ຕາມການລາຍງານຂອງສູນຂ່າວສານການແພດສຸຂະສຶກສາປະຈຳວັນທີ 9 ມີນາ 2022
3 ເດືອນມານີ້ເສັ້ນທາງລົດໄຟຈີນ-ລາວ ຂົນສົ່ງຜູ້ໂດຍສານໄດ້1 ,7ລ້ານກວ່າເທື່ອຄົນ
3 ເດືອນມານີ້ເສັ້ນທາງລົດໄຟຈີນ-ລາວ ໄດ້ຂົນສົ່ງຜູ້ໂດຍສານໄດ້1 ,7ລ້ານກວ່າເທື່ອຄົນ ແລະ ຂົນສົ່ງສິນຄ້າ 1,1ລ້ານໂຕນ.
ວັນທີ 3 ມີນານີ້, ເສັ້ນທາງລົດໄຟລາວ-ຈີນ ໄດ້ເປີດນຳໃຊ້ພໍດີຄົບ 3 ເດືອນ, ຕະຫຼອດໄລຍະດັ່ງກ່າວ ໄດ້ມີລົດໄຟຂົນສົ່ງສິນຄ້າທັງໝົດ 1500 ຂະບວນ, ໂດຍໄດ້ຂົນສົ່ງສິນຄ້າໄດ້ 1,1 ລ້ານໂຕນ, ໃນນັ້ນ, ຂະບວນລົດໄຟຂົນສົ່ງສິນຄ້າສາກົນລະຫວ່າງຈີນ-ລາວມີ 350 ກວ່າຂະບວນ, ໂດຍຂົນສົ່ງສິນຄ້າໄດ້ທັງໝົດຫຼາຍກວ່າ 250.000ໂຕນ, ຕົ້ນທຶນທີ່ຂົນສົ່ງສິນຄ້າຈາກນະຄອນຫຼວງວຽງຈັນຫານະຄອນຄຸນໝິງຈີນໄດ້ຫຼຸດລົງ 40% – 50%.
ໃນຂະນະດຽວກັນ, ຕົ້ນທຶນທີ່ຂົນສົ່ງສິນຄ້າພາຍໃນປະເທດລາວກໍ່ໄດ້ຫຼຸດລົງ 20% – 40%.ນອກນີ້, ຢູ່ຕາມເສັ້ນທາງລົດໄຟຈີນ-ລາວຍັງໄດ້ຂົນສົ່ງຜູ້ໂດຍສານລວມທັງໝົດ 1,7 ລ້ານກວ່າເທື່ອຄົນ, ໃນນັ້ນ, ການຂົນສົ່ງຜູ້ໂດຍສານຢູ່ພາຍໃນປະເທດຈີນມີເຖິງ 1,55 ລ້ານເທື່ອຄົນ; ຢູ່ຕອນທາງປະເທດລາວໄດ້ຂົນສົ່ງຜູ້ໂດຍສານເພີ່ມຂຶ້ນຢ່າງໝັ້ນທ່ຽງ, ລວມທັງໝົດໄດ້ຂົນສົ່ງຜູ້ໂດຍສານໄດ້ຫຼາຍກວ່າ 150.000 ເທື່ອຄົນ, ໃນມື້ທີ່ມີຜູ້ໂດຍສານຫຼາຍທີ່ສຸດ ໄດ້ຂົນສົ່ງຜູ້ໂດຍສານໄດ້ 2800 ກວ່າ ຄົນ.
ແຫຼ່ງຂ່າວ: CRI
ເຊບັ້ງໄຟເປີດພິທີສັກຢາກັນພະຍາດແຫ່ງຊາດຕ້ານໂຄວິດ-19 ໃຫ້ເດັກອາຍຸແຕ່ 6-11 ປີ
ເມືອງເຊບັ້ງໄຟເປີດພິທີສັກຢາກັນພະຍາດແຫ່ງຊາດຕ້ານໂຄວິດ-19ໃຫ້ເດັກອາຍຸແຕ່ 6-11 ປີ
ໃນວັນທີ 4 ມີນາ 2022 ຜ່ານມານີ້ຢູ່ທີ່ໂຮງຮຽນປະຖົມບ້ານຂົວເຊ ເມືອງເຊບັ້ງໄຟ ໄດ້ເປີດພິທີ ສັກຢາກັນພະຍາດແຫ່ງຊາດຕ້ານໂຄວິດ-19ໃຫ້ເດັກອາຍຸແຕ່ 6-11 ປີ ໃຫ້ເດັກອາຍຸ 6-11 ປີ ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ລົດວິໄລ ຈັນທະນຸວົງ ຮອງເຈົ້າເມືອງໆເຊບັ້ງໄຟ ຜູ້ຊີ້ນຳວຽກວັດທະນະທຳ-ສັງຄົມ, ທ່ານ ບຸນບັງ ມາດນີວົງ ຫົວໜ້າຫ້ອງ ການສາທາລະນະສຸກເມືອງ ໂດຍມີບັນດາທ່ານຫົວໜ້າຄະນະຫ້ອງການອ້ອມຂ້າງ, ພະນັກງານແພດໝໍ, ພະນັກງານຄູອາ ຈານ, ນາຍບ້ານ ພໍ່ແມ່ ແລະ ນ້ອງນ້ອຍນັກຮຽນເຂົ້າຮ່ວມ.
