ທະນາຄານການຄ້າ ຕ່າງປະເທດລາວ ມະຫາຊົນ (BCEL) ມີມະຕິຕົກລົງ ບໍ່ຈ່າຍເງິນປັນຜົນ ປີ 2021

ມະຕິກອງປະຊຸມທະນາຄານການຄ້າຕ່າງປະເທດລາວ ມີມະຕິບໍ່ຈ່າຍເງິນປັນຜົນປະຈຳປີ 2021 ເຊິ່ງເປັນຄັ້ງທຳອິດນັບຕັ້ງແຕ່ທະນາຄານການຄານຕ່າງປະເທດລາວເຂົ້າຈົດທະບຽນໃນຕະຫາດຫຼັກຊັບ

ເຊິ່ງກອງປະຊຸມສະພາທະນາຄານການຄ້າຕ່າງປະເທດລາວໄດ້ປຶກສາຫາລື ແລະ ມີມະຕິຕົກລົງບາງບັນຫາສຳຄັນ ໂດຍສະເພາະປະເດັ່ນທີ່ 5 ຄື:

– ຮັບຮອງແຜນການຈັດກອງປະຊຸມຜູ້ຖືຮຸ້ນ ທຄຕລ ປະຈຳປີ 2021 ດັ່ງນີ້ມື້ປິດປື້ມບັນຊີຜູ້ຖືຮຸ້ນວັນທີ 1 ເມສາ 2022 ເພື່ອກຳນົດສິດຜູ້ເຂົ້າຮ່ວມກອງປະຊຸມຜູ້ຖືຮຸ້ນ ທຄຕລ ປະຈຳປີ 2021;

– ວັນເວລາສະຖານທີ່ຈັດກອງປະຊຸມວັນທີ 29 ເມສາ 2022 ທີ່ ໂຮງແຮມລາວພລາຊາ

– ຮັບຮອງເອົາວາລະກອງປະຊຸມຜູ້ຖືຮຸ້ນ ທຄຕລ ປະຈຳປີ 2021;

– ຕົກລົງບໍ່ຈ່າຍເງິນປັນຜົນ ປະຈຳປີ 2021.

• – ປີ 2011 ເປັນປີເລີ່ມຈົດທະຽນເຂົ້າຕະຫຼາດຫຼັກຊັບ ປີນີ້ຈ່າຍເງິນປັນຜົນຢູ່ທີ່ 698.92 ກີບຕໍ່ຮຸ້ນ
• – ປີ 2012 ຈ່າຍເງິນປັນຜົນຢູ່ທີ່ 791.1 ກີບຕໍ່ຮຸ້ນ
• – ປີ 2013 ຈ່າຍເງິນປັນຜົນຢູ່ທີ່ 785 ກີບຕໍ່ຮຸ້ນ
• – ປີ 2014 ຈ່າຍເງິນປັນຜົນຢູ່ທີ່ 592 ກີບຕໍ່ຮຸ້ນ
• – ປີ 2015 ຈ່າຍເງິນປັນຜົນຢູ່ທີ່ 392 ກີບຕໍ່ຮຸ້ນ
• – ປີ 2016 ຈ່າຍເງິນປັນຜົນຢູ່ທີ່ 614 ກີບຕໍ່ຮຸ້ນ
• – ປີ 2017 ຈ່າຍເງິນປັນຜົນຢູ່ທີ່ 612 ກີບຕໍ່ຮຸ້ນ
• – ປີ 2018 ຈ່າຍເງິນປັນຜົນຢູ່ທີ່ 991 ກີບຕໍ່ຮຸ້ນ (ເປັນປີທີ່ຈ່າຍເງິນປັນຜົນຫຼາຍທີ່ສຸດ)
• – ປີ 2019 ຈ່າຍເງິນປັນຜົນຢູ່ທີ່ 813 ກີບຕໍ່ຮຸ້ນ
• – ປີ 2020 ຈ່າຍເງິນປັນຜົນຢູ່ທີ່ 560 ກີບຕໍ່ຮຸ້ນ
• – ປີ 2021 ບໍ່ຈ່າຍເງິນປັນຜົນ ເປັນປີທຳອິດເລີຍກໍ່ວ່າໄດ້

ຫຼັກຈາກມະຕິສະພາອອກມາເຮັດໃຫ້ຮຸ້ນທະນາຄານການຄ້າປັບຕົວຫຼຸດລົງຢູ່ທີ່ 5,400 ກີບຕໍ່ຮຸ້ນ

ສ່ວນສາເຫດທີ່ໂຈະການຈ່າຍເງິນປັນຜົນ ປີ 2021 ນັ້ນ, ຍັງບໍ່ທັນມີການຊີ້ແຈງເປັນທາງການ.

