Blog - ໂທລະໂຄ່ງ THOLAKHONG

ລາວໄດ້ຮັບເງິນຊ່ວຍເຫຼືອຈາກຕວັກກີ ເຂົ້າວຽກງານປ້ອງກັນໂຄວິດ ຢູ່ສູນຈໍາກັດບໍລິເວນ

ຂ່າວພາຍໃນ

-

November 18, 2021

ລາວໄດ້ຮັບເງິນຊ່ວຍເຫຼືອຈາກຕວັກກີ ເຂົ້າວຽກງານປ້ອງກັນໂຄວິດ ຢູ່ສູນຈໍາກັດບໍລິເວນ

ໃນໂອກາດ ທ່ານ Mr. Orhan ISIK ເອກອັກຄະລັດຖະທູດແຫ່ງຕວັກກີ ປະຈໍາ ສປປ ລາວ ເຂົ້າຢ້ຽມຂັບນັບທ່ານລັດຖະມົນຕີກະຊວງສາທາລະນະສຸກ ແລະ ມອບເງິນຊ່ວຍເຫຼືອວຽກງານປ້ອງກັນໂຄວິດ-19 ຢູ່ສູນຈຳກັດບໍລິເວນ ໃນ ສປປ ລາວ.

ທ່ານ ປອ.ດຣ. ບູນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ Mr. Orhan ISIK ເອກອັກຄະລັດຖະທູດແຫ່ງຕວັກກີ ປະຈໍາ ສປປ ລາວ ພ້ອມດ້ວຍຄະນະ, ໃນໂອກາດນີ້ ທ່ານເອກອັກຄະລັດຖະທູດ ໄດ້ມອບເງິນຊ່ວຍເຫຼຶອຈາກລັດຖະບານຕັວກກີ ຈໍານວນ 467,200,000 ກີບ ເພື່ອນໍາໃຊ້ໃນວຽກງານປ້ອງກັນພະຍາດໂຄວີດ-19 ຢູ່ສູນຈຳກັດບໍລິເວນ ໃນ ສປປ ລາວ.

ກ່າວຮັບໂດຍທ່ານ ປອ.ດຣ. ບູນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ມີທ່ານຫົວໜ້າຫ້ອງການກະຊວງ, ບັນດາທ່ານຫົວໜ້າກົມ, ຮອງກົມ, ຫົວໜ້າສູນ ແລະ ຮອງສູນ ພ້ອມພະນັກງານ ທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ.

ການຊ່ວຍເຫຼືອຄັ້ງນີ້ໄດ້ສະແດງເຖິງຄວາມເປັນຫ່ວງເປັນໄຍຂອງລັດຖະບານຕວັກກີ ຕໍ່ ສປປ ລາວ ເຊິ່ງງົບປະມານດັ່ງກ່າວຈະໄດ້ຖືກນໍາໃຊ້ເຂົ້າໃນການປະຕິບັດວຽກງານຕົວຈິງຢູ່ສູນຈໍາກັດບໍລິເວນກໍ່ຄືວຽກງານຕ້ານການແຜ່ລະບາດຂອງພະຍາດ ໂຄວິດ-19 ໃຫ້ໄດ້ຮັບປະສິດຕິຜົນສູງທີ່ສຸດ.

ລາຍລະອຽດຜູ້ເສຍຊີວິດໃໝ່ ແລະ ຜູ້ຕິດເຊື້ອໃໝ່

ໂທລະໂຄ່ງ THOLAKHONG

-

November 18, 2021

0

ລາຍລະອຽດຜູ້ເສຍຊີວິດໃໝ່ ແລະ ຜູ້ຕິດເຊື້ອໃໝ່

ຕາມການລາຍງານສະຖານະການໂຄວິກ-19 ຈາກຄະນະສະເພາະກິດ ປະຈຳວັນທີ 18 ພະຈິກ 2021

ລາຍລະອຽດຜູ້ເສຍຊີວິດໃໝ່ 04 ຄົນ ມີດັ່ງນີ້:

ຜູ້ທີ 1: ເພດຍິງ, ອາຍຸ 40 ປີ, ອາຊີບ: ແມ່ເຮືອນ, ບ້ານໂພສີ, ນະຄອນຫລວງພະບາງ, ແຂວງຫລວງພະບາງ

ພະຍາດປະຈໍາຕົວ: ໄຂ່ຫລັງຊຸດໂຊມ, ຄວາມດັນເລຶອດສູງ, ເບົາຫວານ ແລະ ພະຍາດອັກເສບຕັບ
ຜ່ານມາບໍ່ໄດ້ຮັບການສັກວັກຊີນກັນໂຄວິດ-19
ເວລາ 10:00 ໂມງຂອງວັນທີ 14 ພະຈິກ 2021: ເຂົ້າມາກວດ ຢູ່ໂຮງໝໍແຂວງ ຍ້ອນອິດເມື່ອຍຫລາຍໄອ, ຫາຍໃຈຝຶດ, ນອນພຽງບໍ່ໄດ້ ຈຶ່ງໄດ້ເກັບຕົວຢ່າງມາກວດຊອກຫາພະຍາດໂຄວິກ-19 ແລະ ຜົນກວດ ແມ່ນພົບເຊື້ອ
ມາຮອດເວລາ 08:00 ໂມງ ຂອງວັນທີ 15 ພະຈິກ 2021: ຄົນເຈັບໄດ້ເສຍຊີວິດ

ຜູ້ທີ 2: ເພດຍິງ, ອາຍຸ 55 ປີ, ອາຊິບ: ແມ່ເຮືອນ ຢູ່ບ້ານດົງນາໂຊກ, ເມືອງສິໂຄດຕະບອງ, ນະຄອນຫລວງ

ຜູ້ກ່ຽວ ນໍ້າໜັກ 95 ກິໂລ
ພະຍາດປະຈໍາຕົວ: ເປັນເບົາຫວານ ແລະ ປະດົງ
ຜ່ານມາບໍ່ໄດ້ຮັບການສັກວັກຊີນກັນໂຄວິດ-19
ວັນທີ 9 ພະຈິກ 2021: ມີອາການໄຂ້, ໄອ ແລະ ອິດເມື່ອຍ.
ວັນທີ 11 ພະຈິກ 2021: ໄປກວດຢູ່ໂຮງໝໍ 103 ຜົນກວດພົບເຊື້ອ
ວັນທີ 12 ພະຈິກ 2021: ຍ້າຍເຂົ້າມານອນປິ່ນປົວຢູ່ໂຮງໝໍເຊດຖາທິຣາດແຕ່ວັນທີ 12-16 ພະຈິກ 2021: ຄົນເຈັບອິດເມື່ອຍ, ຫາຍໃຈຫອບ, ມີປ່ານຊໍ້າຕາມຕົນໂຕ
ຮອດເວລາ 21:14 ໂມງ ຂອງວັນທີ 17 ພະຈິກ 2021: ຄົນເຈັບ ໄດ້ເສັຍຊີວິດ

ຜູ້ທີ 3: ເພດຊາຍ, ອາຍຸ 82 ປີ, ອາຊີບ ພະນັກງານບຳນານ, ບ້ານໂພນປ່າເປົ້າ, ເມືອງ ສີສັດຕະນາກ, ນະຄອນຫລວງ.

ພະຍາດປະຈຳຕົວ: ໄຂ່ຫຼັງຊຸດໂຊມ, ຄວາມດັນເລືອດສູງ ແລະ ປະດົງຄໍ່
ຜ່ານມາໄດ້ຮັບການສັກວັກຊີນກັນໂຄວິດ-19 ຄົບ
ວັນທີ 15 ພະຈິກ 2021: ມີໄຂ້, ໄອ, ຫາຍໃຈຝືດ, ນອນພຽງບໍ່ໄດ້ ພ້ອມທັງເກັບຕົວຢ່າງມາກວດຊອກຫາພະຍາດໂຄວິດ-19, ຜົນກວດພົບເຊື້ອ ແລະ ໄດ້ເຂົ້ານອນປິ່ນປົວຢູ່ໂຮງໝໍມິດຕະພາບໄລຍະນອນປິ່ນປົວ 15-17 ພະຈິກ 2021: ເປັນເວລາ 03 ມື້
ຮອດເວລາ 21:15 ໂມງ ຂອງວັນທີ 17 ພະຈິກ 2021: ຄົນເຈັບ ໄດ້ເສຍຊີວິດ

