ຕາມການລາຍງານ ຂອງຄະນະສະເພາະກິດປະຈຳວັນທີ 27 ກັນຍາ 2021: ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ກ່າວໃນລາຍງານວ່າ: ເພື່ອຊອກຄົ້ນຫາພະຍາດໃຫ້ໄດ້ໄວທີ່ສຸດ, ກະຊວງສາທາລະນະສຸກ ຈຶ່ງໄດ້ອະນຸມັດ ໃຫ້ນໍາໃຊ້ ຊຸດກວດແບບໄວ,  ໂດຍໄດ້ນຳໃຊ້ຕາມທີ່ອົງການອະນາໄມໂລກຮອງຮັບໃນເຫດການພາວະສຸກເສີນເທົ່ານັ້ນ ແລະ ໃຊ້ສະເພາະໃນສະຖານທີ່ບໍລິການສາທາລະນະສຸກ ທີ່ແພດໄດ້ຮັບການຝຶກອົບຮົມ.

ປັດຈຸບັນ ມີຫຼາຍພາກສ່ວນ ໄດ້ສວຍໂອກາດ ອອກມາໂຄສະນາຂາຍ ໂດຍສະເພາະໃນສື່ສັງຄົມອອນລາຍຕ່າງໆ, ເຊິ່ງການນຳໃຊ້ນັ້ນ ຕ້ອງໄດ້ຄຳນຶງເຖິງຄຸນນະພາບ ແລະ ປະສິດຕິພາບ ອີກດ້ວຍ ເພາະອາດຈະໃຫ້ຜົນລົບປອມໄດ້.

ພ້ອມດຽວກັນນັ້ນ ການນຳໃຊ້ຊຸດເຄື່ອງກວດ ທີ່ບໍ່ໄດ້ຮັບການອະນຸມັດຈາກກະຊວງສາທາລະນະສຸກ ຖືວ່າ ເປັນການກະທໍາທີ່ຜິດຕໍ່ລະບຽບກົດໝາຍ ເພາະ ຊຸດກວດທີ່ນໍາມາຂາຍອາດເປັນຂອງປອມ, ບໍ່ໄດ້ມາດຕາຖານ ແລະ ທີ່ສໍາຄັນທີ່ສຸດ ການເກັບມ້ຽນສິ່ງເສດເຫຼືອ-ຂີ້ເຫຍື້ອ ຈາກການນໍາໃຊ້ຊຸດກວດແບບໄວ້ນີ້ ແມ່ນຕ້ອງໄດ້ປະຕິບັດຢ່າງເຄັ່ງຄັດ ຖ້າເຮັດບໍ່ຖືກຕ້ອງມັນຈະແຜ່ເຊື້ອໄປສູ່ຄົນອ້ອມຂ້າງຕື່ມອີກ;

ອີງຕາມການຖະແຫຼງຂ່າວ ຂອງຄະນະສະເພາະກິດ ໄດ້ກວດວິເຄາະທັງໝົດ 7,674 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 447 ຄົນ: ກໍລະນີນໍາເຂົ້າ ມີ 20 ຄົນ ຈາກ ແຂວງ ສະຫວັນນະເຂດ 10 ຄົນ, ສາລະວັນ 7 ຄົນຈໍາປາສັກ 1 ຄົນ, ຄໍາມ່ວນ 1 ຄົນ ແລະ ນະຄອນຫຼວງວຽງຈັນ 01 ຄົນ ແລະຕິດເຊື້ອໃນຊຸມຊົນ 427 ຄົນ.

ການຕິດເຊື້ອໃນຊຸມຊົນ ມີ 427 ຄົນ ລາຍລະອຽດ ດັ່ງຕໍ່ໄປນີ້:

1.) ນະຄອນຫຼວງ ລາຍລະອຽດມີດັ່ງນີ້:

1. ຈຸດສີ ເກີດ: ພົບເຊື້ອ 71 ຄົນ
2. ເມືອງ ໄຊທານີ:  ພົບເຊື້ອ 7 ຄົນ
3. ຈຸດບືງຂະຫຍອງ: ພົບເຊື້ອ 18 ຄົນ;
4.  ມສ ເຈົ້າອານຸວົງ: ພົບເຊື້ອ 14 ຄົນ;
5. ມສ ລາວຫວຽດ:  ພົບເຊື້ອ 11 ຄົນ;
6. ໂຮງໝໍເຊດຖາທິລາດ ແລະ ໂຮງໝໍ ເດັກ ໃຫ້ຜົນບວກ 09 ຄົນ: ເມືອງຫາດຊາຍຟອງ 03 ຄົນ (ບ້ານສະຫວ່າງ 02 ຄົນ, ສາລາຄຳ 01 ຊື່ງແມ່ນພະນັກງານບໍລິສັດ DKSH), ເມືອງ ສີໂຄດ 02 ຄົນ (ຍະພະ ແລະ ໄຊສະຖານ), ເມືອງ ໄຊເສດຖາ 02 ຄົນ (ບ້ານ ອາມອນ ແລະ ບ້ານ ຊຽງດາ), ບ້ານ ໂພນປາເປົ້າ, ເມືອງ ສີສັດຕະນາກ 01 ຄົນ ແລະ ບ້ານ ສາຍນໍ້າ ເງີນ ເມືອງ ໄຊທານີ 01 ຄົນ. ສ່ວນທີ່ເຫຼືອ ທີມງານລະບາກຳລັງສອບສວນ ແລະ ເກັບກຳຂໍ້ມູນ ຂໍໃຫ້ທ່ານຕິດຕາມທາງສື່ອອນລາຍ.

2.)ຄຳມ່ວນ 72 ຄົນ: ລວມມີພະນັກງານຕຳຫຼວດ 3 ຄົນ ແລະ ບໍລິສັດຄາຍຢວນ 62 ຄົນ.  

ລາຍງານຈາກ 5 ຕົວເມືອງ: ທ່າແຂກ 57, ຍົມມະລາດ 7, ເຊບັ້ງໄຟ 4, ມະຫາໄຊ 3 ແລະ ຫີນບູນ 1.

3.)ຈໍາປາສັກ 50 ຄົນ: ຊື່ງມາຈາກ: ນະຄອນປາກເຊ, ປະທຸມພອນ ແລະ ບາຈຽງ (03 ຄົນ ແມ່ນກໍາມະກອນ ສວນຢາງ ດັກລັກ)

4.)ຫຼວງພະບາງ 41 ຄົນ:

ເຊິ່ງໄດ້ສໍາຜັດໃກ້ຊິດກັບກໍລະນີຕິດເຊື້ອຢູ່ບ້ານໜອງຂຽວ, ເມືອງງອຍ ທີ່ໄດ້ລາຍງານ ໃນວັນທີ 22 ກັນຍາ 2021.

ບ້ານໜອງຂຽວ ມີ 31 ຄົນ

-ບ້ານໜອງອ່ຽນ ມີ 04 ຄົນ

-ບ້ານປາກບາກ ມີ 03 ຄົນ

-ມີ 03 ຄົນ (ບ້ານພູພຽງ, ບ້ານສົບຮຸນ, ບ້ານຈອມຍີ່ງ ມີບ້ານລະ 01 ຄົນ).

ຄົນເຈັບຕິດເຊື້ອມີອາຊີບເປັນທະຫານ, ພະນັກງານຄູ, ພະນັກງານແພດ; ອາຊີບພະນັກງານກະສິກໍາເມືອງ; ເດັກນ້ອຍ; ອາຊີບ: ເຮັດສວນ ແລະ ເຮັດໄຮ່ ມີອາຊີບລະ ແລະ ອາຊີບອື່ນໆ ກໍາລັງສະຫຼຸບສັງລວມຂໍ້ມູນ.

5.)ໄຊສົມບູນ 21 ຄົນ ທັງໝົດ ແມ່ນເສື່ອມໂຍງກັບ ກໍລະນີ ບ້ານໜອງວຽງຄຳ, ເມືອງ ໄຊທານີ; (ພື້ນຖານເປັນຄົນເມືອງລ້ອງຊານ ແຂວງ ໄຊສົມບຸນ); ອາຊີບ ກຳມະກອນ ຢູ່ພະແນກກວດຄຸນນະພາບເຄື່ອງ (QCS) ໂຮງງານຕັດຫຍິບ ອານປີ-ລາວ; ທີ່ໄດ້ ເດີນທາງ ໄປ ບ້ານທ່າເຮືອ, ເມືອງ ລ້ອງຊານ  ວັນທີ 13/9/21 (ໃຊ້ລົດຈັກໄປເອງ) ເພື່ອໄປສົ່ງສະການພໍ່ຕູ້.

