ້ອງການແຮງງານ 50.000 ຄົນ.

ສັງລວມແລ້ວຖ້າສະພາບການລະບາດຂອງພະຍາດໂຄວິດ-19 ເບົາບາງລົງ ໂຄງການຕ່າງໆ ກໍໄດ້ມີການລິເລີ່ມ ແລະ ຈັດຕັ້ງປະຕິບັດໃນໄວໆນີ້ ແລະ ບັນດາແຮງງານທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ທີ່ກັບມາຈາກປະເທດໄທ ກໍຈະໄດ້ຮັບການຈ້າງງານ ແລະ ມີວຽກເຮັດງານທຳຫລາຍຂຶ້ນ.

ຜູ້ກ່ຽວທັງສອງຄົນເດີນທາງມາຈາກລະຍອງ ປະເທດໄທ ມາຮອດ ສປປ ລາວ ແລະ ໄດ້ເຂົ້າກັກໂຕຢູ່ສູນຈໍາກັດບໍລິເວນຫຼັກ 27 ນະຄອນຫຼວງວຽງຈັນ ໄດ້ເກັບຕົວຢ່າງ 02 ຄັ້ງ, ແຕ່ລະຄັ້ງເປັນຜົນລົບບໍ່ຕິດເຊື້ອ ແລະ ໄດ້ຈໍາກັດບໍລິເວນຈົນຄົບ 14 ມື້.

ມາຮອດວັນທີ 25 ກໍລະກົດ 2021 ໄດ້ອອກຈາກສູນຈໍາກັດບໍລິເວນ. ໃນວັນທີ 25 ກໍລກົດ 2021 ເດີນທາງອອກຈາກນະຄອນຫຼວງວຽງຈັນໂດຍລົດຮັບເໝົາ (ລົດຕູ້) ເຊິ່ງເປັນລົດຂອງປະຊາຊົນເມືອງພຽງ ມີຜູ້ເດີນທາງມານໍາກັນ 12 ຄົນ ມີເມືອງແກ່ນທ້າວ 02 ຄົນ (ບ້ານ ຫ້ວຍເລິກ), ເມືອງປາກລາຍ 01 ຄົນ (ບ້ານ ຫ້ວຍມົດສົ້ມ), ເມືອງ ພຽງ 07 ຄົນ (ບ້ານນາບວມ 04 ຄົນ, ບ້ານ ດົງຫຼວງ 01 ຄົນ ແລະ ບ້ານກາງ 02 ຄົນ), ເມືອງໄຊຍະບູລີ 02 ຄົນ ຜ່ານຂົວຂ້າມນໍ້າຂອງປາກລາຍ ມີເຈົ້າໜ້າທີ່ກວດກາປະຈໍາດ່ານ 08 ຄົນ, ພວກຜູ້ກ່ຽວເດີນທາງມາຮອດບ້ານນາແລ້ງຫຼວງ ໃນເວລາ 24:00. ໃນວັນທີ 26 ກໍລະກົດ 2021 ຕອນເຊົ້າຜູ້ກ່ຽວເຂົ້າແຈ້ງເອກະສານຢູ່ຫ້ອງການກຸ່ມບ້ານນາຍາວ ມີຜູ້ສໍາຜັດ 02 ຄົນ, ຈາກນັ້ນໄດ້ໄປຕາບຢາງລົດຢູ່ບ້ານນາໄຮ ມີຜູ້ສໍາຜັດ 01 ຄົນ, ໄດ້ໄປທະນາຄານພົງສະຫວັນ ປ່ອງທີ 03 ຜູ້ມີສໍາຜັດ 01 ຄົນ, ຫຼັງຈາກນັ້ນໄດ້ໄປຊື້ປາ, ຕີນໄກ່ ຢູ່ໃກ້ກັນໃນຕະຫຼາດ ບ້ານສີມຸງຄຸນ ເມືອງໄຊຍະບູລີ ມີຜູ້ສໍາພັດ 02 ຄົນ ແລະ ໄດ້ກັບບ້ານ. ຕອນຄໍ່າໄດ້ໄປກິນເຂົ້າກັບໝູ່ເພື່ອນ ແລະ ພີ່ນ້ອງມີຜູ້ເຂົ້າຮ່ວມພາເຂົ້າທັງໝົດ 21 ຄົນ.

