ແຂວງສະຫວັນນະເຂດແຈ້ງການເຖິງ  ເຈົ້ານະຄອນໄກສອນພົມວິຫານ ແລະ ບັນດາທ່ານເຈົ້າເມືອງ 14 ເມືອງ, ບັນດາທ່ານຫົວຫນ້າພະແນກການ, ກົມກອງຕ່າງໆ ໃນທົ່ວແຂວງ, ບັນດາທ່ານຜູ້ອໍານວຍການ ໂຮງຈັກ, ໂຮງງານ ແລະ ຫົວຫນ່ວຍທຸລະກິດຕ່າງໆ. ເລື່ອງ: ການຈັດຕັ້ງປະຕິບັດວັນສັກວັກຊິນກັນພະຍາດແຫ່ງຊາດ( ວສຊ ) ເພື່ອກັນພະຍາດໂຄວິດ-19 ໃນຂອບເຂດທົ່ວແຂວງສະຫວັນນະເຂດ.

ປະທານຄະນະສະເພາະກິດເພື່ອປ້ອງກັນ, ຄວບຄຸມ ແລະ ສະກັດກັ້ນການລະບາດພະຍາດໂຄວິດ-19 ແຂວງ ສະຫວັນນະເຂດ ຂໍຖືເປັນກຽດແຈ້ງການມາຍັງບັນດາທ່ານກ່ຽວກັບການຈັດຕັ້ງປະຕິບັດວັນສັກວັກຊິນແຫ່ງຊາດ (ວສຊ) ເພື່ອກັນພະຍາດໂຄວິດ-19 ໃນຂອບເຂດທົ່ວແຂວງສະຫວັນນະເຂດ ເພື່ອເປັນການຍົກລະດັບອັດຕາພູມ ຄຸ້ມກັນປະຊາຊົນບັນດາເຜົ່າໃຫ້ສູງຂື້ນ ແລະ ຮັບມືກັບການແຜ່ລະບາດເຊື້ອພະຍາດໂຄວິດ-19 ສາຍພັນໂອມີຄອນ ມາຍັງບັນດາທ່ານດັ່ງນີ້:

1. ມອບໃຫ້ທ່ານເຈົ້ານະຄອນ ແລະ ບັນດາທ່ານເຈົ້າເມືອງຊີ້ນໍາການຈັດຕັ້ງປະຕິບັດວັນສັກຢາກັນພະຍາດ (ວສຊ) ເພື່ອກັນພະຍາດໂຄວິດ-19 ໃນຂອບເຂດນະຄອນ ແລະເມືອງຂອງຕົນເລີ່ມແຕ່ວັນທີ 23 ກຸມພາ ຫາ 07 ມີນາ.

2. ໃຫ້ເປີດກອງປະຊຸມຊີ້ແຈງແກ່ອໍານາດການປົກຄອງບ້ານ, ພະແນກການ, ຫ້ອງການທຸກພາກສ່ວນອອ້ມຂ້າງນະຄອນ ແລະ ເມືອງ ພ້ອມທັງປະກາດຂະບວນການຈັດຕັ້ງປະຕິບັດ ວສຊ ຢ່າງເປັນທາງການ ໃນວັນທີ 23 ກຸມພາ 2022 ແລ້ວ ໃຫ້ເລີ່ມບໍລິການສັກວັກຊີນແບບຄົງທີ່ ແລະ ເຄື່ອນທີ່ໄປແຕ່ລະບ້ານ ແລະ ຕາມຈຸດບໍລິການຕ່າງໆທີ່ໄດ້ກໍານົດໄວ້ນັບແຕ່ວັນທີ 24 ກຸມພາ ຫາ 07 ມີນາ 2022 ໂດຍບໍ່ມີວັນພັກ.