ໃນພິທີ ທ່ານ ລົດວິໄລ ຈັນທະນຸວົງ ຮອງເຈົ້າເມືອງໆເຊບັ້ງໄຟ ກໍ່ໄດ້ມີຄຳເຫັນ ແລະ ໃຫ້ທິດຊີ້ນຳ ແລະ ຮຽກ ຮ້ອງມາຍັງຄະນະພັກອຳນາດການປົກຄອງ ແລະ ພໍ່ແມ່ປະຊາຊົນໃຫ້ເອົາໃຈໃສ່ຊຸກຍູ້ວຽກງານສັກຢາປ້ອງກັນພະຍາດຢ່າງຈິງຈັງສາມາດບັນລຸໄດ້ 60% ຂຶ້ນເມືອ ສະເພາະເຂັມ 1,2 ແລະ 3 ສໍາລັບເມືອງເຊບັ້ງໄຟກໍ່ໄດ້ຕັ້ງໜ້າມີສ່ວນຮ່ວມໃນການຫຼຸດຜ່ອນການເຈັບເປັນ, ການຕາຍຈາກພະຍາດໂຄວິດ 19 ເຊິ່ງສະແດງອອກໃນການລາຍງານແຕ່ລະວັນຂອງຄະນະສະເພາະກິດຂັ້ນແຂວງສຳລັບຮອບພິເສດ ( ວສຊ ) ໃນປີ 2022 ເພື່ອປ້ອງກັນພະຍາດໂຄວິດ-19 ໃຫ້ລູກຫຼານໃນເກນອາຍຸ 6-11 ປີ ໃຫ້ບັນລຸ 80% ຂຶ້ນໄປ
ໃນເຂັມທີ 1 ພ້ອມນັ້ນທ່ານກໍ່ໄດ້ເນັ້ນໜັກທຸກພາກສ່ວນທົ່ວສັງຄົມຈົ່ງເພີ່ມທະວີຄວາມເອົາໃຈໃສ່ປຸກລະດົມໂຄສະນາປະຊາສຳພັນຂະບວນການດັ່ງກ່າວ ໃຫ້ກວ້າງຂວາງທົ່ວເຖິງປະກອບສ່ວນຊຸກຍູ້ຢ່າງແຂງແຮງຈາກອົງການປົກຄອງທຸກຂັ້ນ, ຄະນະພັກ, ສື່ມວນຊົນ, ອົງການຈັດຕັ້ງມະຫາຊົນພ້ອມທັງຜູ້ປົກຄອງເດັກຈົ່ງນຳ ພາລູກຫຼານຂອງຕົນໃນເກນອາຍຸ 6-11 ປີໄດ້ຮັບການສັກຢາປ້ອງກັນພະຍາດໂຄວິດ-19 ຫຼັງຈາກສໍາເລັດພິທີແລ້ວທີມງານແພດໝໍກໍ່ໄດ້ສັກຢາໃຫ້ເດັກນ້ອຍ ສໍາລັບຂະບວນການສັກຢາປ້ອງກັນພະຍາດໂຄວິດ-19 ຢູ່ເມືອງເຊບັ້ງໄຟ ເລີ່ມແຕ່ວັນທີ 4-19 ມີນາ 2022ໃຫ້ສໍາເລັດຕາມລະດັບຄາດໝາຍ.
ຂໍ້ມູນ:
ກັກກຸ່ມຄ້າຂາຍຢາເສບຕິດໄດ້ຍ້ອນພົນລະເມືອງເປັນຫູເປັນຕາຊ່ວຍກັນ
ຕາມການລາຍງານຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ພັຕ ຄໍາຈັນ ວິໄລ ຮອງຫົວໜ້າພະແນກຕໍາຫຼວດ ປກສ ເມືອງຫາດຊາຍຟອງ ໄດ້ໃຫ້ຮູ້ວ່າ: ທ້າຍເດືອນກຸມພາ 2022 ພົນລະເມືອງ ແຈ້ງວ່າ: ມີກຸ່ມຄົນເຄື່ອນໄຫວຄ້າຂາຍຢາເສບຕິດ ຢູ່ບ້ານຄວາຍແດງ ເມືອງຫາດຊາຍຟອງ ນະຄອນຫຼວງວຽງຈັນ ຈິ່ງລົງເກັບກໍາຂໍ້ມູນ ແລະ ພິສູດແຫຼ່ງຂ່າວ ເຫັນວ່າມີຂໍ້ມູນຫຼັກຖານໜັກແໜ້ນຮັດກຸມ.