ຮອດກາງຄືນຂອງວັນດຽວກັນຜູ້ເປັນຜົວມີໄຂ້, ໄອ, ເຈັບຫົວ, ອິດເມື່ອຍ, ປວດຕາມຕົນຕົວ ແລະ ຜົນການກວດວັດແທກອູນຫະພູມຍັງປົກກະຕິ. ກາງຄືນຂອງວັນທີ 26 ກໍລະກົດ 2021 ຜູ້ເປັນເມຍມີອາການຄໍແຫ້ງ, ຜົນການກວດວັດແທກອຸນຫະພູມຍັງປົກກະຕິ. ວັນທີ 27 ກໍລະກົດ 2021 ໄດ້ເກັບຕົວຢ່າງໄປວິເຄາະ ຜົນເບື້ອງຕົ້ນອອກມາເປັນບວກທັງ 02 ກໍລະນີ ແລະ ໃນປັດຈຸບັນນີ້ແມ່ນໄດ້ເຂົ້າຮັບການປິ່ນປົວຢູ່ໂຮງໝໍແຂວງ, ມີອາການປົກກະຕິດີ ສ່ວນຜູ້ສໍາຜັດໃກ້ສິດທັງມົດມີຈໍານວນ 47 ຄົນ ໄດ້ເກັບຕົວຢ່າງ ແລະ ນໍາໄປຈໍາກັດບໍລິເວນທັງໝົດແລ້ວ.

ມາຮອດປະຈຸບັນນີ້ ສປປ ລາວ ມີຜູ້ຕິດເຊື້ອສະສົມທັງໝົດ 5.434  ຄົນ ໃນນີ້ມີກໍລະນີຕິດເຊື້ອໃໝ່ 280  ຄົນ, ເສຍຊີວິດສະສົມທັງໝົດ 06 ຄົນ ແລະ ຍັງຕິດຕາມການປິ່ນປົວຢູ່ທົ່ວປະເທດທັງໝົດ 2.503 ຄົນ.

ໃນວັນທີ 27 ກໍລະກົດ 2021 ໄດ້ເກັບຕົວຢ່າງມາກວດຫາເຊື້ອໂຄວິດ-19 ຈໍານວນ 2.080 ຄົນ ໃນນັ້ນກວດພົບຜູ້ຕິດເຊື້ອໃໝ່ 280  ຄົນ, ຕິດເຊື້ອພາຍໃນຊຸມຊົນຈໍານວນ 03 ຄົນຈາກ ແຂວງນະຄອນຫຼວງ 01 ຄົນ, ແຂວງ ຫຼວງນໍ້າທາ 02 ຄົນ ແລະ ຕິດເຊື້ອກໍລະນີນໍາເຂົ້າ ຈໍານວນ 277 ຄົນ ຈາກ ນະຄອນຫລວງວຽງຈັນ 45 ຄົນ, ແຂວງສະຫວັນນະເຂດ 77  ຄົນ, ຈໍາປາສັກ 56  ຄົນ, ຄໍາມ່ວນ 12 ຄົນ, ສາລະວັນ 33  ຄົນ, ໄຊຍະບູລີ 02, ບໍ່ແກ້ວ 01 ຄົນ ແລະ ບໍລິຄໍາໄຊ 01 ຄົນ. ສໍາລັບຜູ້ຕິດເຊື້ອໃນຊຸມຊົນແມ່ນມີປະຫວັດສໍາຜັດກັບຜູ້ຕິດເຊື້ອເກົ່າ.

ກະຊວງໂຍທາທິການ ແລະ ຂົນສົ່ງ ໄດ້ສະເໜີຂໍອະນຸມັດເພີ່ມຈຳນວນ 465,07 ຕື້ກີບ ເພື່ອໃຊ້ຈ່າຍເຂົ້າໃນວຽກງານເວນຄືນທີ່ດິນ-ຊົດເຊີຍສິ່ງກີດຂວາງ ຂອງໂຄງການກໍ່ສ້າງທາງລົດໄຟລາວ-ຈີນ ໃນປີ 2021 ນີ້.

