ກະຊວງການຕ່າງປະເທດ ຈັດກອງປະຊຸມເປີດກວ້າງ ສໍາລັບບັນດາກະຊວງ ແລະ ອົງການຕ່າງໆຂັ້ນສູນກາງ ເພື່ອທາບທາມຄຳເຫັນໃສ່ຮ່າງກົດໝາຍ ວ່າດ້ວຍໜັງສືຜ່ານແດນ ໃນວັນທີ 25 ພຶດສະພາ 2022 ພາຍໃຕ້ການເປັນປະທານຂອງ ທ່ານ ບຸນເຫລືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ.

ກອງປະຊຸມໃນຄັ້ງນີ້, ໄດ້ເປີດໂອກາດໃຫ້ບັນດາກະຊວງ ແລະ ອົງການຂັ້ນສູນກາງ ປະກອບຄໍາຄິດຄຳເຫັນໃສ່ຮ່າງກົດໝາຍສະບັບດັ່ງກ່າວ ແນໃສ່ເຮັດໃຫ້ເນື້ອໃນຂອງຮ່າງກົດໝາຍມີຄວາມຄົບຖ້ວນ, ຮັດກຸມ, ຮອບດ້ານ, ສອດຄ່ອງກັບສະພາບຕົວຈິງ ແລະ ສາມາດຈັດຕັ້ງປະຕິບັດ ເຊິ່ງການປຶກສາຫາລືຄັ້ງນີ້ ເປັນການດໍາເນີນຂັ້ນຕອນທາບທາມຄັ້ງທໍາອິດ ຕໍ່ຮ່າງນິຕິກໍາດັ່ງກ່າວ ແລະ ຈະໄດ້ສືບຕໍ່ນໍາເອົາຮ່າງກົດໝາຍສະບັບນີ້ ໄປທາບທາມຄຳເຫັນກັບບັນດາຂະແໜງການທີ່ກ່ຽວຂ້ອງ ຢູ່ຂັ້ນທ້ອງຖິ່ນ ຕາມຂັ້ນຕອນຂອງການສ້າງຮ່າງກົດໝາຍ ເພື່ອໃຫ້ສຳເລັດພາຍໃນເດືອນມິຖຸນາ 2022 ນີ້.

ຈາກນັ້ນ, ຄະນະຮັບຜິດຊອບສ້າງຮ່າງກົດໝາຍ ກໍຈະໄປຄົ້ນຄວ້າ, ປັບປຸງ ແລະ ຮຽບຮຽງຮ່າງກົດໝາຍໃຫ້ມີເນື້ອໃນລະອຽດ, ຈະແຈ້ງ ແລະ ຄົບຖ້ວນສົມບູນຂຶ້ນກວ່າເກົ່າ, ຮ່າງກົດໝາຍ ວ່າດ້ວຍໜັງສືຜ່ານແດນ ມີແຜນຈະນຳສະເໜີເຂົ້າພິຈາລະນາ ຢູ່ກອງປະຊຸມລັດຖະບານ ປະຈຳເດືອນສິງຫາ 2022 ແລະ ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ IX ເພື່ອພິຈາລະນາ ໃນທ້າຍປີ 2022 ນີ້.

