ອີງຕາມຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ແລະ ຜົນຂອງກອງປະຊຸມຄັ້ງປະຖົມມະລືກຂອງຄະນະບໍລິຫານງານສູນກາງພັກ ສະໄໝທີ XI, ໃນຕອນແລງ ວັນທີ 5 ກຸມພາ 2021 ທີ່ສະໂມສອນຄະນະກວດກາສູນກາງພັກ ໄດ້ມີພິທີມອບ – ຮັບ ໜ້າທີ່ລະຫວ່າງ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ (ຜູ່ເກົ່າ) ປະທານອົງການກວດກາລັດຖະບານ ປະທານອົງການຕ້ານການສໍ້ລາດບັງຫຼວງຂັ້ນສູນກາງ ແລະ ສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ ຄະນະ ເລຂາທິການສູນກາງພັກ ປະທານຄະນະກວດກາສູນກາງພັກ (ຜູ່ໃໝ່) ໂດຍມີສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ນາຍົກລັດຖະມົນຕີ ພ້ອມດ້ວຍບັນດາສະຫາຍແຂກຖືກເຊີນເຂົ້າຮ່ວມ.

ໂອກາດເຂົ້າຮ່ວມພິທີຄັ້ງ ນີ້, ສະຫາຍ ທອງລຸນ ສີສຸລິດ ໄດ້ມີຄໍາເຫັນໂອ້ລົມໃນຫຼາຍບັນ ຫາທີ່ສຳຄັນ ໂດຍສະເພາະຕໍ່ສະຫາຍປະທານຄະນະກວດ ກາສູນກາງພັກ (ຜູ່ເກົ່າ ແລະ ຜູ່ໃໝ່) ພ້ອມທັງໄດ້ສະເໜີບາງວຽກງານທີ່ຕ້ອງໄດ້ເອົາໃຈໃສ່ ທີ່ມີເນື້ອໃນສຳຄັນບາງຕອນດັ່ງນີ້: ພາຍໃຕ້ການນຳພາ-ຊີ້ນຳຂອງກົມການເມືອງ, ຄະນະເລຂາທິການສູນກາງພັກ ຕໍ່ວຽກງານກວດກາ ມີສະຫາຍ ບຸນທອງ ຈິດມະນີ ເປັນປະທານນັ້ນ, ໄດ້ມີການປ່ຽນແປງຫຼາຍດ້ານທີ່ຕັ້ງໜ້າ ໄປສູ່ຄຸນນະພາບໃໝ່. ອັນພົ້ນເດັ່ນ, ແມ່ນການສະເໜີໃຫ້ສູນກາງ ອອກທິດຊີ້ນໍາກ່ຽວກັບການແກ້ໄຂພະຍາດອາດຍາສິດ ແລະ ຕ້ານການສໍ້ລາດບັງຫຼວງ; ການປັບປຸງປົວ ແປງໃນທົ່ວພັກກໍຄືການແກ້ໄຂ ບັນຫາຫຍໍ້ທໍ້ທີ່ເກີດຂຶ້ນໃນກົງ ຈັກພັກ-ລັດ ແລະ ສະມາຊິກພັກ -ພະນັກງານ. ອັນນັ້ນແມ່ນຜົນ ສຳເລັດທີ່ໜ້າຊື່ນຊົມຂອງຄະ ນະກວດກາແຕ່ລະຂັ້ນ ເວົ້າລວມ, ເວົ້າ ສະເພາະແມ່ນຂອງຄະນະກວດກາສູນກາງພັກ ໂດຍແມ່ນສະຫາຍ ບຸນທອງ ຈິດມະນີ ເປັນຫຼັກແຫຼ່ງນຳພາ ຊຶ່ງແມ່ນຜົນງານ, ການປະ ກອບ ສ່ວນຂອງສະຫາຍຕໍ່ການຕິດ ຕາມກວດກາ, ການຈັດຕັ້ງປະ ຕິບັດມະຕິກອງປະຊຸມໃຫຍ່ ແລະ ກົດລະບຽບຂອງພັກໃນ 2 ສະໄໝທີ່ຜ່ານມາ. ຄວາມຮັບ ຜິດຊອບ ແລະ ຜົນງານການນຳພາ-ຊີ້ນຳຂອງສະຫາຍ ຜ່ານມານຳໄປສູ່ການປັບປຸງແບບແຜນນຳພາ, ແບບແຜນວິທີເຮັດວຽກ ຂອງພັກ ແລະ ໄດ້ເປັນການສ້າງບາດກ້າວ ທີ່ດີຂຶ້ນເຖິງການຍົກບົດບາດອິດທິພົນຂອງພັກເຮົາ.

ສຳລັບ ສະຫາຍ ຄຳພັນ ພົມມະທັດ ມາຮັບໜ້າທີ່ໃໝ່ທີ່ສຳຄັນນີ້ແມ່ນການມອບໝາຍ ໜ້າທີ່ຄວາມຮັບຜິດຊອບອັນໜັກໜ່ວງ ແລະ ມີກຽດ. ເຊື່ອໝັ້ນວ່າດ້ວຍມູນເຊື້ອຄວາມສາ ມັກຄີເປັນປຶກແຜ່ນຂອງຄະນະກວດກາສູນກາງພັກ ແລະ ດ້ວຍການນຳພາຂອງ ສະຫາຍຈະເຮັດໃຫ້ວຽກ ງານກວດກາໄດ້ ຮັບການປັບປຸງ, ຍົກລະດັບ ແລະ ໄດ້ຮັບຜົນສຳເລັດໃໝ່ໃຫຍ່ຫຼວງຫຼາຍຂຶ້ນກວ່າເກົ່າ, ຕອບສະ ໜອງການເລັ່ງທວງໃນການແກ້ໄຂບັນຫາຢູ່ພາຍໃນພັກ-ລັດ ກໍຄືຢູ່ໃນສັງຄົມ ໃຫ້ຕົກໄປເປັນກ້າວໆ ແລະ ມີການຫັນປ່ຽນທີ່ຈະແຈ້ງ.