ຜູ້ທີ 4: ເພດຊາຍ, ອາຍຸ 78 ປີ, ບ້ານທົ່ງສາງນາງ, ເມືອງຈັນທະບູລີ

ຍ້າຍມາແຕ່ສູນ ມຊ ດົງໂດກ.
ຜ່ານມາບໍ່ໄດ້ຮັບການສັກວັກຊີນກັນໂຄວິດ-19
ວັນທີ 4 ພະຈິກ 2021: ເຂົ້ານອນປິ່ນປົວຢູ່ໂຮງໝໍເຊດຖາທິຣາດ
ເວລາ 02:00 ໂມງ ຂອງວັນທີ 18 ພະຈິກ 2021: ຄົນເຈັບ ໄດ້ເສຍຊີວິດ
ເມືອງຈັນທະບູລີ ມີ 20 ບ້ານ (62 ຄົນ)

ນະຄອນຫຼວງ 574 ຄົນ: ມາຈາກ 198 ບ້ານໃນ 9 ເມືອງ

ເມືອງສີໂຄດຕະບອງ ມີ 50 ບ້ານ (93 ຄົນ)
ເມືອງໄຊເສດຖາ ມີ 35 ບ້ານ (162 ຄົນ)
ເມືອງສີສັດຕະນາກມີ 21 ບ້ານ (46 ຄົນ)
ເມືອງ ນາຊາຍທອງ ມີ 13 ບ້ານ (38 ຄົນ)
ເມືອງໄຊທານີ ມີ 32 ບ້ານ (103 ຄົນ)
ເມືອງຫາດຊາຍຟອງ ມີ 22 ບ້ານ (37 ຄົນ)
ເມືອງ. ສັງທອງ ມີ 01 ບ້ານ (01 ຄົນ)
ເມືອງປາກງື່ມ ມີ 03 ບ້ານ ( 12 ຄົນ)
ຕ່າງແຂວງ ມີ 05 ຄົນ
ຍັງສືບຕໍ່ເອົາຂໍ້ມູນ 17 ຄົນ