ຮ່າງກົດໝາຍ ວ່າດ້ວຍໜັງສືຜ່ານແດນ ໄດ້ກໍານົດຫລັກການ, ລະບຽບການ ແລະ ມາດຕະການ ກ່ຽວກັບການຄຸ້ມຄອງ ແລະ ຕິດຕາມ ກວດກາວຽກງານໜັງສືຜ່ານແດນຂອງ ສປປ ລາວ ເພື່ອເຮັດໃຫ້ການປະຕິບັດວຽກງານດັ່ງກ່າວ ມີຄວາມຖືກຕ້ອງ, ຊັດເຈນ, ວ່ອງໄວ, ທັນສະໄໝ ແລະ ເປັນລະບົບ ແນໃສ່ ປົກປ້ອງສິດ ແລະ ຜົນປະໂຫຍດອັນຊອບທໍາຂອງພົນລະເມືອງລາວ, ອໍານວຍຄວາມສະດວກ ໃຫ້ພົນລະເມືອງລາວໃນການເດີນທາງເຂົ້າ-ອອກ ສປປ ລາວ, ພັກເຊົາ ຫລື ອາໄສຢູ່ຕ່າງປະເທດ, ຮັບປະກັນຄວາມໝັ້ນຄົງຂອງຊາດ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ສາ ມາດເຊື່ອມໂຍງກັບສາກົນ ປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະ ເທດຊາດ.ພາຍຫລັງຮ່າງກົດໝາຍສະບັບນີ້ ຖືກຮັບຮອງ ແລະ ປະກາດໃຊ້ ຈະເຮັດໃຫ້ການຄຸ້ມຄອງວຽກງານໜັງສືຜ່ານແດນ ຂອງ ສປປ ລາວ ລວມສູນ ແລະ ເປັນເອກະພາບ, ມີປະສິດທິພາບ ແລະ ປະສິດທິຜົນຂຶ້ນກວ່າເກົ່າ ແລະ ຈະເປັນບາດກ້າວໜຶ່ງທີ່ສຳຄັນ ໃນການພັດທະນາລະບົບນິຕິກຳ ຂອງຂະແໜງການຕ່າງປະເທດ ແນໃສ່ເພີ່ມທະວີການຄຸ້ມຄອງວຽກງານການຕ່າງປະເທດ ດ້ວຍກົດໝາຍຢ່າງໜັກແໜ້ນເທື່ອລະກ້າວ, ພ້ອມທັງການຜັນຂະຫຍາຍແນວທາງນະໂຍບາຍການຕ່າງປະເທດຂອງ ພັກ-ລັດ ຕາມມະຕິກອງປະຊຸມໃຫ່ຍ ຄັ້ງທີ XI ຂອງພັກ, ມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກ ວ່າດ້ວຍ ການຍົກສູງປະສິດຕິພາບໃນການຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ, ມະຕິຂອງກອງປະຊຸມອົງຄະນະພັກກະຊວງການຕ່າງປະເທດ ຄັ້ງທີ IV ກໍຄື ຜົນສຳເລັດ ແລະ ທິດທາງຂອງກອງປະຊຸມວຽກງານການຕ່າງປະເທດ ຄັ້ງທີ 14 ໂດຍສະເພາະ ການຫັນຂະແໜງການຕ່າງປະເທດ ໄປສູ່ການຄຸ້ມຄອງດ້ວຍກົດໝາຍ.

ແຫຼ່ງຂ່າວ: ຂປລ

ດັ່ງທີ່ເຮົາຮູ້ປັດຈຸບັນ, ລາຄານໍ້າມັນມີການປັບລາຄາ ຂຶ້ນ-ລົງ ເຮັດໃຫ້ລາຄາບໍ່ຄົງທີ່, ເກີດໃຫ້ມີປາກົດການຫຍໍ້ທໍ້ ເນື່ອງຈາກບາງປໍ້ານໍ້າມັນເຊື້ອໄຟມີການຈຳໜ່າຍເກີນລາຄາແຈ້ງການ.

ໃນວັນທີ 24 ພຶດສະພາ 2022 ຜ່ານມາ, ປະຕິບັດຕາມແຈ້ງການຂອງຫ້ອງວ່າການແຂວງ ສະບັບເລກທີ 815/ຫວຂ, ລົງວັນທີ 18/05/2022 ແລະ ດຳລັດ ສະບັບເລກທີ 331/ນຍ, ລົງວັນທີ 27/10/2017 ໃດ້ສ້າງບົດບັນທຶກກັບບັນດາປໍ້ານໍ້າມັນເຊື້ອໄຟ ທີ່ກາຍເກີນລາຄາແຈ້ງການ ຂອງກະຊວງ ອຄ, ພ້ອມໃດ້ຫນີບກົ່ວໃຫ້ຢຸດຂາຍຊົ່ວຄາວ ແລະ ປັບໃຫມຕາມລະບຽບການ.