ສະຫາຍ ທອງລຸນ ສີສຸລິດ ໄດ້ສະເໜີບາງວຽກງານຈຸດສຸມ ຂອງວຽກງານກວດກາຄື: ອັນຮີບດ່ວນກວ່າໝູ່ແມ່ນຕ້ອງສຸມໃສ່ກວດກາ ແລະ ແກ້ໄຂບັນຫາການເຊື່ອມຖອຍທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດກໍຄືມານະຈິດປະຕິວັດ ໃນຖັນແຖວສະມາຊິກພັກ-ພະນັກງານ ແຕ່ລະຂັ້ນ (ພະນັກງານກວດກາຕ້ອງເປັນ ແບບຢ່າງ ແລະ ຕັດສິນໃຈ ໃນການນໍາໜ້າ ເພື່ອຈະກວດກາຜູ່ອື່ນໄດ້); ຍົກສູງຂີດຄວາມສາ ມາດຂອງຄະນະພັກ, ສະມາ ຊິກພັກແຕ່ລະຂັ້ນໃນການນໍາ ພາແກ້ໄຂບັນຫາທີ່ເກີດຂຶ້ນຢູ່ ແຕ່ລະບ່ອນໃຫ້ມີການຫັນປ່ຽນ ທີ່ຈະແຈ້ງ, ອັນນີ້ແມ່ນຄວາມຮັບຜິດຊອບ ໂດຍກົງຂອງຄະ ນະພັກແຕ່ລະຂັ້ນ; ຕ້ອງກວດກາ ແລະ ແກ້ໃຫ້ໄດ້ສະພາບການຂະຫຍາຍສະມາຊິກທີ່ຂາດແຫຼ່ງຝຶກຝົນຫຼໍ່ຫຼອມທີ່ໜັກແໜ້ນ ແລະ ບໍ່ຖືກຕ້ອງຕາມກົດລະບຽບຂອງພັກ. (ສິ່ງຈູງໃຈເຂົ້າພັກ, ຊ່ອງວ່າງໃຫ້ຄົນບໍ່ດີເລັດລອດເຂົ້າໃນການຈັດຕັ້ງພັກ ໂດຍບໍ່ມີອຸດົມການອັນຈະແຈ້ງ, ມີຜົນປະໂຫຍດແອບແຝງ…); ຄົ້ນຄວ້າ, ກຳນົດກົນໄກ, ວິທີການ ແລະ ມາດຕະ ການຕົວຈິງໃນການປະເມີນຜົນການສ້າງໜ່ວຍພັກ ປອດໃສ, ເຂັ້ມແຂງ ແລະ ໜັກແໜ້ນ ໃຫ້ຮັບປະ ກັນຄຸນນະພາບແທ້ (ບໍ່ປະໃຫ້ເກີດມີສະພາບໜ່ວຍພັກໃດກໍ່ແຂງ ແຕ່ບັນຫາຫຍໍ້ທໍ້ກໍ່ຫຼາຍ ແລະ ອາດຫຼາຍກວ່າເກົ່າ…ພວກເຮົາຈະຕີລາຄາລົງເລິກແນວໃດໃຫ້ບັນຫານີ້ແຈ້ງຂຶ້ນ).

ຕໍ່ໄປນີ້ອົງການກວດກາ ລັດຖະບານຈະກາຍມາເປັນຄະ ນະກຳມະການກວດກາແຫ່ງລັດ (ຂຶ້ນກັບກົມການເມືອງສູນກາງພັກ, ຂຶ້ນກັບເລຂາທິການໃຫຍ່) ຊຶ່ງຈະຕ້ອງໄດ້ເອົາໃຈໃສ່ຕິດຕາມ, ກວດກາການປະ ຕິບັດພາລະບົດ ບາດ, ໜ້າທີ່-ສິດ, ຄວາມຮັບຜິດຊອບ, ການປະຕິບັດມະຕິ, ຄໍາສັ່ງຂອງພັກ, ກົດໝາຍ ແລະ ລະບຽບການຕ່າງໆຂອງລັດຢູ່ບັນດາກະຊວງ-ອົງການ ແລະທ້ອງຖິ່ນ (ບັນດາຂອດຂັ້ນ, ການກົດໜ່ວງຖ່ວງດຶງ, ການກະທຳທີ່ເປັນການລະເມີດກົດໝາຍ); ການປະຢັດຕ້ານການຟຸມເຟືອຍຂອງອົງການບໍລິຫານລັດແຕ່ລະຂັ້ນ; ຕິດຕາມ-ກວດກາ ໂຄງ ການລົງ ທຶນຂອງລັດເລີ່ມແຕ່ຫົວທີ ລວມທັງໂຄງການກໍ່ສ້າງທາງລົດໄຟລາວ-ຈີນ, ການຄຸ້ມຄອງ-ນຳໃຊ້ ກອງທຶນປະເພດຕ່າງໆທີ່ອົງ ການລັດຕັ້ງຂຶ້ນ, ການຄຸ້ມຄອງປົກປັກຮັກສາ ແລະ ນຳໃຊ້ຊັບ ພະຍາກອນຕ່າງໆ ເປັນຕົ້ນທີ່ດິນ, ປ່າໄມ້, ແຮ່ທາດ ແລະ ອື່ນໆ; ບັນຫາສຳຄັນທີ່ມີລັກສະ ນະເລັ່ງທວງ ຊຶ່ງສັງຄົມກໍຄືໃນທົ່ວພັກໃຫ້ຄວາມສົນໃຈ ແລະ ເປັນຫ່ວງຫຼາຍແມ່ນການແກ້ໄຂຜົນຂອງການກວດກາ-ກວດສອບ ແລະ ການຮ້ອງທຸກ, ຮ້ອງ ຟ້ອງຂອງພະນັກ ງານກໍຄືປະ ຊາຊົນໃຫ້ທັນການ, ເຂັ້ມງວດ, ສັກສິດຕາມກົດລະບຽບຂອງພັກ, ກົດໝາຍຂອງລັດ. ບັນຫານີ້ພົວພັນເຖິງການປັບປຸງກົນໄກ ການປະສານງານ, ຄວາມເປັນເອກະພາບ ລະຫວ່າງ ອົງການກ່ຽວຂ້ອງໃນການແກ້ໄຂບັນຫາຕ່າງໆ.

ວຽກງານຕ້ານ ແລະ ສືບສວນ-ສອບສວນຄະດີສໍ້ລາດບັງຫຼວງ ຕ້ອງໄດ້ສຸມໃສ່ຕິດຕາມ-ກວດກາຂົງເຂດທີ່ມີຄວາມສ່ຽງພາໃຫ້ເກີດມີພຶດຕິກຳສໍ້ລາດບັງຫຼວງເຊັ່ນ: ການເກັບລາຍຮັບພາສີ-ອາກອນ, ການຄຸ້ມຄອງລາຍຮັບ-ລາຍຈ່າຍງົບປະມານ, ການລົງທຶນກໍ່ສ້າງພື້ນຖານໂຄງລ່າງ, ສຳ ຫຼວດອອກແບບ, ການປະມູນ, ການຈັດຊື້-ຈັດຈ້າງ; ການຄຸ້ມຄອງ-ນຳໃຊ້ທີ່ດິນ, ປ່າໄມ້, ແຮ່ທາດ, ການສືບສວນ-ສອບສວນ, ການດຳເນີນ ແລະ ແກ້ໄຂຄະດີ, ການຈັດວາງສັບຊ້ອນ ພະນັກງານ, ການຮັບລັດຖະ ກອນໃໝ່, ການບໍລິການຂອງລັດ, ການກວດກາ, ກວດສອບ ແລະ ອື່ນໆ; ຕິດຕາມ-ກວດກາພະນັກງານນຳພາ-ຄຸ້ມຄອງ, ສະມາຊິກພັກ, ພະນັກງານ-ລັດ ຖະກອນ, ທະຫານ, ຕຳຫຼວດ, ພະນັກງານລັດວິສາຫະກິດ ແລະ ນາຍບ້ານທີ່ມີພຶດຕິກຳສໍ້ລາດບັງຫຼວງ, ຮັ່ງມີຜິດປົກກະຕິ, ມີການລາຍງານ-ຮ້ອງຟ້ອງຈາກສະມາຊິກພັກ, ພະນັກງານ ແລະ ພົນລະເມືອງ; ເອົາໃຈໃສ່ດຳເນີນການກວດກາການສືບສວນ-ສອບສວນຄະດີຕ່າງໆທີ່ເປັນການສໍ້ລາດບັງຫຼວງໃຫ້ເລິກເຊິ່ງ, ພາວະວິໄສ, ຖືກຕ້ອງ, ຊັດເຈນ ແລະ ຍຸຕິທຳ; ລົງເລິກບັນດາລັດວິສາຫະກິດ, ຊອກໃຫ້ເຫັນຄວາມຮັບຜິດຊອບ, ຜູ້ຮັບຜິດຊອບຕໍ່ຜົນເສຍຫາຍຂອງຊັບສິນ, ທຶນຮອນຂອງພັກຢ່າງຫຼວງຫຼາຍ ຊຶ່ງກາຍເປັນການສ້າງໜີ້ສິນຈຳນວນມະຫາ ສານໃຫ້ລັດຕ້ອງແບກຫາບ ແທນ… ຕ້ອງກວດໃຫ້ເຫັນ, ເຫັນແລ້ວ ຕ້ອງມີມາດຕະການແກ້ໄຂໃຫ້ຖືກລະດັບ; ສືບຕໍ່ປະ ຕິບັດການແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນ, ທະຫານ, ຕຳຫຼວດ ຮອບທີ 3 ຕາມທີ່ໄດ້ກຳນົດໄວ້ໃນດຳລັດວ່າດ້ວຍການແຈ້ງຊັບສິນ ແລະ ຕິດຕາມ-ກວດກາຕໍ່ຜູ້ລະເມີດລະບຽບການແຈ້ງຊັບ ສິນທີ່ກຳນົດໄວ້; ສືບຕໍ່ເພີ່ມທະ ວີການພົວພັນຮ່ວມມື ແລະ ແລກປ່ຽນບົດຮຽນວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງກັບບັນດາປະເທດເພື່ອນມິດຍຸດທະສາດ, ບັນດາປະເທດໃນພາກພື້ນ ແລະ ສາກົນ.

