ຕທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 6.472 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 1.076 ຄົນ (ຕິດເຊື້ອພາຍໃນ ມີ 1.071 ຄົນ ແລະ ຕິດເຊື້ອນໍາເຂົ້າ05 ຄົນ).

ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 1.071 ຄົນ ຈາກ 15 ແຂວງ ເຊິ່ງລາຍລະອຽດ ດັ່ງນີ້:

1. ນະຄອນຫຼວງ 540 ຄົນ: ມາຈາກ 145 ບ້ານ, ໃນ 7 ເມືອງ

–ຫຼວງພະບາງ: 174 ຄົນ ມາຈາກ 29 ບ້ານ, ໃນ 7 ເມືອງ

–ວຽງຈັນ: 93 ຄົນ ມາຈາກ 30 ບ້ານ, ໃນ 7 ເມືອງ

–ບໍ່ແກ້ວ: 51 ຄົນ ມາຈາກ 13 ບ້ານ, ໃນ 2 ເມືອງ

–ຫຼວງນໍ້າທາ: 51 ຄົນ ມາຈາກ 20 ບ້ານ, ໃນ 3 ເມືອງ

–ຈໍາປາສັກ: 42 ຄົນ ມາຈາກ 13 ບ້ານ, ໃນ 3 ເມືອງ

-ເຊກອງ: 41 ຄົນ. ມາຈາກ 13 ບ້ານ, ໃນ 4 ເມືອງ

–ຄໍາມ່ວນ: 26 ຄົນ ມາຈາກ 11 ບ້ານ, ໃນ 3 ເມືອງ

–ອຸດົມໄຊ: 23 ຄົນ ມາຈາກ 14 ບ້ານ, ໃນ 2 ເມືອງ

–ບໍລິຄໍາໄຊ: 10 ຄົນ ມາຈາກ 2 ບ້ານ, ໃນ 1 ເມືອງ

–ສາລະວັນ: 8 ຄົນ ມາຈາກ 1 ບ້ານ, ໃນ 3 ເມືອງ

–ສະຫວັນນະເຂດ: 6 ຄົນ ມາຈາກ 5 ບ້ານ, ໃນ 2 ເມືອງ

-ໄຊຍະບູລີ: 4 ຄົນ ມາຈາກ 4 ບ້ານ, ໃນ 2 ເມືອງ

–ຜົ້ງສາລີ: 1 ຄົນ ມາຈາກ 1 ບ້ານ, ໃນ 1 ເມືອງ

-ຊຽງຂວາງ: 1 ຄົນ ມາຈາກ 1 ບ້ານ, ໃນ 1 ເມືອງ

-ຊຽງຂວາງ: 1 ຄົນ ມາຈາກ 1 ບ້ານ, ໃນ 1 ເມືອງ

ສຳລັບການຕິດເຊືື້ອຂອງຜູ້ທີ່ເດີນທາງເຂົ້າປະເທດມີຈໍານວນ 05 ຄົນ: 04 ຄົນຈາກ ນະຄອນຫຼວງວຽງຈັນ ແລະ 01 ຄົນຈາກແຂວງໄຊຍະບູລີ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

ມາຮອດວັນທີ 07 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 47.056 ຄົນ, ເສຍຊີວິດສະສົມ 82ຄົນ (ໃໝ່ 01), ປິ່ນປົວຫາຍດີ ແລະ ກັບບ້ານໃນມື້ວານ ມີ 754 ຄົນ, ກໍາລັງປິ່ນປົວ 8.359 ຄົນ.

ລາຍລະອຽດຜູ້ເສຍຊີວິດໃໝ່ 01 ຄົນ ມີດັ່ງນີ້:

ຜູ້ທີ 1: ເພດຍິງ, ອາຍຸ 78 ປີ, ອາຊີບ ຜູ້ເຖົ້າ, ບ້ານດົງປ່າແຫລບ, ເມືອງຈັນທະບູລີ, ນະຄອນຫລວງ.

