ນະຄອນຫຼວງວຽງຈັນ: ການຄົ້ນຫາ ພໍ່ຕູ້ພວງຫຼົງປ່າ ທີ່ນໍ້າປຽນ ຢໍລະປາ ໃນວັນທີ 7 ຕຸລາ 2020 ໝົດມື້ ເປັນວັນທີ 5 ແມ່ນຍັງຄົງໄຮ້ວີແວວ ແລະ ຮ່ອງຮອຍ ຂອງພໍ່ຕູ້. ເຖິງຢ່າງໃດກໍ່ດີ, ໃນຕອນເຊົ້າວັນທີ 8 ຕຸລາ 2020, ທາງຍາດພີ່ນ້ອງ ແລະ ເຈົ້າໜ້າທີ່ກ່ຽວຂ້ອງຫຼາຍຮ້ອຍຄົນ ຍັງຄົງບໍ່ສິ້ນຫວັງ ແລະ ໄດ້ເລີ່ມ ປະຕິບັດ ພາລະກິດ ຄົ້ນຫາ ເປັນວັນທີ 6 ແລະ ມີຄວາມຫວັງຈະຕ້ອງພົບພໍ່ຕູ້ໃຫ້ໄດ້.

.

ຈາການລາຍງານຂອງຫຼານຊາຍພໍ່ຕູ້ພວງ Nick Metallic Dokkhaithong ພາລະກິດມື້ນີ້ ແມ່ນຈະໄປຊອກຫາພໍ່ຕູ້ ເຂດບ້ານຊົນເຜົ່າ ເຊິ່ງ ອ້າຍນ້ອງທະຫານ ທີ່ຈະເດີນທາງໄປຄົ້ນຫາ ຕ້ອງຍ່າງໄປເປັນເວລາປະມານ 7 ຊົ່ວໂມງ ຈິ່ງຈະຮອດເຂດບ້ານດັ່ງກ່າວ ແລະ ພາວະນາຂໍໃຫ້ພົບພໍ່ຕູ້.

.

ຂໍ້ມູນເພີ້ມເຕີມກ່ຽວກັບການສູນຫາຍຂອງພໍ່ຕູ້ພວງ ອາຍຸ 95 ປີ ລາຍລະອຽດດັ່ງນີ້:

ວັນທີ 03/10/2020 ພໍ່ຕູ້ພວງ ອາຍຸ 95 ປີ, ພ້ອມດ້ວຍຫຼານ 2 ຄົນ ອາຍຸ 32 ປີ ( ເປັນຫຼານສາວ ແລະ ຫຼານເຂີຍ ), ເຫຼນ3 ຄົນ ອາຍຸ 12 ປີ, 9 ປີ ແລະ 5 ປີ ຕາມລຳດັບ ລວມແລ້ວມານຳກັນທັງໝົດ 6 ຄົນ, ໃດ້ມາເຖິງສູນຂໍ້ມູນຂອງສະຖານທີ່ທ່ອງທ່ຽວນໍ້າປຽນຢໍລະປ່າເວລາ 12:15 ( ຂໍ້ມູນຈາກຫຼານເຂີຍ )

– ເວລາ 12:30 ທັງ 6 ຄົນໃດ້ໄປຮອດເຂດຮ້ານອາຫານ ( ເຂດປິກນິກ ແລະ ສວນນໍ້າ ), ແລ້ວໃຫ້ພໍ່ຕູ້ອາຍຸ 95 ປີ ກັບເຫຼນອາຍຸ 12 ປີລໍຖ້າຢູ່ເຂດຮ້ານອາຫານ ສ່ວນທີ່ເຫຼືອແມ່ນໃດ້ໄປຫຼິ່ນກິດຈະກຳ ( ຂໍ້ມູນຈາກຫຼານເຂີຍ )

– ເວລາ 13:12 ນາທີ ເຫັນພໍ່ຕູ້ລົງໄປຢ່າງຂົວອູເພື່ອຂ້າມນໍ້າໄປຫາເຂດຕູບປິກນິກ ເຊິ່ງເຂດດັ່ງກ່າວຈະມີປ່າດົງຕຶບໜາ ແລະ ເຊື່ອມຕໍ່ກັບປ່າສະຫງວນທີ່ກວາງໃຫຍ່ ເຊິ່ງເປັນຄັ່ງສຸດທ້າຍທີ່ເຫັນພໍ່ຕູ້ຢູ່ໃນເຂດສະຖານທີ່ທ່ອງທ່ຽວນໍ້າປຽນຢໍລະປ່າ ( ຂໍ້ມູນຈາກກ້ອງວົງຈອນປິດ ).

