ເຫດການນີ້ ເກີດຂຶ້ນທີ່ບ້ານ ໂພນທອງ ເມືອງ ຄຳເກີດ ແຂວງ ອຸດົມໄຊ ເມື່ອຜູ້ໃຊ້ເຟສບຸກ ໄດ້ໂພສ ພາບ ເດັກນ້ອຍຖືກຖິ້ມກາງປ່າ ຂອງ ບ້ານ ໂພນທອງ ລັກສະນະເປັນແອນ້ອຍ ທີ່ຫາກໍ່ເກີດໃໝ່ ເຊິ່ງເປັນເພດຊາຍ.

ເຮັດໃຫ້ປະຊາຊົນ ເຂດ ບ້ານ ພນທອງ ເມືອງ ຄຳເກີດ ແຂວງ ອຸດົມໄຊ ທີ່ພົບເຫັນພາກັນຕື່ນ ພ້ອມທັງອີດູຕົນເດັກນ້ອຍ ເພາະຫາແຕ່ເກີດແທ້ໆ ແຕ່ກັບມາເຈີເຫດການແບບນີ້.

ຖືວ່າເປັນໂຊກດີ ຂອງແອນ້ອຍທີ່ມີປະຊາຊົນຜົນລະເມືອງດີ ໄປພົບເຫັນກ່ອນ ຂໍໃຫ້ໃຫຍ່ສູງເດີ້ ລູກເອີຍ!

ໃນວັນທີ 3 ມິຖຸນາ 2021 ສູນໂພນທອງ ໄດ້ສົ່ງຜູ້ຕິດເຊື້ອ ທີ່ປິ່ນປົວຫາຍດີ  3​ ກໍລະນີ ກັບເມືອຈໍາກັດບໍລິເວນຢູ່ບ້ານອິກ 14 ວັນ ໃນນັ້ນມີກໍລະນີທີ່ຮຸນແຮງ​ 2​ ກໍລະນີຄື: ກໍລະນີທີ1: ເພດຍິງ ອາຍຸ​ 37 ປີ ແລະ ກໍລະນີທີ2 : ເພດຍີງ ອາຍຸ 30ປີ.

ສຳລັບກໍລະນີທີ 2 ແມ່ນກໍລະນີພິເສດ ທີ່ມີຄວາມຮຸນແຮງ ແລະ ມີຄວາມສ່ຽງສາມາດເສຍຊິວິດທັງແມ່ ແລະ ລູກໄດ້ ເພາະຜູ້ກ່ຽວຕິດເຊື້ອໂຄວິດ19 ພ້ອມກັບຖືພາ 22 ອາທິດ.

ປະຫວັດຜູ້ກ່ຽວແມ່ນເຮັດອາຊີບ ຂາຍປາ ຢູ່ຕະຫຼາດແຫ່ງໜຶ່ງ ໃນນະຄອນຫຼວງຂອງປະເທດເພື່ອນບ້ານ, ຖືກຜັກດັນມາລາວ ວັນທີ 10/5/2021 ແລະ ໄດ້ເກັບຕົວຢ່າງທັນທີ. ເມື່ອຮອດ ວັນທີ 12/5/2021 ຜົນກວດໂຄວິດເປັນບວກ ຈຶ່ງຖືກນຳສົ່ງໂຮງໝໍພາກສະໝາມ ວິທະຍາໄລການເງີນພາກໃຕ້. ເມື່ອວັນທີ 13/5/2021 ຜູ້ກ່ຽວມີອາການໄຂ້ 39’c, ໄອ, ຫາຍໃຈຝືດ ອົກຊີໃນເລືອດຕໍ່າ 88 % ໄດ້ໃຫ້ ອົກຊີແຊນ, ຢາປີ່ນປົນຈຳນວນຫນື່ງ ແລະ ນຳສົ່ງສູນໂພນທອງ.