• ວັນທີ 21 ຕຸລາ 2021: ໄດ້ເກັບຕົວຢ່າງມາກວດຊອກຫາພະຍາດໂຄວິດ-19
• ວັນທີ 22 ຕຸລາ 2021: ຜົນກວດແມ່ນພົບເຊື້ອ ແລະ ໄດ້ໄປກັກໂຕຢູ່ສູນລ້ານຊ້າງ
• ວັນທີ 23 ຕຸລາ 2021: ຜູ້ກ່ຽວມີອາການໄອ, ມີຂີ້ສະເຫລດ, ຖ່າຍເປັນນໍ້າ, ມີຮາກ, ເຈັບແຫນ້ນຫນ້າເອິກເວລາທີ່ໄອຫລາຍ ແລ້ວ ຈຶ່ງຍ້າຍມາຕິດຕາມຢູ່ໂຮງໝໍມິດຕະພາບ
• ພະຍາດປະຈຳຕົວ: ໄຂ່ຫລັງຊຸດໂຊມ ໄດ້ 5 ປີ ແຕ່ບໍ່ເຄີຍຟອກ ແລະ ເປັນຄວາມດັນເລືອດສູງ ກິນຢາປະຈຳ
• ຍັງບໍ່ໄດ້ສັກຢາວັກຊີນ
• ໄລຍະທີ່ນອນປິ່ນປົວຢູ່ໂຮງໝໍ ແມ່ນແຕ່ວັນທີ 23 ຕຸລາ – 06 ພະຈິກ 2021, ເປັນເວລາ 15 ວັນ
• ຮອດເວລາ 06:30 ໂມງຂອງວັນທີ 06 ພະຈິກ 2021: ຜູ້ກ່ຽວໄດ້ເສຍຊີວິດ.ການບໍລິການເກັບຕົວຢ່າງ ເພື່ອກວດຫາເຊືື້ອ ໂຄວີດ-19

ຕາມການລາຍງານຂອງຄະນະສະເພາະກິດປະຈຳວັນທີ 6 ພະຈິກ 2021 ໃຫ້ຮູ້ວ່າ: ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 7,233 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 960 ຄົນ (ຕິດເຊື້ອພາຍໃນ ມີ 955 ຄົນ ແລະ ຕິດເຊື້ອນໍາເຂົ້າ05 ຄົນ).

ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 955 ຄົນ ຈາກ 15 ແຂວງ ເຊິ່ງລາຍລະອຽດ ດັ່ງນີ້:

1.ນະຄອນຫຼວງ 449 ຄົນ: ມາຈາກ 166 ບ້ານ, ໃນ 9 ເມືອງ

• ເມືອງຈັນທະບູລີ ມີ 22 ບ້ານ (57 ຄົນ)
• ເມືອງສີໂຄດຕະບອງ ມີ 36 ບ້ານ (68 ຄົນ)
• ເມືອງໄຊເສດຖາ ມີ 28 ບ້ານ (71 ຄົນ)
• ເມືອງສີສັດຕະນາກມີ 16 ບ້ານ (37 ຄົນ)
• ເມືອງ ນາຊາຍທອງ ມີ 08 ບ້ານ (48 ຄົນ)
• ເມືອງໄຊທານີ ມີ 32 ບ້ານ (122 ຄົນ)
• ເມືອງຫາດຊາຍຟອງ ມີ 19 ບ້ານ (35 ຄົນ)
• ເມືອງສັງທອງ ມີ 02 ບ້ານ (2 ຄົນ)
• ເມືອງ ປາກງື່ມ ມີ 03 ບ້ານ (06 ຄົນ)
• ສືບຕໍ່ເອົາຂໍ້ມູນ 03 ຄົນ