ທີ່ມາ: ໜັງສືພິມ ເສດຖະກິດ-ການຄ້າ

ໄຟໄຫມ້ເຮືອນ ເສຍຫາຍ 1 ຫລັງ.

ຕາມການລາຍງານຈາກ ຄວາມສະຫງົບໃຫ້ຮູ້ວ່າ: ໃນເວລາ 19:00 ໂມງ ຂອງວັນທີ 31 ມີນາ 2022 ໄດ້ມີເຫດການໄຟໄຫມ້ເຮືອນ 2 ຊັ້ນ, ຢູ່ບ້ານຈອມມະນີ ເມືອງໄຊເສດຖາ ນະຄອນກລວງວຽງຈັນ ເສຍຫາຍ 1 ຫລັງ ຈຳນວນ 3 ຫ້ອງ (ເປັນເຮືອນລັກສະນະຫ້ອງແຖວ)

ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ປກສ ນະຄອນຫຼວງວຽງຈັນ ໄດ້ຮັບແຈ້ງ ວ່າ: ມີເຫດການໄຟໄໝ້ ເຮືອນ ຕັ້ງຢູ່ບ້ານ ຈອມມະນີ ໜ່ວຍ 47 ເມືອງໄຊເສດຖາ ຈິ່ງໄດ້ກຽມພ້ອມພາຫະນະ ແລະ ກໍາລັງພົນອອກໄປຫາຈຸດເກີດເຫດ ໂດຍໃຊ້ລົດມອດໄຟ ຈຳນວນ 3 ຄັນ, ພະນັກງານ 16 ສະຫາຍ ເມື່ອມາເຖີງຈຸດເກີດເຫດເຈົ້າໜ້າທີ່ວິຊາສະເພາະ ຂອງພວກເຮົາກໍໄດ້ເຂົ້າມອດໄຟທີ່ໄໝ້ຢູ່ ນັ້ນ ໃຊ້ເວລາດັບມອດ 3 ຊົ່ວໂມງ ໄຟກໍ່ດັບມອດລົງ.

ເຮືອນຫຼັງດັ່ງກ່າວແມ່ນເປັນເຮືອນ ຂອງ ທ້າວ ລິນທອງ ຫອມມະນີຈັນ (ເຈົ້າຂອງເຮືອນຫ້ອງແຖວໃຫ້ເຊົ່າ ) 72 ປີ, ອາຊີບ ພະນັກງານບຳນານ, ບ້ານ ຢູ່ປະຈຸບັນ ບ້ານ ຈອມມະນີ ໜ່ວຍ 47 ເມືອງ ໄຊເສດຖາ; ເປັນເຮືອນ( ມີລັກສະນະຫ້ອງແຖວ ) ສອງຊັ້ນ ກໍ່ດ້ວຍຊີມັງ ມຸ່ງດ້ວຍແຜ່ນ ກະເບື້ອງ 12 m x 10 m ຜົນເສຍຫາຍ ເຮືອນຕ້ອງຖືກໄໝ້ໝົດ 1 ຫຼັງສອງຊັ້ນ ຈຳນວນ 3 ຫ້ອງມູນຄ່າເສຍຫາຍ ຍັງຢູ່ໃນລະຫວ່າງການປະເມີນ. ໄຟໄຫມ້ຄັ້ງນີ້ ເລີ່ມຈາກຫ້ອງຂອງ ນາງ ສາລີ ສີປະມາຍ ຜູ້ເຊົ່າຫ້ອງ (ຫ້ອງຕົ້ນເພິງ) ອາຍຸ 23 ປີ ອາຊີບ ນັກສຶກສາ.

ຜົນເສຍຫາຍ: ແມ່ນ ເຄື່ອງໃຊ້, ເຄື່ອງໄຟຟ້າ ແລະ ເງິນຈຳນວນໜຶ່ງຖືກໄໝ້ໝົດ. ເຊິ່ງມູນຄ່າເສຍຫາຍ ຍັງຢູ່ໃນລະຫວ່າງການເມີນຜົນເສຍຫາຍ ແລະ ສາເຫດ ຍັງຢູ່ໃນຄັນຕອນການດໍາເນີນການສືບສວນ – ສອບສວນຂອງເຈົ້າໜ້າທີ່.

ແຫຼ່ງຂ່າວ: ຄວາມສະຫງົບ

ຕາມການລາຍງານຂອງສູນຂ່າວສານການແພດສຸຂະສຶກສາປະຈຳວັນ.

ນະຄອນຫຼວງວຽງຈັນຍັງຢືນໜຶ່ງ ເຊິ່ງມີຜູ້ຕິດເຊື້ອໃໝ່ຫຼາຍທີ່ສຸດລາຍຕິດ.