ນອກນີ້, ຍັງມີບັນຫາທີ່ຕ້ອງເອົາໃຈໃສ່ ໃນສະເພາະໜ້າເປັນຕົ້ນແມ່ນຕ້ອງຮີບຮ້ອນ ເປີດກອງປະຊຸມໃຫຍ່ ຂອງບັນດາໜ່ວຍພັກ ທີ່ຂຶ້ນກັບຄະນະກວດກາສູນກາງພັກ ແລະ ອົງການກວດກາລັດຖະບານໃຫ້ສໍາເລັດໂດຍໄວ ເພື່ອກ້າວເຂົ້າສູ່ການດຳເນີນກອງປະຊຸມໃຫຍ່ ຄັ້ງທີ IV ຂອງອົງຄະນະພັກ ຄະນະກວດກາສູນກາງພັກ ໂດຍຖືເອົາບັ້ນເຜີຍແຜ່ ແລະ ດຳເນີນຜົນກອງປະຊຸມໃຫຍ່ ຄັ້ງທີ XI ຂອງພັກນີ້; ສືບຕໍ່ປັບປຸງສັບຊ້ອນກົງຈັກການຈັດຕັ້ງ, ຈັດວາງພະນັກງານຄືນໃໝ່ໄປຄຽງຄູ່ກັບການປັບ ປຸງກົງຈັກການຈັດຕັ້ງ ແລະ ພາ ລະບົດບາດ, ໜ້າທີ່, ຂອບເຂດ ສິດຂອງຄະນະກວດກາແຕ່ ລະຂັ້ນ ຕາມທິດກະທັດຮັດ, ສົມເຫດສົມຜົນ, ສອດຄ່ອງກັບກົດລະບຽບຂອງພັກ, ກົດໝາຍ ແລະ ລະບຽບການຂອງລັດ. ເພີ່ມທະວີຫັນການກວດກາເປັນທັນສະໄໝ, ຫັນເຕັກໂນໂລຊີໃໝ່ ເຂົ້າໃນການກວດກາ ເພື່ອຄວາມສະດວກ, ວ່ອງໄວ ແລະ ຊັດເຈນ.

ຂ່າວ- ພາບ: ສຸກສະຫວັນ

ກອງປະຊຸມຖອດຖອນບົດຮຽນ ກ່ຽວກັບການຈັດຕັ້ງປະຕິບັດໂຄງການ ສ້າງຄວາມພ້ອມ ແລະສ້າງຄວາມເຂັ້ມແຂງໃຫ້ທ້ອງ ຖິ່ນ ໃນການປ້ອງກັນ, ຄວບຄຸມ ແລະໂຕ້ ຕອບພະຍາດໂຄວິດ 19 ໄດ້ຈັດຂື້ນໃນວັນທີ 2 ກຸມພານີ້ ທີໂຮງແຮງພູແມນ ນະຄອນ-ຫຼວງພະບາງ ໂດຍເປັນປະທານຂອງ ຮສຈ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ມີຮອງຫົວໜ້າຫ້ອງການສຳນັກງານນາຍົກ, ຮອງລັດຖະມົນຕີກະຊວງພາຍໃນ, ຮອງເຈົ້າແຂວງ, ຄູ່ຮ່ວມພັດທະນາ, ອົງການຈັດຕັ້ງສາກົນ, ພະແນກສາທາລະນະສຸກແຂວງ, ໂຮງໝໍແຂວງ ພ້ອມດ້ວຍພາກ ສ່ວນກ່ຽວຂອງຈາກກະຊວງ ແລະຂະ ແໜງການ 7 ແຂວງ ຄື: ຫຼວງພະບາງ, ໄຊຍະບູລີ, ສະຫວັນນະເຂດ, ຈຳປາສັກ, ສາ ລະວັນ, ເຊກອງ ແລະອັດຕະປື ເຂົ້າຮ່ວມ.

ວາລະດຳເນີນກອງປະຊຸມ ທ່ານຮອງລັດ ຖະມົນຕີກະຊວງ ສາທາລະນະສຸກ ໄດ້ມີຄຳເຫັນວ່າ: ກອງປະຊຸມຄັ້ງນີ້ ມີຄວາມໝາຍສຳຄັນຫຼາຍ ໃນການສ້າງຄວາມເຂັ້ມແຂງ ໃຫ້ທ້ອງຖິ່ນ ໃນການເຝົ້າລະວັງ, ປ້ອງກັນ, ຄວບຄຸມ ແລະໂຕ້ຕອບພະຍາດໂຄວິດ 19. ເຊິ່ງເປັນພະຍາດທີ່ສົ່ງຜົນກະທົບຢ່າງຮ້າຍແຮງ ຕໍ່ສຸຂະພາບຂອງຄົນ ລວມທັງການພັດທະນາເສດຖະກິດ ຂອງພາກພື້ນ ແລະສາກົນ ລວມທັງ ສປປ ລາວ ປັດຈຸບັນທົ່ວໂລກມີຜູ້ຕິດເຊື້ອຫຼາຍກ່ວາ 103 ລ້ານຄົນ, ເສຍຊິວິດໄປແລ້ວຫຼາຍກ່ວາ 2 ລ້ານ 2 ແສນຄົນ, ປິ່ນປົວຫາຍດີຫຼາຍກ່ວາ 75 ລ້ານຄົນ, ປະເທດທີ່ຕິດເຊື້ອຫຼາຍກວ່າໝູ່ ແມ່ນສະຫະລັດອາເມລິກາ, ຮອງລົງມາແມ່ນ ປະເທດອິນເດຍ. ສຳລັບ ສປປ ລາວ ມາຮອດປະຈຸບັນກວດພົບຜູ້ຕິດເຊື້ອໂຄວິດ 19 ທັງໝົດ 44 ຄົນ ໃນນັ້ນປິ່ນປົວຫາຍດີ ແລະອອກໂຮງໝໍແລ້ວ 41 ຄົນ, ຍັງສືບຕປີ່ນປົວ 3 ຄົນ.

