ເຫດການນີ້ເກີດຂຶ້້ນ ທີ່ລັດລຸຍເຊຍນາ ສະຫະລັດ ອາເມລິກາ ເມື່ອເຈົ້າໜ້າທີ່ຕຳຫຼວດໄດ້ຮັບແຈ້ງວ່າ: ມີຄົນຖືກລົດຕຳໄດ້ຮັບບາດເຈັບ ເມື່ອເຈົ້າໜ້າທີ່ໄປຮອດບ່ອນເກີດເຫດ ຜູ້ຊາຍໃນຄຣິບແຈ້ງວ່າ: ຖືກລົດ Tesla ຖອຍຕຳ ຈົນເຮັດໃຫ້ຕົນລົ້ມລົງພື້ນ ເຮັດໃຫ້ຕົນໄດ້ຮັບບາດເຈັບ ແລ້ວລົດ Tesla ກໍຂັບໜີໄປ ບໍ່ຮັບຜິດຊອບ.

ຫຼັງຈາກນັ້ນ ເຈົ້າໜ້າທີ່ກໍໄດ້ປະສານຫາເຈົ້າຂອງລົດຄັນດັ່ງກ່າວຈົນຮູ້ວ່າ: ໃນຕອນທີ່ ກຳລັງລົດກຳລັງຖອຍ ຢູ່ດີໆ ຊາຍຄົນນີ້ກໍໂດດມາໃສ່ລົດລາວເອງ ພ້ອມທັງໂຊພາບວີດີໂອທີ່ບັນທຶກຢູ່ກ້ອງຫຼັງລົດ.

ເມື່ອຮູ້ຄວາມຈິງແລ້ວຊາຍຄົນດັ່ງກ່າວກໍຖືກຕັ້ງຂໍ້ຫາສ້າງເລື່ອງ ແລະແຈ້ງຄວາມໂດຍບໍ່ມີມູນຄວາມຈິງ.

ຕາມເພສ ປ້ອງກັນຄວາມສະຫງົບ ນະຄອນຫຼວງວຽງຈັນ ໃຫ້ຮູ້ວ່າ: ເຈົ້າໜ້າທີ່ພະແນກຕໍາຫຼວດ ປກສ ເມືອງ ສີໂຄດຕະບອງ ກັກຕົວ ທ້າວ ນົກ ອາຍຸ 26 ປີ, ອາຊີບ ກໍາມະກອນ, ບ້ານຫ້ວຍແກ້ວ ເມືອງຄໍາເກີດ ແຂວງບໍລິຄໍາໄຊ ປະຈໍາຢູ່ຮ້ານຂອງ ນາງ ດາວັນ ໃນວັນທີ 4 ສິງຫາ 2021 ໃນຂໍ້ຫາລັກຊັບພົນລະເມືອງ (ຕູ້ເຊບ)ມີເງິນ7,000,000ກີບ, 14,000 ຢວນ ແລະ 350ໂດລາ, ພາຍຫຼັງໄດ້ຮັບແຈ້ງຈາກຜູ້ເສຍຫາຍ.

ຜ່ານການສອນສວນ ທ້າວ ນົກ ຮັບສາລະພາບວ່າ: ພາຍຫຼັງນາຍຈ້າງອອກຈາກຮ້ານໄປວຽກ ໄດ້ປະລູກ 2 ຄົນໄວ້ນໍາຕົນເປັນຄົນຮັບເບີ່ງແຍງຖ້າ, ໃນເວລາປະມານ 17:00 ໂມງ ຂອງວັນທີ2 ກັນຍາ 2021, ຕົນສັງເກດເຫັນປະຕູຫ້ອງບໍ່ໄດ້ລ໋ອກ, ຈຶ່ງເຂົ້າໄປເບີ່ງແລ້ວລັກເອົາຕູ້ເຊບ ນໍາໄປເຊືີ່ອງໄວ້ປ່າແຖວໃກ້ເຮືອນຮອດເວລາ 20:00 ໂມງ, ນາຍຈ້າງກັບມາເຮືອນແລ້ວບໍ່ເຫັນຕູ້ເຊັບຈິີ່ງໄດ້ແຈ້ງຄວາມ, ຮອດເວລາ 01:00 ໂມງ ຂອງວັນທີ 4 ກັນຍາ 2021 ຕົນໄດ້ຊອກເຫຼັກໄປງັດຕູ້ເຊບແລ້ວເອົາເງິນໄປຊຸກເຊືີ່ອງໄວ້ຄອກໝູ ໂດຍບໍ່ໄດ້ນັບຈຳນວນ ຮອດເວລາປະມານ 10:00 ໂມງ ຂອງວັນດຽວກັນເຈົ້າໜ້າທີ່ ຈຶ່ງໄດ້ກັກຕົວ ແລະ ຕົນໄດ້ພາເຈົ້າໜ້າທີ່ໄປເອົາທີ່ຊຸກເຊືີ່ອງໄວ້ຢູ່ບ່ອນດັ່ງກ່າວ.ຄະດີດັ່ງກ່າວ, ເຈົ້າໜ້າທີ່ພວມດຳເນີນຕາມຂັ້ນຕອນຂອງກົດໝາຍ.