ທ່ານ ຈັນຕຸລາ ພະນະລາສີ, ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟລາວ-ຈີນ ລາຍງານໃນກອງປະຊຸມ ຊຸກຍູ້ວຽກງານການຈັດຕັ້ງປະຕິບັດໂຄງການກໍ່ສ້າງທາງລົດໄຟລາວ-ຈີນ ທີ່ມີຂຶ້ນຢູ່ແຂວງ ຫຼວງພະບາງ ໃນວັນພຸດ ວັນທີ 21 ກໍລະກົດ 2021 ວ່າ: ຜ່ານມາໂຄງການໄດ້ເບີກຈ່າຍຄ່າຊົດເຊີຍທັງຫມົດຈໍານວນ 1.488,59 ຕື້ກີບ ໃຫ້ບັນດາແຂວງ ແລະນະຄອນຫຼວງວຽງຈັນ, ໃນນີ້ໄດ້ນໍາໃຊ້ບ້ວງເງິນງົບປະມານຂອງລັດຖະບານ ມູນຄ່າ 808,72 ຕື້ກີບ ແລະບ້ວງເງິນຂອງບໍລິສັດລົດໄຟລາວ-ຈີນ ມູນຄ່າ 679,87 ຕື້ກີບ.

ສໍາລັບແຜນງົບປະມານການເວນຄືນທີ່ດິນ ແລະ ຊົດເຊີຍສິ່ງກີດຂວາງຂອງໂຄງການ ປີ 2021, ກະຊວງໂຍທາທິການ ແລ ະຂົນສົ່ງ ໄດ້ສະເໜີຫາກະຊວງແຜນການ ແລະການລົງທຶນ ແລະ ກະຊວງການເງິນ ເພື່ອຂໍອະນຸມັດແຜນງົບປະມານຮັບໃຊ້ວຽກງານເວນຄືນທີ່ດິນ-ຊົດເຊີຍສິ່ງກີດຂວາງຂອງໂຄງການຈຳນວນ 465,07 ຕື້ກີບ.

ທ່ານ ຈັນຕຸລາ ພະນະລາສີ ກ່າວຕື່ມວ່າ: ໂຄງການກໍ່ສ້າງທາງລົດໄຟລາວ-ຈີນ ແຕ່ບໍ່ເຕນ ຫາ ສະຖານີວຽງຈັນໃຕ້ (ທ່ານາແລ້ງ) ລວມຄວາມຍາວ 426 ກິໂລແມັດ ມາຮອດວັນທີ 31 ພຶດສະພາ 2021 ສໍາເລັດ 92,80% ໂດຍແບ່ງການກໍ່ສ້າງອອກເປັນ 2 ຊ່ວງ ຄື ຊ່ວງທີ 1 ເລີ່ມແຕ່ບໍ່ເຕນ ຫາ ສະຖານີໂດຍສານນະຄອນຫຼວງວຽງຈັນ ລວມຄວາມຍາວ 409 ກິໂລແມັດ ແມ່ນສໍາເລັດ 98,80% ຂອງວຽກງານກໍ່ສ້າງພື້ນຖານໂຄງລ່າງທາງລົດໄຟ. ສ່ວນຊ່ວງທີ 2 ແຕ່ສະຖານີໂດຍສານນະຄອນຫຼວງວຽງຈັນ ຫາ ສະຖານີສິນຄ້າວຽງຈັນໃຕ້ ທີ່ທ່ານາແລ້ງ ລວມຄວາມຍາວ 17 ກິໂລແມັດ ແມ່ນປະຕິບັດສໍາເລັດ 72% ຂອງວຽກງານກໍ່ສ້າງພື້ນຖານໂຄງລ່າງທາງລົດໄຟ.

ຕາມການລາຍງານ ຂອງ US Embassy Vientiane ໃຫ້ຮູ້ວ່າ: ຕົ້ນອາທິດນີ້, ທ່ານ ນາງ ຈອຍ ຊາກຸໄຣ, ຮອງທູດ ສະຫະລັດອາເມລິກາປະຈຳລາວ ໄດ້ມອບເຄື່ອງສະແກນໜັງສືເດີນທາງ (ATOM ADR300 Document Reader) ຈໍານວນ 30 ເຄື່ອງ ມູນຄ່າ 48,000 ໂດລາສະຫະລັດ ແກ່ ທ່ານ ພັນໂທ ສຸວັນນະກອນ ສີພາມະວົງ, ຮອງຫົວໜ້າກົມຕໍາຫຼວດກວດຄົນເຂົ້າ-ອອກເມືອງ ແລະ ຫົວໜ້າຄະນະຄຸ້ມຄອງດ່ານສະໜາມບິນສາກົນວັດໄຕ.

ພ້ອມທັງກ່າວໃຫ້ຮູ້ວ່າ: “ພວກເຮົາມີຄວາມຍີນດີທີ່ໄດ້ມອບເຄື່ອງສະແກນຫນັງສືເດີນທາງ ຈຳນວນ30ເຄື່ອງ ໃຫ້ແກ່ ກົມຕໍາຫຼວດກວດຄົນເຂົ້າ-ອອກເມືອງ, ກະຊວງປ້ອງກັນຄວາມສະຫງົບ.

