ຂ່າວລົດໄຟລາວ-ຈີນ

ລົດໄຟລາວ-ຈີນ ເພີ່ມຖ້ຽວລົດໄຟສຳລັບເທດສະການປີໃໝ່ລາວ

ອີງຕາມທາງລົດໄຟລາວ-ຈີນ ອອກແຈ້ງການ: ເພີ່ມຖ້ຽວລົດໄຟສຳລັບເທດສະການປີໃໝ່ລາວ. ເພື່ອເປັນການໃຫ້ຜູ້ໂດຍສານມີລົດໄຟໃຊ້ພຽງພໍໃນຊ່ວງເທດສະການປີໃໝ່ລາວທີ່ຈະມາເຖິງນີ້, ບໍລິສັດທາງລົດໄຟລາວ-ຈີນ ຈິ່ງໄດ້ເພີ່ມຖ້ຽວລົດໄຟອີກຂະບວນໜຶ່ງ ເຊິ່ງກໍຄືລົດໄຟ EMU ຂະບວນທີ 3​ ທີ່ກຳລັງເດີນທາງມານະຄອນຫຼວງວຽງຈັນ, ເພື່ອຕອບສະໜອງຄວາມຕ້ອງການໃນການເດີນທາງຂອງຜູ້ໂດຍສານ, ລາຍລະອຽດມີຄືດັ່ງນີ້: ເພີ່ມຂະບວນລົດໄຟໄປ-ກັບ ຖ້ຽວ C86/5 1 ຄູ່ ລະຫວ່າງສະຖານີນະຄອນຫຼວງວຽງຈັນ ແລະ ສະຖານີເມືອງໄຊ ໃນລະຫວ່າງວັນທີ 12 ຫາວັນທີ 17 ເມສາ. ລົດໄຟຖ້ຽວ C86/5ດຳເນີນການຂົນສົ່ງຜູ້ໂດຍສານຢູ່ 5 ສະຖານີຄື: ສະຖານີນະຄອນຫຼວງວຽງຈັນສະຖານີໂພນໂຮງສະຖານີວັງວຽງສະຖານີຫຼວງພະບາງສະຖານີເມືອງໄຊ. ຂໍ້ມູນ ແລະ ຮູບພາບຈາກ: Laos - China Railway Company Limited

ຈຸດຂາຍປີ້ບໍລິສັດລົດໄຟລາວ-ຈີນ ຫຼວງພະບາງ ຈະເປີດໃຫ້ບໍລິການແລ້ວ!

ຈຸດຂາຍປີ້ບໍລິສັດລົດໄຟລາວ-ຈີນ ຫຼວງພະບາງ ຈະເປີດໃຫ້ບໍລິການໃນມື້ອື່ນນີ້! ເພື່ອປັບປຸງຮູບແບບການບໍລິການຂາຍປີ້ຂອງທາງລົດໄຟລາວ-ຈີນ ທີ່ມີຢູ່ແລ້ວໃຫ້ດີຂຶ້ນກວ່າເກົ່າ ແລະ ເພື່ອອຳນວຍຄວາມສະດວກໃຫ້ແກ່ການຊື້ປີ້ຂອງປະຊາຊົນໃນເມືອງລຽບຕາມເສັ້ນທາງລົດໄຟ, ບວກກັບກະແສຕອບຮັບທີ່ດີຂອງຈຸດຂາຍປີ້ໃນນະຄອນຫຼວງວຽງຈັນ, ບໍລິສັດທາງລົດໄຟລາວ-ຈີນ ຈິ່ງໄດ້ເປີດຈຸດຂາຍປີ້ແຫ່ງທີ 2 ທີ່ຫຼວງພະບາງ, ເຊິ່ງປັດຈຸບັນກໍໄດ້ສຳເລັດການກໍ່ສ້າງ ແລະ ຈະເປີດໃຫ້ບໍລິການໃນມື້ອື່ນ ວັນທີ 17 ມີນານີ້. ຈຸດຂາຍປີ້ຕັ້ງຢູ່ຖະໜົນໂພທິສາລາດ ໃຈກາງຕົວເມືອງຫຼວງພະບາງ, ກົງກັນຂ້າມກັບຕຶກສຳນັກງານລັດຖະບານແຂວງ ແລະ ພະແນກຕ່າງປະເທດ, ຫ່າງຈາກຕະຫຼາດກາງຄືນ 650 ແມັດ ແລະ ຫ່າງຈາກເດີ່ນຈະຕຸລັດ 200 ແມັດ. ຈຸດຂາຍປີ້ລົດໄຟກຳນົດຂາຍປີ້ຈາກສະຖານີຫຼວງພະບາງ-ສະຖານີເມືອງໄຊ, ສະຖານີບໍ່ເຕ່ນ (ຖ້ຽວລົດໄຟ C82) ແລະ ຫຼວງພະບາງ-ນະຄອນຫຼວງວຽງຈັນ, ວັງວຽງ (ຖ້ຽວລົດໄຟ C81/C83). ສຳລັບລາຍລະອຽດ: -ໄລຍະເວລາກ່ອນການຂາຍປີ້ແມ່ນ 3 ມື້ ແລະ ຈະຂາຍປີ້ສໍາລັບມື້ທີສາມທີ່ຈະອອກເດີນທາງເທົ່ານັ້ນ. ປີ້ທີ່ຂາຍແມ່ນຄິດຄ່າບໍລິການນອກສະຖານທີ່ໃນລາຄາ 20.000 ກີບ/ປີ້. ເລີ່ມຂາຍປີ້ໃນເວລາ 10:00 ໂມງເຊົ້າ ຫາ 12:00 ໂມງ, 12:30 ໂມງ ຫາ 15:30 ໂມງທຸກໆ ມື້ ແລະ ຈະຢຸດຂາຍເມື່ອປີ້ຫມົດ. -ແຕ່ລະຄົນຈໍາກັດພຽງແຕ່ 2 ປີ້,...