ໃນວັນທີ 1 ມີນາ 2022 ເວລາ 14:00 ໂມງ ກອງບັນຊາການ ປກສ ເມືອງຫາດຊາຍຟອງ ສົມທົບພາກສ່ວນກ່ຽວຂ້ອງມ້າງກຸ່ມຄ້າຂາຍຢາເສບຕິດ ຢູ່ບ້ານຄວາຍແດງ ກັກຕົວຜູ້ຖືກຫາໄດ້ 1 ຄົນ ຊື່ທ້າວ ສີລັງ ອາຍຸ 28 ປີ ກໍາມະກອນ ຢູ່ບ້ານຄວາຍແດງ ເມືອງຫາດຊາຍຟອງ ນະຄອນຫຼວງວຽງຈັນ ພ້ອມຢາບ້າ 36 ເມັດ ສອບສວນຂະຫຍາຍຜົນ; ຮອດເວລາ 14:30 ໂມງ ຂອງວັນດຽວກັນ ສືບຕໍ່ເຂົ້າແກ້ໄຂເປົ້າໝາຍກັກຕົວຜູ້ຖືກຫາ 3 ຄົນ ຊື່ທ້າວ ສຸບັນ ອາຍຸ 26 ປີ ກໍາມະກອນ ບ້ານຄວາຍແດງ ພ້ອມຢາບ້າ 13 ເມັດ, ທ້າວ ເກສັນ ອາຍຸ 25 ປີ ແລະ ທ້າວ ບ່ອມເບ ອາຍຸ 26 ປີ ທັງສອງ ຢູ່ບ້ານຖິ່ນແທ່ນ ເມືອງຫາດຊາຍຟອງ ນະຄອນຫຼວງວຽງຈັນ.
ຜ່ານການສືບສວນ-ສອບສວນ ພວກກ່ຽວໃຫ້ການວ່າ: ມີການພົວພັນຄ້າຂາຍຢາເສບຕິດ ເຄີຍຊື້ນໍາ ທ້າວເພັດສະໝອນ ອາຍຸ 34 ປີ ກໍາມະກອນ ບ້ານຖິ່ນແທ່ນ ເມືອງຫາດຊາຍຟອງ ຈໍານວນ 10-50 ເມັດ.
ພາຍຫຼັງມີຂໍ້ມູນ ເວລາຕໍ່ມາໄດ້ກັກຕົວ ທ້າວເພັດສະໝອນ ພ້ອມຂອງກາງຢາບ້າ 10 ເມັດ ສອບສວນເອົາຄຳໃຫ້ການ ເຫັນໄດ້ວ່າ ມີການຊັດທອດຫາພັກພວກ ຈິ່ງໄດ້ໄລ່ຊອກໄລ່ຈັບ ທ້າວ ຄໍາທຸ່ນ ອາຍຸ 36 ປີ ມີຢາບ້າ 1.070 ເມັດ ສອບສວນເບື້ອງຕົ້ນ ຜູ້ກ່ຽວຮັບສາລະພາບວ່າ ໄດ້ເຄື່ອນໄຫວຄ້າຂາຍຢາເສບຕິດ ແລະ ເສບຢາເປັນຂະບວນການ.
ປັດຈຸບັນ ຕໍ່ກັບບັນຫາດັ່ງກ່າວ ເຈົ້າໜ້າທີ່ພວມເລັ່ງສືບສວນ-ສອບສວນ ເປີດກ້ວາງຜູ້ຮ່ວມຂະບວນການ ເພື່ອມາດໍາເນີນຄະດີຕາມຂັ້ນຕອນຂອງກົດໝາຍ.
ແຂວງຫຼວງພະບາງໃຫ້ແກ່ກຸ່ມເປົ້າໝາຍແຕ່ອາຍຸ 6 ປີ ຂຶ້ນໄປ
ແຂວງຫຼວງພະບາງ ເປີດຂະບວນການວັນສັກຢາແຫ່ງຊາດ ແລະ ໃຫ້ວັກຊີນປ້ອງກັນພະຍາດໂຄວິດ-19 ໃຫ້ແກ່ກຸ່ມເປົ້າໝາຍແຕ່ອາຍຸ 6 ປີ ຂຶ້ນໄປ.
ໃນຕອນເຊົ້າຂອງວັນທີ 4 ມີນາ 2022 ນີ້, ຫ້ອງການສາທາລະນະສຸກນະຄອນ-ຫຼວງພະບາງຮ່ວມກັບຄະນະສະເພາະກິດຂັ້ນແຂວງ ແລະຄະນະກໍາມະການຮັກສາສຸຂະພາບຂັ້ນນະຄອນ-ຫຼວງພະບາງໄດ້ລົງເປີດຂະບວນການວັນສັກຢາແຫ່ງຊາດ ແລະໃຫ້ວັກຊີນປ້ອງກັນພະຍາດໂຄວິດ-19 ໃຫ້ແກ່ກຸ່ມເປົ້າໝາຍແຕ່ອາຍຸ 6 ປີຂື້ນໄປ ຢູ່ທີ່ໂຮງຮຽນປະຖົມສົມບູນຫຼວງພະບາງ.
ໂດຍການເຂົ້າຮ່ວມຂອງທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ຫົວໜ້າຄະນະສະເພາະກິດ ຄວບຄຸມໂຄວິດ 19 ຂັ້ນແຂວງ, ດຣ ຫຸມພັນ ຈີລະສັກ ຮອງຫົວໜ້າພະແນກສາທາລະນະສຸກ ແຂວງ, ມີຄະນະສະເພາະກິດຂັ້ນແຂວງ, ຂັ້ນນະຄອນ-ຫຼວງພະບາງ,ພະນັກງານ ພະແນກສາທາລະ ນະສຸກແຂວງ, ຄູ-ອາຈານ, ພໍ່ແມ່ປະຊາຊົນ ແລະນ້ອງນັກຮຽນເຂົ້າຮ່ວມ.