ສ່ວນເງິນທີ່ເກັບກູ້ໄດ້ຄືນວັນທີ 6 ກັນຍາ 2021 ເຈົ້າໜ້າທີ່ ປກສ ເມືອງສີໂຄດຕະບອງ ໄດ້ນຳເງິນດັ່ງກ່າວມອບໃຫ້ຜູ້ເສຍຫາຍ ຕາງໜ້າມອບໂດຍ ພັທ ຄຳປ່ຽນ ອຸດົມວິໄລ ຫົວໜ້າພະແນກຕຳຫຼວດ ປກສ ເມືອງສີໂຄດຕະບອງ ຕາງໜ້າຮັບໂດຍ ນາງ ດາວັນ.

ຕາມ ຂປລ ໃຫ້ຮູ້ວ່າ: ຕາມການລາຍງານ ຈາກຄະນະຮັບຜິດຊອບສູນກັກບໍລິເວນຫລັກ 4 ແລະ ສູນອັບເກນ ແຂວງສະຫວັນນະເຂດ, ເຊິ່ງເປັນສູນກັ່ນກອງແຮງງານລາວທີ່ກັບມາຈາກປະ ເທດເພື່ອນບ້ານ ເພື່ອກັກຕົວກັ່ນກອງຫາເຊື່ອພະຍາດໂຄວິດ 19 ກ່ອນຈະກັບຄືນສູ່ຄອບຄົວດ້ວຍສຸຂະພາບທີ່ແຂງແຮງ ແລະ ປອດໄພຈາກເຊື້ອພະຍາດໂຄວິດ-19 ໄດ້ລາຍງານຕົວເລກແຮງງານລາວທີ່ເຂົ້າສູນໃນວັນທີ 7 ກັນຍາ 2021 ນີ້ວ່າ: ສຳລັບສູນຫລັກ 4 ມີແຮງງານທັງໝົດ 531 ຄົນ, ຍິງ 231 ຄົນ, ເປັນແຮງງານເຂົ້າມາໃໝ່ 67 ຄົນ ຍິງ 36 ຄົນ, ຍ້າຍລົງບັນດາເມືອງ 90 ຄົນ ຍິງ, 39 ຄົນ, ເກັບຕົວຢ່າງເພື່ອສົ່ງກວດໄດ້ 67 ຄົນ, ປັດຈຸບັນ ຍັງຄ້າງສູນ 508 ຄົນ ຍິງ, 228 ຄົນ ແລະ ຢູ່ສູນອັບເກນ ມີແຮງງານກັກກັນຕົວທັງໝົດ 344 ຄົນ, ຍິງ 171 ຄົນ, ຍ້າຍລົງບັນດາເມືອງ 145 ຄົນ, ຍິງ 70 ຄົນ, ຄ້າງໃນສູນ 199 ຄົນ, ຍິງ 101 ຄົນ.