ລົດໄຟລາວ-ຈີນ ທີ່ເປັນລົດໄຟEMUຈະເປີດແລ່ນສອງຂະບວນຕໍ່ໃສ່ກັນ

ບໍລິສັດເສັ້ນທາງລົດໄຟ ລາວ-ຈີນຈຳກັດໄດ້ແຈ້ງໃຫ້ຊາບວ່າ: ຫວ່າງບໍ່ດົນມານີ້, ບໍລິສັດ ເສັ້ນທາງລົດໄຟລາວ-ຈີນ ຈຳກັດໄດ້ສຳເລັດການທົດລອງແລ່ນລົດໄຟ EMUຂະບວນລ້ານຊ້າງສອງຂະບວນຕໍ່ໃສ່ກັນ, ແລະ ມີແຜນຈະເປີດໃຫ້ບໍລິການໃນໄວໆນີ້, ເພື່ອເພີ່ມຄວາມຕ້ອງການດ້ານການບໍລິການໃຫ້ແກ່ຜູ້ໂດຍສານທີ່ນໍາໃຊ້ເສັ້ນທາງລົດໄຟ ລາວ-ຈີນ. ລົດໄຟ EMU ສອງຂະບວນຕໍ່ໃສ່ກັນແມ່ນຮູບແບບໜຶ່ງທີ່ມັກນຳໃຊ້ໃນການບໍລິການ ຄື: ເອົາຂະບວນລົດໄຟສອງຂະບວນມາເກາະໃສ່ກັນ, ເຊິ່ງມີຈຸດດີຢູ່ບ່ອນວ່າ ໃນກໍລະນີທີ່ບໍ່ປ່ຽນເວລາການແລ່ນລົດ, ກໍ່ສາມາດຂົນສົ່ງຜູ້ໂດຍສານໄດ້ເພີ່ມຂຶ້ນໜຶ່ງເທົ່າຕົວ. ນັບແຕ່ມື້ເປີດການນຳໃຊ້ເສັ້ນທາງລົດໄຟລາວ-ຈີນເປັນຕົ້ນມາ, ບໍລິສັດທາງລົດໄຟ ລາວ-ຈີນໄດ້ນໍາໃຊ້ຫຼາຍມາດຕະການເພື່ອຍົກສູງຄຸນນະພາບການບໍລິການຜູ້ໂດຍສານໃຫ້ສູງຂຶ້ນເຊັ່ນ: ເພິ່ມຖ້ຽວຂະບວນລົດໄຟ, ເພີ່ມເວລາຂາຍປີ້ລ່ວງໜ້າ, ເພິ່ມບໍລິການການຂາຍປີ້ຢູ່ຕ່າງຖິ່ນ, ປັບປຸງຈຳນວນການຂາຍປີ້, ຕັ້ງຈຸດຂາຍປີ້ຢູ່ໃນຕົວເມືອງ ແລະ ອື່ນໆ. ເລີ່ມແຕ່ເປີດການບໍລິການເປັນຕົ້ນມາ, ການຂົນສົ່ງຜູ້ໂດຍສານແລະສິນຄ້າຕາມເສັ້ນທາງລົດໄຟລາວ-ຈີນໄດ້ມີສະພາບການຝົດຟື້ນຂື້ນ, ລັດຖະບານແລະປະຊາຊົນກໍໄດ້ຮອງຮັບຢ່າງກວ້າງຂວາງ. ນັບມາຮອດວັນທີ 7 ມີນານີ້, ເສັ້ນທາງລົດໄຟລາວ-ຈີນໄດ້ບໍລິການແລ່ນລົດລວມໄດ້ທັງໝົດ 172 ຂະບວນໄປ-ກັບ, ໃນນັ້ນ,ຂົນສົ່ງຜູ້ໂດຍສານບັນລຸໄດ້ 175.977 ເທື່ອຄົນ,ສະເລ່ຍແລ້ວສາມາດຂົນສົ່ງຜູ້ໂດຍສານສູງສຸດບັນລຸເຖິງ 3.160 ຄົນຕໍ່ມື້ ແລະ ອັດຕາຜູ້ໂດຍສານທີ່ນໍາໃຊ້ລົດໄຟສະເລ່ຍແມ່ນ 71,05%. ແຫຼ່ງຂ່າວ: CRI