.

.

ແລະ ໃນເວລາ 17:30 ນາທີ, ຂອງວັນທີ 19 ພຶດສະພາທີ່ຜ່ານມາ, ເຈົ້າຫນ້າທີ່ກວດກາການຄ້າ, ຫ້ອງການອຸດສາຫະກຳ ແລະການຄ້າເມືອງໄຊເສດຖາ ໃດ້ສົມທົບກັບພະແນກອຸດສາຫະກຳ ແລະ ການຄ້າແຂວງ ລົງກວດກາປໍ້າຍ່ອຍນໍ້າມັນເຊື້ອໄຟ ຂອງລັດວິສາຫະກິດນໍ້າມັນເຊື້ອໄຟລາວ ເຊີ່ງຂາຍນໍ້າມັນເຊື້ອໄຟຕ່າງຈາກລາຄາທີ່ອົງການຄຸ້ມຄອງທຸລະກິດນໍ້າມັນເຊື້ອໄຟກຳນົດ, ສະບັບເລກທີ 0608/ອຄ.ຄພນ, ລົງວັນທີ 18/05/2022 ແລະ ໄດ້ປັບໄຫມ 5,000,000 ກີບ ຕາມຂໍ້ 4 ມາດຕາ 82 ຂອງດຳລັດ ສະບັບເລກທີ 331/ນຍ, ລົງວັນທີ 27/10/2017.

ເນັ້ນຈະລາຈອນທົ່ວ ນວ ປະຕິບັດໜ້າທີ່ວຽກງານວິຊາສະເພາະຢ່າງເຂັ້ມງວດເດັດຂາດ ບໍ່ໃຫ້ຮຽກຮ້ອງຄ່າຕອບແທນຈາກຜູ້ຂັບຂີ່ ຫຼຸດຜ່ອນຫາງສຽງຈົ່ມວ່າຈາກສັງຄົມ.

ຈະລາຈອນ ທົ່ວ ນວ ຕ້ອງປະຕິບັດວິຊາສະເພາະຄຽງຄູ່ກັບການບັງຄັບໃຊ້ກົດໝາຍ ໃຫ້ເຂັ້ມງວດຂປລ. ເມື່ອບໍ່ດົນມານີ້, ທ່ານ ພັອ ກົງສີ ສຸວັນນະຕຸ້ມ ຫົວໜ້າກົມຕຳຫລວດຈະລາຈອນ ກົມໃຫຍ່ຕຳຫລວດ ກະຊວງປ້ອງກັນຄວາມສະຫງົບ ໄດ້ໂອ້ລົມ ແລະ ໃຫ້ທິດຊີ້ນຳຕໍ່ ບັນດາຄະນະພັກ-ຄະນະບັນຊາ ທີ່ເຮັດວຽກງານ-ຊີ້ນຳວິຊາສະເພາະຈະລາຈອນ ກ່ຽວກັບວຽກງານວິຊາສະເພາະ ຂອງກຳລັງຕຳຫລວດຈະລາຈອນ ທົ່ວນະຄອນຫລວງວຽງຈັນ(ນວ) ໃຫ້ພ້ອມກັນຈັດຕັ້ງປະຕິບັດວຽກງານວິຊາສະເພາະ ໃນການບັງຄັບໃຊ້ກົດໝາຍໃຫ້ເຂັ້ມງວດ.

