ຂ່າວການທ່ອງທ່ຽວ

ກຽມພ້ອມເປີດເປັນແຫຼ່ງທ່ອງທ່ຽວ! ດອນຊາຍມຸງຄຸນ ແຂວງຫຼວງພະບາງ

ດອນຊາຍມຸງຄຸນ ແຂວງຫຼວງພະບາງ ກຽມພ້ອມເປີດເປັນແຫຼ່ງທ່ອງທ່ຽວ ແລະ ຈັດກິດຈະກໍາບຸນປີໃໝ່ລາວ. ໂຄງການກໍ່ສ້າງຟື້ນຟູດອນຊາຍມຸງຄຸນ ເມືອງຈອມເພັດ ນະຄອນ-ຫຼວງພະບາງ ແຂວງຫຼວງພະບາງ ໄດ້ເລີ່ມລົງມືກໍ່ສ້າງມາແຕ່ຕົ້ນປີ 2022 ໂດຍແມ່ນ ບໍລິສັດ ຊໍການຊ່າງ (ປະເທດໄທ) ເປັນຜູ້ຮັບເໝົາຟຶ້ນຟູກໍ່ສ້າງໃນເນື້ອທີ່ 1,16 ເຮັກຕາ, ມີຂະນາດ 337x47 ແມັດ, ມີຂັ້ນໄດຂຶ້ນ 6 ຈຸດ, ເບື້ອງລະ 3 ບ່ອນ, ມີຂະໜາດ 8x5 ແມັດ ລວມມູນຄ່າການກໍ່ສ້າງທັງໝົດ 55 ລ້ານບາດ (ສະກຸນເງິນໄທ) ມາຮອດປັດຈຸບັດແມ່ນສໍາເລັດ 100% ແລະ ໄດ້ຈັດພິທີມອບ-ຮັບຢ່າງເປັນທາງການ. ທ່ານ ບຸນຄົງ ສຸກສະຫວັດ ຮອງຫົວໜ້າພະແນກໂຍທາທິການ ແລະ ຂົນສົ່ງແຂວງ ທັງເປັນຄະນະຮັບຜິດຊອບໂຄງການກໍ່ສ້າງຟຶື້ນຟູດອນຊາຍມຸງຄຸງ ໄດ້ລາຍງານວ່າ: ດອນຊາຍມຸງຄຸນ ເປັນໜຶ່ງດອນ ຢູ່ກາງແມ່ນໍ້າຂອງຂ້ອນໄປເບື້ອງເມືອງຈອມເພັດ ຊຶ່ງເປັນສະຖານທີ່ຈັດກິດຈະກໍາການຫຼິ້ນບຸນປີໃໝ່ລາວ ຂອງຊາວຫຼວງພະບາງ ໃນທຸກໆປີ. ສໍາລັບດອນທີ່ກໍ່ສ້າງກວມເນື້ອທີ່ທັງໝົດແມ່ນ 1,16 ເຮັກຕາ, ດອນທີ່ສ້າງໃໝ່ໄດ້ຖົມດິນປະສົມຫີນອັດ ແໜ້ນທັງໝົດ 66.716 ແມັດກ້ອນ, ການກໍ່ສ້າງແບ່ງອອກເປັນ 4 ໄລຍະ, ຄືໄລຍະ A, B, C...