2.ຫຼວງນ້ຳທາ ມີ 153 ຄົນ ໃນ ບ້ານ 30 ແລະ 4 ເມືອງ

3.ຫຼວງພະບາງ, ມີ 123 ຄົນ ໃນ 25 ບ້ານ ແລະ 6 ເມືອງ

4.ແຂວງວຽງຈັນ ມີ 46 ຄົນ ໃນ 23 ບ້ານ ແລະ 4 ເມືອງ

5.ຈຳປາສັກ ມີ 38 ຄົນ ໃນ 19 ບ້ານ ແລະ 4 ເມືອງ

6.ອຸດົມໄຊ ມີ 37 ຄົນ ໃນ 17 ບ້ານ ແລະ 2 ເມືອງ

7.ບໍ່ແກ້ວ ມີ 28 ຄົນ ໃນ 11 ບ້ານ ແລະ 3 ເມືອງ

8.ສະຫວັນນະເຂດ ມີ 20 ຄົນ ໃນ 7 ບ້ານ ແລະ 4 ເມືອງ

9.ຄຳມ່ວນ ມີ 17 ຄົນ ໃນ ບ້ານ 12 ແລະ 2 ເມືອງ

10.ໄຊຍະບູລີ ມີ 13 ຄົນ ໃນ 2 ບ້ານ ແລະ 1 ເມືອງ

11.ເຊກອງ ມີ 13 ຄົນ ໃນ 8 ບ້ານ ແລະ 1 ເມືອງ

12.ຜົ້ງສາລີ ມີ 8 ຄົນ ໃນ 3 ບ້ານ ແລະ 2 ເມືອງ

13.ບໍລິຄຳໄຊ ມີ 6 ຄົນ ໃນ 4 ບ້ານ ແລະ 2 ເມືອງ

14.ໄຊສົມບູນ ມີ 2 ຄົນ ໃນ 2 ບ້ານ ແລະ 2 ເມືອງ

15.ສາລະວັນ ມີ 2 ຄົນ ໃນ 2 ບ້ານ ແລະ 2 ເມືອງ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 5 ຄົນ ຈາກ ແຂວງສະຫວັນນະເຂດ 3 ຄົນ ແລະ ແຂວງບໍ່ແກ້ວ 2 ​ຄົນ, ທັງໝົດແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

ມາຮອດວັນທີ 5 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 45,980 ຄົນ, ເສຍຊີວິດສະສົມ 81 ຄົນ (ໃໝ່ 04), ປິ່ນປົວຫາຍດີ ແລະ ກັບບ້ານໃນມື້ວານ ມີ 502 ຄົນ, ກໍາລັງປິ່ນປົວ 8,443 ຄົນ.

ເຊີນຊວນເຂົ້າຮ່ວມກິດຈະກຳ ການນຳສະເໜີວີດີໂອສັ້ນ ລາວ-ຈີນ ພາຍໃຕ້ຫົວຂໍ້ “ຮ່ວມມືຮ່ວມໃຈກັນສ້າງອະນາຄົດທີ່ດີກວ່າໄປພ້ອມກັນ”

ປີ 2021 ເປັນປີທີ່ ສປປ ລາວ ແລະ ສປ ຈີນ ໄດ້ຮ່ວມສະເຫລີມ ສະຫລອງ ວັນສ້າງສາຍພົວພັນ ຄົບຮອບ 60 ປີ ແລະ ເປັນປີມິດຕະພາບຂອງປະເທດລາວ-ຈີນ. ໃນວັນທີ 28 ​ຕຸລາ 2021 ນີ້, ຫ້ອງການຂ່າວສານເທສະບານປະຊາຊົນ ແຂວງຢູນນານ ຮ່ວມກັບ ສຳນັກງານ ຂ່າວສານຈີນສາຂາຢູນນານ ແລະ ບໍລິສັດ ສື່ມວນຊົນວັດທະນະທຳປາມຶກຍັກ ຢູນນານ ຈຳກັດ  ພ້ອມກັນຈັດກິດຈະກໍາ ການນຳສະເໜີ ວີດີໂອສັ້ນລາວ-ຈີນ ພາຍໃຕ້ຫົວຂໍ້ “ຮ່ວມມືຮ່ວມໃຈກັນສ້າງອະນາຄົດທີ່ດີກວ່າໄປພ້ອມກັນ”, ເຊິ່ງກິດຈະກຳດັ່ງກ່າວ ແມ່ນສົ່ງເສີມໃຫ້ຜູ້ທີ່ເຂົ້າຮ່ວມເລົ່າເລື່ອງລາວຂອງປະເທດລາວ ແລະ ປະເທດຈີນ ທີ່ມີສາຍພູສາຍນໍ້າຕິດຈອດກັນ, ຄວາມສາມັກຄີປອງດອງ, ການເຊື່ອມໂຍງຈິດໃຈຂອງປະຊາຊົນສອງຊາດ ແລະ ມິດຕະພາບອັນດູດດື່ມ ໂດຍນຳໃຊ້ມຸມກ້ອງຖ່າຍຮູບເປັນສື່ກາງ ໃນການຖ່າຍທອດຄວາມຮູ້ສຶກຢ່າງແທ້ຈິງ, ຮອບດ້ານ ແລະ ຫຼາກຫຼາຍ.