ແຫຼ່ງຂ່າວ: ຂ່າວສານຫລວງພະບາງ Luangprabang News
ເຈົ້າໜ້າທີ່ ປກສ ເມືອງບຸນເໜືອກັກເປົ້າໝາຍຄ້າຂາຍຢາເສບຕິດ
ເຈົ້າໜ້າທີ່ ປກສ ເມືອງບຸນເໜືອ ກັກເປົ້າໝາຍຄ້າຂາຍຢາເສບຕິດ ປະເພດຢາບ້າ 1.740 ເມັດ.
ເພື່ອເປັນການປະຕິບັດຕາມວາລະແຫ່ງຊາດ ວ່າດ້ວຍການແກ້ໄຂຢາເສບຕິດ ໃຫ້ບັນລຸຕາມຄາດໝາຍ ເຈົ້າໜ້າທີ່ ປກສ ເມືອງບຸນເໜືອ ແຂວງຜົ້ງສາລີ ໄດ້ສຸມໃສ່ຢ່າງເຂັ້ມງວດໃນການຕິດຕາມກວດກາເປົ້າໝາຍຄ້າຂາຍຢາເສບຕິດຢູ່ຈຸດຫຼໍ່ແຫຼມຕ່າງໆ.
ໃນຄັ້ງວັນທີ 20 ກຸມພາ 2022 ເຈົ້າໜ້າທີ່ ປກສ ເມືອງບຸນເໜືອ ແຂວງຜົ້ງສາລີ ໄດ້ຮັບແຫຼ່ງຂ່າວວ່າ ຈະມີການເຄື່ອນໄຫວຊື້-ຂາຍຢາເສບຕິດ ດັ່ງນັ້ນເຈົ້າໜ້າທີ່ຈຶ່ງໄດ້ວາງກໍາລັງລົງຕິດຕາມ ຕາມແຫຼ່ງຂ່າວເຫັນວ່າມີມູນຄວາມຈິງ ຈຶ່ງໄດ້ຈັດຕັ້ງກໍາລັງຕັ້ງດ່ານກວດຢູ່ຈຸດກວດກາປ້ອມຍາມເຂດບ້ານບໍ່ໃໝ່ ເມືອງບຸນເໜືອ ແຂວງຜົ້ງສາລີ ພົບເຫັນເປົ້າໝາຍໄດ້ຂັບຂີ່ລົດຈັກມາຕາມທາງຫຼວງ ເຈົ້າໜ້າທີ່ຈຶ່ງໄດ້ສະແດງຕົນກວດຄົ້ນພາຫະນະ ແລະ ຄົ້ນຕົວຜູ່ກ່ຽວໄດ້ 2 ຄົນຄື:
1 ຊື່ ທ້າວ ຕາວັນ ອາຍຸ 23 ປີ ອາຊີບ ປະຊາຊົນ, ຢູ່ບ້ານປ່າຄ່າໃໝ່ ແລະ ທ້າວ ອາດສ່ານ ອາຍຸ 22 ປີ, ອາຊີບ ປະຊາຊົນ, ຢູ່ບ້ານປ່າຄ່າໃໝ່ ເມືອງບຸນເໜືອ ແຂວງຜົ້ງສາລີ ພ້ອມຂອງກາງຢາບ້າ ຈໍານວນ 1.740 ເມັດ.
ກ່ຽວກັບຄະດີດັ່ງກ່າວ ປັດຈຸບັນເຈົ້າໜ້າທີ່ພວມດໍາເນີນສືບສວນ-ສອບສວນ ແລະ ນໍາໄປປະຕິບັດຕາມລະບຽບກົດໝາຍຢ່າງເຂັ້ມງວດ.
ພາບ-ຂ່າວ: ກອງບັນຊາການ ປກສ ແຂວງຜົ້ງສາລີ
ສະຫຼຸບວຽກງານຮອບດ້ານ ປີ 2021 ແລະ ວາງທິດທາງແຜນການປີ 2022
ກອງບັນຊາການທະຫານເມືອງ ຕົ້ນເຜິ້ງ ສະຫຼຸບວຽກງານຮອບດ້ານ ປະຈໍາປີ 2021 ແລະ ວາງທິດທາງແຜນການປີ 2022.