ປີນີ້! ແຂວງອັດຕະປືຈະສູ້ຊົນດຶງດູດນັກທ່ອງທ່ຽວໃຫ້ໄດ້ 30.000 ຄົນ

ໃນຄາດໝາຍສູ້ຊົນປີ 2022 ນີ້ຂອງຂະແໜງທ່ອງທ່ຽວ ພະແນກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ແຂວງອັດຕະປື ໄດ້ກໍານົດໄວ້ວ່າ: ຈະສູ້ຊົນດືງດູດນັກທ່ອງທ່ຽວໃຫ້ເຂົ້າມາທ່ຽວຢູ່ພາຍ ໃນແຂວງ ໃຫ້ໄດ້ 30.000 ຄົນ, ພ້ອມວາງຄາດໝາຍກະຈ່າຍລາຍໄດ້ຈາກການທ່ອງທ່ຽວ ໃຫ້ໄດ້ 10 ຕື້ກວ່າກີບ. ທ່ານນາງ​ ບຸນທົງ​ ບຸບຜາສະຫວັນ ຮອງຫົວໜ້າພະແນກຖະແຫຼງຂ່າວ,ວັດທະນະທໍາ ແລະ ທ່ອງ ທ່ຽວ ແຂວງອັດຕະປື ໄດ້ລາຍງານຕໍ່ກອງປະຊຸມສະຫຼຸບວຽກງານຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ປີ 2021 ແລະ ທິດ ທາງປີ 2022 ເມື່ອວັນທີ 11 ມີນາ 2022 ໃຫ້ຮູ້ວ່າ: ໃນປີ 2022 ນີ້ແຂວງອັດຕະປື ກໍ່ຄືຂະແໜງການທ່ອງທ່ຽວຂອງແຂວງ ຈະສຸມໃສ່ປັບປຸງປະຕິບັດແຜນຟື້ນຟູການທ່ອງທ່ຽວ ຫຼັງການແຜ່ລະບາດຂອງພະຍາດໂຄວິດ 19 ໃນບັນດາກິດຈະກໍາຫຼັກ ແລະ ກິດຈະກໍາຍ່ອຍ ຂັ້ນແຂວງ, ເມືອງ ແລະ ພາກທຸລະກິດບໍລິການໃນແຫຼ່ງທ່ອງທ່ຽວ,ພັດທະນາແຫຼ່ງທ່ອງ ທ່ຽວທາງດ້ານທໍາມະຊາດ,ວັດທະນະທໍາ ແລະ ທາງປະຫວັດສາດໃຫ້ໄດ້ 2 ແຫ່ງ, ພ້ອມນັ້ນຍັງຈະໄດ້ມີການເຜີຍແຜ່ແຜນຟື້ນຟູການທ່ອງທ່ຽວຂອງແຂວງ ຫຼັງໂຄວີ-19 ໃຫ້ຫົວໜ່ວຍທຸລະກິດຜູ້ປະກອຍບການ ແລະ ອຳນາດການປົກຄອງຢູ່ບັນດາເມືອງ, ສົມທົບກັບພະແນກສາທາລະນະສຸກແຂວງ ກວດກາຮັບຮອງເອົາກິດຈະການບໍລິການທ່ອງທ່ຽວທີ່ປອດໄພຈາກພະຍາດໂຄວິດ...

ຊາວໜຸ່ມຂື້ນທ່ຽວ ພູຫຍ້າຄາ ເພື່ອສົ່ງເສີມການທ່ອງທ່ຽວ ແບບປະຈົນໄພ ຍ່າງປ່າ

ຊາວໜຸ່ມ ແຕ່ລະໜ່ວຍພະແນກການອ້ອມຂ້າງ ແຂວງອຸດົມໄຊ ຈຳນວນ 99 ສະຫາຍ. ນຳໂດຍ ສະຫາຍ ສົມດີ ເຕັ່ງເບຣຍຈື່ ເລຂາຊາວຫນຸ່ມ ແຂວງໄດ້ນຳພາ ສະມາຊິກ ຊາວໜຸ່ມ ແຂວງ ອຸດົມໄຊ ຂື້ນທ່ຽວ ພູຫຍ້າຄາຫລັກ32 ເພື່ອສົ່ງເສີມການທ່ອງທ່ຽວ ແບບ ປະຈົນໄພ, ຍ່າງປ່າ ເພື່ອໃຫ້ຊາວຫນຸ່ມ ໄວຫນຸ່ມຫັນມາທ່ຽວຊົມທຳມະຊາດ, ຮູ້ຈັກຮັກສາສີ່ງແວດລ້ອມ ໃຫ້ຫ່າງໄກຈາກຢາເສບຕິດ ທັງເປັນການ ຜຸກແຫນ້ນຄວາມສາມັກຄີ ໃຫ້ແກ່ສະມາຊິກຊາວຫນຸ່ມບັນດາຫນ່ອຍອ້ອມຂ້າງ ອີກດ້ວຍ. ຂໍ້ມູນ ແລະ ພາບ: Oudomxay Tourism

ການຈັດຕັ້ງປະຕິບັດແຜນເປີດການຕ້ອນຮັບນັກທ່ອງທ່ຽວ ເຂົ້າມາທ່ອງທ່ຽວ ສປປ ລາວ ໃນເຂດທ່ອງທ່ຽວສີຂຽວ