ເມື່ອມາຮອດສູນໂພນທອງໄດ້ກວດກາຮ່າງກາຍ , ກວດເລືອດ, ຊ່ອງໄຟຟ້າປອດ , ເອໂກລູກໃນທ້ອງ ຈີ່ງເຫັນວ່າມີອັກເສບປອດຮ້າຍແຮງ ແລະ​ ຖືພາ​ 22​ ອາທິດ.​ ດັ່ງນັ້ນ, ທີມງານແພດ-ພະຍາບານ ໄດ້ຊຸມໃສ່ການປີ່ນປົວ, ຊ່ວຍເຫຼືອເພື່ອກູ້ເອົາຊີວິດຂອງລາວຄື:

ການໃຫ້ຢາຕ້ານໄວຣັດ , ຢາຕ້ານເຊື້ອ, ຢາ Corticosteroid , ຢາຕາມອາການຕ່າງໆ ແລະ ໃຫ້ອົກຊີແຊນ.​ ແຕ່ອາການບໍ່ດີຂື້ນ ຄ່າອົກຊີໃນເລືອດຍັງຕ່ຳ ຈີ່ງປ່ຽນມາເປັນການໃສ່ເຄື່ອງຊ່ວຍຫາຍໃຈແບບປ້ຳອົກຊີແຮງດັນບວກ ຫຼື ເຄື່ອງ CPAP ແຕ່ວັນທີ 14 -17 /5/2021 ອາການຄົນເຈັບຄ່ອຍໆດີຂື້ນ ຈຶ່ງຖອດເຄື່ອງ CPAP ໄດ້.​ ທີມແພດພວກເຮົາໄດ້ຕິດຕາມຄົນເຈັບຢ່າງໃກ້ຊິດ ໃຫ້ຄຳປຶກສາ ໃຫ້ຄຳແນະນຳ ສຸຂະສຶກສາ ການເຝີກບຳບັດປອດ ແລະ ອອກກຳລັງກາຍເບົາເບົາ ທຸກວັນ ຈົນຄົນເຈັບຫາຍດີ ຜົນກວດເປັນລົບ ຈີ່ງສາມາດອອກໂຮງໝໍໄດ້.

ຄົນເຈົບຜູ້ນີ້ແມ່ນກໍລະນີອັກເສບປອດຮຸນແຮງ ກໍລະນີທຳອິດຂອງແຂວງຈຳປາສັກ ເຊີ່ງແມ່ນຜົນສຳເລັດທີ່ຫຍີ່ງໃຫຍ່ທີ່ບໍ່ເຄີຍມີມາກ່ອນໃນການປິ່ນປົວຄົນເຈັບຕິດເຊື້ອໂຄວິດ 19.​ ທັງໝົດນີ້ແມ່ນຍ້ອນມີການຊີ້ນຳ , ນຳພາຂອງພັກ-ລັດ, ຄະນະສະເພາະກິດຂັ້ນແຂວງ, ພະແນກສາທານະລະສຸກແຂວງ , ຄະນະນຳຂອງໂຮງໝໍຈຳປາສັກ , ຄະນະອາຈານຊ່ຽວຊານຈາກສູນກາງ , ຄະນະຊ່ຽວຊານຈາກ ສສຫວຽດນາມ ແລະ ທີ່ສຳຄັນທີສຸດ ຄືທີມງານ ແພດ,  ພະຍາບານ ທີ່ຢູ່ສູນຄຸ້ມຄອງກໍລະນີໂຮງໝໍເມືອງໂພນທອງແຫ່ງນີ້ໂດຍພາຍໃຕ້ການຊີ້ນຳໂດຍກົງຂອງ ທ່ານ ດຣ ບຸນຄ້ຳ ເພັດທານີ ຮອງຜູ້ອຳນວຍການໂຮງໝໍຈຳປາສັກ , ທ່ານ ດຣ ສຸລິຍາ ແກ້ວຫາວົງ ຫົວຫນ້າຂະແໜງປີ່ນປົວຟື້ນຟູໜ້າທີ່ການພະແນກສາທາແຂວງ.