ສຳລັບຕົວເລກ ຕາມການລາຍງານຜົນກວດວັນທີ 7 ກັນຍາ 2021 ແຂວງສະຫວັນນະເຂດ ໄດ້ກວດວິເຄາະ ແລະ ພົບຜູ້ຕິດເຊື້ອພະຍາດໂຄວິດ-19 ຈຳນວນ 63 ຄົນ ໃນນັ້ນແຮງງານນຳເຂົ້າ 53 ຄົນ ແລະ ຕິດເຊື້ອໃນຊຸມຊົນ 10 ຄົນ.ຂໍ້ມູນ: ວິທະຍຸກະຈາຍສຽງ ສະຫວັນນະເຂດ

ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ຕອນບ່າຍວັນທີ 3 ກັນຍາ 2021, ເຈົ້າໜ້າທີ່ ພະແນກຕໍາຫຼວດປ້ອງກັນເສດຖະກິດ ຫ້ອງຕໍາຫຼວດ ປກສ ນວ ໄດ້ສົມທົບກັບພະແນກອຸດສາຫະກຳການຄ້າ ນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງ ທໍາລາຍເຄື່ອງຫຼີ້ນການພະນັນທີ່ຕ້ອງຫ້າມ ລວມມີ ຕູ້ເກມສະຫຼອດມາກຊີ່ນ 5 ຕູ້, ອຸປະກອນໄກ່ໂຕນຄອນ 6 ຊຸດ ແລະ ໃບຫວຍຂອງລັດຖະບານໄທ 5.000 ໃບ, ຢູ່ສູນບໍາບັດຂີ້ເຫຍື້ອຫຼັກ 32 ເມືອງໄຊທານີ ນະຄອນຫຼວງວຽງຈັນ, ໂດຍມີ ພັຕ ຄໍາເບົ້າ ປີວແກ້ວປະເສີດ ຮອງຫົວໜ້າພະແນກຕໍາຫຼວດປ້ອງກັນເສດຖະກິດ ຫ້ອງຕໍາຫຼວດ ປກສ ນວ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ.

ໃນການທໍາລາຍຄັ້ງນີ້, ພັຕ ຄໍາເບົ້າ ປີວແກ້ວປະເສີດ ໃຫ້ຮູ້ວ່າ: ຕົ້ນປີ 2020 ໄດ້ຮັບແຈ້ງຂໍ້ມູນຈາກພົນລະເມືອງ ວ່າ: ມີການລັກລອບຂາຍຫວຍ ໂດຍບໍ່ໄດ້ຮັບອະນຸດຍາດ ແລະ ເປີດໃຫ້ບໍລິການ ຫຼີ້ນການພະນັນທີ່ຕ້ອງຫ້າມ ຢູ່ຕະຫຼາດເຊົ້າມໍ ບ້ານຫັດສະດີ ເມືອງຈັນທະບູລີ ນວ. ເຈົ້າໜ້າທີ່ຕໍາຫຼວດປ້ອງກັນເສດຖະກິດ ຈຶ່ງໄດ້ສົມທົບກັບພາກສ່ວນກ່ຽວຂ້ອງ ອອກຕິດຕາມ, ກວດກາ ແລະ ພົບເຫັນ ຕາມການແຈ້ງຂອງພົນລະເມືອງ; ເຊິ່ງເປັນການລະເມີດຕໍ່ແຈ້ງການຂອງ ຫ້ອງວ່າການ ສໍານັກງານນາຍົກລັດຖະມົນຕີ ສະບັບເລກທີ 2253/ຫສນຍ ລົງວັນທີ 25 ທັນວາ 2019; ລະເມີດຕໍ່ຄໍາສັ່ງແນະນໍາຂອງທ່ານຫົວໜ້າກົມຕໍາຫຼວດເສດຖະກິດ ສະບັບເລກທີ 688/302 ລົງວັນທີ 26 ມີນາ 2020 ແລະ ກົດໝາຍ ມາດຕາ 141 ຂອງປະມວນກົດໝາຍອາຍາ.