3 ເດືອນມານີ້ເສັ້ນທາງລົດໄຟຈີນ-ລາວ ຂົນສົ່ງຜູ້ໂດຍສານໄດ້1 ,7ລ້ານກວ່າເທື່ອຄົນ

3 ເດືອນມານີ້ເສັ້ນທາງລົດໄຟຈີນ-ລາວ ໄດ້ຂົນສົ່ງຜູ້ໂດຍສານໄດ້1 ,7ລ້ານກວ່າເທື່ອຄົນ ແລະ ຂົນສົ່ງສິນຄ້າ 1,1ລ້ານໂຕນ. ວັນທີ 3 ມີນານີ້, ເສັ້ນທາງລົດໄຟລາວ-ຈີນ ໄດ້ເປີດນຳໃຊ້ພໍດີຄົບ 3 ເດືອນ, ຕະຫຼອດໄລຍະດັ່ງກ່າວ ໄດ້ມີລົດໄຟຂົນສົ່ງສິນຄ້າທັງໝົດ 1500 ຂະບວນ, ໂດຍໄດ້ຂົນສົ່ງສິນຄ້າໄດ້ 1,1 ລ້ານໂຕນ, ໃນນັ້ນ, ຂະບວນລົດໄຟຂົນສົ່ງສິນຄ້າສາກົນລະຫວ່າງຈີນ-ລາວມີ 350 ກວ່າຂະບວນ, ໂດຍຂົນສົ່ງສິນຄ້າໄດ້ທັງໝົດຫຼາຍກວ່າ 250.000ໂຕນ, ຕົ້ນທຶນທີ່ຂົນສົ່ງສິນຄ້າຈາກນະຄອນຫຼວງວຽງຈັນຫານະຄອນຄຸນໝິງຈີນໄດ້ຫຼຸດລົງ 40% - 50%. ໃນຂະນະດຽວກັນ, ຕົ້ນທຶນທີ່ຂົນສົ່ງສິນຄ້າພາຍໃນປະເທດລາວກໍ່ໄດ້ຫຼຸດລົງ 20% - 40%.ນອກນີ້, ຢູ່ຕາມເສັ້ນທາງລົດໄຟຈີນ-ລາວຍັງໄດ້ຂົນສົ່ງຜູ້ໂດຍສານລວມທັງໝົດ 1,7 ລ້ານກວ່າເທື່ອຄົນ, ໃນນັ້ນ, ການຂົນສົ່ງຜູ້ໂດຍສານຢູ່ພາຍໃນປະເທດຈີນມີເຖິງ 1,55 ລ້ານເທື່ອຄົນ; ຢູ່ຕອນທາງປະເທດລາວໄດ້ຂົນສົ່ງຜູ້ໂດຍສານເພີ່ມຂຶ້ນຢ່າງໝັ້ນທ່ຽງ, ລວມທັງໝົດໄດ້ຂົນສົ່ງຜູ້ໂດຍສານໄດ້ຫຼາຍກວ່າ 150.000 ເທື່ອຄົນ, ໃນມື້ທີ່ມີຜູ້ໂດຍສານຫຼາຍທີ່ສຸດ ໄດ້ຂົນສົ່ງຜູ້ໂດຍສານໄດ້ 2800 ກວ່າ ຄົນ. ແຫຼ່ງຂ່າວ: CRI