–ຫຼວງພະບາງ ມີ 151 ຄົນ ໃນ 35 ບ້ານ ແລະ 8 ເມືອງ

-ແຂວງວຽງຈັນ ມີ 136 ຄົນ ໃນ 40 ບ້ານ ແລະ 8 ເມືອງ

–ຫຼວງນ້ຳທາ ມີ 17 ຄົນ ໃນ 10 ບ້ານ ແລະ 3 ເມືອງ

–ຜົ້ງສາລີ ມີ 146 ຄົນ ໃນ 38 ບ້ານ ແລະ 4 ເມືອງ

–ຈຳປາສັກ ມີ 63 ຄົນ ໃນ 29 ບ້ານ ແລະ 6 ເມືອງ

–ອຸດົມໄຊ ມີ 23 ຄົນ ໃນ 10 ບ້ານ ແລະ 1 ເມືອງ

-ເຊກອງ ມີ 14 ຄົນ ໃນ 7 ບ້ານ ແລະ 3 ເມືອງ

–ບໍລິຄຳໄຊ ມີ 14 ຄົນ ໃນ 10 ບ້ານ ແລະ 3 ເມືອງ

–ສະຫວັນນະເຂດ ມີ 21 ຄົນ ໃນ 13 ບ້ານ ແລະ 2 ເມືອງ

–ບໍ່ແກ້ວ ມີ 118 ຄົນ ໃນ 21 ບ້ານ ແລະ 2 ເມືອງ

–ສາລະວັນ ມີ 10 ຄົນ ໃນ 5 ບ້ານ ແລະ 2 ເມືອງ

–ຫົວພັນ ມີ 2 ຄົນ ໃນ 2 ບ້ານ ແລະ 1 ເມືອງ

–ອັດຕະປື ມີ 5 ຄົນ

-ໄຊຍະບູລີ ມີ 86 ຄົນ ໃນ 7 ບ້ານ ແລະ 1 ເມືອງ

-ຊຽງຂວາງ ມີ 3 ຄົນ ໃນ 1 ບ້ານ ແລະ 1 ເມືອງ

-ໄຊສົມບູນ ມີ 8 ຄົນ ໃນ 3 ບ້ານ ແລະ 3 ເມືອງ

ມາຮອດວັນທີ 18 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 58,798 ຄົນ, ເສຍຊີວິດສະສົມ 116 ຄົນ (ໃໝ່ 04), ປິ່ນປົວຫາຍດີ ແລະ ກັບບ້ານໃນມື້ວານ ມີ 533ຄົນ, ກໍາລັງປິ່ນປົວ 11,159 ຄົນ.

ລາຍງານໂຄວິດ-19 ໃນ ລາວ ວັນທີ 18 ພະຈິກ 2021

ໂທລະໂຄ່ງ THOLAKHONG

-

November 18, 2021

0

ລາຍງານໂຄວິດ-19 ໃນ ລາວ ວັນທີ 18 ພະຈິກ 2021

ຕາມການລາຍງານ ຂອງຄະນະສະເພາະກິດ ປະຈຳວັນທີ 18 ພະຈິກ 2021 ໃຫ້ຮູ້ວ່າ:

ລາຍລະອຽດພາຍຫຼັງ

ຂ່າວດີ! ວັກຊີນ 1.900.000 ໂດສ ຮອດລາວຮຽບຮ້ອຍແລ້ວ

ໂທລະໂຄ່ງ THOLAKHONG

-

November 17, 2021

0

ຂ່າວດີ! ວັກຊີນ 1.900.000 ໂດສ ຮອດລາວຮຽບຮ້ອຍແລ້ວ

ຂອບໃຈຫຼາຍໆ! ເດີນທາງມາຮອດ ສປປ ລາວ ແລ້ວວັກຊິນຊ່ວຍເຫຼືອຮອບໃຫມ່ຈາກ ສປ ຈີນ ຈຳນວນ 1.900.000 ໂດສ ພ້ອມທັງ ຊາແລັງເຂັມສັກຢາ ຈຳນວນ 1,801,600 ອັນ.

ໃນຕອນແລງ ເວລາ 16:00 ຂອງວັນທີ 17 ພະຈິກ 2021 ນີ້ ທີ່ສະໜາມບິນສາກົນວັດໄຕ, ນະຄອນຫຼວງວຽງຈັນ ໄດ້ມີພິທີຕ້ອນຮັບວັກຊິນຊ່ວຍເຫຼືອລ້າຮອບໃຫມ່ຈາກ ສປ ຈີນ ມອບໃຫ້ແກ່ ສປປ ລາວ ຍີ່ຫຍໍ້ຊີໂນຟາມ ຈຳນວນ 1.900.000 ໂດສ ແລະ ຊາແລັງເຂັມສັກຢາ ຈຳນວນ 1,801,600 ອັນ.

ວັກຊີນຈໍານວນດັ່ງກ່າວຈະຖືກນຳໃຊ້ໂດຍລັດຖະບານແຫ່ງ ສປປ ລາວ ເພື່ອໃຫ້ການປ້ອງກັນແກ່ປະຊາຊົນລາວຢ່າງຕໍ່ເນື່ອງ ແລະ ບັນລຸເປົ້າໝາຍການສັກວັກຊິນກັນພະຍາດ ໂຄວິດ-19 ປະຊາກອນໃນທົ່ວປະເທດພາຍໃນທ້າຍປີນີ້.