ສະນັ້ນ, ເຈົ້າໜ້າທີ່ ຈຶ່ງໄດ້ຢຶດໃບຫວຍເຖື່ອນ ແລະ ອຸປະກອນເຄື່ອງຫຼີ້ນການພະນັນຕ້ອງຫ້າມ ມາໄວ້ຫ້ອງຕໍາຫຼວດ ປກສ ນວ ເພື່ອທໍາລາຍຖິ້ມ. ພ້ອມທັງ ນໍາໃຊ້ມາດຕະການສຶກສາອົບຮົມກ່າວເຕືອນໃຫ້ຢຸດເຊົາ ປັບໃໝ ຕາມກົດໝາຍຕາມລະບຽບການຕໍ່ເຈົ້າຂອງອຸປະກອນເຄື່ອງຫຼີ້ນການພະນັນຕ້ອງຫ້າມ ແລະ ຜູ້ລັກລອບຂາຍຫວຍໂດຍບໍ່ໄດ້ຮັບອະນຸດຍາດ.

ສະຫຍາມລັດ ລາຍງານ: ຕຳຫຼວດນະຄອນພະນົມ ປະເທດໄທ ວາງແຜນສະກັດກັ້ນຈັບຂະບວນການຂົນອາຫານແຊ່ແຂງ ສົ່ງຂ້າມລາວ ສວຍໂອກາດຊ່ວງດ່ານປິດ ສົ່ງອອກໃຫ້ພໍ່ຄ້າລາວ ຫວັງເອົາກຳໄລຊ່ວງຂາດຕະຫຼາດ ມູນຄ່າເກືອບແສນບາດ. ດັ່ງນັ້ນ, ເຈົ້າໜ້າທີ່ໄທ ຈິ່ງເພີ່ມມາດຕະການ ຄວບຄຸມ ເຂັ້ມງວດຊາຍແດງ 4 ເມືອງ ເພື່ອສະກັດກັ້ນຢາເສບຕິດ ໜີພາສີ ສິນຄ້າໜີພາສີ ທີ່ຈະສວຍໂອກາດຊ່ວງໂຄວິດ-19 ນີ້.

ເຊິ່ງເຈົ້າໜ້າທີ່ສາມາດຈັບກຸມແຮງງານລາວໄດ້ 4 ຄົນ ມີ ທ້າວ ກົບ ອາຍຸ 40 ປີ, ທ້າວ ຕົ້ນ ອາຍຸ 21 ປີ, ທ້າວ ຊານ ອາຍຸ 18 ປີ ແລະ ທ້າວ ຖຶມ ອາຍຸ 19 ປີ ພ້ອມຂອງກາງອາຫານແຊ່ແຂງ ເຊັ່ນ ໂຄງໄກ່, ລູກຊີ້ນ ລວມນໍ້າໜັກ 1 ໂຕນ ລວມມູນຄ່າບໍ່ຕໍ່າກ່ວາໜຶ່ງແສນບາດ.

ໂດຍຈັບໄດ້ ຂະນະທີ່ກຳລັງຂົນອາຫານລົງເຮືອຫາງຍາວ ບໍລະເວນແຄມຝັງນໍ້າຂອງ ໃນເຂດເທດສະບານທາດພະນົມ ເພື່ອກຽມຂົນສົ່ງໄປຂາຍ ສປປ ລາວ ໂດຍເຈົ້າໜ້າທີ່ ກໍໄດ້ຂະຫຍາຍຜົນຫາທີ່ໄປທີ່ມາຂອງອາຫານ ແລະສືບສວນດຳເນີນຄະດີ ຕາມກົດໝາຍຕໍ່ໄປ.

ຕາມ ປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ເວລາ 21 ໂມງ 15 ນາທີ ຂອງວັນທີ 7 ກັນຍາ 2021, ທະຫານຊາຍແດນກອງຮ້ອຍ 245 ອອກລາດຕະເວນພົບເຫັນການລະເມີດຊາຍແດນ, ລັກລອບເອົາເຮືອຂ້າມມາຈອດຢູ່ຝັ່ງລາວ ຈຶ່ງນຳຕົວມາສອບສວນຮູ້ໄດ້ວ່າ: ທ້າວ ມານັດ ອາຍຸ 40 ປິ, ສັນຊາດໄທ ປະຊາຊົນ ບ້ານ ນ້ຳເປ ເມືອງລັດຕະນະວາປີ ແຂວງໜອງຄາຍ ປະເທດໄທ ເຊິ່ງຜູ້ກ່ຽວໄດ້ຖືກນາຍໜ້າຈ້າງມາຮັບເອົາຄົນຂ້າມໄປໄທ ໂດຍໄດ້ຮັບຄ່າຈ້າງ 500 ບາດ/ຄົນ,