ຜົນສຳເລັດໃນຄັ້ງນີ້ ຈະເອົາໄປຜັນຂະຫຍາຍ ແລະ ເປັນບົດຮຽນທີ່ລ້ຳຄ່າ ໃຫ້ແກ່ການຄຸ້ມຄອງກໍລະໂຄວິດ- 19 ທີ່ມີອາການຮຸນແຮງ ທີ່ອາດຈະເກີດໄດ້ອີກໃນອານາຄົດ.​

ຕາມລາຍງານ ຂອງສຳນັກຂ່າວ ໃນປະເທດອີຣານ ລາຍງານວ່າ: ເຮືອທະຫານ Kharg ເກີດໄຟໃໝ້ ເມື່ອເວລາ 02: 25 ນາທີ ຂອງວັນອັງຄານທີ 1 ມິຖຸນາ ທີ່ຜ່ານມາ ພ້ອມທັງຈົມລົງທະເລ ທີ່ອາວໂອມານ ໃນວັນພຸດ ທີ 2 ມິຖຸນາ ເຊິ່ງນັກດັບເພີງໄດ້ໃຊ້ເວລາດັບໄຟເກືອບ 20 ຊົ່ວໂມງ ເພື່ອພະຍາຍາມຄວບຄຸມໄຟທີ່ລຸກໃໝ້ເຮືອຢ່າງຮຸງແຮງ ແຕ່ກໍ່ບໍ່ສາມາດຮັກສາເຮືອໄວ້ໄດ້.

ສ່ວນລູກເຮືອ ແລະ ນັກຮຽນທະຫານປະມານ 400 ຄົນ ເທິງເຮືອນັ້ນ ຖືກອົບພະຍົບລົງເຮືອໄດ້ທັນ ໂຊກດີບໍ່ມີໃຜເສຍຊີວິດ ມີແຕ່ໄດ້ຮັບບາດເຈັບເບົາບາງ ປະມານ 20 ຄົນ.

ເບື້ອງຕົ້ນຍັງບໍ່ຮູ້ສາເຫດຢ່າງຊັດເຈນ ຂອງເຫດການຄັ້ງນີ້ ເຊິ່ງໃນບໍລິເວນດັ່ງກ່າວ ກໍ່ຍັງເປັນບ່ອນທີ່ມີການໂຈມຕີ ຈາກຝ່າຍກົງກັນຂ້າມອີກດ້ວຍ.

ອີງຕາມລາຍງານຈາກ ປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູວ່າ: ໃນວັນທີ 01 ມິຖຸນາ 2021, ທີ່ປົກຄອງເມືອງປາກງື່ມ ນະຄອນຫຼວງວຽງຈັນ ຄະນະອີ່ມບຸນເມດຕາທຳຮ່ວມກັບຄະນະສະເພາະກິດ ນະຄອນຫຼວງວຽງຈັນ ໄດ້ນຳເອົາປະເພດອາຫານແຫ້ງ,​ ເຈວລ້າງມື້,​ ຜ້າອັດປາກ ຈຳນວນ 180 ຖົງ ມອບໃຫ້ເມືອງປາກງື່ມ ນະຄອນຫຼວງວຽງຈັນ ຕາງໜ້າມອບໂດຍ ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫຼວງວຽງຈັນ ຫົວໜ້າສະເພາະກິດນະຄອນຫຼວງວຽງຈັນ ການມອບເຄື່ອງໃນຄັ້ງນີ້ ເພື່ອເປັນການຊຸກຍູ້ເຂົ້າໃນວຽກງານປ້ອງກັນ ຢູ່ບັນດາຈຸດຕັ້ງດ່ານກວດກາຕ່າງໆ ພາຍໃນເມືອງ ໃນການປ້ອງກັນສະກັດກັ້ນ ແລະ ຕ້ານການແຜ່ລະບາດຂອງພະຍາດໂຄວິດ-19.