ກອງປະຊຸມຄັ້ງນີ້ ຜູ້ເຂົ້າຮ່ວມໄດ້ຮັບຟັງ ການລາຍງານສະພາບປັດຈຸບັນຂອງໂລກ, ຂອງປະເທດ ແລະການໂຕ້ຕອບຕໍ່ພະຍາດໂຄວິດ 19, ຜົນກະທົບຂອງໂຄວິດ 19 ຕໍ່ການຊົມໃຊ້ ການບໍລິການດູແລສຸຂະພາບທີຈຳເປັນ ຂອງອົງການປົກຄອງທ້ອງຖິ່ນ ແລະການຮັກສາສຸຂະພາບຂັ້ນຕົ້ນ, ຮັບຟັງການລາຍງານໂດຍຫຍໍ້ ກ່ຽວກັບການສ້າງຄວາມເຂັ້ມແຂງ ໃຫ້ແກ່ອົງການປົກຄອງທ້ອງຖິ່ນ, ລະບົບການຄຸ້ມຄອງຂໍ້ມູນ ສະຖານທີ່ຈຳກັດ ບໍລິເວນ ຢູ່ ສປປ ລາວ, ຮັບຟັງການສັງລວມຜົນການປະເມີນວຽກງານຄຸ້ມຄອງດ້ານ 4 ແຂວງເປົ້າໝາຍ ກ່ຽວກັບສະພາບ-ການຈັດຕັ້ງປະຕິບັດຄຸ້ມຄອງດ່ານເຂົ້າ-ອອກ ໄລຍະຜ່ານມາ, ການສັງລວມຜົນໄດ້ຮັບຈາກສູນຈຳກັດບໍລິເວນ, ສິ່ງທ້າທາຍກ່ຽວກັບສູນຈຳກັດບໍລິເວນ, ດ່ານ ແລະການຂົນສົ່ງ, ຜົນຂອງການເຝົ້າລະວັງມາດຕະການດ້ານສາທາລະນະສຸກ ແລະທາງສັງຄົມໃນຊຸມຊົນ, ບົດຮຽນການຈັດຕັ້ງປະຕິບັດການເຝົ້າລະວັງໃນຊຸມຊົນ. ພ້ອມນີ້ ໄດ້ວາງແຜນສ້າງຄວາມເຂັ້ມແຂງ ໃນການກຽມຄວາມພ້ອມເພື່ອປ້ອງກັນ ແລະໂຕ້ຕອບຕໍ່ການລະບາດຂອງໂຄວິດ 19 ແນໃສ່ຮັບປະກັນ ແລະສ້າງທຸກເງື່ອນໄຂໃນປ້ອງກັນ, ຄວບຄຸມ ແລະໂຕ້ຕອບພະຍາດ ໂຄວິດ 19 ບໍ່ໃຫ້ກັບຄືນມາລະບາດຮອບໃໝ່.

ຂ່າວ: ແຫຼ້ ສຸລີນພອນ – Lao National Radio

ວັນທີ 5 ກຸມພາ 2021, ຢູ່ເຂດເມືອງມຸນລະປາໂມກ, ສະຫາຍ ມະໄລທອງ ກົມມະສິດ #ກຳມະການສຳຮອງສູນກາງພັກ ຮອງເລຂາຄະນະບໍລິຫານງານພັກແຂວງ ຮອງປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ ຈຳປາສັກ ໄດ້ເຄື່ອນໄຫວຢ້ຽມຢາມ-ອວຍພອນ ຄະນະພັກ-ຄະນະບັນຊາ, ນາຍ ແລະພົນທະຫານ ກອງພັນທະຫານຮາບທີ 20 ໃນ ໂອກາດວັນສ້າງຕັ້ງ #ກອງທັບປະຊາຊົນລາວ ຄົບຮອບ 72 ປີ ( 20 ມັງກອນ 1949 -20 ມັງກອນ 2021 ) ມີ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ ແລະ ເມືອງມຸນລະປາໂມກ, ການນຳພະແນກການຂອງແຂວງ, ມີ ທະນາຄານແຫ່ງ ສປປ ລາວ, ລັດວິສາຫະກິດໄຟຟ້າລາວ, ຕາງໜ້າ ກຸ່ມບໍລິສັດຕັງຈະເລີນ, ຕາງໜ້າ ບໍລິສັດ ເບຍລາວ, ສະມາຄົມນັກທຸລະກິດແມ່ຍິງແຂວງ, ຕະຫຼອດຮອດຂະແໜງການທີ່ກ່ຽວຂ້ອງຂອງແຂວງ ເຂົ້າຮ່ວມຕິດຕາມ.

ການມາຢ້ຽມຢາມ ຄະນະພັກ-ຄະນະບັນຊາ, ນາຍ ແລະພົນທະຫານ ກອງພັນທະຫານຮາບທີ 20 ເທື່ອນີ້ ໄດ້ນຳເອົາ ເຂົ້າສານ, ເຄື່ອງບໍລິໂພກ-ອຸປະໂພກ ທີ່ຈຳເປັນ ແລະເງິນສົດ ຈຳນວນໜຶ່ງ ທີ່ໄດ້ຮັບ ການອຸປະຖຳ ປະກອບສ່ວນຈາກພາກສ່ວນ ຜູ້ປະກອບການ ກຸ່ມນັກທູລະກິດ ແຂວງຈຳປາສັກ, ຂະແໜງການເງິນ-ການທະນາຄານ ພາກວິສາຫະກິດ ແລະ ພະແນກການ-ກົມກອງອ້ອມຂ້າງຂອງແຂວງຈຳປາສັກ ກໍ່ຄືທົ່ວສັງຄົມ ທັງນີ້ກໍ່ເພື່ອສະແດງເຖິງຄວາມສາມັກຄີຮັກແພງອັນອົບອຸ່ນ, ເປັນຫ່ວງເປັນໄຍ ຕໍ່ ຄະນະພັກ-ຄະນະບັນຊາ, ນາຍ ແລະ ພົນທະຫານ ແລະຮູ້ບຸນຄູນ ໄປຍັງບັນດາພະນັກງານ, ສະມາຊິກພັກ, ນັກຮົບໃນທົ່ວກອງທັບ ທີ່ເສຍສະຫຼະ ເພື່ອປົກປ້ອງຄວາມເປັນເອກະລາດຂອງຊາດ, ປົກປ້ອງລະບອບປະຊາທິປະໄຕປະຊາຊົນ ແລະຄວາມຢູ່ເຢັນເປັນສຸກຂອງປະຊາຊົນບັນດາເຜົ່າ ຕະຫຼອດ 72 ປີ ຜ່ານມາ.