ດັ່ງນັ້ນຈຶ່ງສົ່ງມອບໃຫ້ ພະແນກສັນຕິບານເມືອງປາກງື່ມດຳເນີນຄະດີຕາມກົດໝາຍ ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງປະຊາຊົນທີ່ອາໄສຢູ່ເຂດຊາຍແດນແມ່ນ້ຳຂອງ ຈົ່ງປະຕິບັດພັນທະຊ່ວຍເຈົ້າໜ້າທີ່

ຖ້າພົບເຫັນການລະເມີດແຈ້ງເບີວອບແອັບ 020 28899774 ຫຼື ຜ່ານທາງຂໍ້ຄວາມເຟສບຸກ ປ້ອງກັນຄວາມສະຫງົບນະຄອນຫຼວງວຽງຈັນ.

ກັກກັນຜູ້ລະເມີດກັບທີ່ ເຈົ້າຂອງເຄຫາສະຖານຮັບຜິດຊອບຄ່າໃຊ້ຈ່າຍຈົນກວ່າຈະຄົບ 14 ວັນ

ຕາມເພສປ້ອງກັນຄວາມສະຫງົບນະຄອນຫຼວວຽງຈັນ ໃຫ້ຮູ້ວ່າ: ເວລາ 22:20 ໂມງຂອງວັນທີ 01 ກັນຍາ 2021, ເຈົ້າໜ້າທີ່ ພະແນກຕຳຫຼວດທ່ອງທ່ຽວ ຫ້ອງສັນຕິບານ ກອງບັນຊາການ ປກສ ນະຄອນຫຼວງວຽງຈັນ ໄດ້ສົມທົບກັບກອງພັນເຄື່ອນທີີ່ໄວ, ອຳນາດການປົກຄອງບ້ານ, ປກສ ກອງຫຼອງບ້ານ ດົງນາທອງ ເມືອງສີໂຄດຕະບອງ ນວ ລົງກວດພົບຮ້ານຂາຍເຄື່ອງທາງອອນລາຍຂອງນາງ ຫຼຽນຄຳ ອາຍຸ 24 ປີ ຢູ່ບ້ານ ດົງນາທອງ ເມືອງສີໂຄດຕະບອງ ນວ ທີ່ມີການຊຸມແຊວກິນດື່ມທາດເຫຼົ້າ (ປະເພດເບຍ) ແລະ ເປີດເພັງສົ່ງສຽງເນື່ອງນັນ ລົບກວນຄົນອ້ອມຂ້າງສ້າງມົນລະພິດທາງສຽງເດືອດຮ້ອນລຳຄານໃຫ້ແກ່ຄົນຢູ່ໃກ້ຄຽງ ທັງເປັນການລະເມີດຕໍ່ຄໍາສັ່ງ, ແຈ້ງການຂັ້ນສູນກາງ ເຈົ້າໜ້າທີ່ກອງບັນຊາການ ຈຶ່ງໄດ້ອອກຄຳສັ່ງໃຫ້ກັກກັນບໍລິເວນກັບທີ່ ຈົນຄົບ 14 ວັນ ພ້ອມຮັບຜິດຊອບໃຊ້ຈ່າຍສິ້ນເປືອງໃ ນການກັກກັນໃນຄັ້ງນີ້.