ຕາງໜ້າຮັບໂດຍ ທ່ານ ຄຳໝູນ ຕຽງທະລາດ ເຈົ້າເມືອງປາກງື່ມ ພ້ອມດ້ວຍຄະນະ ແລະ ທ່ານໄດ້ກ່າວສະແດງຄວາມຂອບໃຈຕໍ່ ທ່ານ ພູວົງ ວົງຄຳຊາວ ແລະ ຄະນະ ທີ່ນຳເອົາເຄື່ອງຈຳນວນດັ່ງກ່າວ ມາມອບໃຫ້ເມືອງປາກງື່ມຂອງພວກເຮົາ ແລະ ຈະນຳເອົາເຄື່ຶອງຈຳນວນທີ່ໄດ້ຮັບໃນຄັ້ງນີ້ ໄປແຈກຢາຍໃຫ້ບັນດາຈຸດຕັ້ງດ່ານກວດກາ ໃນການປ້ອງກັນ, ສະກັດກັ້ນ ແລະ ຕ້ານການແຜ່ລະບາດ ຂອງພະຍາດໂຄວິດ-19, ພ້ອມທັງ ອວຍພອນໃຫ້ທ່ານ ຮອງເຈົ້າຄອງນະຄອນຫຼວງວຽງຈັນ ຫົວໜ້າສະເພາະກິດນະຄອນຫຼວງວຽງຈັນ ຈົ່ງມີສຸຂະພາບແຂງແຮງ ປາສະຈາກໂລກໄພໄຂ້ເຈັບທຸກປະການ ປະສົບຜົນສຳເລັດໃນໜ້າທີ່ການງານ.

ອີງຕາມສຳນັກຂ່າວໄທລັດ (Thairath) ລາຍງານ ເມື່ອວັນທີ 2 ມິຖຸນາ ໄດ້ຮັບແຈ້ງຈາກປະຊາຊົນ ບ້ານ ຊາດ, ເມືອງ ແດນດົງ, ແຂວງບູລີລຳ ວ່າ: ມີເຫດວຸ້ນວາຍເກີດຂື້ນ ເນື່ອງຈາກມີການຈັດງານສົບຜິດຄົນ.

ທ້າວ ໄພລັດ ສາຍວັນ ອາຍຸ 61 ປີ ເລົ່າວ່າ: ເວລາ ປະມານ 11 ໂມງ ກາງຄືນ ທີ່ຜ່ານມາ, ມີຄົນແຖວບ້ານມາແຈ້ງຕົນເອງວ່າ ໃຫ້ໄປເບິ່ງສົບທີ່ຖືກລົດຕຳເສຍຊີວິດ ເພາະມີຮູບຮ່າງຄ້າຍຄືກັບ ທ້າວ ລ້ານ ລູກຊາຍຂອງຕົນ ທີ່ໄດ້ອອກຈາກບ້ານ 2 ມື້ ແລ້ວ ແລະ ເປັນຄົນມັກກິນເຫຼົ້າ ແລ້ວມັກຍ່າງແຄມທາງເວລາເມົາ.

ທ້າວ ໄພລັດ ເລົ່າອີກວ່າ: ເມື່ອມາເບິ່ງສົບຜູ້ເສຍຊີວິດ ພົບວ່າບໍ່ເຫຼືອເຄົ້າໂຄງຂອງໃບໜ້າເລີຍ ເພາະຖືກລົດຢຽບຈົນເຫຼະ, ທາງເຈົ້າໜ້າທີ່ຕຳຫຼວດ ຈຶ່ງໄດ້ໃຫ້ເບິ່ງຢ່າງລະອຽດເຕີ່ມ ແລ້ວປາກົດວ່າ ເຫັນຮອຍສັກຢູ່ແຂນ ຈຶ່ງຄິດວ່າແມ່ນ ທ້າວ ລ້ານ ລູກ ຂອງຕົນເອງ ສະນັ້ນ, ຈຶ່ງໄດ້ນຳເອົາສົບກັບໄປປະກອບພິທີທາງສາສະໜາ.