ເຄື່ອງສະແກນນີ້ແມ່ນຜະລິດໂດຍຜູ້ຊ່ຽວຊານ ເຊິ່ງມີແອັບພີເຄຊັນໃນການນຳໃຊ້ງານເພື່ອລະບຸຕົວຕົນ ແລະ ຄວາມປອດໄພ ເຊິ່ງໄດ້ຖືກຊົມໃຊ້ຢ່າງກວ້າງຂວາງໃນຂະແໜງວຽກງານການບັງຄັບໃຊ້ກົດໝາຍ ລວມທັງທີ່ປະເທດສະຫະລັດອາເມລິກາ.

ເຄື່ອງມືທີທັນສະໄໝນີ້ຈະຊ່ວຍຫຼຸດຜ່ອນຄ່າໃຊ້ຈ່າຍໃນການດໍາເນີນງານ ແລະ ເພີ່ມປະສິດທິພາບຂອງວຽກງານຢູ່ດ່ານສາກົນຕ່າງໆໃນທົ່ວ ສປປ ລາວ ເພີ່ມຄວາມອາດສາມາດໃຫ້ການກວດຄົນເຂົ້າ-ອອກເມືອງໃນການກວດກາ ແລະ ກວດສອບເອກກະສານການປອມແປງເອກກະສານທີ່ອາດເກີດຂື້ນ.

ພວກເຮົາຂໍຂອບໃຈ ແລະ ເຫັນຄວາມສຳຄັນຂອງ ກົມຕໍາຫຼວດກວດຄົນເຂົ້າ-ອອກເມືອງ ໃນການປ້ອງກັນຄວາມສະຫງົບຂອງ ສປປ ລາວ ຕາມຊາຍແດນ. ຂ້າພະເຈົ້າໝັ້ນໃຈວ່າເຄື່ອງສະແກນນີ້ຈະສ້າງຜົນປະໂຫຍດໃຫ້ທັງກົມຕໍາຫຼວດກວດຄົນເຂົ້າ-ອອກເມືອງ ແລະ ປະຊາຊົນ. ປີນີ້ແມ່ນປີແຫ່ງການສະເຫຼີມສະຫຼອງຄົບຮອບ 5 ປີສາຍພົວພັນແບບກວມລວມ ລະຫວ່າງສະຫະລັດອາເມລິກາ ແລະ ສປປ ລາວ, ພວກເຮົາຫວັງຢ່າງຍິ່ງ ໃນການສຶບຕໍ່ພັດທະນາສາຍພົວພັນໃຫ້ເຂັ້ມແຂງຂື້ນໃນການສົ່ງເສີມການເປີດກວ້າງອິນໂດປາຊີຟິກ.” ກ່າວໂດຍ ທ່ານ ນາງ ຈອຍ ຊາກຸໄຣ, ຮອງທູດສະຫະລັດອາເມລິກາປະຈຳລາວ.

ຕາມລາຍງານຂອງວິທະຍຸກະຈາຍສຽງແຫ້ງຊາດລາວ ໃຫ້ຮູ້ວ່າ: ທ່ານ ນາງ ໃບຄຳ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ຜູ້ປະຈຳການ ຄະນະກຳ​ມະການຄຸ້ມຄອງໄພພິບັດຂັ້ນສູນກາງ ໄດ້ລາຍງານສະພາບໄພພິບັດທີ່ເກີດຂຶ້ນ ໃນໄລຍະ ເດືອນມິຖຸນາ​-ກໍລະກົດ 2021 ໃນກອງປະຊຸມລັດຖະບານ ສະໄໝສາມັນປະຈໍາເດືອນກໍລະກົດ ຄັ້ງວັນທີ 26-27 ກໍລະກົດ 2021 ນີ້ວ່າ: ສປປ ລາວ ກໍໄດ້ຮັບຜົນກະທົບຈາກລົມພະຍຸໝຸນເຂດ​ຮ້ອນ ໂຄກູມະ ແລະ ເຈີມປາກາ ທີ່ພັດຜ່ານເຂົ້າມາ ອັນໄດ້ເຮັດໃຫ້ເກີດມີຟ້າລົມຝົນຕົກ ໃນຂອບເຂດທົ່ວປະເທດ, ໂດຍສະເພາະເກີດມີນໍ້າຖ້ວມ ຢູ່ 4 ແຂວງ ຄື: ແຂວງໄຊຍະບູລີ, ບໍ່ແກ້ວ, ຫລວງພະບາງ, ຫລວງນໍ້າທາ, ເຊິ່ງສົ່ງຜົນກະທົບໂດຍກົງໃສ່ 18 ເມືອງ, 218 ບ້ານ, 3.608 ຄອບ ຄົວ, 15.012 ຄົນ, ຍິງ 7.533 ຄົນ, ເຮັດໃຫ້ມີຄົນບາດເຈັບ 4 ຄົນ, ເສຍຊີວິດ 2 ຄົນ, ເຮືອນເສຍຫາຍ 60% ຂຶ້ນໄປ 38 ຫລັງ, ເສຍຫາຍບາງສ່ວນ 2.305 ຫລັງ, ເນື້ອທີ່ທໍາການຜະລິດຖືກເສຍຫາຍ 1.197 ຮຕ, ຊົນລະປະມານ 71 ແຫ່ງ, ທາງ 25 ເສັ້ນ ແລະ 19 ຈຸດ ຄາດຄະເນມູນຄ່າເສຍຫາຍເບື້ອງຕົ້ນ 183 ຕື້ກວ່າກີບ.