ກອງປະຊຸມສະຫຼຸບວຽກງານປ້ອງກັນຊາດຮອບດ້ານ ປະຈໍາປີ 2021 ແລະ ວາງທິດທາງແຜນການປີ 2022 ຂອງກອງບັນຊາການທະຫານເມືອງ ຕົ້ນເຜິ້ງ ໄດ້ຈັດຂຶ້ນໃນ ຕອນເຊົ້າ ວັນທີ 3 ມີນາ 2022 ນີ້ ຢູ່ທີ່ສະໂມສອນກອງບັນຊາການ ໂດຍການເປັນປະທານຂອງ ທ່ານ ພັທ ສູນທອນ ວັນທອງ ກຳມະການພັກເມືອງ ຫົວໜ້າການເມືອງກອງບັນຊາການທະການເມືອງ, ໃຫ້ກຽດເຂົ້າຮ່ວມມີ ທ່ານ ຄຳແຍງ ຄອນໄຊຍະກີດ ເຈົ້າເມືອງໆ ຕົ້ນເຜິ້ງ ປະທານປ້ອງ ປກຊ – ປກສ ເມືອງ, ມີຄະນະພັກ – ຄະນະບັນຊາ, ພະນັກງານນັກຮົບພາຍໃນກົມກອງ, ແຂກຖືກເຊີນຈາກກົມກອງເພື່ອນ ແລະ ຈາກຫ້ອງການກ່ຽວຂ້ອງ ເຂົ້າຮ່ວມ.
ກອງປະຊຸມ ໄດ້ຜ່ານຮ່າງບົດສະຫຼຸບວຽກງານຮອບດ້ານຂອງກອງບັນຊາການ ປະຈໍາປີ 2021 ແລະ ທິດທາງແຜນການປີ 2022 ເຊິ່ງໄດ້ຍົກໃຫ້ເຫັນສະພາບລວມຂອງເມືອງ ຕົ້ນເຜິ້ງ ເປັນຕົ້ນ:
ການເຄື່ອນໄຫວຂອງກຸ່ມຄົນບໍ່ດີ; ສະພາບຊາຍແດນ ແລະ ສະພາບປະຊາຊົນ ເຊິ່ງໄລຍະຜ່ານມາ ປະຊາຊົນພາຍໃນເມືອງ ຕົ້ນເຜີ້ງ ແມ່ນມີຄວາມເຊື່ອໝັ້ນຕໍ່ການນໍາພາຂອງພັກ – ລັດ ປະຕິບັດລະບຽບກົດໝາຍຂອງບ້ານເມືອງ, ມິຄວາມຕື່ນຕົວເປັນເຈົ້າການປົກປັກຮັກສາ ແລະ ສ້າງສາພັດທະນາເສດຖະກິດ – ສັງຄົມ ແລະ ໄດ້ປະກອບສ່ວນເຂົ້າໃນວຽກງານ ປກຊ – ປກສ, ສະພາບຕາມຊາຍແດນມີຄວາມສະຫງົບ ແຕ່ເຖິງຢ່າງໃດກໍ່ຕາມ ພວກອິດທິກຳລັງປໍລະປັກເວລາໃດກໍ່ບໍ່ໄດ້ລົດລະຫວັງມ້າງເພທຳລາຍລະບອບໃໝ່ຂອງພວກເຮົາໂດຍນໍາໃຊ້ກົນອຸບາຍຍຸດທະສາດຫັນປ່ຽນໂດຍສັນຕິ ດ້ວຍການໂຄສະນາໃສ່ຮ້າຍປ້າຍສີ ທັບຖົມໂຈມຕີບົດບາດການນໍາພາຂອງພັກ – ລັດ ດ້ວຍຫຼາຍຮູບການ, ປະຊາຊົນຈໍານວນໜຶ່ງ ຍັງບໍ່ທັນເຂົ້າໃຈຕໍ່ແນວທາງນະໂຍບາຍຂອງພັກ – ລັດ ເຊິ່ງສະແດງອອກໃນປາກົດການຫຍໍ້ທໍ້ຕ່າງໆ ເຊັ່ນ:
ການຄ້າຂາຍຢາເສບຕິດ, ຫຼິ້ນການພະນັນ, ຄ້າຂາຍເຖື່ອນ, ລັກລອບນໍາເຂົ້າສິນຄ້າທີ່ບໍ່ຖືກຕ້ອງ, ຂີ້ລັກງັດແງະ ແລະ ອຸບັດຕິເຫດຕາມທ້ອງຖະໜົນ, ຍັງມີກູ່ມຄົນຈໍານວນໜຶ່ງລັກລອບເຂົ້າ – ອອກເມືອງ ໂດຍບໍ່ຖືກຕ້ອງຈາມລະບຽບການທີ່ຂັ້ນເທິງກຳນົດໄວ້. ໃນໄລຍະ 1 ປີ ຜ່ານມາ ຄະນະພັກ – ຄະນະບັນຊາ ໄດ້ເອົາໃຈໃສ່ນໍາພາພະນັກງານພາຍໃນກົມກອງປິ່ນອ້ອມຕາມ 04 ໜ້າທີ່ໃຫຍ່ ແລະ 26 ແຜນງານ ເປັນຕົ້ນ: ວຽກງານເຮັດໃຫ້ສະພາບມີຄວາມສະຫງົບ; ວຽກງານປັບປຸງກໍ່ສ້າງກຳລັງ; ວຽກງານຮັບປະກັນພະລາທິການ – ເຕັກນິກ; ວຽກງານພົວພັນ ແລະ ການຮ່ວມມືຕ່າງປະເທດ ເຮັດໃຫ້ເມືອງມີຄວາມສະຫງົບ ມີສະຖຽນລະພາບ, ກຳລັງມິຄວາມເຂັ້ມແຂງ, ຊີວິດການເປັນຢູ່ຂອງນາຍ ແລະ ພົນທະຫານໄດ້ຮັບການພັດທະນາດີຂຶ້ນ. ຈາກນັ້ນ ຄະນະປະທານ, ຄະນະພັກ – ຄະນະບັນຊາ, ນາຍ ແລະ ພົນທະຫານພາຍໃນກົມກອງ ກໍ່ໄດ້ປະກອບຄຳຄິດຄໍາເຫັນຕໍ່ບົດສະຫຼຸບ ແລະ ທິດທາງແຜນການດັ່ງກ່າວ ເພື່ອເຮັດໃຫ້ເນື້ອໃນຄົບຖ້ວນສົມບູນ ແລະ ເປັນແນວທາງໃນການຈັດຕັ້ງປະຕິບັດໃນຕໍ່ໜ້າ.