– ເວລາ 14:15 ຫຼານ ແລະ ເຫຼນ 4 ຄົນທີ່ໄປຫຼິນກິດຈະກຳໃດ້ກັບມາຮອດຮ້ານອາຫານ ແລ້ວພົບເຫັນແຕ່ເຫຼນອາຍຸ 12 ປີນັ່ງຢູ່ຄົນດຽວບໍ່ເຫັນພໍ່ຕູ້ ຜູ້ເປັນຫຼານເຂີຍຈຶ່ງໃດ້ແຈ້ງພະງານຂອງນໍ້າປຽນຢໍລະປ່າ

– ຫຼັງຈາກນັ້ນຍາດພີ່ນ້ອງ, ພະນັກງານສະຖານທີ່ທ່ອງທ່ຽວ, ເຈົ້າໜ້າທີ່ທະຫານ-ຕຳຫຼວດ ອຳນາດການປົກຄອງຂອງເມືອງປາກງຶ່ມ ແລະ ໜ່ວຍກູ່ໄພ 200 ກວາຄົນໃດ້ລະດົມກັນຊອກຫາທັງເວັນທັງຄືນຕາມປ່າເຂດໄກ່ຄຽງແຕ່ຈົນມາຮອດປະຈຸບັນຍັງບໍ່ພົບເຫັນພໍ່ຕູ້ເທື່ອ

– ຊ່ວງເວລາປະມານ 15:00 ຫາ 16:00 ຂອງວັນທີ 03/10/2020 ມີປະຊາຊົນພົບເຫັນພໍ່ຕູ້ຢູ່ນອກເຂດສະຖານທີ່ທ່ອງທຽວນໍ້າປຽນຢໍລະປ່າ ເຊິ່ງນັງຢູ່ຕູບແຄມທາງໃຫຍ່ ຕິດກັບທາງແຍກທີ່ຈະເຂົ້າໄປຫານໍ້າປຽນຢໍລະປ່າ ( ຂໍ້ມູນຈາກປະຊາຊົນທີ່ພົບເຫັນໃດ້ແຈ້ງບອກລູກຫຼານຂອງພໍ່ຕູ້ໃນມື້ຕໍ່ມາ ແຈ້ງວັນທີ 4/10/2020 )

– ມາຮອດປະຈຸບັນ ວັນທີ 8 ຕຸລາ 2020 ຍັງບໍ່ທັນພົບເຫັນພໍ່ຕູ້ເທື່ອ ແຕ່ທີມຄົ້ນຫາກໍ່ຍັງສືບຕໍ່ຄົ້ນຫາຢູ່

ຖ້າທ່ານໃດພົບເຫັນພໍ່ຕູ້ເຊິ່ງໃສ່ຊຸດຕາມຮູບທີ່ໂພດລົງນີ້ ຊ່ວຍແຈ້ງລູກຫຼານເພີ່ນແນ່ເບີ: 02054700555.

.

ຂ່າວກ່ອນໜ້ານີ້

ນະຄອນຫຼວງວຽງຈັນ: ລາຍງານຈາກພາກສະໜາມ ປະຕິບັດການຄົ້ນຫາ #ພໍ່ຕູ້ພວງຫຼົງປ່າ ຮອດເວລາ 18:30 ວັນທີ່ 6 ຕຸລາ 2020 ເປັນມື້ທີ່ 4 ຂອງຄວາມພະຍາຍາມຂອງລູກຫຼານ, ເຈົ້າໜ້າທີ່ ແລະ ຫຼາຍພາກສ່ວນ ແຕ່ຍັງໄຮ້ວີແວວ ຜູ່ສູນຫາຍ.

ການຄົ້ນຫາມື້ນີ້ແມ່ນໄດ້ໃຊ້ໝາດົມກິ່ນຫຼາຍໂຕ ຍ່າງຄົ້ນຫາຫຼາຍໜ່ວຍພູ ຈາກຈຸດທີ່ພົບເຫັນພໍ່ຕູ້ຫຼ້າສຸດ ກ່ອນສູນຫາຍ.

ນອກຈາກ ບັນດາເຈົ້າໜ້າທີ່ ແລະ ອາສາກູ້ໄພ ທີ່ໄດ້ເຂົ້າມາຊອກຫາພໍ່ຕູ້ພວງ, ນໍ້າໃຈຈາກຫຼາຍກໍ່ໄດ້ແບ່ງເບົາສົ່ງຍື່ນ ອາຫານການກິນ ແກ່ທີມງານຄົ້ນຫາ. ກໍ່ສະແດງຄວາມຊົມເຊີຍທຸກທ່ານທີ່ຮ່ວມຊ່ວຍເຫຼືອໃນຄັ້ງນີ້.

.

ມື້ອື່ນ 7/10/2020 ກໍ່ຈະສືບຕໍ່ຄົ້ນຫາພໍ່ຕູ້ຈົນກວ່າຈະພົບ. ເປັນກໍາລັງໃຈແກ່ທຸກພາກສ່ວນ.