3. ສໍາລັບກຸ່ມເປົ້າຫມາຍທີ່ຈະເຂົ້າຮັບວັກຊິນກັນພະຍາດໂຄວິດ-19 ໃນຂະບວນການ ວສຊ ຄັ້ງນີ້ແມ່ນເລີ່ມແຕ່ອາຍຸ 6 ປີຂື້ນໄປ ລວມທັງຜູ້ທີ່ຍັງບໍ່ໄດ້ຮັບວັກຊິນກັນພະຍາດໂຄວິດ-19 ເຂັມທີ I, ເຂັມທີ 2 ແລະ ເຂັ້ມກະຕຸ້ນໃນຄະນະສະເພາະກິດເພື່ອປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ແຂວງສະຫວັນນະເຂດ.

ໄລຍະຜ່ານມາ, ສູ້ຊົນປະຕິບັດໃຫ້ບັນລຸໄດ້ 80% ຂຶ້ນໄປ. ພາຍຫຼັງສໍາເລັດ ວສຊ ຄັ້ງນີ້ແລ້ວແມ່ນໃຫ້ສຶບຕໍ່ຄົ້ນ

4. ມອບໃຫ້ພະແນກສຶກສາທິການ ແລະ ກິລາແຂວງ ສົມທົບກັບພາກສ່ວນກ່ຽວຂ້ອງເກັບກໍາ ແລະ ສັງລວມຂໍ້ມູນກຸ່ມເປົ້າຫມາຍນັກຮຽນອາຍຸ 6-11 ປີ ແລະ 12 ປີຂຶ້ນໄປລວມທັງຜູ້ທີ່ໄດ້ຮັບ ແລະ ຍັງບໍ່ທັນໄດ້ຮັບວັກຊິນຕາມ ຄໍາແນະນໍາໃນໄລຍະຜ່ານມາຢູ່ຕາມສະຖານການສຶກສາທຸກຂັ້ນທົ່ວແຂວງທັງພາກລັດ ແລະ ເອກະຊົນໃຫ້ສໍາເລັດກ່ອນວັນປະຕິບັດ ວສຊ ເພື່ອໃຫ້ຮູ້ຈໍານວນທີ່ຊັດເຈນທີ່ຈະຮັບສັກວັກຊິນໃນຂະບວນການ ວສຊ ຄັ້ງນີ້.

ອ່ານຕໍ່ໃນໃບແຈ້ງການ

.

ທ່ານ ນາງ ໃບຄຳ ຂັດທິຍະ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ພ້ອມຄະນະ. ໄດ້ໃຫ້ກຽດໂອ້ລົມ ຄະນະພະແນກ , ພອ້ມດວ້ຍ ພະນັກງານລັດຖະກອນ, ທົ່ວພະແນກຮສສ ນະຄອນຫຼວງວຽງຈັນ ໃນວັນທີ 17 ກຸມພາ 2022ນີ້, ທີ່ພະແນກ ຮສສ ດັ່ງກ່າວ.

ຜ່ານການຮັບຟັງການລາຍງານຫຍໍ້ ກ່ຽວກັບສະພາບການຈັດຕັ້ງວຽກງານຂະແໜງ ຮສສ ໄລຍະໜຶ່ງປີຜ່ານມາ ແລະ ທິດທາງແຜນການປີໃນຕໍ່ໜ້າ ເຊິງ ທ່ານ ຍັງໄດ້ສະແດງຄວາມຍ້ອງຍໍຊົມເຊີຍ ທີ່ ທາງພະແນກ ແຮງງານ ແລະ ສະຫວັດດີການສັງຄົມ ນະຄອນຫຼວງ ທີ່ໄດ້ຈັດຕັ້ງປະຕິບັດວຽກງານຕາມພາລະບົດບາດ ໄດ້ມີຜົນສຳເລັດເປັນຢ່າງດີໄລຍະຜ່ານມາ, ພ້ອມນີ້, ຄຽງຄູ່ດ້ານດີແລ້ວ ຍັງມີບາງບັນຫາ ແລະ ສິ່ງທ້າທາຍຫລາຍດ້ານທີ່ຈະຕ້ອງໄດ້ພ້ອມກັນແກ້ໄຂ ດັ່ງນີ້:

• ວຽກຈັດຕັ້ງພະນັກງານ ເພີ່ມທະວີຄວາມສາມັກຄີເປັນ ເອກະພາບໃນທົ່ວຂະແໜງແຮງງານ ແລະ ສະຫວັດດີການສັງຄົມ ເພື່ກໍ່ສ້າງ, ປັບປຸງຊັບຊອນກົງຈັກການຈັດຕັ້ພັກ ແລະ ກົງຈັກການຈັດຕັ້ງລັດ ໃຫ້ມີຄວາມກະທັດຮັດເຄື່ອນໄຫວມີປະສິດທິພາບປະສິດທິຜົນສູງ, ຕາມທິດພັດທະນາໃຫ້ດີຂື້ນ; ຫຼີກລ້ຽງຮັບເອົາພະນັກງານເຫຼືອບໍ່ພໍ, ເຮັດວຽກຕາມມີຕາມເກີດ ພໍແລ້ວມື້ແລ້ວວັນ, ປັບປຸງແກ້ໄຂຂອດຂັ້ນທີ່ອຸດຕັນ ສ້າງຄວາມເຂົ້າໃຈ ສຶກສາອົບຮົມການເມືອງ-ນຳພາແນວຄິດໃຫ້ຖັນແຖວພະນັກງານ-ສະມາຊິກພັກ ເພື່ອກຳແໜ້ນແນວທາງນະໂນບາຍ, ການສັບຊ້ອນພະນັກງານ-ລັດຖະກອນ ໃຫ້ປະຕິບັດຕາມທິດ “ມີຂຶ້ນ-ມີລົງ, ມີເຂົ້າ-ມີອອກ ແລະ ມີການເຄື່ອນຍ້າຍບ່ອນປະຈໍາການ ຕາມເງື່ອນໄຂຕົວຈິງ”. ຜູ້ທີ່ມີຄວາມຮູ້ ແຕ່ຂາດປະສົບການ ແມ່ນໃຫ້ສັບຊ້ອນລົງຮາກຖານ ເພື່ອເກັບກ່ຽວເອົາປະສົບການ ໃນວຽກງານຕົວຈິງ; ສຳລັບ ຜູ້ທີ່ມີປະສົບການ ແຕ່ຄວາມຮູ້ຍັງຈໍາກັດ ແມ່ນໃຫ້ສັບຊ້ອນໄປຍົກລະດັບໃຫ້ສູງຂຶ້ນຕື່ມ ເພື່ອໃຫ້ມີຄວາມໜັກແໜ້ນເຂັ້ມແຂງ ແລະ ມີຜົນສຳເລັດ. ເອົາໃຈໃສ່ນໍາພາພະນັກງານ-ສະມາຊິກພັກ ຈັດຕັ້ງ, ຄົ້ນຄວ້າ, ເຊື່ອມຊຶມ ກົດໝາຍ, ນິຕິກໍາ ທີ່ກ່ຽວຂ້ອງກັບວຽກງານຂອງຂະແໜງແຮງງານ ແລະ ສະຫວັດດີການສັງຄົມ ໃຫ້ເລິກເຊິ່ງ ເປັນຕົ້ນ ກົດໝາຍວ່າດ້ວຍພະນັກງານ-ລັດຖະກອນ, ກົດໝາຍວ່າດ້ວຍແຮງງານ, ກົດໝາຍວ່າດ້ວຍປະກັນສັງຄົມ, ກົດໝາຍອື່ນໆ ແລະ ນິຕິກໍາໃຕ້ກົດໝາຍ ທີ່ກ່ຽວຂ້ອງກັບວຽກງານແຮງງານ ແລະ ສະຫວັດດີການສັງຄົມ.
• ວຽກງານສ້າງ ແລະ ພັດທະນາສີມືແຮງງານ ສູ້ຊົນໃນການປະສານສົມທົບ ກັບພາກຫົວໜວ່ຍທຸລະກິດ ໃນການສ້າງທົດສອບສືມືແຮງງານເພື່ອຕອບສະໜອງຄວາມຕ້ອງການຂອງຕະຫຼາດແຮງງານ ໃນຕຳແໜ່ງງານວ່າງ ການພັດທະນາສີມືແຮງງານ ແລະ ຈັດຫາງານ, ດ້ວຍຄວາມພະຍາຍາມໃນການບັນລຸ ຕົວເລກຄາດໝາຍ ໂດຍສະເພາະໃນສະພາບການ ພະຍາດແຜ່ລະບາດ ໂຄວິດ-19 ນີ້, ເຊິ່ງສາມາດສຸມໃສ່ໂຄສະນາປະຊາສຳພັນຢ່າງແຂງແຮງໃຫ້ກັບແຮງງານກັບເກັບກຳ ຂໍ້ມູນແຮງງານທີ່ກັບມາຈາກຕ່າງປະເທດ, ການເກັບກຳສະຖິຕິຄວາມຕ້ອງການກຳລັງແຮງງານ, ຜູ້ວ່າງງານ ແລະ ຄວາມຕ້ອງການຝຶກສືມີແຮງງານ ໄດ້ເປັນຢ່າງດີ.
• ວຽກຄຸ້ມຄອງແຮງງານ ກໍເຊັ່ນດຽວກັນ ສາມາດເກັບກຳໄດ້ຫົວໜ່ວຍແຮງງານ ທີ່ຖືກຜົນກະທົບ ຫຼື ຖືກຍຸດເຊົາກິດຈະການຊົ່ວຄາວ ເພື່ອສັງລວມຂໍ້ມູນໃຫ້ແກ່ທາງກະຊວງ ພ້ອມນີ້ ໄດ້ປະກອບສ່ວນຢ່າງຕັ້ງໜ້າຢ່າງມີຈັນຍາບັນ ຈັນຍາທຳ.
• ວຽກງານສະຫວັດດີການສັງຄົມ ສູ້ຊົນປະຕິບັດຕົວເລກອັດຕາປົກຫຸ້ມ ໃນລະບົບປະກັນສັງຄົມເພີ້ມຂື້ນ, ເພີມທະວີການໂຄສະນາປະຊາສຳພັນ, ອຳນວຍຄວາມສະດວກໃຫ້ສັງຄົມ ຫັນການບໍລິການແບບທັນສະໄໝ ໃນການປະຕິບັດຈ່າຍເງິນອຸດໜູນຕ່າງໆ ແລະ ຈັດຕັ້ງການມອບຮັບ ເງິນນະໂຍບາຍຕໍ່ຜູ້ມີຜົນງານ ໄດ້ຕາມແຜນການ.
• ວຽກງານຊ່ວຍເຫຼືອໄພພິບັດ, ວຽກງານກາແດງ ຊວ່ຍເຫຼືອສັງຄົມໃຫ້ທັນກັບເຫດການສະພາບການ.