ໃນໂອກາດດັ່ງກ່າວ ຍັງໄດ້ມີການເລື່ອນຊັ້ນນາຍສິບໃຫ້ແກ່ພະນັກງານນັກຮົບພາຍໃນກົມກອງ ຈໍານວນ 01 ຫາຍ ຄື ເລື່ອນຊັ້ນ ສະຫາຍ ສົມຈິດ ອຸປະເສີດ ຈາກຊັ້ນສິບໂທ ຂຶ້ນເປັນສິບເອກ ແລະ ໄດ້ມີການມອບໃບຍ້ອງຍໍໃຫ້ແກ່ກົມກອງ ແລະ ບຸກຄົນທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານໃນໄລຍະ 1 ປີ ຜ່ານມາ ໃຫ້ກຽດປະດັບຊັ້ນ ແລະ ມອບໃບຍ້ອງຍໍໂດຍ ທ່ານ ຄຳແຍງ ຄອນໄຊຍະກິດ ແລະ ທ່ານ ພັທ ສູນທອນ ວັນທອງ.
ກອງປະຊຸມ ທ່ານ ຄຳແຍງ ຄອນໄຊຍະກິດ ເຈົ້າເມືອງໆ ຕົ້ນເຜິ້ງ ກໍ່ໄດ້ມີຄໍາເຫັນໂອລົມຫຼາຍບັນຫາ ກ່ອນອື່ນໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ – ຄະນະບັນຊາ ແລະ ນັກງານນັກຮົບພາຍໃນກົມກອງທີ່ຍາດມາໄດ້ຜົນງານຫຼາຍດ້ານໃນໄລຍະ 1 ປີ ຜ່ານມາ ພ້ອມທັງໄດ້ເນັ້ນໜັກໃຫ້ຄະນະພັກ – ຄະນະບັນຊາ ສືບຕໍ່ເອົາໃຈໃສ່ສຶກສາອົບທາງດ້ານການເມືອງແນວຄິດ, ຝຶກແອບດ້ານການທະຫານໃຫ້ແກ່ພະນັກງານນັກຮົບພາຍໃນກົມກອງ, ສືບຕໍ່ປະຕິບັດແຜນຝຶກແອບວຽກງານປ້ອງກັນຊາດ – ປ້ອງກັນຄວາມສະຫງົບໃຫ້ກຳລັງກອງຫຼອນ ບ້ານ ແລະ ນ້ອງນັກຮຽນແຕ່ລະໂຮງຮຽນພາຍໃນເມືອງ, ເອົາໃຈໃສ່ກວດກາລາດຕະເວນ ເພື່ອຕິດຕາມສະພາບພາຍໃນເມືອງ ແລະ ສະພາບຕາມຊາຍແດນ, ເອົາໃຈໃສ່ປະຕິບັດຕາມ 7 ລະບອບ 18 ວຽກ ຂອງກອງທັບ, ເອົາໃຈໃສ່ໃນການປັບປຸງຊີວິດການເປັນຢູ່ຂອງນາຍ ແລະ ພົນທະຫານໃຫ້ນັບມື້ນັບດີຂຶ້ນ.
ພາບ – ຂ່າວ:
ກຽມຄວາມພ້ອມທີ່ຈະນຳຮູບຈຳລອງພໍ່ກະດວດຂຶ້ນແຖ່ນປະດິດສະຖານຢ່າງເປັນທາງການ
ແຂວງສະຫວັນນະເຂດ ກຽມຄວາມພ້ອມທີ່ຈະນຳຮູບຈຳລອງພໍ່ກະດວດຂຶ້ນແຖ່ນປະດິດສະຖານຢ່າງເປັນທາງການ.
ໃນຕອນເຊົ້າວັນທີ 1 ມີນາ 2022 ຢູ່ທີ່ສະຖານທີ່ປະດິດສະ ຖານຮູບຫຼໍ່ຈໍາລອງພໍ່ກະດວດ (ຕໍ່ໜ້າໂຮງໝໍແຂວງສະຫວັນນະເຂດ) ທ່ານ ບຸນສະໜອງ ສີຫາລາດ ຫົວໜ້າກົມວິຈິດສິນ, ກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ, ມີທ່ານ ນາງ ຄໍາສີ ບູລົມ ຮອງຫົວໜ້າ ພະແນກ ໂຍທາທິການ ແລະຂົນສົ່ງແຂວງ, ທ່ານ ນໍລະເດດ ນັນທະວົງ ຫົວ ໜ້າຫ້ອງການບໍລິຫານພະແນກ ຖວທ ແຂວງ ແລະບໍລິສັດທິບພະຈັນກໍ່ສ້າງ ເຊິ່ງເປັນຜູ້ຮັບເໝົາໃນ ການກໍ່ສ້າງແຖ່ນຕັ້ງຮູບຫຼໍ່ພໍ່ກະດວດ ໄດ້ລົງຕິດຕາມກວດກາສະ ຖານທີ່ດັ່ງກ່າວ ເພື່ອກຽມຄວາມ ພ້ອມໃນການນໍາຮູບຫຼໍ່ພໍ່ກະດວດ ມາປະດິດສະຖານທີ່ແຂວງສະຫວັນນະເຂດ.