ສະຫຼຸບຫຍໍ້

ຂໍ້ມູນເພີ້ມເຕີມກ່ຽວກັບການສູນຫາຍຂອງພໍ່ຕູ້ພວງ ອາຍຸ 95 ປີ ລາຍລະອຽດດັ່ງນີ້:-

ວັນທີ 03/10/2020 ພໍ່ຕູ້ພວງ ອາຍຸ 95 ປີ, ພ້ອມດ້ວຍຫຼານ 2 ຄົນ ອາຍຸ 32 ປີ ( ເປັນຫຼານສາວ ແລະ ຫຼານເຂີຍ ), ເຫຼນ3 ຄົນ ອາຍຸ 12 ປີ, 9 ປີ ແລະ 5 ປີ ຕາມລຳດັບ ລວມແລ້ວມານຳກັນທັງໝົດ 6 ຄົນ, ໃດ້ມາເຖິງສູນຂໍ້ມູນຂອງສະຖານທີ່ທ່ອງທ່ຽວນໍ້າປຽນຢໍລະປ່າເວລາ 12:15 ( ຂໍ້ມູນຈາກຫຼານເຂີຍ )

– ເວລາ 12:30 ທັງ 6 ຄົນໃດ້ໄປຮອດເຂດຮ້ານອາຫານ ( ເຂດປິກນິກ ແລະ ສວນນໍ້າ ), ແລ້ວໃຫ້ພໍ່ຕູ້ອາຍຸ 95 ປີ ກັບເຫຼນອາຍຸ 12 ປີລໍຖ້າຢູ່ເຂດຮ້ານອາຫານ ສ່ວນທີ່ເຫຼືອແມ່ນໃດ້ໄປຫຼິ່ນກິດຈະກຳ ( ຂໍ້ມູນຈາກຫຼານເຂີຍ )

– ເວລາ 13:12 ນາທີ ເຫັນພໍ່ຕູ້ລົງໄປຢ່າງຂົວອູເພື່ອຂ້າມນໍ້າໄປຫາເຂດຕູບປິກນິກ ເຊິ່ງເຂດດັ່ງກ່າວຈະມີປ່າດົງຕຶບໜາ ແລະ ເຊື່ອມຕໍ່ກັບປ່າສະຫງວນທີ່ກວາງໃຫຍ່ ເຊິ່ງເປັນຄັ່ງສຸດທ້າຍທີ່ເຫັນພໍ່ຕູ້ຢູ່ໃນເຂດສະຖານທີ່ທ່ອງທ່ຽວນໍ້າປຽນຢໍລະປ່າ ( ຂໍ້ມູນຈາກກ້ອງວົງຈອນປິດ ).

– ເວລາ 14:15 ຫຼານ ແລະ ເຫຼນ 4 ຄົນທີ່ໄປຫຼິນກິດຈະກຳໃດ້ກັບມາຮອດຮ້ານອາຫານ ແລ້ວພົບເຫັນແຕ່ເຫຼນອາຍຸ 12 ປີນັ່ງຢູ່ຄົນດຽວບໍ່ເຫັນພໍ່ຕູ້ ຜູ້ເປັນຫຼານເຂີຍຈຶ່ງໃດ້ແຈ້ງພະງານຂອງນໍ້າປຽນຢໍລະປ່າ

– ຫຼັງຈາກນັ້ນຍາດພີ່ນ້ອງ, ພະນັກງານສະຖານທີ່ທ່ອງທ່ຽວ, ເຈົ້າໜ້າທີ່ທະຫານ-ຕຳຫຼວດ ອຳນາດການປົກຄອງຂອງເມືອງປາກງຶ່ມ ແລະ ໜ່ວຍກູ່ໄພ 200 ກວາຄົນໃດ້ລະດົມກັນຊອກຫາທັງເວັນທັງຄືນຕາມປ່າເຂດໄກ່ຄຽງແຕ່ຈົນມາຮອດປະຈຸບັນຍັງບໍ່ພົບເຫັນພໍ່ຕູ້ເທື່ອ

– ຊ່ວງເວລາປະມານ 15:00 ຫາ 16:00 ຂອງວັນທີ 03/10/2020 ມີປະຊາຊົນພົບເຫັນພໍ່ຕູ້ຢູ່ນອກເຂດສະຖານທີ່ທ່ອງທຽວນໍ້າປຽນຢໍລະປ່າ ເຊິ່ງນັງຢູ່ຕູບແຄມທາງໃຫຍ່ ຕິດກັບທາງແຍກທີ່ຈະເຂົ້າໄປຫານໍ້າປຽນຢໍລະປ່າ ( ຂໍ້ມູນຈາກປະຊາຊົນທີ່ພົບເຫັນໃດ້ແຈ້ງບອກລູກຫຼານຂອງພໍ່ຕູ້ໃນມື້ຕໍ່ມາ ແຈ້ງວັນທີ 4/10/2020 )

– ມາຮອດປະຈຸບັນ (5/10/2020) ຍັງບໍ່ທັນພົບເຫັນພໍ່ຕູ້ເທື່ອ ແຕ່ທີມຄົ້ນຫາກໍ່ຍັງສືບຕໍ່ຄົ້ນຫາຢູ່ ຖ້າທ່ານໃດພົບເຫັນພໍ່ຕູ້ເຊິ່ງໃສ່ຊຸດຕາມຮູບທີ່ໂພດລົງນີ້ ຊ່ວຍແຈ້ງລູກຫຼານເພີ່ນແນ່ເບີ: 02054700555.