ຄຸນສົມບັດຂອງກິດຈະກຳທີ່ຈະເຂົ້າຮ່ວມກິດຈະກຳນີ້, ຮວບຮວມຜົນງານວິດີໂອສັ້ນ ຈາກທຸກສ່ວນຂອງການດຳເນີນຊີວິດ, ເຊິ່ງການກຳນົດຫົວຂໍ້, ຮູບແບບການສ້າງສັນຂອງວຽກງານແມ່ນບໍ່ຈໍາກັດ, ຄວນ​ໄດ້​ຮັບ​ການ​ຊີ້​ນໍາ​ຢ່າງ​ລະອຽດ​, ມີຈຸດຢືນຢ່າງຈະແຈ້ງ ແລະ ເນື້ອໃນແມ່ນຄວາມຈິງ, ປະຕິບັດຕາມ​ລະບຽບ​ກົດໝາຍ​ຂອງ​ສອງ​ປະ​ເທດ ລາວ-ຈີນ, ສອດຄ່ອງຕາມມາດຕະຖານສິນທໍາ, ສະແດງໃຫ້ເຫັນທິວ​ທັດ​ທໍາ​ມະ​ຊາດ​ທີ່​ສວຍ​ງາມ​ ແລະ ​ປະ​ເພ​ນີ​ທີ່​ສວຍ​ງາມ​ຂອງ​​ລາວ ແລະ ຈີນ​​，ມີ​ເນື້ອ​ໃນ​ຂອງ​ອົງ​ປະ​ກອບ​ວັດ​ທະ​ນະ​ທໍາ​ຈີນ​ ແລະ ​ລາວ ເຊັ່ນ: ຄົນຈີນຢູ່ລາວ, ຄົນລາວຢູ່ຈີນ, ອາຫານຈີນຢູ່ໃນປະເທດລາວ, ອາຫານລາວຢູ່ໃນປະເທດຈີນ ເເລະ ອື່ນໆ

-ຂໍ້ກຳນົດຂອງບົດປະພັນ:

1. ຂໍ້ກໍານົດ: ຄວາມລະອຽດບໍ່ໜ້ອຍກວ່າ 720P, ຄຸນນະພາບຂອງພາບບໍ່ໜ້ອຍກວ່າ 1280*720, ຖ່າຍໜ້າຈໍແນວນອນ ຫຼື ແນວຕັ້ງກໍ່ໄດ້; ຂະໜາດໄຟລ໌ບໍ່ໜ້ອຍກວ່າ 10MB.

2. ໄລຍະເວລາ: 30-180 ວິນາທີ; ສາມາດຂະຫຍາຍເວລາເປັນ 5 ນາທີ ຕາມສະພາບຂອງບົດປະພັນ.

3. ອັກສອນບັນຍາຍ：ບົດປະພັນຕ້ອງມີຄໍາບັນຍາຍພາສາຈີນ, ລາວ ຫລື ພາສາອັງກິດ (ເລືອກໜຶ່ງໃນສາມ)

4. ຮູບແບບວີດີໂອ: AVC/H264, MOV/MP4.

5. ການນໍາບົດມາແຂ່ງຕ້ອງນໍາສະເໜີບົດພ້ອມປະກອບຟອມລົງທະບຽນ(ມີເອກະສານຄັດຕິດ) ເຮັດເປັນໄຟລ໌ດຽວ ແລະ ມີຊື່ໄຟລ໌ພ້ອມລະບຸຫົວຂໍ້ໃນອີເມວ: ຜູ້ເຂົ້າຮ່ວມ (ຊື່ບຸກຄົນ ຫລື ພາກສ່ວນ) + “ຮ່ວມມືຮ່ວມໃຈກັນສ້າງອະນາຄົດທີ່ດີກວ່າໄປພ້ອມກັນ”.