ເພື່ອເຮັດໃຫ້ມີຄວາມໝາຍຄວາມສຳຄັນ, ສະຫາຍ ມະໄລທອງ ກົມມະສິດ ໃນນາມ ຮອງປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ແຂວງຈຳປາສັກ ໄດ້ມີຄຳເຫັນໂອ້ລົມ ເພື່ອສືບຕໍ່ເຮັດໃຫ້ສຳເລັດໜ້າທີ່ອັນມີກຽດ ໃນການປົກປັກຮັກສາ ແລະສ້າງສາພັດທະນາປະເທດຊາດກໍຄືແຂວງຈຳປາສັກ ເຊິ່ງໄດ້ຮຽກຮ້ອງມາຍັງ ຄະນະພັກ-ຄະນະບັນຊາ, ນາຍ ແລະພົນທະຫານ ຈົ່ງພ້ອມກັນ ສືບຕໍ່ ຮັກສາ 3 ທາດແທ້ ແລະ 6 ມູນເຊື້ອ ອັນສະຫງ່າ ອົງອາດຂອງ ກອງທັບ ປະຊາຊົນລາວ, ເສີມຂະຫຍາຍທາດແທ້ ແລະມູນເຊື້ອກອງທັບປະຊາຊົນລາວ ໃນການປົກປັກຮັກສາ ແລະສ້າງສາພັດທະນາປະເທດຊາດ ພ້ອມກັນຢຶດໝັ້ນເສັ້ນທາງ, ຈຸດໝາຍ ແລະອຸດົມການສັງຄົມນິຍົມ ປະກອບສ່ວນ ເຂົ້າໃນພາລະກິດປ່ຽນແປງໃໝ່ໃນການສ້າງສາພັດທະນາປະເທດຊາດໃຫ້ມັ່ງຄັ້ງເຂັ້ມແຂງ, ສັງຄົມມີຄວາມສາມັກຄີປອງດອງ, ປະຊາທິປະໄຕ, ສີວິໄລ ແລະຍຸຕິທຳ, ເພິ່ມທະວີວຽກງານສ້າງ ແລະປັບປຸງພັກໃຫ້ໜັກແໜ້ນ ທາງດ້ານການເມືອງ ຢຶດໝັ້ນຫຼັກການລວມສູນ ປະຊາທິປະໄຕ, ເພີ່ມທະວີລະບຽບວິໄນພາຍໃນພັກ, ກອງທັບ ຢ່າງເຂັ້ມງວດ ເຊີດຊູຄວາມເປັນແບບຢ່າງນຳໜ້າ ຂອງພະນັກງານ ສະມາຊິກພັກ ໃນທຸກການເຄື່ອນໄຫວ ປະຕິບັດໜ້າທີ່ວຽກງານ ແລະການດຳລົງຊີວິດ.

ຂ່າວ: ທັດຊະນະ

ເຈົ້າໜ້າທີ່ທະຫານຊາຍແດນ 324 ກອງບັນຊາການທະຫານແຂວງສະຫວັນນະເຂດ ໄດ້ປະຕິບັດໜ້າທີ່ອອກເຄື່ອນໄຫວກວດກາລາດຕະເວນໃນ ວັນທີ 25 ມັງກອນ 2021, ຢູ່ ຂອບເຂດບ້ານຫ້ວຍໄຜ່ ນະຄອນໄກສອນພົມວິຫານ ແຂວງສະຫວັນນະເຂດ ພົບເຫັນເປົາສີຂາວ ຈໍານວນ 7 ເປົາ ຊຸກເຊື່ອງໄວ້ໃນປ່າກ້ອງກົກໄຄ້ ແຄມນ້ຳຂອງ ) ຈຶ່ງໄດ້ທໍາການກວດຄົ້ນ ພົບເຫັນ ຢ າເ ສ ບ ຕິ ດປະເພດ ຢ າ ບ້ າ ຈໍານວນ 788 ມັ ດ ມີ 1.500.000 ກວ່າ ເ ມັ ດ ແລະ ຢ າ ໄ ອ ສ໌ 9 ຖົງ.

ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ ໃຫ້ຮູ້ ວ່າ: ໃນວັນທີ 25 ມັງກອນ 2021, ໃນເວລາ 8:00 ໂມງ ທະຫານຊາຍແດນ 324 ກອງ ບັນຊາການທະຫານ ແຂວງສະຫວັນນະເຂດ ໄດ້ອອກກວດກາລາດຕະເວນປະຕິບັດໜ້າທີ່ໃນຂອບເຂດຄວາມຮັບຜິດຊອບ, ເຊິ່ງໃນຂະນະລາດຕະເວນຮອດຂອບເຂດບ້ານຫ້ວຍໄຜ່ ນະຄອນໄກສອນພົມວິຫານ ພົົບເຫັນກະເປົາສີຂາວ ຈໍານວນ 7 ເປົາ ຊຸກເຊື່ອງໄວ້ ໃນກ້ອງກົກໄຄ້ ຫ່າງຈາກແຄມນ້ຳຂອງປະມານ 5 ແມັດ. ຜ່ານການກວດກາ ພົບເຫັນ ຢ າ ບ້ າ ຈໍານວນ 788 ມັດ ເທົ່າກັບ 1. 576.000 ເ ມັ ດ ແລະ ຢ າ ໄ ອ ສ໌ ຈໍານວນ 9 ຖົງ ນ້ອຍ, ຈຶ່ງໄດ້ນໍາເອົາ ຢ າເ ສ ບ ຕິ ດ ຈໍານວນດັ່ງກ່າວ ມາທີ່ກອງບັນຊາການທະຫານແຂວງ ພ້ອມທັງປະສານຫາພາກ ສ່ວນກ່ຽວຂ້ອງມາກວດກາສະຖານທີ່ດັ່ງກ່າວ.

ໃນວັນດຽວກັນ, ພົຈວ ສີ ທະວີໄຊ ຫົວໜ້າການເມືອງກອງບັນຊາການທະຫານແຂວງ ສະ ຫວັນນະເຂດ ໄດ້ນໍາເອົາຢາຈໍານວນດັ່ງກ່າວມອບໃຫ້ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປ ກ ສ ແຂວງ, ມີຫົວໜ້າກົມຊາຍແດນ, ຄະນະຫ້ອງ ປ ກ ຊ – ປ ກ ສ ແຂວງ, ພະແນກຕຳຫຼວດສະກັດກັ້ນ ແລະ ຕ້ານ ຢ າເ ສ ບ ຕິ ດ, ເຈົ້າໜ້າທີ່ທະຫານຊາຍແດນ 324 ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ພັອ ສົມໝາຍ ພົມມະຈັນ ໃຫ້ຮູ້ຕື່ມວ່າ: ພາຍຫຼັງທີ່ໄດ້ຮັບລາຍຈາກທະຫານຊາຍແດນທີ່ ພົບເຫັນ ຢ າ ເ ສ ບ ຕິ ດ ຈໍານວນດັ່ງກ່າວ, ປ ກ ສ ແຂວງ ຈຶ່ງໄດ້ຈັດກໍາລັງວິຊາສະເພາະລົງປະສານສົມທົບກັບເຈົ້າໜ້າທີ່ທະຫານຊາຍ ແດນ ເພື່ອສືບຄົ້ນຫາທີ່ມາ ແລະ ເຈົ້າຂອງ ຢ າ ເ ສ ບ ຕິ ດ ມາ ຮັ ບໂ ທ ດ ຕາມລະບຽບກົດໝາຍ.