ເປີດຈຸດຂາຍປີ້ລົດໄຟລາວ-ຈີນ

25 ກຸມພາ 2022, ບໍລິສັດທາງລົດໄຟລາວ-ຈີນ ໄດ້ເລີ່ມເປີດປ່ອງບໍລິການຂາຍປີ້ຈຸດທໍາອິດຢ່າງເປັນທາງການທີ່ນະຄອນຫຼວງວຽງຈັນ. ປ່ອງຂາຍປີ້ໃໝ່ນີ້ຕັ້ງສູນການຄ້າວຽງຈັນເຊັນເຕີຊັ້ນໜຶ່ງ ເຂດຖະໜົນຄູວຽງ. ຈຸດຂາຍປີ້ລົດໄຟດັ່ງກ່າວ ໄດ້ບໍລິການຂາຍປີ້ໂດຍສານໄປວຽງຈັນ-ບໍ່ເຕັນ ແລະວຽງຈັນ-ຫຼວງພະບາງ, ສາມາດຊື້ປີ້ລ່ວງໜ້າໄດ້ 3 ວັນລວມທັງມື້ເດີນທາງ. ຜູ້ໂດຍສານ 1 ຄົນ ສາມາດຊື້ໄດ້ 2 ປີ້. ເພື່ອຍົກສູງປະສິດທິພາບ ແລະການຊໍາລະທີ່ສະດວກໃຫ້ຜູ້ໂດຍສານ ບໍລິສັດທາງລົດໄຟໄດ້ກໍານົດການຈ່າຍເງິນຜ່ານທາງບັດທະນາຄານເຊັ່ນ: one Play, Unian play, ແລະອື່ນໆ ແຕ່ບໍ່ຮັບເງິນສົດ, ນອກນີ້, ຜູ້ໂດຍສານຊຶ້ປີ້ທາງລົດໄຟຖ້ຽວໜຶ່ງຈະເສຍຄ່າທໍານຽມປີ້ລະ 20.000ກີບ. ເວລາຂາຍປີ້ແມ່ນຕອນເຊົ້າ 10.00-12.00 ໂມງ, ຕອນບ່າຍ 12.30-15.30 ໂມງ,ຜູ້ໂດຍສານຕ້ອງຖືບັດປະຈໍາຕົວ, ບັດຢັ້ງຢືນການສັກວັກຊີນຄົບໂດສ. ຈຸດຂາຍປີ້ຍັງມີບ່ອນແຈ້ງຂໍ້ມູນກ່ຽວກັບຖ້ຽວລົດໄຟ, ລາຄາປີ້. ບໍ່ມີການຂາຍປີ້ຕ່າງແຂວງ ແລະປີ້ເດັກນ້ອຍ ແລະບໍ່ຮັບສົ່ງປີ້ຄືນ (ຖ້າຢາກສົ່ງຄືນໃຫ້ໄປສະຖານີນະຄອນຫຼວງ). ທ່ານ ຢວນໝິ່ງຫາວ ອໍານວຍການໃຫຍ່ທາງລົດໄຟລາວ-ຈີນກ່າວວ່າ: ເພື່ອອໍານວຍຄວາມສະດວກໃຫ້ແກ່ການເດີນທາງໃຫ້ກັບປະຊາຊົນ, ໃນອະນະນາຄົດຍັງຈະມີແຜນການປັບປຸງລະບົບບໍລິການຂາຍປີ້ຜູ້ສານ ເພື່ອໃຫ້ມວນຊົນສາມາດຊື້ປີ້ໄດ້ແບບອອນລາຍ ແລະມີປ່ອງຂາຍປີ້ຕ່າງໆຫຼາຍຂຶ້ນ. ແຫຼ່ງຂ່າວ: CRI
All countries
529,937,072
Total confirmed cases
Updated on May 26, 2022 16:58
Italy
17,333,299
Total confirmed cases
Updated on May 26, 2022 16:58
Spain
12,280,345
Total confirmed cases
Updated on May 26, 2022 16:58
Iran
7,231,099
Total confirmed cases
Updated on May 26, 2022 16:58
Germany
26,239,348
Total confirmed cases
Updated on May 26, 2022 16:58

Frequently Asked Questions

spot_img