6. ບໍ່ໃຫ້ມີຮູບແບບຂອງການໂຄສະນາທາງການຄ້າໃສ່ໃນວີດີໂອສັ້ນ.

-ສຳລັບລາງວັນປະກອບມີ:

• ລາງວັນຄວາມປະດິດສ້າງໃໝ່:  3 ບົດ
• ລາງວັນບັນຍາຍເລື່ອງດີ: 3 ບົດ
• ລາງວັນການຕັດຕໍ່ວິດີໂອດີ: 3 ບົດ

ບົດປະພັນທີ່ໄດ້ຮັບລາງວັນຂ້າງເທິງແມ່ນຈະໄດ້ຮັບເງິນລາງວັນ ຈຳນວນ 2.000 ຢວນ  ແລະ ໃບກຽດຕິຄຸນ.

ສ່ວນລາງວັນຜົນງານດີເດັ່ນ: 20 ບົດ ຈະໄດ້ຮັບໃບກຽດຕິຄຸນ, ເຊິ່ງໄລຍະເວລາການ ຮວບຮວມບົດປະພັນ ແມ່ນເລີ່ມແຕ່ ວັນທີ 10 ຕຸລາ ເຖິງ 21 ພະຈິກ 2021 ແລະ ມື້ສຸດທ້າຍຂອງການເລືອກເຟັ້ນບົດປະພັນແມ່ນ ວັນທີ 23 ພະຈິກ ແລະ ໄລຍະເວລາຂອງການປະກາດຜົນສຸດທ້າຍຂອງການເລືອກເຟັ້ນ: ວັນທີ 23-30 ພະຈິກ 2021.

-ສຳລັບວິທີການສົ່ງບົດປະພັນ:

• ສົ່ງຜ່ານທາງທີ່ຢູ່ອີເມວ: [email protected]
• ຫ້ອງການຄະນະກຳມະການຈັດຕັ້ງກິດຈະກຳ ຫ້ອງ 408 ຊັ້ນ 4 ສຳນັກງານຂ່າວສານຈີນສາຂາຢຸນນານ ເລກ 27 ບ້ານXiba New ເມືອງຄຸນມິງ.
• ຜູ້ຕິດຕໍ່: ທ່ານເສິງ ໂທລະສັບຕິດຕໍ່:18213823065

ການຄັດເລືອກ ແລະ ປະເມີນບົດປະພັນ:

1. ຫລັກການຕັດສິນ: ຄະນະຈັດຕັ້ງຈະຄັດເລືອກເອົາຜົນງານທີ່ເກັບກຳໄດ້ ໂດຍອີງໃສ່ຫລັກຄວາມເປັນທຳ, ເປີດກວ້າງ ແລະ ຍຸຕິທຳ.

2. ຂະບວນການຕັດສິນ: ຂະບວນການທຳອິດ ຈະເປັນການກວດກາຢ່າງເປັນທາງການ, ຂະບວນການທີສອງ ຈະເປັນການປະເມີນເບື້ອງຕົ້ນ ໂດຍຜູ້ຊ່ຽວຊານ ແລະ ການປະເມີນຂັ້ນສຸດທ້າຍ.

3. ຄະນະກໍາມະການຈັດຕັ້ງ ແມ່ນຮັບຜິດຊອບໃນການຈັດຕັ້ງຜູ້ຊ່ຽວຊານ ເພື່ອດໍາເນີນການກວດກາ ແລະ ຂະບວນການທົບທວນຈະໄດ້ຖືກຊີ້ນໍາຢ່າງເຕັມສ່ວນໂດຍຫ້ອງການ Notary ກົກເຈີນ

 4. ການປະກາດຜົນ: ຜົນການຄັດເລືອກແມ່ນຈະເຜີຍແຜ່ໃນ website ຂອງຂ່າວສານຈີນ-ຢູນນານໃນລະຫວ່າງວັນທີ 23-29 ພະຈິກ ແລະ ຈະຖືກຕິດຕາມຈາກສັງຄົມ.