ຂ່າວກ່ອນໜ້ານີ້

ນະຄອນຫຼວງວຽງຈັນ: ການຄົ້ນຫາ ພໍ່ຕູ້ພວງຫຼົງປ່າ ໃນເຊົ້າວັນທີ 6 ຕຸລາ 2020 ເປັນມື້ທີ 4 ຂອງປະຕິບັດການຄົ້ນຫາ. ເຊິ່ງທາງເຈົ້າໜ້າທີ່ຫຼາຍພາກສ່ວນ ປະກອບມີ ທະຫານ, ຕໍາຫຼວດ, ກູ້ໄພ, ກອງຫຼອນ ແລະ ເຈົ້າໜ້າທີ່ ແຫຼ່ງທ່ອງທ່ຽວ ນໍ້າປຽນຢໍລະປາ. ຕ່າງກໍ່ໄດ້ສຸມທຸກເຮື່ອແຮງ ແລະ ຄວາມພະຍາຍາມຄົ້ນຫາ.

ນອກຈາກ ການໃຊ້ກໍາລັງຄົນພາກພື້ນດິນແລ້ວ ຍັງໄດ້ໃຊ້ ໂດຣນຈັບຄື້ນຄວາມຮ້ອນບິນຄົ້ນຫາ ໃນຕອນຄືນ, ແຕ່ກໍ່ຍັງບໍ່ສາມາດຄົ້ນຫາ ຜູ່ສູນຫາຍ.

ເຊົ້າມື້ນີ້ ການຄົ້ນຫາ ໄດ້ເລີ່ມແຕ່ເຊົ້າ ໂດຍໄດ້ເສີມກໍາລັງພາກພື້ນດິນ, ໝາດົມກິ່ນ ແລະ ພົນທະຫານ ຕໍາຫຼວດ ພິເສດ ຈໍານວນຫຼາຍ. ໂດຍຫວັງຈະໃຫ້ພົບພໍ່ຕູ້ໃຫ້ໄດ້ໃນມື້ນີ້.

ເປັນກໍາລັງໃຈໃຫ້ທຸກພາກສ່ວນ ທີ່ຮ່ວມຄົ້ນຫາ ພໍ່ຕູ້ພວງຫຼົງປ່າ ໃນຄັ້ງນີ້.

.

ຂ່າວກ່ອນໜ້ານີ້

ນະຄອນຫຼວງວຽງຈັນ: ລາຍງານຈາກທີມງານຄົ້ນຫາພໍ່ຕູ້ພວງ ອາຍຸ 95 ປີ ທີ່ຫຼົງປ່າ ຢູ່ແຫ່ງທ່ອງທ່ຽວ ນໍ້າປຽນຢໍລະປາ ແຕ່ບ່າວວັນທີ່ 3 ຕຸລາ 2020. ຫຼ້າສຸດ ເວລາ 16:30 ວັນທີ່ 5 ຕຸລາ 2020 ຍັງບໍ່ພົບພໍ່ຕູ້.

ໜ່ວຍກູ້ໄພ ສົມທົບກັບເຈົ້າໜ້າທີ່ ແລະ ພະນັກງານຂອງ ສະຖານທີ່ທ່ອງທ່ຽວນໍ້າປຽນຢໍລະປ່າ ຍັງສືບຕໍ່ຊອກຄົ້ນຫາພໍ່ຮູ້ພວງ ດ້ວຍຄວາມຫວັງ ແລະ ຂໍພອນສິ່ງສັກສິດຄຸ້ມຄອງ ແລະ ພົບເຫັນພໍ່ຕູ້ໂດຍໄວ.(ໂດຍມາຮອດເວລາ 16:30 ໂມງ ຂອງວັນທີ 5 ຕຸລາ 2020 ຍັງບໍ່ພົບເຫັນເທື່ອ)

ຕາມຂໍ້ມູນຈາກເພຈສະຖານທີ່ທ່ອງທ່ຽວນໍ້າປຽນຢໍລະປາ(Nam Pien Yorla Pa) ໃຫ້ຮູ້ວ່າ: ວັນເສົາທີ 03/10/2020 ເວລາ 14:00ໂມງ ມີພໍ່ຕູ້ອາຍຸ 95 ປີ ລູກຫຼານພາມາທ່ຽວນໍ້າປຽນຢໍລະປ່າ ເມືອງໄຊທານີ ນະຄອນຫຼວງວຽງຈັນ; ລູກຫຼານຈຳນວນໜຶ່ງໃດ້ໄປຫຼິນກິດຈະກຳແລ້ວໃຫ້ພໍ່ຕູ້ລໍຖ້າຢູ່ເຂດຮ້ານອາຫານກັບຫຼານນ້ອຍອາຍຸ 12 ປີ ແຕ່ຍ້ອນຄົນຫຼາຍ ແລະ ພື້ນທີ່ປ່າກວາງຂວາງຈຶ່ງເຮັດໃຫ້ພໍ່ຕູ້ຫຼົງທາງຍ່າງໄປໃສບໍ່ຮູ້ຊອກບໍ່ເຫັນ ພະນັກງານເຮົາໄດ້ພະຍາຍາມຊ່ວຍຊອກເຕັມທີ່ແລ້ວແຕ່ຮອດປະຈຸບັນຍັງບໍ່ເຫັນເທື່ອ ຖ້າທ່ານໃດພົບເຫັນພໍ່ຕູ້ໃນຮູບຊ່ວຍແຈ້ງລູກຫຼານເພີ່ນຕາມເບີ: 02054700555.