6.)ສະຫວັນນະເຂດ 12 ຄົນ:

–   ພະນັກງານແພດ ມີ 04 ຄົນ (ໄດ້ເຂົ້າປະຈໍາການຢູ່ສູນຫຼັກ 9 ໃນວັນທີ 03 ກັນຍາ 2021 ແລະ ອອກປະຈໍາການທີ່ 15 ກັນຍາ 2021) ຊື່ງກວດເປັນຄັ້ງທີ 03.

–    ບ້ານວົງວິໄລ, ເມືອງເຊໂປນ ມີ 02 ກໍລະນີ (ທັງສອງຄົນເປັນແມ່ລູກກັນ)

–    ບ້ານແກ້ງຢາງ, ເມືອງເຊໂປນ ມີ 02 ກໍລະນີ ທັງສອງຄົນເປັນພະນັກງານຊິບປີ້ງ (ແລ່ນເອກະສານຢູ່ດ່ານແດນສະຫວັນ) ແລະ ຍັງບໍ່ຮູ້ແຫຼ່ງທີ່ມາຂອງການຕິດເຊື້ອ.

–    ບ້ານໂນນສະຫວ່າງ, ເມືອງອຸທຸມພອນ ມີ 01 ກໍລະນີ (ທະຫານ).

–    ບ້ານສະພານເໜຶອ, ນະຄອນໄກສອນ ມີ 01 ກໍລະນີ.

–    ຢູ່ຄ້າຍຄຸມຂັງຫຼັກ 06 ມີ 02 ກໍລະນີ (ກວດຄັ້ງທີ່ 03)

7.)ແຂວງວຽງຈັນ 9 ຄົນ:

-ເມືອງໂພນໂຮງ ມີ 06 ຄົນ (ບ້ານນາເລົ່າ ມີ 02 ຄົນ; ໃນນັ້ນມີ 01 ຄົນ ເປັນພະນັກງານໂຮງໝໍເມືອງ); ບ້ານນາໂພມະລາດ, ບ້ານໂພນງາມ ແລະ ບ້ານໂພນໂຮງ ມີບ້ານລະ 01 ຄົນ) ຊື່ງທັງໜົດມີປະຫວັດສໍາຜັດໃກ້ຊິດກັບຄົນຕິດເຊື້ອ ທີ່ໄປຮ່ວມງານເຮືອນດີ ຢູ່ບ້ານໂພນຫໍ.

-ເມືອງວັງວຽງ ມີ 03 ຄົນ (ບ້ານປາກເປາະ ມີ 02 ຄົນ ແລະ ບ້ານພູດິນແດງ ມີ 01 ຄົນ) ຊື່ງທັງໜົດມີປະຫວັດສໍາຜັດໃກ້ຊິດກັບກໍລະນີຕິດເຊື້ອຢູ່ບ້ານໂພນຊູ.

9.) ບໍ່ແກ້ວ 6 ຄົນ: ເຂດເສດຖະກິດພິເສດ 4 ຄົນ; ເມືອງ ຕົ້ນເຜີ້ງ 02 ຄົນ (ບ້ານພຽງງາມ 1 ແລະ ບ້ານ ດອນມູນ 01).

10.)ບໍລິຄໍາໄຊ 6 ຄົນ: ທັງໜົດມີປະຫັວດສໍາຜັດໃກ້ຊິດກັບກໍລະນີຕິດເຊື້ອທີ່ໄດ້ລາຍງານໃນວັນທີ 22 ກັນຍາ 2021 (ບ້ານທົ່ງນ້ອຍ, ເມືອງປາກຊັນ) ດັ່ງລຸ່ມນີ້: 01 ຄົນບ້ານສີວິໄລ, ເມືອງປາກຊັນ, 05 ຄົນ ບ້ານທົ່ງນອ້ຍ, ເມືອງປາກຊັນ (ເປັນຄອບຄົວດຽວກັນທັງໝົດ)

11.)ຊຽງຂວາງ 3 ຄົນ:

12.)ຫລວງນໍ້າທາ 1 ຄົນ: ສັນຊາດຈີນ

ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 21,527 ຄົນ, ເສຍຊີວິດສະສົມ16 ຄົນ ແລະ ຄົນເຈັບກໍາລັງປິ່ນປົວ ທັງໝົດ 4,403 ຄົນ.  