ຂອບໃຈຫຼາຍໆ

ລາວ ແລະ ອົງການສະຫະປະຊາຊາດລົງນາມຂອບການຮ່ວມມືກັນ, ສົກປີ 2022-2026

ຂ່າວພາຍໃນ

ໂທລະໂຄ່ງ THOLAKHONG

-

November 17, 2021

0

ລາວ ແລະ ອົງການສະຫະປະຊາຊາດລົງນາມຂອບການຮ່ວມມືກັນ, ສົກປີ 2022-2026

ໃນ ວັນທີ 16 ພະຈິກ 2021 – ລັດຖະ ບານແຫ່ງ ສປປ ລາວ, ຕາງໜ້າໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແລະ ຕາງໜ້າອົງການ ສປຊ, ທ່ານ ນາງ ຊາຣາ ເຊເກັນເນສ (Ms. Sara Sekkenes), ຜູ້ປະສານງານ ອົງການ ສປຊ ປະຈໍາ ສປປ ລາວ ໄດ້ຮ່ວມລົງນາມ ຂອບການຮ່ວມມືລະຫວ່າງ ລັດຖະບານ ແຫ່ງ ສປປ ລາວ ແລະ ອົງການສະຫະປະຊາຊາດ ສົກປີ 2022-2026 ຢ່າງເປັນທາງການ (Lao PDR-United Nations Sustainable Development Cooperation Framework ຫຼື ເອີ້ນຫຍໍ້ວ່າ UNSDCF).

ພິທີລົງນາມໃນຄັ້ງນີ້ຈັດຂຶ້ນ 1 ວັນ ທີ່ ກະຊວງການຕ່າງປະເທດ ກ່ອນການຈັດກອງປະຊຸມໂຕະມົນລະດັບສູງ ຄັ້ງທີ 13, ດ້ວຍມາດຕະການຈຳກັດຜູ້ເຂົ້າຮ່ວມຈາກທັງສອງຝ່າຍ ໂດຍຄຳນຶງເຖິງການລະບາດຂອງພະຍາດໂຄວິດ-19 ທີ່ກຳລັງເພີ່ມຂຶ້ນຢູ່ ນະຄອນຫຼວງວຽງຈັນ ໃນປັດຈຸບັນ.

ຂອບການຮ່ວມມື UNSDCF ສົກປີ 2022-2026 ແມ່ນແຜນງານສະບັບໃໝ່ນັບແຕ່ມີການປະຕິຮູບລະບົບຂອງ ອົງການສະຫະປະຊາຊາດ ອີງຕາມຍັດຕິຂອງເລຂາທິການໃຫ່ຍ ສປຊ ສະບັບເລກທີ 72/279 ທີ່ຖືກຮັບຮອງເອົາໃນປີ 2018, ເຊິ່ງມີເປົ້າໝາຍຕົ້ນຕໍໃນການປະຕິຮູບກົນໄກການປະຕິບັດງານຂອງ ອົງການ ສປຊໃຫ້ມີການປະສານງານທີ່ໂລ່ງລຽນ, ສອດຄ່ອງ, ມີປະສິດທິພາບ ແລະ ສ້າງຜົນປະໂຫຍດດ້ານການພັດທະນາໃຫ້ຫຼາຍທີ່ສຸດ.

ຂອບການຮ່ວມມື UNSDCF ສົກປີ 2022-2026 ນີ້ແມ່ນເນັ້ນໜັກເຖິງຄວາມສໍາຄັນຂອງການຮ່ວມມືລະຫວ່າງ ສປປ ລາວ ແລະ ອົງການ ສປຊ ເພື່ອແກ້ໄຂຄວາມຕ້ອງການດ້ານການພັດທະນາ ແລະ ສິ່ງທ້າທາຍຢູ່ໃນປະເທດ ໂດຍສອດຄ່ອງກັບທິດທາງລວມ ແລະ ຫົກເປົ້າໝາຍຂອງ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ສົກປີ 2021-2025. ຂະບວນການສ້າງຂອບການຮ່ວມມືສະບັບໃໝ່ນີ້ ແມ່ນຖືກສ້າງຂື້ນໂດຍຜ່ານຂະບວນການປຶກສາຫາລືຢ່າງກວ້າງຂວາງ ພ້ອມທັງການແລກປ່ຽນກັນຫຼາຍຄັ້ງລະຫວ່າງໜ່ວຍງານ ສປຊ, ຮ່ວມກັບໂຕແທນຈາກ ລັດຖະບານ ສປປ ລາວ, ຄູ່ຮ່ວມພັດທະນາ, ອົງການຈັດຕັ້ງທາງສັງຄົມ ເພື່ອສົ່ງເສີມການມີສ່ວນຮ່ວມໃນການປະກອບຄໍາເຫັນ, ທັດສະນະ ແລະ ແຮງບັນດານໃຈໃນການພັດທະນາຮ່ວມກັນ.