ສ່ວນຜົນກະທົບຈາກ ພະຍຸເຈີມປາກາ ທີ່ເກີດຂຶ້ນ ໃນລະຫວ່າງ ວັນທີ 18-21 ມິຖຸນາ 2021 ໄດ້ເຮັດໃຫ້ເກີດນໍ້າຖ້ວມ ຢູ່ 2 ແຂວງ ຄື: ແຂວງຫລວງນໍ້າທາ ແລະ ຫລວງພະບາງ, ເຊິ່ງແຂວງຫລວງນໍ້າທາ ໄດ້ຮັບຜົນກະທົບຫລາຍກວ່າໝູ່ ຢູ່ 3 ເມືອງ ຄື: ເມືອງລອງ, ຫລວງນໍ້າທາ ແລະ ວຽງພູຄາ, ມີ 31 ບ້ານ, 149 ຄອບຄົວ, ເສຍຊີວິດ 1 ຄົນ (ດິນຖະຫລົ່ມທັບ), ດິນເຊາະເຈື່ອນເຮືອນເສຍຫາຍເປ່ເພ 14 ຫລັງ ເນື້ອທີ່ທໍາການຜະລິດ 150 ເຮັກຕາ, ຊົນລະ​ປະທານ ປະມານ 70 ແຫ່ງ, ເສັ້ນທາງເລກທີ 17B ຖືກເຊາະເຈື່ອນ, ເສັ້ນທາງເລກທີ 17B ຖືກນໍ້າເຊາະເຈື່ອນ 5 ຈຸດ, ບາງຈຸດແມ່ນລົດບັນທຸກໜັກບໍ່ສາມາດແລ່ນຜ່ານໄດ້. ສຳລັບແຂວງຫລວງພະບາງ ແມ່ນໄດ້ຮັບຜົນກະ ທົບເລັກນ້ອຍມີນ້ຳໄຫລຊຸເຂົ້າ 3 ບ້ານ ຢູ່ໃນຕົວເມືອງນະຄອນຫລວງພະບາງ ຄື: ບ້ານ ພິກໃຫຍ່, ບ້ານ ຊຽງລ້ວມ ແລະ ບ້ານ ກົກງິ້ວ.