.

.

ຂ່າວກ່ອນໜ້ານີ້

ນະຄອນຫຼວງວຽງຈັນ: ຈາກກໍລະນີ ພໍ່ຕູ້ພວງ ອາຍຸ 95 ປີ ໄດ້ຫາຍໄປ ໃນເວລາ 14:00 ວັນທີ່ 3/10/2020 ທີ່ແຫ່ງທ່ອງທ່ຽວ ນໍ້າປ່ຽນຢໍລະປາ ເມືອງໄຊທານີ ນະຄອນຫຼວງວຽງຈັນ.

ທາງພີ່ນ້ອງ ແລະ ເຈົ້າໜ້າທີ່ກ່ຽວຂ້ອງ ຫຼາຍກວ່າ 200 ຄົນ ໄດ້ອອກຄົ້ນຫາ ພໍ່ຕູ້ຕາມປ່າດົງ. ຈົນຮອດແລງ ວັນທີ່ 4/10/2020 ກໍ່ຍັງບໍ່ພົບ.

ມີຂໍ້ມູນເພີ່ມເຕີມຈາກປະຊາຊົນວ່າ ພໍ່ຕູ້ ມານັ່ງລັດຂຶ້ນລົດແຖວປ່າກ້ວຍ ຂ້າງນໍ້າປຽນຢໍລະປາ.

ວອນທຸກຄົນເປັນກະບອກສຽງຊ່ວຍເຫຼືອ ພ້ອມເປັນຫູເປັນຕາຊ່ວຍກັນ ຫາກພົບເບາະແສ ຫຼື ມີຂໍ້ມູນກ່ຽວຂ້ອງກັບພໍ່ຕູ້ ໃຫ້ແຈ້ງ 2 ເບີນີ້ໂດຍໄວ 020 7774 5678;  020 5470 0555.

ຂ່າວກ່ອນໜ້ານີ້

ພໍ່ເຖົ້າຂອງພວກຂ້າພະເຈົ້າຊື່ ພໍ່ຕູ້ພວງ ອາຍຸ 95 ປີ ລູກຫລານພາໄປທ່ຽວນ້ຳປ່ຽນຢໍລະປາ ໄດ້ຫລົງຍ່າງໄປທາງໃດບໍ່ຮູ້,​ບໍ່ເຫັນ ແຕ່ 2 ໂມງແລງຂອງວັນທີ 3/10/2020 ມມາເຖີງດຽວນີ້ຍັງບໍ່ພົບເຫັນ

ຖ້າທ່ານໃດພົບເຫັນ ຂໍຄວາມກະລູຸນາ ຕິດຕໍ່ຫາເບີຂອງຂ້າພະເຈົ້າດ້ວຍ🙏 020 55696948,

.

.

ໃນຕອນເຊົ້າຂອງວັນທີ 6 ຕຸລາ 2020 ຢູ່ບ້ານດອນ ເມືອງນາກາຍ ແຂວງຄຳມ່ວນ, ໄດ້ເກີດໄຟໄໝ້ເຮືອນປະຊາຊົນຈຳນວນ 1 ຫລັງ. ຕາມການລາຍງານຂອງ ທ່ານ ນາຍບ້ານໆດອນ ໄດ້ໃຫ້ຮູ້ວ່າໃນເວລາ 9 ໂມງເຊົ້າຂອງວັນທີ 6 ຕຸລາ 2020 ໄດ້ເກີດມີໄຟໃໝ້ເຮືອນ ທີ່ມຸງດ້ວຍກະເບື້ອງ, ຝາແອ້ມດ້ວຍໄມ້ ເຊິ່ງເປັນເຮືອນຂອງພໍ່ເຖົ້າ ໂສມ ອາຍຸ 80 ປີ.

ເຫດການຄັ້ງນີ້ແມ່ນຍ້ອນເປັນປະເພດເຮືອນໄມ້ ບວກກັບມີກະແສລົມພັດແຮງໃນເວລາທີ່ໄຟໄໝ້ ຈຶ່ງມີຄວາມລຳບາກໃນການເຂົ້າຊ່ວຍເຫລືອມອດໄຟຂອງປະຊາຊົນ ຈຶ່ງເຮັດໃຫ້ເຮືອນດັ່ງກ່າວເສຍຫາຍຫມົດທັງຫລັງ ສາມາດນຳອອກມາໄດ້ພຽງແຕ່ລົດຈັກ Honda w 100 ຈຳນວນ 1 ຄັນເທົ່ານັ້ນ ແຕ່ໂຊກດີທີ່ບໍ່ມີຜູ້ເສຍຊີວິດ ແລະ ຮັບບາດເຈັບແຕ່ຢ່າງໃດ, ສ່ວນສາເຫດ ແລະ ລາຍລະອຽດໃນການເກີດອັກຄີໄພຄັ້ງນີ້ ແມ່ນຍັງຢູ່ໃນຂັ້ນຕອນການກວດສອບຂອງພາກສ່ວນທີ່ກ່ຽວຂ້ອງ.