ຂໍ້ມູນຈາກ: ຂ່າວສານ ຮສສ

ຊາວໜຸ່ມ ແຕ່ລະໜ່ວຍພະແນກການອ້ອມຂ້າງ ແຂວງອຸດົມໄຊ ຈຳນວນ 99 ສະຫາຍ.

ນຳໂດຍ ສະຫາຍ ສົມດີ ເຕັ່ງເບຣຍຈື່ ເລຂາຊາວຫນຸ່ມ ແຂວງໄດ້ນຳພາ ສະມາຊິກ ຊາວໜຸ່ມ ແຂວງ ອຸດົມໄຊ

ຂື້ນທ່ຽວ ພູຫຍ້າຄາຫລັກ32 ເພື່ອສົ່ງເສີມການທ່ອງທ່ຽວ ແບບ ປະຈົນໄພ, ຍ່າງປ່າ

ເພື່ອໃຫ້ຊາວຫນຸ່ມ ໄວຫນຸ່ມຫັນມາທ່ຽວຊົມທຳມະຊາດ, ຮູ້ຈັກຮັກສາສີ່ງແວດລ້ອມ ໃຫ້ຫ່າງໄກຈາກຢາເສບຕິດ

ທັງເປັນການ ຜຸກແຫນ້ນຄວາມສາມັກຄີ ໃຫ້ແກ່ສະມາຊິກຊາວຫນຸ່ມບັນດາຫນ່ອຍອ້ອມຂ້າງ ອີກດ້ວຍ.

ຂໍ້ມູນ ແລະ ພາບ: Oudomxay Tourism