ກະຊວງປ້ອງກັນຄວາມສະຫງົບ ກົມໃຫຍ່ຕໍາຫຼວດ ກົມຕໍາຫຼວດຈະລາຈອນ ແຈ້ງການເຖີງ: ພໍ່ແມ່ ປະຊາຊົນ, ພະນັກງານ, ທະຫານ, ຕໍາຫຼວດ ແລະ ຜູ້ໃຊ້ລົດ -ໃຊ້ຖະຫນົນ. ເລື່ອງ: ການປ້ອງກັນ, ສະກັດກັ້ນອຸບປະຕິເຫດຈະລາຈອນ ໃນຊ່ວງໄລຍະສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃຫມ່ລາວ ພສ 2565 ໃຫ້ມີຄວາມປອດໄພ. 

ເພື່ອປ້ອງກັນ, ສະກັດກັ້ນອຸປະຕິເຫດຈະລາຈອນທາງບົກ ໃນໄລຍະການສະເຫຼີມສະຫຼອງສົ່ງທ້າຍປີເກົ່າ ແລະ ຕ້ອນຮັບ ຮັບປີໃຫມ່ລາວ ພສ 2565 ໃຫ້ມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ປອດໄພໃນການ ສັນຈອນ, ເຮັດໃຫ້ການຫຼີ້ນບຸນປີໃຫມ່ລາວມີຄວາມເບີກບານມ່ວນຊື່ນ ແລະ ຖືກຕ້ອງຕາມຮີດຄອງປະເພນີອັນດີງານຂອງ ຊາດລາວເຮົາ.

ກົມຕໍາຫຼວດຈະລາຈອນ ກະຊວງປ້ອງກັນຄວາມສະຫງົບ ຈຶ່ງອອກແຈ້ງການ ດັ່ງນີ້ :

1. ຜູ້ຂັບຂີ່ລົດຕ້ອງເຄົາລົບ ແລະ ປະຕິບັດຕາມກົດລະບຽບຈະລາຈອນ ຢ່າງເຂັ້ມງວດ.

2. ຜູ້ຂັບຂີ່ລົດຈັກ ຕ້ອງໃສ່ຫມວກກັນກະທົບ ທັງຜູ້ຂັບ ແລະ ຜູ້ຊ້ອນທ້າຍ ( ຖ້າຫາກລະເມີດຈະໄດ້ກັກລົດໄວ້ ) ເພື່ອຄວາມປອດໄພຂອງທ່ານ.

3. ຜູ້ຂັບຂີ່ລົດໃຫຍ່ ຕ້ອງຮັດສາຍແອວນິລະໄພ ເພື່ອຮັບປະກັນຄວາມປອດໄພໃຫ້ແກ່ຜູ້ຂັບຂີ່ ແລະ ຜູ້ໂດຍສານ.

4. ກ່ອນຈະນໍາໃຊ້ພາຫະນະ ຕ້ອງກວດສະພາບເຕັກນິກ ແລະ ຄວາມພ້ອມຂອງລົດ ໃຫ້ມີຄວາມຮັບປະກັນ ເປັນຢ່າງດີ.

.

ລາຍລະອຽດເພີ່ມເຕີມໃນແຈ້ງການ

ບໍລິສັດ ລັດວິສາຫະກິດ ຫວຍພັດທະນາ ການໂຈະອອກເລກລາງວັນຫວຍພັດທະນາ ໃນວັນພຸດ ທີ 13 ແລະ ວັນສຸກ ທີ 15 ເມສາ 2022.

ບໍລິສັດ ລັດວິສາຫະກິດ ຫວຍພັດທະນາ ຂໍຖືເປັນກຽດແຈ້ງມາຍັງ ບັນດາຕົວແທນຈໍາຫນ່າຍຫວຍ ພັດທະນາ, ທຸກພາກສ່ວນທີ່ກ່ຽວຂ້ອງ ຕະຫລອດຮອດຜູ້ທີ່ມັກສ່ຽງໂຊກ-ຊິງລາງວັນ ໃນຂອບເຂດທົ່ວ ປະເທດຊາບວ່າ: ເພື່ອຮັບປະກັນໃຫ້ການເຄື່ອນໄຫວຈໍາຫນ່າຍຫວຍພັດທະນາ ໄດ້ດໍາເນີນໄປຕາມແຜນການ ແລະ ມີປະສິດທິຜົນດີ ສະນັ້ນ, ໃນໄລຍະສະເຫຼີມສະຫຼອງບຸນປີໃຫມ່ລາວ ພສ 2555 (ຄສ 2022) ບໍລິສັດ ລັດວິສາຫະກິດ ຫວຍພັດທະນາ ຈະໄດ້ໂຈະການຈໍາຫນ່າຍ ແລະ ໂຈະອອກເລກລາງວັນຫວຍພັດທະນາ ໃນວັນ ພຸດທີ 13 ແລະ ວັນສຸກທີ 15 ເມສາ 2022 ແລະ ບໍ່ມີການອອກທົດແທນຄືນ.