ໂອກາດນີ້, ທ່ານ ບຸນສະໜອງ ສີຫາລາດ ໄດ້ໃຫ້ຮູ້ກ່ຽວກັບການ ຫຼໍ່ຮູບຈຳລອງພໍ່ກະດວດ ເພື່ອຈະ ນຳມາປະດິດສະຖານຢູ່ແຂວງສະ ຫວັນນະເຂດ, ສຳລັບການປັ້ນ ແບບຮູບຈຳລອງພໍ່ກະດວດແມ່ນ ໄດ້ເລີ່ມຈັດຕັ້ງປະຕິບັດແຕ່ເດືອນ ຕຸລາຫາ ເດືອນພະຈິກ ປີ 2021, ການປັ້ນຮູບຈໍາລອງພໍ່ກະດວດ ແມ່ນປະດິດດ້ວຍດິນດາກ ຫຼືດິນ ໜຽວ ທີ່ມີຄວາມສູງປະມານ 4 ແມັດເຄິ່ງ, ຫຼັງຈາກປັ້ນແລ້ວກ່ໍ ເອົາມາຫຼໍ່, ເຊິ່ງລວມນໍ້າໜັກຢູ່ປະ ມານ 2-3 ໂຕນ ໃນການປັ້ນຮູບ ຫຼໍ່ຈໍາລອງແມ່ນກຳນົດເອົາໄລຍະ ເວລາໜຶ່ງ ດືອນສຳເລັດ 100%, ຈາກນັ້ນ, ກໍ່ໄດ້ເຊີນທາງພະແນກ ຖວທ ຂອງແຂວງສະຫວັນນະເຂດ, ບັນດານັກວິຊາການຈຳນວນໜຶ່ງຂຶ້ນກວດຮູບຫຼໍ່ຢູ່ທາງ ກົມວິຈິດສິນຢູ່ນະຄອນຫຼວງວຽງ ຈັນຕາມເຊັນສັນຍາແມ່ນ 120 ວັນ, ຈົນມາຮອດ ປະຈຸບັນນີ້ການ ຫຼໍ່ຮູບຈຳລອງຂອງພໍ່ກະດວດຖື ວ່າສຳເລັດ 100% ແລ້ວ, ພຽງ ແຕ່ລໍຖ້າລົງສີ, ຫຼັງຈາກນັ້ນ, ກໍ່ຈະໄດ້ ເຄື່ອນຍ້າຍມາປະດິດສະຖານຢູ່ສະຫວັນນະເຂດ ຕາມແຜນຂອງ ແຂວງແມ່ນຈະໄດ້ນໍາຮູບຫຼໍ່ຈໍາລອງມາປະດິດສະຖານໃນຕົ້ນ ເດືອນເມສາ 2022 ນີ້ ໃນລະຫວ່າງ ວັນ ທີ 1-4 ແມ່ນຈະໄດ້ກະກຽມ ຫຼື ເຄື່ອນຍ້າຍແຮ່ລົງມາ ທີ່ແຂວງສະຫວັນນະເຂດ.
ສໍາລັບສະຖານທີ່ປະດິດສະ ຖານຮູບຫຼໍ່ຈໍາລອງພໍ່ກະດວດ ທ່ານ ນາງ ຄໍາສີ ບູລົມ ຮອງຫົວໜ້າພະ ແນກ ຍທຂ ແຂວງໃນນາມຄະນະ ຮັບຜິດຊອບສະຖານທີ່ໄດ້ໃຫ້ຮູ້ ວ່າ: ກ່ຽວກັບການກະກຽມຕ້ອນ ຮັບພິທີ ແລະສະຖານທີ່ປະດິດ ສະ ຖານຮູບຫຼໍ່ຈໍາລອງພໍ່ກະດວດທາງ ຄະນະກຳມະການກໍໄດ້ກະກຽມ ວຽກສືບຕໍ່ໃນການຈັດຕັ້ງປະຕິບັດ ຕາມໂຄງການ ສັນຍາກໍ່ສ້າງ ສະ ຖານທີ່ກ່ຽວກັບບ່ອນປະດິດສະ ຖານທີ່ແຫ່ງນີ້ ເຊິ່ງວຽກທີ່ ຍັງຄົງ ຄ້າງຈະຕ້ອງສືບຕໍ່ແຖ່ນຕັ້ງເພື່ອ ປະດິດສະຖານຮູບຫຼໍ່, ການປະດັບ ປະດາສະຖານທີ່ຄືນ, ກວດກາ ວຽກທີ່ໄດ້ສຳເລັດແລ້ວໃນເມື່ອກ່ອນ, ແຕ່ມາຮອດປະຈຸບັນນີ້ ກໍມີບາງອັນທີ່ໄດ້ເປ້ເພຈະຕ້ອງ ໄດ້ປັບປຸງ ແລະ ສ້ອມແປງຄືນຖືວ່າໄດ້ປະສານທາງກົມວິຈິດສິນ ກ່ຽວກັບຂໍ້ມູນລະອຽດ ເພື່ອໃຫ້ ມັນສຳເລັດຕາມຄາດໝາຍ.