ລາຍງານໂດຍ: ກົດໝາຍ ລົ ງ ໂ ທ ດ

ພົນເອກ ຈັນສະຫມອນ ຈັນຍາລາດ ເຄື່ອນໄຫວກວດກາ ແລະ ຊີ້ນໍາການຫ້າງຫາກະກຽມເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ຢູ່ແຂວງຫົວພັນ.

ວັນທີ 4 ກຸມພາ 2021ນີ້, ພົນເອກ ຈັນສະຫມອນ ຈັນຍາລາດ ກໍາ ມະການກົມການເມືອງສູນກາງພັກ ລັດ ຖະມົນຕີກະຊວງປ້ອງກັນປະເທດ ຄະນະກໍາມະການເລືອກຕັ້ງລະດັບຊາດ ພ້ອມດ້ວຍຄະນະໄດ້ລົງເຄື່ອນໄຫວກວດກາ ແລະ ຊີ້ນໍາກ່ຽວກັບການຫ້າງຫາກະກຽມໃຫ້ແກ່ການດໍາເນີນການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ 9 ແລະ ສະພາປະຊາຊົນຂັ້ນແຂວງ ຊຸດທີ 2 ຢູ່ແຂວງຫົວພັນ ໂດຍມີສະຫາຍ ວັນໄຊ ແພງຊຸມມາ ກໍາມະການສູນກາງງພັກ ເລຂາພັກແຂວງ ເຈົ້າແຂວງໆຫົວພັນ, ມີບັນດາສະຫາຍຄະນະປະຈໍາພັກແຂວງ, ຄະນະຮັບຜິດຊອບການປ່ອນບັດແຕ່ລະຂັ້ນ ແລະ ພະນັກງານຫຼັກແຫຼ່ງອ້ອມຂ້າງແຂວງເຂົ້າຮ່ວມ.

ໂອກາດນີ້, ທ່ານເຈົ້າແຂວງໆຫົວພັນໄດ້ລາຍງານຫຍໍ້ກ່ຽວກັບຜົນສໍາເລັດການຊີ້ນໍາໆພາຂອງອົງຄະນະພັກແຂວງຕໍ່ທຸກຂົງເຂດວຽກງານໂດຍສະເພາະແມ່ນຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງໃນໄລຍະທີ່ຜ່ານມາ, ຈາກນັ້ນ ທ່ານ ນາງ ອໍາໄພວອນ ລ້ອມບຸນແພງ ກໍາມະການສໍາຮອງສູນກາງພັກ, ຮອງເລຂາພັກແຂວງ ຮອງປະທານສະພາປະຊາຊົນແຂວງຫົວພັນກໍໄດ້ລາຍງານກ່ຽວກັບຄວາມພ້ອມໃນການກະກຽມປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນຢູ່ແຂວງຫົວພັນ ມີຫຼາຍໜ້າວຽກໄດ້ຮັບການຈັດຕັ້ງປະຕິບັດມີຜົນສໍາເລັດ ໂດຍສະເພາະແມ່ນໄດ້ສໍາເລັດການກະກຽມ ແລະ ດໍາເນີນກອງປະຊຸມຄັ້ງປະຖົມມະລືກ ຂອງຄະນະກໍາມະການເລືອກຕັ້ງຂັ້ນແຂວງ ເພື່ອແບ່ງວຽກງານ, ແບ່ງຄວາມຮັບຜິດຊອບພາຍໃນຄະນະ; ສໍາເລັດການຈັດເຝິກອົບຮົມ ໃຫ້ແກ່ການນໍາຂັ້ນແຂວງ ແລະ ຄະນະກໍາມະການເລືອກຕັ້ງຂັ້ນແຂວງ, ຫົວໜ້າ, ຄະນະພະແນກການຂັ້ນແຂວງ ແລະ ຄະນະກໍາມະການເລືອກຕັ້ງຂັ້ນເມືອງ ແລະ ລົງຊຸກຍູ້ການເຝິກອົບຮົມ ຫຼື ເຊື່ອມຊຶມເອກະສານ ຢູ່ບັນດາພະແນກການ, ສອງກອງບັນຊາການທະຫານ ແລະ ຕໍາຫຼວດແຂວງ ແລະ 10 ເມືອງທົ່ວແຂວງ, ສໍາເລັດການຄັດເລືອກເປົ້າໝາຍຈໍານວນ ຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 8 ( ຜູ້ສະໝັກຈາກທ້ອງຖິ່ນ ) ແລະ ຜູ້ສະໝັກຮັບເລືອກຕັ້ງ ເປັນສະມາຊິກສະພາປະຊາຊົນແຂວງ ຊຸດທີ II ພ້ອມທັງເກັບກໍາຮູບ, ປະຫວັດຫຍໍ້ ຂອງຜູ້ສະໝັກຮັບເລືອກຕັ້ງ ສົ່ງໃຫ້ຄະນະກໍາມະການເລືອກຕັ້ງລະດັບຊາດ ທັນກໍານົດເວລາ ແລະ ອອກແບບ ບັດລົງຄະແນນສຽງ, ບັດຕິດເອິກ ຂອງຄະນະກໍາມະການ ແລະ ອະນຸກໍາມະການຊ່ວຍວຽກ ພ້ອມທັງແຕ່ງຕັ້ງໜ່ວຍງານໄປຈັດພິມ – ຈັດຊື້ຢູ່ນະຄອນຫຼວງວຽງຈັນ; ສໍາເລັດການເກັບກໍາສະຖິຕິຈໍານວນພົນລະເມືອງທົ່ວ ແຂວງຫົວພັນ ເບື້ອງຕົ້ນມີທັງໝົດ 315.889 ຄົນ, ຍິງ 151,709 ຄົນ. ໃນນີ້, ຜູ້ມີສິດປ່ອນບັດເລືອກຕັ້ງທັງໝົດ 160.596 ຄົນ, ຍິງ 76.513 ຄົນ ແລະ ມີໜ່ວຍປ່ອນບັດເລືອກຕັ້ງທັງໝົດ 420 ໜ່ວຍ; ສໍາລັບວຽກງານ ປກຊ – ປກສ ກໍ່ໄດ້ວາງແຜນການປ້ອງກັນການເລືອກຕັ້ງຄັ້ງນີ້ ໃຫ້ມີຄວາມສະຫງົບ, ເປັນລະບຽບຮ້ອຍ ແລະ ແກ້ໄຂໜໍ່ແໜງປະກົດການຫຍໍ້ທ້ໍຕ່າງໆ ທີ່ເປັນປັດໃຈກໍ່ຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍ ທີ່ຫວັງທໍາລາຍການເລືອກຕັ້ງຢ່າງທັນການ ແລະ ມີຄວາມສະຫງົບໂດຍພື້ນຖານ.

ໂອກາດດັ່ງກ່າວ, ພົນເອກ ຈັນສະຫມອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດກໍໄດ້ມີຄໍາເຫັນໂອ້ລົມບາງຕອນທ່ານກ່າວວ່າ: ການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ 9 ແລະ ສະພາປະຊາຊົນຂັ້ນແຂວງ ຊຸດທີ 2 ນີ້ແມ່ນເຫດການການເມືອງ ແລະ ມີຄວາມສຳຄັນເປັນຢ່າງຍິ່ງ ເພາະວ່າເປັນການສືບຕໍ່ສ້າງ ແລະ ບູລະນະລະບອບປະຊາທິປະໄຕປະຊາຊົນ, ໂດຍສະເພາະແມ່ນການບູລະນະສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໃນຖານະທີ່ເປັນອົງການອຳນາດລັດໜຶ່ງໃນລະບອບການເມືອງຂອງ ສປປ ລາວ ໃຫ້ນັບມື້ມີຄວາມເຂັ້ມແຂງໜັກແໜ້ນ, ດັ່ງນັ້ນ ການຄັດເລືອກເອົາຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົ່າເຂົ້າໃນກົງຈັກຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງແມ່ນໜ້າທີ່ ແລະ ຄວາມຮັບຜິດຊອບຂອງທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນລາວທັງຊາດ.