ສ່ວນການຊ່ວຍເຫລືອຕອບໂຕ້ສຸກເສີນ, ທາງອຳນາດການປົກ ຄອງທ້ອງຖິ່ນ ກໍໄດ້ໃຊ້ພາຫະນະ ແລະ ກຳລັງພົນ ຈາກກອງບັນຊາການປ້ອງກັນຊາດ, ປ້ອງກັນຄວາມສະຫງົບ, ຊາວໜຸ່ມຂອງແຂວງ ແລະ ເມືອງ ຈຳນວນໜຶ່ງໄປຍົກຍ້າຍປະຊາຊົນ, ຂົນເຄື່ອງຂອງທີ່ຈຳເປັນໄປໄວ້ໃນບ່ອນທີ່ປອດໄພ, ພ້ອມທັງຊີ້ນໍາໃຫ້ແຂວງ ນໍາໃຊ້ເຂົ້າທີ່ກະຊວງໄດ້ຈັດສົ່ງໄປຕາມແຜນແບ່ງປັນໃຫ້ແຕ່ລະແຂວງແລ້ວ, ເຊິ່ງແຂວງຫລວງນໍ້າທາ 120 ໂຕນ ແລະ ຫລວງພະບາງ 105 ໂຕນ, ພ້ອມທັງໃຫ້ການຊ່ວຍ​ເຫລືອສຸກເສີນເງິນ 350 ລ້ານກີບ, ເຄື່ອງອຸປະໂພກ- ບໍລິໂພກ ລວມມູນຄ່າ 170 ລ້ານກີບ.ພ້ອມກັນນີ້, ທາງກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຍັງໄດ້ແຈ້ງເຕືອນ ກ່ຽວກັບສະພາບອາກາດ ຈາກພະຍຸ ເຈິມປາກາ ແມ່ນໄດ້ມີກຳລັງລົມອ່ອນລົງກາຍເປັນຄວາມກົດດັນອາກາດຕໍ່າທີ່ມີກຳລັງແຮງ ແລະ ຍັງສືບຕໍ່ໃຫ້ມີຝົນຕົກ ຢູ່ໃນຂອບເຂດທົ່ວປະເທດ ເຊິ່ງຈະເຮັດໃຫ້ລະດັບແມ່ນໍ້າຂອງ ແລະ ແມ່ນໍ້າສາຂາເພີ່ມສູງຂຶ້ນ, ໂດຍສະເພາະບັນ ດາແຂວງພາກກາງ ແລະ ພາກໃຕ້ ຈະຕ້ອງໄດ້ຕິດຕາມ ແລະ ເຝົ້າລະວັງລະດັບນ້ຳຢ່າງໃກ້ສິດ.

ດ້ວຍຄວາມເປັນຫວ່ງເປັນໄຍຈາກສູນກາງ ພັກ-ລັດຖະບານ ເພື່ອຮັບປະກັນໃຫ້ຊີວິດ ແລະ ຊັບສິນ ຂອງພໍ່ແມ່ປະຊາຊົນບັນດາເຜົ່າ ໄດ້ຮັບການປົກປ້ອງ ແລະ ມີຄວາມປອດໄພ ພ້ອມທັງໄດ້ຮັບການຊ່ວຍເຫລືອຮີບດ່ວນທັນການ, ຄະນະກຳມະການຄຸ້ມຄອງໄພພິບັດຂັ້ນສູນກາງ ໄດ້ຊີ້ນຳຄະນະກຳມະ ການຄຸ້ມຄອງໄພພິບັດແຕ່ລະຂັ້ນ ຕິດຕາມສະພາບດີນຟ້າອາກາດ ທີ່ລາຍງານແຕ່ລະວັນເປັນປົກກະຕິ ຈາກກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ. ພ້ອມນັ້ນ, ຍັງໄດ້ອອກແຈ້ງການ ໃຫ້ບັນດາພະແນກແຮງງານ ແລະ ສະຫວັດດີການສັງຄົມ ແລະ ຄະນະກຳມະການຄຸ້ມຄອງໄພພິບັດຂັ້ນແຂວງ ແລະ ເມືອງ ກະກຽມດ້ານກຳລັງພົນ, ເຂົ້າກິນ, ເຕັ້ນ, ເຮືອ ແລະ ຈຸດປອດໄພ ທີ່ຈະຍົກຍ້າຍປະຊາຊົນໄປຢູ່ຊົ່ວຄາວ ໃຫ້ຮັບປະກັນ ແລະ ທັນກັບສະພາບການ.

ສຳລັບຂັ້ນສູນກາງ ແມ່ນໄດ້ຮ່ວມມືກັບຄູ່ຮ່ວມພັດທະນາສາກົນ ກະກຽມຄວາມພ້ອມ ເປັນຕົ້ນແມ່ນເຂົ້າກິນ ຈາກຄັງແຮເຂົ້າອາຊຽນ+3 (AFTERR+3) ແລະ ອົງການອາຫານໂລກ ມີເຂົ້າແຮຢູ່ສາງຂອງກະຊວງ ຫລັກ 17 ຈໍານວນ 1.320 ໂຕນ ຫາກເກີດຜົນກະທົບທີ່ຮ້າຍແຮງຈາກໄພພິບັດ ຢູ່ແຂວງໃດ ກໍສາມາດປະສານສົມທົບຮ່ວມກັນລົງໄປປະເມີນຜົນເສຍຫາຍ ແລະ ຈັດສົ່ງໃຫ້ແຂວງນັ້ນໂດຍໄວ.ຂ່າວ: ກະຊວງ ຮສສ