ລາຍງານມື້ນີ້! ຕິດເຊື້ອພາຍໃນ +27 ແລະ ເສຍຊີວິດໃໝ່ +3
ຕາມການລາຍງານຈາກສູນຂ່າວສານການຄ້າສຸຂະສຶກສາປະຈຳວັນທີ 7 ມີນາ 2022 ໃຫ້ຮູ້ວ່າ:
ສາເຫດທີ່ພາໃຫ້ເກີດອຸບັດຕິເຫດ ຢູ່ເມືອງໄຊທານີ
ຕາມການລາຍງານຈາກປ້ອງກັນຄວາມສະຫງົບນະຄອນຫຼວງຽງຈັນໃຫ້ຮູ້ວ່າ: ພັຕ ສຸນີ ໄຊຍະວົງ ຮອງຫົວໜ້າພະແນກຕໍາຫຼວດ ຜູ້ຊີ້ນໍາວຽກງານຈະລາຈອນ ເມືອງໄຊທານີ ໃຫ້ສໍາພາດ ໃນວັນທີ 2 ກຸມພາ 2022 ວ່າ: 3 ສາເຫດຫຼັກ ພາໃຫ້ເກີດບັນຫາອຸບັດຕິເຫດ ຢູ່ເມືອງໄຊທານີ
1. ເກີດຈາກຜູ້ຂັບຂີ່ດື່ມສິ່ງມຶນເມົາແລ້ວຂັບຂີ່ພາຫະນະ, ການຊີງແຊງຂຶ້ນໜ້າ ແລະ ການປ່ຽນທິດທາງການສັນຈອນກະທັນຫັນບໍ່ຮັບປະກັນ;
2. ຍ້ອນສະພາບເສັ້ນທາງ ດິນຟ້າອາກາດ ເສັ້ນທາງມື່ນ, ເສັ້ນທາງເປັນບວກ, ເປັນຂຸມ.
3. ເກີດຈາກສະພາບເຕັກນິກຂອງຍານພາຫະນະ ບໍ່ໄດ້ມາດຕະຖານ.
ພັຕ ສຸນີ ໄຊຍະວົງ ຍັງໃຫ້ຮູ້ອີກວ່າ: ໄລຍະ 2 ເດືອນຕົ້ນປີ 2022, ຢູ່ເມືອງໄຊທານີ ມີອຸບັດຕິເຫດເກີດຂຶ້ນທັງໝົດ 27 ກໍລະນີ ມີຄົນໄດ້ຮັບບາດເຈັບ 74 ຄົນ, ຍິງ 15 ຄົນ, ໃນນີ້ ໄດ້ຮັບບາດເຈັບເລັກນ້ອຍ 31 ຄົນ, ສົມຄວນ 35 ຄົນ, ສາຫັດ 8 ຄົນ ແລະ ເສຍຊີວິດ 6 ຄົນ, ຍິງ 1 ຄົົນ; ພາຫະນະເປ່ເພທັງໝົດ 62 ຄັນ, ເປ່ເພເລັກນ້ອຍ 30 ຄັນ, ສົມຄວນ 31 ຄັນ ແລະ ໃຊ້ການບໍ່ໄດ້ 1 ຄັນ.
ເພື່ອຫຼຸດຜ່ອນບັນຫາອຸບັດຕິເຫດເກີດຂຶ້ນຢູ່ເມືອງໄຊທານີ ວຽກຈຸດສຸມໃນປີ 2022 ຈະລາຈອນເມືອງໄຊທານີ ຈະສຸມໃສ່ໂຄສະນາລະບຽບການສັນຈອນຕາມ 3 ແຍກ 4 ແຍກ, ເຂດຊຸມຊົນ, ໂຮງຮຽນ, ໂຮງຈັກໂຮງງານ ແລະ ອື່ນໆ ເພື່ອໃຫ້ຜູ້ຂັບຂີ່ໄດ້ຮັບຮູ້ ແລະ ເຂົ້າໃຈກົດລະບຽບຈະລາຈອນ ນໍາໃຊ້ພາຫະນະໃຫ້ປອດໄພ; ສຸມໃສ່ລະບາຍການສັນຈອນຕາມສາຍທາງສັບສົນ ແອອັດ ແລະ ປະຕິບັດລະບອບປະຈໍາການຄອຍເຫດຕະຫຼອດ 24 ຊົ່ວໂມງ ເພື່ອກຽມພ້ອມແກ້ໄຂບັນຫາອຸບັດຕິເຫດໃຫ້ທັນເວລາ.