ນຳໃຊ້ມາດຕະການປັບໃໝຢ່າງເດັດຂາດ ຕໍ່ຜູ້ທີ່ຍັງຊຸມແຊວເຫຼົ້າເບຍ

ຕາມການລາຍງານ ຂອງປ້ອງກັນຄວາມສະຫງົບ ນະຄອນຫຼວງວຽງຈັນ ໃຫ້ຮູ້ວ່າ: ໃນເວລາ 17 ໂ ມງ 35 ນາທີ ວັນທີ 23ກັນຍາ 2021, ປກສ ກຸ່ມດົງໂດກ ແລະ ທະຫານເມືອງປະຈຳກຸ່ມດົງໂດກ ໄດ້ສົມທົບກັບການຈັດຕັ້ງບ້ານນາທົ່ມ ເມືອງໄຊທານີ ນວ ລົງກວດກາພົບເຫັນຊາວໜຸ່ມ ຈຳນວນ 6 ຄົນ ຕັ້ງວົງຊຸມແຊວເຫຼົ້າເບຍ ຢູ່ຫ້ອງແຖວເຂດບ້ານນາທົ່ມ ເຊິ່ງເປັນການລະເມີດຄຳສັ່ງເລກທີ 016/ຈນວ ຈຶ່ງໄດ້ເຊີນພວກກ່ຽວຂຶ້ນມາຫ້ອງການບ້ານເພື່ອສຶກສາອົບຮົມເຮັດບົດບັນທຶກ ພ້ອມນຳໃຊ້ມາດຕະການປັບໃໝເປັນເງິນ 1,200,000 ກີບ.

ການຕັ້ງວົງຊຸມແຊວເຫຼົ້າເບຍເປັນການລະເມີດຄຳສັ່ງເລກທີ 016/ຈນວ ແລະ ຍັງເປັນສາເຫດທີ່ພາໃຫ້ເກີດການແຜ່ລະບາດຂອງພະຍາດໂຄວ-19 ຂະຫຍາຍສູ່ວົງກວ້າງ.

ພ້ອມກັນນັ້ນ, ທາງກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງສັງຄົມຖ້າພົບເຫັນການລະເມີດດັ່ງກ່າວແຈ້ງມາເບີວອບແອັບ ປກສ ນວ 020 28899774.

ເຈົ້າໜ້າທີ່ ປກສ ເມືອງສີສັດຕະນາກ ສຶກສາອົບຮົມກ່າວເຕືອນ ແມ່ຄ້າທີ່ຂາຍເຄື່ອງຊະຊາຍ.

ຕາມ ປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ປກສ ເມືອງສີສັດຕະນາກ, ເຈົ້າໜ້າທີ່ ປກສ ເມືອງສີສັດຕະນາກ ນວ ລົງສຶກສາອົບຮົມກ່າວເຕືອນ ແລະ ເຮັດບົດບັນທຶກ ກັບແມ່ຄ້າທີ່ຂາຍເຄື່ອງຊະຊາຍຕາມແຄມທາງລະເມີດຄຳສັ່ງເລກທີ 016/ຈນວ ກຳນົດໄວ້ໃນ ຂໍ້ 9 ຄຶື:

ນອກຈາກນັ້ນ, ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງສັງຄົມ ຈົ່ງພ້ອມກັນເປັນເຈົ້າການ ຈັດຕັ້ງປະຕິບັດມາດຕະການປ້ອງກັນ, ສະກັດກັ້້ນ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19 ທີ່ທາງຄະນະເພາະກິດວາງອອກຢ່າງເຂັ້ມງວດ ພົບເຫັນການລະເມີດແຈ້ງມາເບີວອດແອັບ ປກສ ນວ 020 28899774.