ພົນເອກ ຈັນສະໝອນ ຈັນຍາລາດ ຍັງໄດ້ ຊີ້ນໍາຫຼາຍບັນຫາທີ່ສໍາຄັນຕໍ່ການນໍາຂອງແຂວງໃນການເສີມຂະຫຍາຍທ່າແຮງບົ່ມຊ້ອນເພື່ອສູ້ຊົນພັດທະນາແຂວງຫົວພັນໃຫ້ຈະເລີນຮຸ່ງເຮືອງ ແລະ ຮຽກຮ້ອງໃຫ້ຄະນະຮັບຜິດຊອບການປ່ອນບັດຢູ່ແຕ່ລະບ່ອນຈົ່ງຍົກສູງຄວາມຮັບຜິດຊອບຫຼາຍກວ່າເກົ່າ, ແຕ່ລະພາກສ່ວນເພີ່ມທະວີການໂຄສະນາ-ສຶກສາອົບຮົມປະຊາຊົນບັນດາເຜົ່າເຂົ້າຮ່ວມຂະບວນການດັ່ງກ່າວຢ່າງຟົດຟື້ນ, ຮັບປະກັນເຮັດໃຫ້ການປ່ອນບັດເລືອກຕັ້ງຄັ້ງນີ້ປະສົບຜົນສໍາເລັດ. ຈາກນັ້ນ, ພົນເອກ ຈັນສະໝອນ ຈັນຍາລາດ ຍັງໄດ້ພົບປະໂອ້ລົມຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງສອງກໍາລັງ ປກຊ-ປກສ ແຂວງ ໂດຍໄດ້ເນັ້ນໜັກໃຫ້ສອງກໍາລັງຈົ່ງພ້ອມກັນປະຕິບັດໜ້າທີ່ຂອງຕົນໃນການເປັນກໍາລັງຫຼັກແຫຼ່ງຮັກສາຄວາມສະຫງົບ, ຮັບປະກັນໃຫ້ການປ່ອນບັດເລືອກຕັ້ງຢູ່ແຕ່ລະຈຸດມີຄວາມສະຫງົບປອດໄພ 100% ແລະ ປະສົບຜົນສໍາເລັດຕາມແຜນການ.

Lao National Radio

ມອບ-ຮັບ ຫົວໜ້າຄະນະໂຄສະນາອົບຮົມສູນກາງພັກ ຜູ້ເກົ່າ-ຜູ້ໃໝ່

ພິທີມອບ-ຮັບໜ້າທີ່ຫົວ ໜ້າຄະນະໂຄສະນາອົບຮົມສູນກາງພັກ ຜູ້ເກົ່າ ແລະ ຜູ້ໃໝ່ ລະຫວ່າງ ສະຫາຍ ຄຳພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກ ຜູ້ເກົ່າ ແລະ ສະຫາຍ ຄຳພັນ ເຜີຍຍະວົງ ຫົວໜ້າຄະນະໂຄສະນາອົບຮົມສູນກາງພັກຜູ້ໃໝ່ ໄດ້ຈັດຂຶ້ນໃນວັນທີ 3 ກຸມພານີ້ ທີ່ຄະນະໂຄສະນາອົບຮົມສູນກາງພັກ ໂດຍໃຫ້ກຽດເຂົ້າຮ່ວມ ຂອງ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຜູ້ປະຈຳການຄະນະເລຂາທິການສູນກາງພັກ ສະໄໝທີ XI ຮອງນາຍົກລັດຖະມົນຕີ ປະທານອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງ, ມີບັນດາສະຫາຍການນຳພັກ-ລັດ ແລະ ສະ ມາຊິກພັກ, ພະນັກງານຄະນະໂຄສະນາອົບຮົມສູນກາງພັກເຂົ້າຮ່ວມ.

ການມອບ-ຮັບໜ້າທີ່ຄັ້ງນີ້ ແມ່ນອີງຕາມມະຕິຕົກລົງຂອງກົມການເມືອງສູນກາງພັກ ວ່າດ້ວຍການແຕ່ງຕັ້ງ ເລຂາຄະນະບໍລິຫານງານພັກ ຫົວໜ້າຄະນະໂຄສະນາອົບຮົມສູນກາງພັກ, ອີງຕາມມະຕິຂອງກົມການເມືອງສູນກາງພັກ ສະບັບເລກທີ 031/ກມສພ, ລົງວັນທີ 3 ມັງກອນ 2018 ວ່າດ້ວຍວຽກງານຄຸ້ມຄອງພະນັກງານ, ອີງຕາມການຕົກລົງໃນກອງປະຊຸມກົມການເມືອງສູນກາງພັກ ແລະ ຄະນະເລຂາທິການສູນກາງພັກ ຄັ້ງວັນທີ 27 ມັງກອນ 2021, ອີງຕາມໜັງສືສະເໜີຂອງຄະນະຈັດຕັ້ງສູນກາງພັກ ສະບັບເລກທີ 11/ຄຈສພ, ລົງວັນທີ 28 ມັງກອນ 2021 ກົມການເມືອງສູນກາງພັກ ຕົກລົງແຕ່ງຕັ້ງ ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກ ເປັນເລຂາຄະນະບໍລິຫານງານພັກ, ຫົວໜ້າຄະນະໂຄສະນາອົບຮົມສູນກາງພັກ.