ໂອກາດນີ້, ທ່ານ ພັອ ກົງສີ ສຸວັນນະຕຸ້ມ ຍັງໄດ້ເນັ້ນໜັກຫລາຍບັນຫາສໍາຄັນ ໂດຍອີງໃສ່ບັນດານິຕິກຳ, ລະບຽບ, ກົດໝາຍ, ຄຳສັ່ງ ແລະ ແຈ້ງການຕ່າງໆທີ່ພົວພັນເຖິງວຽກງານວິຊາສະເພາະຈະລາຈອນ ເປັນຕົ້ນ ແມ່ນການຈັດຕັ້ງປະຕິບັດເນື້ອໃນລະບຽບ ຂອງກໍາລັງ ປກສ ສະບັບເລກທີ 360/ປກສ ວ່າດ້ວຍການນຸ່ງຖື, ການນໍາໃຊ້ອາວຸດ, ຄຸນສົມບັດສິນທໍາປະຕິວັດ, ຂໍ້ຫ້າມຂອງກໍາລັງ ປກສ, 3 ທາດແທ້ 7 ມູນເຊື້ອ, ວຽກງານການດໍາເນີນການແກ້ໄຂຄະດີອຸບັດເຫດ, ວຽກງານການດໍາເນີນກວດກາພາຫະນະ ແລະ ວຽກງານອື່ນໆ ທີ່ກ່ຽວຂ້ອງກັບວິຊາສະເພາະຂອງກຳລັງຕໍາຫລວດຈະລາຈອນ, ທັງນີ້ ກໍເພື່ອເປັນການຍົກສູງຄວາມຮັບຜິດຊອບຂອງ ເຈົ້າໜ້າທີ່ຕຳຫລວດຈະລາຈອນ ທົ່ວນະຄອນຫຼວງວຽງຈັນ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ເຂັ້ມແຂງທາງການຈັດຕັ້ງປະຕິບັດ ໜ້າທີ່ວຽກງານວິຊາສະເພາະຖືກຕ້ອງຕາມພາລະບົດບາດ, ສິດ ແລະ ໜ້າທີ່ ຄຽງຄູ່ກັບການບັງຄັບໃຊ້ກົດໝາຍໃຫ້ເຂັ້ມງວດ, ເປັນກາງ ແລະ ສາມາດ ຮັກສາໄດ້ຄວາມສະຫງົບ, ຄວາມເປັນລະບຽບຮ້ອຍຂອງສັງຄົມ ໃນການໃຊ້ລົດໃຊ້ຖະໜົນຂອງຜູ້ຂັບຂີ່ຢູ່ຕາມທ້ອງຖະໜົນທາງບົກ ແລະ ຮັບປະກັນໄດ້ບໍ່ໃຫ້ເກີດມີຫາງສຽງຈາກສັງຄົມ ຕໍ່ກັບການປະຕິບັດໜ້າທີ່ ຂອງກຳລັງຕຳຫລວດຈະລາຈອນ ໃນນະຄອນຫລວງວຽງຈັນ ກໍຄື ໃນກຳລັງປ້ອງກັນຄວາມສະຫງົບ.

ຂໍ້ມູນ: ໜັງສືພິມ ປກສ

ປະຊາຊົນລາວ ຖືກເຄາະຮ້າຍຈາກລະເບີດບໍ່ທັນແຕກ 40 ຄົນຕໍ່ປີ

ທ່ານ ພັນໂທ ຄອນແກ້ວ ອໍລະດົມ ຫົວໜ້າການທະຫານກອງກວດກູ້ລະເບີດ ເພື່ອມະນຸດສະທຳ 58 ລາຍງານໃຫ້ຮູ້ເມື່ອບໍ່ດົນມານີ້ວ່າ: ພາຍຫຼັງສົງຄາມໄດ້ສິ້ນສຸດລົງ ປະຊາຊົນລາວ ໄດ້ມີຜູ້ຮັບບາດ ເຈັບ ແລະ ເສຍຊີວິດຫລາຍກວ່າ 50.000 ຄົນ ແລະ ຫລາຍໆຄົນກໍກາຍເປັນຄົນພິການຖາວອນ, ປັດຈຸບັນນີ້, ຍັງມີປະຊາຊົນຈຳນວນໜຶ່ງ ຮູ້ເທົ່າບໍ່ເຖິງການ ເມື່ອພົບເຫັນລະເບີດແລ້ວທໍາລາຍມັນດ້ວຍຕົນເອງ ເຮັດໃຫ້ລະເບີດແຕກໃສ່ ເຮັດໃຫ້ມີຜູ້ເສຍຊີວິດ ແລະ ພິການເພີ່ມຂຶ້ນໃນແຕ່ລະປີ.