ມາຮອດເວລາ 11:15 ນາທີ ຂອງວັນດຽວກັນ ທາງການນໍາຂັ້ນເມືອງກໍ່ໄດ້ລົງກວດກາຕົວຈິງ ແລະ ໃຫ້ຄວາມອົບອຸ່ນຕໍ່ຄອບຄົວຜູ້ເສຍຫາຍ ເຊິ່ງນຳພາໂດຍ ທ່ານ ບຸນມີ ທານຸວົງ ຮອງເລຂາພັກເມືອງ ຜູ້ຊີ້ນຳວຽກງານແນວຄິດ, ກໍ່ສ້າງພັກ – ພະນັກງານ ພ້ອມຄະນະໄດ້ລົງກວດກກາຜົນເສຍຫາຍຕົວຈິງ ແລະ ໄດ້ໂອ້ລົມກັບທ່ານນາຍບ້ານ ເຖິງທີ່ໄປທີ່ມາຂອງເຫດການດັ່ງກ່າວ ທ່ານຍັງໄດ້ສະແດງຄວາມເປັນຫ່ວງເປັນໃຍນຳຜູ້ປະສົບໄພໃນການດຳເນີນການດຳລົງຊີວິດໃນຕໍ່ໜ້າພ້ອມທັງຮຽກຮ້ອງມາຍັງການຈັດຕັ້ງທຸກພາກສ່ວນໃຫ້ການຊ່ວຍເຫລືອຄອບຄົວດັ່ງກ່າວຕາມຄວາມເໝາະສົມ.

ເນື່ອງໃນໂອກາດທີ່ ສະຫາຍ ພົນເອກ ຈັນສະໝອນ ຈັນຍະລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ໄດ້ມາເຂົ້າຮ່ວມການດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ່ XI ນັ້ນ. ໃນຕອນເຊົ້າຂອງວັນທີ 7 ຕຸລາ 2020 ນີ່, ທ່ານ ລັດຖະມົນຕີກະຊວງປ້ອງກັນປະເທດ ພ້ອມດ້ວນຄະນະການນຳຂັ້ນແຂວງ, ຂັ້ນສູນກາງ ໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມຄະນະພັກ, ຄະນະບັນຊາ, ນາຍ ແລະ ພົນທະຫານຢູ່ ກອງພັນນ້ອຍທະຫານຮາບ 19 ຢູ່ ເມືອງບຸນເໜືອ, ແຂວງຜົ້ງສາລີ.

ໂອກາດນີ້ ກໍ່ໄດ້ຮັບຟັງການລາຍງານຫຍໍ້ກ່ຽວກັບການຈັດຕັ້ງປະຕິບັດວຽກງານວິຊາສະເພາະໃນໄລຍະຜ່ານຂອງກອງພັນນ້ອຍທະຫານຮາບ 19 ຈາກສະຫາຍ ພັນໂທ ວິໄລ ແພງສົມເຮືອງ ຄະນະພັກກອງບັນຊາການທະຫານແຂວງ, ເລຂາຄະນະພັກຮາກຖານ ຫົວໜ້າການເມືອງກອງພັນນ້ອຍທະຫານຮາບ 19.

ຈາກນັ້ນ, ທ່ານລັດຖະມົນຕີຍັງໄດ້ໃຫ້ກຽດໂອ້ລົມຕໍ່ນາຍ ແລະ ພົນທະຫານ ເຊິ່ງທ່ານໄດ້ຍົກໃຫ້ເຫັນສະພາບການທີ່ພົ້ນເດັ່ນທີ່ເກີດຂຶ້ນພາຍໃນ ແລະ ຕ່າງປະເທດ, ໝາກຜົນອັນພົ້ນເດັ່ນຂອງການປົກປັກຮັກສາ ແລະ ສ້າງສາພັດທະນາລະບອບໃໝ່, ເຊິ່ງມັນໄດ້ທ້າທາຍຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນກໍ່ຄືອະນາຄົດ, ປະຫວັດ, ມູນເຊື້ອອັນດີງາມຂອງກໍາລັງປ້ອງກັນຊາດແຂວງຜົ້ງສາລີເວົ້າລວມເວົ້າສະເພາະຂອງກອງພັນນ້ອຍທະຫານຮາບ 19, ຄວາມພະຍາຍາມ ແລະ ເອົາໃຈໃສ່ຂອງພັກ ແລະ ລັດຖະບານ ຕໍ່ການສ້າງ ແລະ ປັບປຸງກອງທັບໃຫ້ມີຄວາມເຕີບໃຫຍ່, ໝັກແໜ້ນ ແລະ ເຂັ້ມແຂງຮອບດ້ານຢ່າງບໍ່ຢຸດຢັ້ງ.