ຂອບການຮ່ວມມືສະບັບໃໝ່ແມ່ນໄດ້ກຳນົດເອົາ 4 ຂົງເຂດບຸລິມະສິດຍຸດທະສາດ ຄື:

ຊີວິການເປັນຢູ່ທີ່ດີຂອງປະຊາຊົນ;
ຄວາມຈະເລີນຮຸ່ງເຮືອງທົ່ວເຖິງສໍາລັບໝົດທຸກຄົນ;
ການບໍລິຫານລັດ ແລະ ການປົກຄອງດ້ວຍກົດໝາຍ;
ສິ່ງແວດລ້ອມ, ການປ່ຽນແປງດິນຟ້າອາກາດ ແລະ ຄວາມທົນທານຕໍ່ໄພພິບັດ

ເຊິ່ງນີ້ຈະກາຍເປັນເອກະສານທີ່ສໍາຄັນໃນການວາງແຜນ, ຈັດຕັ້ງປະຕິບັດໂຄງການລະດັບຊາດ, ລວມທັງຫັນປ່ຽນແນວທາງການປະຕິບັດງານຂອງ ອົງການ ສປຊ ໂດຍຜ່ານການປະສານງານທີ່ສອດຄ່ອງ, ກົມກຽວ ແລະ ມີປະສິດທິພາບຍິ່ງຂຶ້ນ ແລະ ຍົກລະດັບວຽກງານການຮ່ວມມື ແລະ ສະໜັບສະໜູນຂອງ ບັນດາເຄືອຂ່າຍອົງການ ສປຊ ຢູ່ ສປປ ລາວ ນັບແຕ່ປີ 2022 – 2026, ແນໃສ່ການບັນລຸບູລິມະສິດດ້ານການພັດທະນາຂອງ ສປປ ລາວ ກໍ່ຄື ແຜນພັດທະນາເສດຖະກິດ-ສັງຄົມແຫ່ງຊາດ ໄປຄຽງຄູ່ກັບເປົ້າໝາຍຂອງສາກົນ ກໍ່ຄື ວາລະ 2030 ເພື່ອການພັດທະນາແບບຍືນຍົງ.

ເພື່ອໃຫ້ສາມາດບັນລຸເປົ້າໝາຍເຫຼົ່ານີ້ໄດ້, ທີມງານ ສປຊ ປະຈຳ ສປປ ລາວ ຈະເຮັດວຽກຮ່ວມກັນໃນທົ່ວທັງ 4 ຂົງເຂດບຸລິມະສິດຍຸດທະສາດ, ໂດຍການນຳເອົາໜ່ວຍງານ, ກອງທຶນ ແລະ ແຜນງານຕ່າງໆທີ່ມີຄວາມຊຳນິຊຳນານອັນສະເພາະ ເພື່ອມາຊ່ວຍຄູ່ຮ່ວມງານລະດັບຊາດໃນການສ້າງຄວາມຄືບໜ້າດ້ານການພັດທະນາ ແລະ ແກ້ໄຂບັນຫາທ້າທາຍທີ່ກີດຂວາງການພັດທະນາຂອງ ສປປ ລາວ.

ແຈ້ງການ ຂອງກະຊວງອຸດສາຫະກຳ ແລະ ການຄ້າ

ໂທລະໂຄ່ງ THOLAKHONG

-

November 17, 2021

0

ກະຊວງອຸດສາຫະກຳ ແລະ ການຄ້າ ອອກແຈ້ງການເພີ່ມທະວີມາດຕະການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃນໂຮງງານອຸດສາຫະກຳປຸງແຕ່ງ ແລະ ຫັດຖະກຳ.