-ຂໍ້ແນະນຳສຳລັບກິດຈະກຳຄັ້ງນີ້:

1. ຜູ້ທີີ່ເຂົ້າຮ່ວມກິດຈະກໍາ ຕ້ອງຮັບປະກັນວ່າຕົນເອງມີລິຂະສິດຄົບຖ້ວນ ແລະ ຖືກຕ້ອງຕາມກົດໝາຍ ສໍາລັບຜົນງານຂອງຕົນ ໂດຍບໍ່ມີບັນຫາຜິດກົດໝາຍເຊັ່ນ: ການລັກກ່າຍແລະ ຢືມມາຈາກຜູ້ອື່ນ ເປັນຕົ້ນ. ຖ້າຜົນງານໃດຖືກລາຍງານວ່າ ບໍ່ໄດ້ປະຕິບັດຕາມກົດລະບຽບທີ່ກ່າວມາຂ້າງເທິງນີ້ ຈະຖືກຕັດສິດຫລັງຈາກການກວດສອບໂດຍຄະນະຈັດຕັ້ງ, ຖ້າຜູ້ໃດໄດ້ຮັບຄ່າອຸດໜູນ ຫລື ໃບຢັ້ງຢືນແລ້ວ, ຄະນະຈັດຕັ້ງກໍມີສິດໃນການທວງຄືນ, ຜູ້ໃດທີ່ໄດ້ລະເມີດກົດໝາຍທີ່ກ່າວມາຂ້າງເທິງນີ້, ຈະຕ້ອງຮັບຜິດຊອບຕໍ່ກົດໝາຍທັງໝົດດ້ວຍຕົນເອງ.

2. ບົດປະພັນຂອງຜູ້ເຂົ້າຮ່ວມທີ່ຍື່ນມາ ຕ້ອງເໝາະສົມກັບຂໍ້ກຳນົດກົດໝາຍສາທາລະນະລັດປະຊາຊົນຈີນ ແລະ ສາທາລະນະລັດ ປະຊາທິປະໄຕ ປະຊາຊົນລາວ ແລະ ເນື້ອໃນບໍ່ໄດ້ຜິດຮີດຄອງປະເພນີອັນດີງາມ ແລະ ມາດຖານຄຸນະພາບ, ບໍ່ໄດ້ຍື່ນບົດປະພັນທີ່ບໍ່ເໝາະສົມ ເປັນຕົ້ນ: ເລື່ອງລາມົກອານາຈານ, ຄວາມຮຸນແຮງ, ຄວາມສູນເສຍ ແລະ ການນອງເລືອດ.

3. ຜູ້​ເຂົ້າ​ຮ່ວມ​ຕ້ອງຕົກລົງເຫັນ​ດີ​ວ່າ, ຄະນະ​ຈັດ​ຕັ້ງກິດຈະກຳ​ຈະ​ອອກປະກາດ ແລະ ນຳ​ໃຊ້​ວຽກ​ງານ, ຊື່​ຜູ້​ຂຽນ ​ແລະ ຂໍ້​ມູນ​ທີ່​ຈຳ​ເປັນ​ອື່ນໆ​ໃນ​ງານ​ດັ່ງກ່າວ​ ຢູ່​ຈີນ​ແຜ່ນດິນ​ໃຫຍ່ ​ແລະ ສປປ ລາວ. ພ້ອມທັງເຫັນດີໃຫ້ຄະນະຈັດຕັ້ງກິດຈະກຳດັດແປງ, ບັນນາທິການ ແລະ ຮຽບຮຽງຄືນໃໝ່ທີ່ຈຳເປັນກ່ອນການອອກປະກາດ ແລະ ນຳໃຊ້, ຄະນະຈັດຕັ້ງກິດຈະກຳບໍ່ຈຳເປັນຕ້ອງແຈ້ງໃຫ້ຜູ້ເຂົ້າຮ່ວມຮູ້ກ່ອນໃນການກະທຳດັ່ງກ່າວ.