ພັທ ອຸດອນ ຈັນທະວົງ ຮອງຫົວໜ້າຫ້ອງສັນຕິບານ ກອງບັນຊາການ ປກສ ນະຄອນຫຼວງວຽງຈັນ ໃຫ້ຮູ້ວ່າ: ຕໍ່ໍກັບບັນດາຮ້ານທີ່ລະເມີດຄຳສັ່ງ ແລະ ແຈ້ງການພວກເຮົາໄດ້ສຸມໃສ່ແກ້ຢ່າງເດັດຂາດ ເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ໃນເວລາປະຕິບັດໜ້າທີ່ ພວກເຮົາ ພົບເຫັນຮ້ານດັ່ງກ່າວ ເປີດເພັງສົ່ງສຽງເນື່ອງນັນຊຸມແຊວມີໄວລຸ້ນຈຳນວນ 10 ຄົນ, ຍິງ 3 ຄົນ ເຈົ້າໜ້າທີ່ຈຶ່ງໄດ້ສຶກສາອົົບຮົມກ່າວເຕືອນ ແລະ ມອບໃຫ້ອຳນາດການປົກຄອງບ້ານຈຳກັດບໍລິເວນ ພວກກ່ຽວຢູ່ສະຖານທີ່ດັ່ງກ່າວເປັນເວລາ 14 ວັນ ຕາມມາດຕະການຄະນະສະເພາະກິດກຳນົດໄວ້ ພ້ອມທັງສະເໜີຂະແໜງການທີ່ກ່ຽວຂ້ອງເກັບຕົວຢ່າງ ເພື່ອຊອກຫາເຊື້ອພະຍາດໂຄວິດ-19 ສ່ວນຄວາມຮັບຜິດຊອບໃນການໃຊ້ຈ່າຍເຂົ້າໃນການໃຊ້ຈ່າຍກິນຢູ່ກວດກາຫາເຊື້ອພະຍາດມອບໃຫ້ ນາງ ຫຼຽນຄຳ ເຈົ້າຂອງສະຖານທີ່ເປັນຜູ້ຮັບຜິດຊອບທັງໝົດ.

ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງບັນດາຫ້າງຮ້ານທຸລະກິດທຸກພາກສ່ວນ ໃນໄລຍະປະຕິບັດຄຳສັ່ງແຈ້ງການໃຫ້ພ້ອມກັນປະຕິບັດຢ່າງເຂັ້ມງວດ ເພື່ອປ້ອງກັນພະຍາດໂຄວິດ-19 ບໍ່ໃຫ້ແຜ່ລາມອອກເປັນວົງກວ້າງ ແລະ ຊ່ວຍກັນປະຕິບັດພັນທະລາຍງານຕໍ່ເຈົ້າໜ້າທີ່ ຖ້າພົບເຫັນເຫດການທີ່ລະເມີດໃຫ້ຮີບຮ້ອນລາຍງານເຈົ້າໜ້າທີ່ໃກ້ຄຽງ ຫຼືລາຍງານທາງເບີວອດແອບ 02028899774 ຫຼືທາງເຟດບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

ຫວຽດນາມເຮັດແທ້! ຂັງຄຸກ ຊາຍ 28 ປີ ລະເມີດການກັກໂຕ ໄປແຜ່ເຊື້ອໃຫ້ຄົນອື່ນຈົນເຮັດໃຫ້ມີຜູ້ເສຍຊີວິດ.

ຫວຽດນາມເຄີຍເປັນປະເທດໜຶ່ງ ທີ່ສາມາດຄວບຄຸມສະຖານະການໂຄວິດ-19 ໄດ້ເປັນຢ່າງດີ ຈົນມາເຖິງເດືອນເມສາ ເລີ່ມມີຜູ້ຕິດເຊື້ອໃໝ່ເພີ່ມຂື້ນ.

ຊາຍ 28 ປີ ທີ່ຖືກຈັບ ແມ່ນເດີນທາງມາຈາກ ໂຮ່ຈີມິນ ໄປກ່າເມົາ (ແຂວງທາງໃຕ້ຂອງຫວຽດນາມ) ແລະໄດ້ລະເມີດລະບຽບການກັກໂຕ 21 ມື້ ສຳນັກຂ່າວ ຫວຽດນາມນິວ ເອເຈຊີ ລາຍງານວ່າ ຜູ້ກ່ຽວແມ່ນໄດ້ແຜ່ເຊື້ອສູ້ຄົນອື່ນ ຈຳນວນ 8 ຄົນ ໜຶ່ງໃນນັ້ນມີຜູ້ເສຍຊີວິດ 1 ຄົນ ຫຼັງຈາກທີ່ປິ່ນປົວ 1 ເດືອນ.