ລາຍລະອຽດຜູ້ເສຍຊີວິດໃໝ່ ແລະ ຜູ້ຕິດເຊື້ອໃໝ່

ຂ່າວໂຄວິດ-19

ໂທລະໂຄ່ງ THOLAKHONG

-

November 17, 2021

0

ຕາມການລາຍງານ ຂອງຄະນະສະເພາະກິດປະຈຳວັນ ວັນທີ 17 ພະຈິກ 2021 ມີຜູ້ເສຍຊີວິດໃໝ່ເພີ່ມອີກ 2 ຄົນ

ລາຍລະອຽດຜູ້ເສຍຊີວິດໃໝ່ 02 ຄົນ ມີດັ່ງນີ້:

ຜູ້ທີ 1: ເພດຍິງ, ອາຍຸ 40 ປີ, ບ້ານໂພນຄໍ້, ເມືອງໄຊທານີ, ນະຄອນຫລວງ

ພະຍາດປະຈໍາຕົວ: ເບົາຫວານ ແລະ ຄວາມດັນເລືອດສູງ
ຜ່ານມາຍັງບໍ່ໄດ້ສັກວັກຊີນກັນໂຄວິດ-19
ວັນທີ 11 ພະຈິກ 2021: ມາຮອດໂຮງໝໍດ້ວຍອາການອິດເມື່ອຍ, ຫາຍໃຈຝືດ ແລະ ນອນພຽງບໍ່ໄດ້, ໄດ້ເກັບຕົວຢ່າງກວດຊອກຫາພະຍາດໂຄວິດ-19 ຢູ່ໂຮງໝໍມິດຕະພາບ ແລະ ຜົນກວດພົບເຊື້ອ ຈຶ່ງໄດ້ເຂົ້ານອນປິ່ນປົວຢູ່ໂຮງຫມໍມິດຕະພາບ
ໄລຍະນອນປິ່ນປົວຢູ່ໂຮງໝໍດັ່ງກ່າວ ແຕ່ວັນທີ 11-16 ພະຈິກ 2021, ເປັນເວລາ 06 ວັນ
ຮອດເວລາ 07:25 ໂມງ ຂອງວັນທີ 16 ພະຈິກ 2021: ຜູ້ກ່ຽວໄດ້ເສຍຊີວິດ

ຜູ້ທີ 2: ເພດຊາຍ, ອາຍຸ 25 ປີ, ບ້ານເມືອງນ້ອຍ, ເມືອງໄຊເສດຖາ, ນະຄອນຫລວງ

ຜູ້ກ່ຽວເປັນຄົນຕຸ້ຍ ນໍ້າໜັກ 110 ກິໂລ
ຜ່ານມາບໍ່ໄດ້ຮັບການສັກວັກຊີນກັນໂຄວິດ-19
ວັນທີ 07 ພະຈິກ 2021: ຢັ້ງຢືນພົບເຊື້ອພະຍາດໂຄວິດ-19 ແລ້ວ ໄດ້ເຂົ້າປິ່ນປົວຢູ່ສູນ ມຊ ດົງໂດກ
ວັນທີ 15 ພະຈິກ 2021: ໄດ້ຍ້າຍຈາກສູນ ມຊ ດົງໂດກ ເຂົ້າມາປີ່ນປົວຢູ່ໂຮງໝໍເສດຖາທິລາດ ດ້ວຍອາການໄອ ແລະ ຫາຍໃຈຝຶດ
ມາຮອດເວລາ 13:45 ໂມງ ຂອງວັນທີ 16 ພະຈິກ 2021: ຜູ້ກ່ຽວໄດ້ເສຍຊີວິດ ຂໍສະແດງຄວາມເສຍໃຈນຳຄອບຄົວຜູ້ທີ່ເສຍຊີວິດ ມານະທີ່ນີ້ດ້ວຍ.