4. ກິດຈະກຳການເຄື່ອນໄຫວຄັ້ງນີ້, ມີທັງຮູບແບບໂຄສະນາຢູ່ອອນລາຍ ແລະ ບໍ່ຢູ່ອອນລາຍ ໂດຍບໍ່ຈຳກັດ: ລວມມີການປະກາດຜົນຄັດເລືອກ, ການວາງສະແດງຜົນງານ ແລະອື່ນໆ, ຜູ້ເຂົ້າຮ່ວມຕົກລົງເຫັນດີວ່າ ຄະນະຈັດຕັ້ງວາງສະແດງຈະບໍ່ຖືກຈຳກັດພື້ນທີ່, ຈຸດປະສົງ ແລະ ເວລາໃນເວລາການແຈ້ງ, ເຜີຍແຜ່ຜົນງານ, ຊື່ຂອງຜູ້ຂຽນ ແລະ ຂໍ້ມູນອື່ນທີ່ຈຳເປັນໃນສື່ຂ່າວສານ, ວິທະຍຸ, ໂທລະພາບ ແລະ ຮູບແບບອື່ນທີ່ກ່ຽວຂ້ອງກັບປະກາດໃນກິດຈະກຳນີ້.

5. ສິດການນຳໃຊ້ຜົນງານຕ່າງໆເປັນຂອງຄະນະຈັດງານ.

6. ຄະນະຈັດງານມີສິດໃນການເຄື່ອນໄຫວກິດຈະກຳຄັ້ງນີ້.

ດາວໂຫຼດຟອມສະໝັກ: http://www.yn.chinanews.com/news/2021/1027/U780P932T1D65243F11DT20211027202744.doc)

ມານາພອນ ອິນທະສອນ ນັກສຶກສາ ຄສປ ຄວ້າລາງວັນຊະນະເລີດໃນການແຂ່ງຂັນອອກແບບສະຖາປັດຕະຍະກຳສາດ ປະຈຳປີ 2021

ໃນວັນທີ 2 ພະຈິກ 2021 ຜ່ານມາ, ຄະນະສະຖາປັດຕະຍະກຳສາດ (ຄສປ) ມະຫາວິທະຍາໄລແຫ່ງຊາດ ໄດ້ຈັດງານແຂ່ງຂັນການອອກແບບສະຖາປັດຕະຍະກຳສາດ ສໍາລັບນັກສຶກສາສະຖາປັດຕະຍະກຳສາດ ປະຈຳປີ 2021 (ຜ່ານສື່ອອນລາຍ).

ງານແຂ່ງຂັນອອກແບບຄັ້ງນີ້ ໃຫ້ກຽດເຂົ້າຮ່ວມໂດຍ ທ່ານ ສິນຖາວອນ ດາລາວົງ ຄະນະບໍດີ ຄສປ, ທ່ານ Prof.Dr.Youngil Lee ປະທານສະມາຄົມສະຖາປັດຕະຍະກໍາສາດ ອາຊຽນ ພ້ອມດ້ວຍບັນດາທ່ານຄະນະກຳມະການ ແລະນັກສຶກສາ ເຂົ້າຮ່ວມ.ການແຂ່ງຂັນອອກແບບສະຖາປັດຕະຍະກຳສາດ ສໍາລັບນັກສຶກສາທີ່ກຳລັງສຶກສາໃນຫຼັກສູດສະຖາປັດຕະຍະ ກຳສາດ, ມະຫາວິທະຍາໄລແຫ່ງຊາດໄດ້ເລິ່ມຕົ້ນມາແຕ່ປີ 2014.

ນັບແຕ່ນັ້ນມາທາງ ຄສປ ກໍໄດ້ຈັດການແຂ່ງຂັນອອກແບບສະຖາປັດຕະຍະກຳສາດຂຶ້ນເປັນປະຈຳທຸກປີ, ເພື່ອຄັດເລືອກເອົານັກສຶກສາທີ່ເປັນຕົວແທນເຂົ້າຮ່ວມການແຂ່ງຂັນໃນລະດັບອາຊີ.

ຄຽງຄູ່ກັບການສົ່ງນັກສຶກສາເຂົ້າຮ່ວມງານແຂ່ງຂັນອອກແບບໃນແຕ່ລະປີ ເຊິ່ງຄະນະອາຈານ ແລະນັກສຶກສາໄດ້ມີການເກັບກ່ຽວເອົາບົດຮຽນໃນການແລກປ່ຽນ ກັບບັນດາມະຫາວິທະຍາໄລຂອງຕ່າງປະເທດ.