ຄຳແນະນຳເພີ່ມ! ກ່ຽວກັບການຕ້ອນຮັບນັກທ່ອງທ່ຽວ ເຂົ້າມາທ່ຽວລາວ ໃນເຂດທ່ອງທ່ຽວສີຂຽວ ເພື່ອຈັດຕັ້ງປະຕິບັດແຜນເປີດການຕ້ອນຮັບນັກທ່ອງທ່ຽວ ເຂົ້າມາທ່ອງທ່ຽວ ຢູ່ ສປປ ລາວ ໃນຮູບແບບຕ່າງໆ ໃຫ້ມີປະສິດທິພາບ, ມີຄວາມເປັນລະບຽບຮຽບຮ້ອຍ, ຮັບປະກັນຄວາມປອດໄພທາງດ້ານສຸຂະພາບຂອງຜູ້ບໍລິການ ແລະ ນັກທ່ອງທ່ຽວ. ເອົາໃຈໃສ່ຄວບຄຸມການແຜ່ລະບາດຂອງພະຍາດໂຄວິດ-19 ທີ່ເກີດຈາກການນໍາເຂົ້ານັກທ່ອງທ່ຽວ ແນໃສ່ເຮັດໃຫ້ທຸກພາກສ່ວນໃນສັງຄົມໄດ້ມີສ່ວນຮ່ວມໃນການເປັນເຈົ້າພາບທີ່ດີ ຕ້ອນຮັບນັກທ່ອງທ່ຽວພາຍໃນ ແລະ ນັກທ່ອງທ່ຽວສາກົນທີ່ຈະເຂົ້າມາທ່ອງທ່ຽວ ສປປ ລາວ ເພື່ອຟື້ນຟູ ແລະ ສົ່ງເສີມການທ່ອງທ່ຽວ ແລະ ກະຕຸ້ນເສດຖະ ກິດຂອງປະເທດໃຫ້ມີລາຍຮັບເພີ່ມຂຶ້ນ ຕາມແຜນການທີ່ລັດຖະບານວາງອອກ.

ຊົມເຊີຍ! ນໍ້າຕົກຕາດເຍືອງ ໄດ້ຮັບລາງວັນ “ການທ່ອງທ່ຽວຢ່າງຢັ້ງຢືນແຫ່ງອາຊຽນ” ປະຈໍາປີ 2022

ນໍ້າຕົກຕາດເຍືອງ ເມືອງປາກຊ່ອງ ແຂວງຈໍາປາສັກ ໄດ້ຮັບລາງວັນ "ການທ່ອງທ່ຽວຢ່າງຢັ້ງຢືນແຫ່ງອາຊຽນ" ປະຈໍາປີ 2022 ໃນງານ ASEAN Tourism Forum (ATF) ທີ່ຈະຈັດຂຶ້ນ ຢູ່ທີ່ ປະເທດກໍາປູເຈຍ. ຈາກຄວາມສໍາເລັດໃນການພັດທະນາແຫຼ່ງທ່ອງທ່ຽວຮອບນໍ້າຕົກຕາດ ທີ່ມີຄວາມສວຍງາມຕາມທໍາມະຊາດ ແລະ ວິຖີຊີວິດປະຈໍາວັນຂອງປະຊາຊົນໃນທ້ອງຖິ່ນ ໄດ້ຮັບການເຄົາລົບ ແລະ ພັດທະນາໃຫ້ສອດຄ່ອງກັບການອະນຸຮັກສິ່ງແວດລ້ອມ.ໂດຍຄະນະເຈົ້າໜ້າທີ່ແຂວງຈໍາປາສັກ ຈະເດີນທາງໄປຮັບລາງວັນໃນງານການທ່ອງທ່ຽວອາຊຽນ ASEAN Tourism Forum (ATF) 2022 ຢູ່ທີ່ປະເທດກໍາປູເຈຍ ໃນວັນທີ 16-20 ມັງກອນ 2022 ນີ້. ແຫຼ່ງຂ່າວ: ໜັງສືພິມ Vientiane Times. ຮູບພາບ:Champa Insider
All countries
551,550,019
Total confirmed cases
Updated on June 30, 2022 00:26
Italy
18,438,877
Total confirmed cases
Updated on June 30, 2022 00:26
Spain
12,734,038
Total confirmed cases
Updated on June 30, 2022 00:26
Iran
7,237,597
Total confirmed cases
Updated on June 30, 2022 00:26
Germany
28,048,190
Total confirmed cases
Updated on June 30, 2022 00:26

Frequently Asked Questions

spot_img