–ນະຄອນຫຼວງ 534 ຄົນ: ມາຈາກ 191 ບ້ານ ໃນ 9 ເມືອງ

ເມືອງຈັນທະບູລີ ມີ 16 ບ້ານ (44 ຄົນ )
ເມືອງສີໂຄດຕະບອງ ມີ 28 ບ້ານ (72 ຄົນ )
ເມືອງໄຊເສດຖາ ມີ 38 ບ້ານ (108 ຄົນ )
ເມືອງສີສັດຕະນາກມີ 20 ບ້ານ (61 ຄົນ )
ເມືອງ ນາຊາຍທອງ ມີ 16 ບ້ານ (40 ຄົນ )
ເມືອງໄຊທານີ ມີ 32 ບ້ານ (97 ຄົນ )
ເມືອງຫາດຊາຍຟອງ ມີ 27 ບ້ານ (64 ຄົນ )
ເມືອງ ສັງທອງ ມີ 04 ບ້ານ (08 ຄົນ )
ເມືອງປາກງື່ມ ມີ 08 ບ້ານ ( 37 ຄົນ )

ຍັງສືບຕໍ່ເອົາຂໍ້ມູນ 03 ຄົນ

–ຫຼວງພະບາງ ມີ 112 ຄົນ ໃນ 36 ບ້ານ ແລະ 9 ເມືອງ

-ແຂວງວຽງຈັນ ມີ 106 ຄົນ ໃນ 31 ບ້ານ ແລະ 7 ເມືອງ

–ຫຼວງນ້ຳທາ ມີ 4 ຄົນ ໃນ 3 ບ້ານ ແລະ 1 ເມືອງ

–ຜົ້ງສາລີ ມີ 38 ຄົນ ໃນ 9 ບ້ານ ແລະ 2 ເມືອງ

–ຈຳປາສັກ ມີ 71 ຄົນ ໃນ 32 ບ້ານ ແລະ 8 ເມືອງ

–ອຸດົມໄຊ ມີ 41 ຄົນ ໃນ 2 ບ້ານ ແລະ 1 ເມືອງ

-ເຊກອງ ມີ 9 ຄົນ ໃນ 6 ບ້ານ ແລະ 2 ເມືອງ

–ບໍລິຄຳໄຊ ມີ 20 ຄົນ ໃນ 9 ບ້ານ ແລະ 3 ເມືອງ

–ຄຳມ່ວນ ມີ 1 ຄົນ ໃນ 1 ບ້ານ ແລະ 1 ເມືອງ

–ສະຫວັນນະເຂດ ມີ 8 ຄົນ ໃນ 7 ບ້ານ ແລະ 1 ເມືອງ

–ບໍ່ແກ້ວ ມີ 66 ຄົນ ໃນ 20 ບ້ານ ແລະ 2 ເມືອງ

–ສາລະວັນ ມີ 11 ຄົນ ໃນ 6 ບ້ານ ແລະ 2 ເມືອງ

–ຫົວພັນ ມີ 6 ຄົນ ໃນ 3 ບ້ານ ແລະ 2 ເມືອງ

–ອັດຕະປື ມີ 2 ຄົນ ໃນ 1 ບ້ານ ແລະ 1 ເມືອງ

-ໄຊຍະບູລີ ມີ 37 ຄົນ ໃນ 15 ບ້ານ ແລະ 1 ເມືອງ

-ຊຽງຂວາງ ມີ 1 ຄົນ ໃນ 1 ບ້ານ ແລະ 1 ເມືອງ

-ໄຊສົມບູນ ມີ 5 ຄົນ ໃນ 3 ບ້ານ ແລະ 2 ເມືອງ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 1 ຄົນ ຈາກ ສະຫວັນນະເຂດ ເຊິ່ງໄດ້ຖືກເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ກໍານົດໄວ້.

ມາຮອດວັນທີ 17 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 57,397 ຄົນ, ເສຍຊີວິດສະສົມ 112 ຄົນ (ໃໝ່ 02), ປິ່ນປົວຫາຍດີ ແລະ ກັບບ້ານໃນມື້ວານ ມີ 717 ຄົນ, ກໍາລັງປິ່ນປົວ 10,691 ຄົນ.