ໂອກາດດຽວກັນນີ້, ທ່ານລັດຖະມົນຕີ ຍັງໄດ້ເນັ້ນໜັກໃຫ້ນາຍ ແລະ ພົນທະຫານກອງພັນນ້ອຍທະຫານຮາບ 19 ສືບຕໍ່ເອົາໃຈໃສ່ບາງດ້ານ ໂດຍສະເພາະແມ່ນ: ສືບຕໍ່ສືກສາອົບຮົບການເມືອງແນວຄິດໃຫ້ນາຍ ແລະ ພົນທະຫານຢ່າງຕໍ່ເນື່ອງ, ສືບຕໍ່ສ້າງພາລາທິການກັບທີ, ໃນການປູກ, ການລ້ຽງ, ເຮັດໃຫ້ກົມກອງກຸ້ມຢູ່ກຸ້ມກີນ, ສືບຕໍ່ຮໍ່າຮຽນເອົານໍ້າໃຈຮັກຊາດ, ນໍ້າໃຈພີລະອາດຫານ, ມູນເຊື້ອຂອງກອງທັບ ພ້ອມທັງເຊື່ອມຊຶມແນວທາງນະໂຍບາຍຂອງພັກ, ເອົາໃຈໃສ່ຝຶກແອບວິຊາສະເພາະໃຫ້ມີຄວາມຊໍານິຊໍານານ, ມີຄວາມພ້ອມໃນການສູ້ຮົບຢູ່ສະເໝີ ໂດຍສະເພາະສິນລະປະຍຸດ, ຍຸດທະວີທີ ແລະ ເຂັ້ມງວດໃນການປະຕິບັດລະບຽບວີໄນ, ມີການປຶກສາຫາລື, ແບ່ງງານ, ແບ່ງຄວາມຮັບຜິດຊອບ ສາມາດເຮັດຫຼ້ອນໜ້າທີ່ທີຂັ້ນເທິງມອບໝາຍໃຫ້ສໍາເລັດຕາມລະດັບຄາດໝາຍ ແນ່ໃສ່ເຮັດໃຫ້ປະເທດຊາດມີຄວາມສະຫງົບສຸກໂດຍພຶ້ນຖານ.

ໃນໂອກາດທີ່ທ່ານ ລັດຖະມົນຕີກະຊວງປ້ອງກັນປະເທດ ລົງເຄື່ອນໄຫວ ແລະ ພົບປະໂອ້ລົມຄະນະພັກ, ຄະນະບັນຊາ, ນາຍ ແລະ ພົນທະຫານຢູ່ກອງພັນນ້ອຍທະຫານຮາບ19 ນັ້ນ ຍັງໄດ້ນຳເອົາອາຫານແຫ້ງຈຳນວນໝື່ງມອບໃຫ້ກັບກອງພັນນ້ອຍທະຫານຮາບ19 ຕື່ມອີກ.

ພາບ-ຂ່າວ: ແສງຄຳ ສາລີວັນ

ໃນຕອນເຊົ້າວັນທີ 8 ຕຸລາ 2020​ ເກີດນ້ຳຖ້ວມໜັກ ເຂດບ້ານແດນສະຫວັນ (ຊາຍແດນລາວ-ຫວຽດນາມ)​,​ ເມືອງເຊໂປນ,​ ແຂວງສະຫວັນນະເຂດ ເນື່ອງຈາກຝົນຕົກໜັກ.

.

.

ດ້ານກົມອຸຕຸນິຍົມ ແລະ ອຸທົກກະສາດ ເຕືອນກ່ອນໜ້ານີ້ວ່າ ລະຫວ່າງວັນທີ 7 ຫາ 11 ຕຸລາ ຈະມີຝົນຕົກໜັກເຂດພາກກາງ ແລະ ພາກໃຕ້ ເນື່ອງຈາກມີພາຍຸໜຸນເຂດຮ້ອນພັດປົກຄຸມ ຂໍໃຫ້ມີສະຕິລະມັດລະວັງນ້ຳຖ້ວມຊູ.

.

.

ໃນວັນທີ 8/10/2020 ຫລາຍພື້ນທີ່ຂອງເມືອງວິລະບູລີ ແຂວງສະຫວັນນະເຂດ ໄດ້ຮັບຜົນກະທົບຈາກພາຍຸເຮັດໃຫ້ມີຝົນຕົກໜັກໃນໄລຍະ1-2ວັນທີ່ຜ່ານມາ

ເຮັດໃຫ້ນໍ້າໃນຫ້ວຍໃນເຊເພີ່ມສູງຂື້ນ ເຊັ່ນວ່າ : ນໍ້າເຊກອກ,​ຫ້ວຍຄຽງ,​ຫ້ວຍແຢງ ໄຫລເຂົ້າຖ້ວມນາ,​ໜອງປາ,​ເສັ້ນທາງໄປມາ ໂດຍສະເພາະກໍ່ແມ່ນເສັ້ນທາງ 28 A ອອກສູ່ເມືອງເຊໂປນແມ່ນຖືກນໍ້າຖ້ວມໃນຫລາຍຈຸດ.​

ລະດັບນໍ້າເຊກອກແທກໄດ້ໃນເວລາ 8:30 ໂມງຂອງມື້ນີ້ຢູ່ທີ່ 8,50 ແມັດ,ເຂດລະວັງໄພແມ່ນ 4,30ແມັດ ຂໍໃຫ້ລະມັດລະວັງໃນການໄປມາຕື່ມ.