ໃນພິທີດັ່ງກ່າວ, ສະຫາຍ ບຸນທອງ ຈິດມະນີ ກໍໄດ້ໃຫ້ກຽດໂອ້ລົມ ໂດຍຕາງໜ້າໃຫ້ກົມ ການເມືອງ ແລະ ຄະນະເລຂາ ທິການສູນກາງພັກສະແດງ ຄວາມ ຍ້ອງຍໍໍຊົມເຊີຍຕໍ່ຜົນງານອັນພົ້ນເດັ່ນ ກໍຄື ບັນດາຕໍ່າແໜ່ງທີ່ບັນດາສະຫາຍ ໄດ້ຮັບການເລືອກຕັ້ງ ມອບໝາຍ ຈາກການ ຈັດຕັ້ງພັກ ແລະ ໄດ້ສະເໜີບັນດາສະຫາຍ ໃຫ້ເອົາໃຈໃສ່ບາງບັນຫາດັ່ງນີ້: ໃຫ້ບັນດາສະຫາຍການນໍາທຸກຂັ້ນ ຕ້ອງເປັນເອກະພາບນໍາຂັ້ນເທິງ ບົນພື້ນຖານນັ້ນ ໃຫ້ບັນດາສະຫາຍເຮັດວຽກງານສຶກສາອົບຮົມນໍາພາແນວຄິດຂອງພະນັກງານ-ສະມາຊິກພັກ ຢູ່ແຕ່ລະກົມ, ພະແນກການ ເພື່ອໃຫ້ທຸກຄົນເຂົ້າໃຈ ແລະ ຮັບຮູ້ຢ່າງທົ່ວເຖິງ ຕໍ່ການສັບຊ້ອນຈັດວາງພະນັກງານການນໍາດັ່ງກ່າວ, ບໍ່ໃຫ້ມີການສວຍໂອກາດ ທັບຖົມ-ໂຈມຕີກັນ ໃນທາງບໍ່ດີ. ອັນໃດເປັນຜົນສໍາເລັດ ທີ່ພວກສະຫາຍພ້ອມກັນນໍາພາຈັດຕັ້ງປະຕິບັດຜ່ານມາ ກໍໃຫ້ພ້ອມກັນຮັກສາ ແລະ ເສີມຂະຫຍາຍໃຫ້ດີຂຶ້ນເລື້ອຍໆ, ອັນໃດຍັງອ່ອນ ແລະ ຄົງຄ້າງ ບັນດາສະຫາຍພ້ອມກັນປັບປຸງແກ້ໄຂ ເພື່ອພ້ອມກັນສືບຕໍ່ນໍາພາພະນັກງານ ແລະ ສະມາຊິກພັກ ໃນອົງການຂອງຕົນ ປະຕິບັດໜ້າທີ່ດ້ວຍຄວາມຮັບຜິດຊອບສູງ ແລະ ປະດິດສ້າງ ເພື່ອສ້າງການຫັນປ່ຽນທີ່ແຂງແຮງ ເລິກເຊິ່ງ ແລະ ຮອບດ້ານ ໃນວຽກງານຕົວຈິງ,ໃຫ້ບັນດາສະຫາຍ ສືບຕໍ່ປົກປັກຮັກສາມູນເຊື້ອອັນດີງາມ, ໂດຍສະເພາະ ພາຍໃນຄະນະພັກ-ຄະນະນໍາ ຕ້ອງສາມັກຄີກັນແໜ້ນ, ມີຄວາມເປັນເອກະພາບສູງ, ສືບຕໍ່ເປັນຫຼັກເປັນ ແຫຼ່ງ ເປັນຄັນທຸງ ແລະ ເປັນແກນນໍາ ໃນການເຕົ້າໂຮມຄວາມສາມັກຄີ ໃນຖັນແຖວພະ ນັກງານ ສະມາຊິກພັກ;

ພ້ອມນັ້ນ ບັນດາສະຫາຍ ຈະຕ້ອງໄດ້ຊ່ວຍເຫຼືອ ແລະ ໃຫ້ການຮ່ວມມືກັບສະຫາຍ ຄໍາພັນ ເຜີຍຍະວົງ ທີ່ມາເຮັດໜ້າທີ່ເປັນຫົວໜ້າຜູ້ໃໝ່. ເຖິງວ່າສະຫາຍ ຈະເຄີຍເຮັດວຽກຢູ່ສູນກາງ ແລະ ທ້ອງຖິ່ນແລ້ວກໍຕາມ, ແຕ່ອາດຍັງມີຫຼາຍໜ້າວຽກທີ່ເປັນວຽກໃໝ່ ອາດກໍາບໍ່ທັນໄດ້ໝົດທຸກບັນຫາ; ໃຫ້ເອົາໃຈໃສ່ ແລະ ຖືສໍາຄັນ ລະບອບ, ແບບແຜນ ວິທີເຮັດວຽກ, ລະບອບປະຊຸມປຶກສາຫາລື ສ່ອງແສງລາຍງານ ເພື່ອສືບຕໍ່ນໍາພາພະນັກງານ-ສະມາຊິກພັກ ຈັດຕັ້ງ ປະຕິບັດວຽກງານເປັນເສນາທິການໃຫ້ສູນກາງພັກ ກໍຄືກົມການເມືອງ, ຄະນະເລຂາທິການສູນກາງພັກ ນັບມື້ໄດ້ຮັບການປັບປຸງດີຂຶ້ນເລື້ອຍໆ.ໃນຜ່ານມາ ຫຼື ປັດຈຸບັນ, ສັງຄົມເບິ່ງຄະນະໂຄສະນາອົບຮົມ ຫຼື ວຽກງານໂຄສະນາອົບຮົມ ໃນແງ່ມູມໃດກໍຕາມ, ຄະນະໂຄສະນາອົບຮົມ ຕ້ອງໄດ້ຕັດສິນໃຈບືນຕົວພັດທະນາຕົນເອງໃຫ້ຫຼາຍຂຶ້ນ, ໂດຍສຸມໃສ່ສືບຕໍ່ປັບປຸງລະບົບກົງຈັກການຈັດຕັ້ງຂອງຄະນະໂຄສະນາອົບຮົມ ແຕ່ສູນກາງລົງເຖິງທ້ອງຖິ່ນ ໃຫ້ມີຄວາມໜັກແໜ້ນ, ເຂັ້ມແຂງ ສົມຄູ່ກັບພາລະບົດບາດ ແລະ ຄວາມສໍາຄັນ ຂອງວຽກງານນີ້.

ເອົາໃຈໃສ່ສ້າງ-ຍົກລະດັບຖັນແຖວພະນັກງານ ທີ່ເຮັດວຽກງານໂຄສະນາອົບຮົມຂອງພັກ ຢ່າງເປັນລະບົບ, ຕໍ່ເນື່ອງ ເປັນຕົ້ນ ນັກຄົ້ນຄວ້າຂີດຂຽນ, ນັກໂຄສະນາ-ປາຖະກະຖາ. ພ້ອມນັ້ນ ກໍຕ້ອງປັບປຸງເນື້ອໃນ, ຮູບການ, ວິທີການ ຂອງວຽກງານໂຄສະນາອົບຮົມ ໃຫ້ສອດຄ່ອງ, ຕິດແທດກັບສະພາບ ແລະ ຄວາມຮຽກ ຮ້ອງຕ້ອງການຕົວຈິງ ຂອງໜ້າທີ່ການເມືອງ, ແທດກັບແຕ່ລະເປົ້າໝາຍ, ມີຄຸນນະພາບ ແລະ ມີປະສິດທິຜົນສູງຂຶ້ນກວ່າເກົ່າ,ປັບປຸງລະບົບກົນໄກປະສານງານ ລະຫວ່າງ ຄະນະໂຄສະນາອົບຮົມສູນກາງພັກ ກັບຄະນະພັກຂອງກະຊວງ, ອົງການຕ່າງໆ ຢູ່ສູນກາງ ແລະ ກັບຄະນະພັກ ກໍຄື ຄະນະໂຄສະນາອົບຮົມຂັ້ນທ້ອງຖິ່ນ ໃຫ້ກົມກຽວ ແລະ ວ່ອງໄວ ເພື່ອກໍາສະພາບການຫັນປ່ຽນ ຂອງສະພາບການ ແລະ ດ້ານແນວຄິດຈິດຕະສາດ ຂອງພະນັກງານ, ສະມາຊິກພັກ ກໍຄື ຂອງສັງຄົມ, ເອກະພາບດ້ານການເຄື່ອນໄຫວໂຄສະນາອົບຮົມ ແຕ່ເທິງລົງລຸ່ມ.

ຂ່າວ: ສຳນານ – ປະຊາຊົນ