ແຂວງທີ່ມີລະເບີດຫລາຍກວ່າໝູ່ແມ່ນ ແຂວງຊຽງຂວາງ, ສະຫວັນນະເຂດ ແລະ ແຂວງສາລະວັນ ຕາມລໍາດັບ; ນອກນັ້ນ, ບາງເຂດບໍ່ມີຂໍ້ມູນການຖິ້ມລະເບີດ ແຕ່ພົບເຫັນລະເບີດທີ່ບໍ່ທັນແຕກ ໂດຍສະເພາະຢູ່ນະຄອນຫລວງວຽງຈັນ ເຂດເມືອງສັງທອງ ແລະ ເມືອງປາກງື່ມ. ຍ້ອນເຫັນໄດ້ໄພອັນຕະລາຍຈາກລູກລະເບີດບໍ່ທັນແຕກ, ພັກ-ລັດຖະບານ ໄດ້ເອົາໃຈໃສ່ໃນການຈັດຕັ້ງປະຕິບັດ ຊີ້ນໍາກອງກວດກູ້ລະເບີດເພື່ອມະນຸດສະທຳ 58, ກຳນົດເອົາຂົງເຂດກະສິກຳເປັນບູລິມະສິດ ໂດຍສະເພາະຢູ່ເມືອງຄຳເກີດ ແຂວງບໍລິຄຳໄຊ ແລະ ບາງພື້ນທີ່ຂອງແຂວງວຽງຈັນ ເພື່ອບໍ່ໃຫ້ຊາວກະສິກອນ ທີ່ດໍາເນີນອາຊີບການຜະລິດກະສິກຳ ຕ້ອງເປັນຜູ້ຖືກເຄາະຮ້າຍ.

ຂໍ້ມູນຈາກກອງກວດກູ້ລະເບີດ ເພື່ອມະນຸດສະທຳ 58 ລາຍງານໃຫ້ຮູ້ວ່າ: ແຂວງທີ່ມີລະເບີດຫລາຍກວ່າໝູ່ແມ່ນ ແຂວງຊຽງຂວາງ, ສະຫວັນນະເຂດ ແລະ ແຂວງສາລະວັນ ຕາມລໍາດັບ; ນອກນັ້ນ, ບາງເຂດບໍ່ມີຂໍ້ມູນການຖິ້ມລະເບີດ ແຕ່ພົບເຫັນລະເບີດທີ່ບໍ່ທັນແຕກ ໂດຍສະເພາະຢູ່ນະຄອນຫລວງວຽງຈັນ ເຂດເມືອງສັງທອງ ແລະ ເມືອງປາກງື່ມ.

ແຫຼ່ງຂ່າວຈາກ: VT9

ພະແນກສາທາລະນະສຸກ ນະຄອນຫຼວງວຽງຈັນ ຂໍແຈ້ງມາຍັງບຸກຄົນ, ນິຕິບຸກຄົນ ແລະ ຊາວຕ່າງດ້າວ ທີ່ຢູ່ໃນ ນະຄອນຫຼວງວຽງຈັນ ມີຈຸດປະສົງເດີນທາງໄປຕ່າງປະເທດ ທີ່ຕ້ອງການອອກໃບຢັ້ງຢືນສັກວັກຊິນ ໂຄວິດ -19 ( Certificate of Vaccinations ) ຢູ່ໃນນະຄອນຫຼວງວຽງຈັນໄດ້ກໍານົດດັ່ງນີ້:

.

‘

ສຳລັບ: ປະຊາຊົນລາວທີ່ຈະໄປປະເທດເພື່ອບ້ານຕາມຊາຍແດນໃກ້ຄຽງເຊັ່ນ ອຸດອນ,ໜອງຄາຍ ແມ່ນໃຊ້ແຕ່ບັດສັກວັກຊີນສີຂຽວຕາມເຄີຍ.