ພ້ອມນິີ້ກໍໄດ້ຮ່ວມມືກັບ ຄະນະສະຖາປັດຕະຍະກຳສາດ ມະຫາວິທະຍາໄລສຸພານຸວົງ ແລະພາກວິຊາສະຖາປັດຕະຍະກຳສາດ ມະຫາວິທະຍາໄລຈຳປາສັກ.

ສຳລັບປີນີ້ແມ່ນປີທີ 2 ທີ່ໄດ້ສືບຕໍ່ຮ່ວມມືກັບ 2 ມະຫາວິທະຍາໄລ ໃນການຈັດການແຂ່ງຂັນເຊິ່ງມີນັກສຶກສາຜ່ານການຄັດເລືອກເຂົ້າຮ່ວມແຂ່ງຂັນທັງໝົດ 12 ຄົນຈາກ 3 ມະຫາວິທະຍາໄລ ແລະຈັດຂຶ້ນພາຍໃຕ້ຫົວຂໍ້ການແຂ່ງຂັນ: ກ່ຽວກັບ Contexual Design : Creating Space , Re-interpreting tradition.

ຜົນການແຂ່ງຂັນປະກົດວ່າ ນາງ ມານາພອນ ອິນທະສອນ ນັກສຶກສາປີທີ 3 ຈາກພາກວິຊາສະຖາປັດຕະຍະກຳສາດ ຄສປ ມະຫາວິທະຍາໄລແຫ່ງຊາດ ສາມາດຍາດລາງວັນຊະນະເລີດ ພ້ອມທັງເປັນຕົວແທນຂອງສຶກສາລາວ ເຂົ້າຮ່ວມການແຂ່ງຂັນການອອກແບບສະຖາປັດຕະຍະກໍາສາດຄັ້ງທີ 10 (The 10th ACARA) ທີ່ຈະຈັດຂຶ້ນທີ່ປະເທດອິນໂດເນເຊຍໃນມໍ່ໆນີ້, ເຊິ່ງຜົນງານການອອກແບບຂອງ ມານາພອນ ແມ່ນມີແນວຄວາມຄິດມາຈາກຮູບແບບວິຖີຊີວິດທີ່ເປັນເອກະລັກຂອງຊາວນາທີ່ມີຊີວິດແບບຮຽບງ່າຍ, ມີແນວທາງການດຳລົງຊີວິດຢ່າງຊັດເຈນ ແລະ ມີວິຖີຊີວິດຕິດພັນກັບກະສິກຳໂດຍສະເພາະແມ່ນການເຮັດນາປູກເຂົ້າ, ເຊິ່ງເປັນການດຳລົງຊີວິດແບບພໍພຽງ, ໃນປັດຈຸບັນນີ້ມັນຖືກທັບທົມໄປດ້ວຍຕຶກອາຄານ ແລະຄົນຍຸກໃໝ່ກໍບໍ່ຄ່ອຍຄຸ້ນເຄີຍແລະບໍ່ເຫັນຄຸນຄ່າກັບວິຖີຊີວິດກະສິກຳ, ສະນັ້ນຈຶ່ງມີແນວຄວາມຄິດຢາກສະແດງຄຸນຄ່າທາງການກະສິກຳ ໂດຍການສ້າງອາຄານພື້ນທີ່ທີ່ຕອບສະໜອງຕໍ່ຊຸມຊົນຊາວນາແລະຕອບສະພາບແວດລ້ອມ (ທົ່ງນາ) ເພື່ອໃຫ້ເປັນພື້ນທີ່ຮຽນຮູ້ຢ້ຽມຊົມວິຖີຊີວິດຂອງຊາວນາ ພ້ອມທັງເປັນພື້ນທີ່ແຫຼ່ງທ່ອງທ່ຽວທາງທຳມະຊາດທີ່ດຶງດູດນັກທ່ອງທ່ຽວແລະປະຊາຊົນໃນປະເທດມາຢ້ຽມຊົມ ແລະ ສຳຜັດພື້ນທີ່ເອກະລັກ ແລະເພື່ອເປັນການພັດທະນາການກະສິກຳການປູກເຂົ້າ ພ້ອມກັບການພັດທະນາແບບຍືນຍົງ “ເພື່ອເປັນການຮັກສາສິ່ງເກົ່າ ພ້ອມກັບການພັດທະນາແບບຍືນຍົງ”