ແຕ່ແລ້ວເຫດການບໍ່ຄາດຄິດກໍ່ເກີດຂຶ້ນ, ຄົນໃນງານພາກັນແຕກຕື່ນ ເມື່ອທ້າວ ລ້ານ ທີ່ທຸກຄົນຄິດວ່າ ລາວໄດ້ເສຍຊີວີດຈາກການຖືກລົດຕຳ ນັ້ນ ໄດ້ຂີ່ລົດຈັກເຂົ້າມາໃນງານສົບຂອງຕົນເອງ ເຊິ່ງຜູ້ເປັນພໍ່ ແລະ ຍາດຕິພີ່ນ້ອງຈຶ່ງໄດ້ເຂົ້າໄປຈັບບາຍ ແລະ ສອບຖາມ ປາກົດວ່າ ແມ່ນ ທ້າວ ລ້ານ ລູກຊາຍ ຂອງຕົນແທ້ໆ ບໍ່ແມ່ນຜີ.

ດັ່ງນັ້ນ, ຈຶ່ງໄດ້ແຈ້ງຫາທາງໂຮງໝໍໃຫ້ມາຮັບເອົາສົບ ແລ້ວປ່ຽນຈາກການເຮັດງານສົບ ມາເຮັດງານບຸນຕໍ່ອາຍຸ ໃຫ້ທ້າວ ລ້ານ ແທນ.

ສຳນັກຂ່າວ VN Express ລາຍງານ ເມື່ອວັນທີ ວັນທີ 29 ພຶດສະພາ ທີ່ຜ່ານມາ, ຕຳຫຼວດນະຄອນຮ່າໂນຍ ປະເທດຫຼວງຽດນາມ ບຸກຄົ້ນຫ້ອງພັກ ໃນອາພັດເມັ້ນແຫ່ງໜຶ່ງ ໃນເຂດ ຮ່າດົງ (Ha Dong) ເມື່ອເຂົ້າໄປໃນຫ້ອງ ຕຳຫຼວດຕ່າງພາກັນຕົກໃຈກັບສິ່ງທີ່ເຫັນ ເພາະພົບໂຕອ່ອນຂອງຄົນ ຈຳນວນກ່ວາ 1,000 ສົບ ຖືກຫໍ່ຜ້າຂາວໃສ່ໃນຖົງຢາງພາສຕິກ ແລ້ວແຊ່ແຂງໄວ້.

ຕຳຫຼວດເປີດເຜີຍວ່າ: ກ່ອນໜ້ານີ້ໄດ້ມີຂໍ້ມູນຈາກ ປະຊາຊົນເຂດນັ້ນ ວ່າ ມີຜູ້ຊາຍຄົນໜຶ່ງມັກຈະຢ່າງຈັບຖົງຢາງດຳເຂົ້າໄປໃນຫ້ອງພັກ ຕໍາຫຼວດເລີຍໄດ້ຕິດຕາມ ແລະ ຕັດສິນໃຈບຸກເຂົ້າໄປຄົ້ນ ເຊິ່ງພາຍໃນຫ້ອງພົບຕູ້ແຊ່ແຂງ 2 ຕູ້ ມີໂຕອ່ອນທີ່ຫໍ່ຢູ່ ເຕັມທັງ 2 ຕູ້.

ຕຳຫຼວດໄດ້ ຈັບກຸມ 4 ຄົນ, ຈາກການສອບສວນພົບວ່າ ພວກເຂົາແມ່ນໄປເກັບໂຕອອນ ມາຈາກຄຣິນິກເຮັດແທ້ງຫຼາຍແຫ່ງ ລວມໄປເຖິງໃນຖັງຂີ້ເຫຍື້ອ ໃນຫຼາຍໆເຂດຂອງນະຄອນ ຮ່າໂນຍ ເຊິ່ງຈຸດປະສົງເພື່ອຮວບລວມໄປປະກອບພິທີທາງສາສາໜາ ແຕ່ສະຖານທີ່ແມ່ນຢູ່ໃກ ດັ່ງນັ້ນ ຈຶ່ງໄດ້ແຊ່ມ້ຽນກ່ອນ. ເຊິ່ງຕຳຫຼວດຍັງບໍ່ເຊື່ອ 100 % ແລະ ກຳລັງດຳເນີນການສືບສວນຄະດີຕໍ່ໄປ.