ຮູບພາບ :ແຟນເພສ

ວັນທີ 7 ຕຸລາ 2020 ນີ້, ກອງພັນ19 ທະຫານແຂວງອັດຕະປື, ໄດ້ຈັດພິທີປະກາດການເລື່ອນຊັ້ນໃຫ້ນາຍທະຫານຢູ່ພາຍໃນກົມກອງຂອງຕົນຂື້ນທີ່ສະໂມສອນຂອງກອງພັນດັ່ງກ່າວ, ໂດຍໃຫ້ກຽດເຂົ້າຮ່ວມຂອງ ສະຫາຍ ພັທ ເເສງສຸລີ ເມກເມືອງໄຊ ຄະນະພັກກອງບັນຊາການ ຮອງຫ້ອງເສນາທິການກອງບັນຊາການທະຫານແຂວງອັດຕະປື, ມີຄະນະພັກຮາກຖານກອງພັນ19, ພະແນກການຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ.

ໃນພິທີໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນໃຫ້ນາຍທະຫານ,ໂດຍອີງຕາມກົດໝາຍນາຍທະຫານກອງທັບປະຊາຊົນລາວ(ສະບັບປັບປຸງ) ໃນພາກທີII ໝວດທີ 3 ມາດຕາ 22 ແລະ ມາດຕາ 23 ວ່າດ້ວຍການເລື່ອນຊັ້ນນາຍທະຫານໃຫ້ຜູ້ທີ່ມີເງື່ອນໄຂມາດຖານຄົບຖ້ວນ ແລະ ຮອດຕາມກຳນົດ,ໂດຍສະເພາະແມ່ນຢູ່ກອງພັນ19 ທະຫານແຂວງອັດຕະປື ທີ່ໄດ້ຮັບການເລື່ອນຊັ້ນໃໝ່ລວມທັງໝົດມີ 7 ສະຫາຍ, ໃນນີ້ເລື່ອນຊັ້ນຈາກຮ້ອຍເອກ ຂຶ້ນ ພັນຕີ ມີ 1 ສະຫາຍ , ເລື່ອນຊັ້ນ ຈາກວາທີ ຂຶ້ນຊັ້ນ ຮ້ອຍຕີ ມີ 6 ສະຫາຍ.

ໃຫ້ກຽດຂື້ນປະດັບຊັ້ນໂດຍ ສະຫາຍ ພັທ ເເສງສຸລີ ເມກເມືອງໄຊ ຄະນະພັກກອງບັນຊາການທະຫານເເຂວງ ພ້ອມທັງໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຍັງໄດ້ເນັ້ນໜັກໃຫ້ບັນດາສະຫາຍ ທີ່ໄດ້ຮັບການເລື່ອນຊັ້ນໃໝ່ຈົ່ງ ຮັບຮູ້ວ່າ ນີ້ແມ່ນການເພີ່ມຄວາມຮັບຜິດຊອບໃຫ້ບັນດາສະຫາຍ ໃຫ້ສູງຂຶ້ນກ່ວາເກົ່າ. ສະນັ້ນ, ຈົ່ງພ້ອມກັນສືບຕໍ່ເຮັດວຽກງານ ສຶກສາອົບຮົມການເມືອງ-ນຳພາແນວຄິດຕັ້ງໜ້າຝຶກຝົນຫຼໍ່ຫຼອມ ຕົນເອງດ້ວຍການຄົ້ນຄວ້າຮໍ່າຮຽນ ແລະ ກຳແໜ້ນແນວທາງ ນະໂຍບາຍຂອງພັກ, ກົດໝາຍຂອງລັດ, ລະບຽບວິໄນຂອງກອງທັບ, ຍົກລະດັບຄວາມຮູ້ຄວາມສາມາດໃຫ້ສູງຂຶ້ນ, ສືບຕໍ່ເອົາໃຈໃສ່ ຜັນຂະຫຍາຍໃຫ້ໄດ້ຮັບໝາກຜົນສູງສຸດ ແລະ ສ້າງຕົນເອງໃຫ້ກາຍເປັນພະນັກງານຮຸ້ນສືບທອດທີ່ມີຄຸນນະພາບຕໍ່ໄປ.

ຂ່າວ: ສຸກສະໄໝ ນວນມະລິນ

ພາບ: ບຸນໄຊ ກິດທິລາ

ກອງປະຊຸມຄົບຄະນະບໍລິຫານງານ ພັກແຂວງ ຄັ້ງທີ 17 ສະໄໝທີ IX ທ້າຍສະໄໝ ໄດ້ຈັດຂຶ້ນໃນວັນທີ 7-8 ຕຸລາ 2020 ພາຍໃຕ້ການເປັນປະທານຂອງ ສະຫາຍ ໂອໄດ ສຸ ດາພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງຄຳມ່ວນ.

ກອງປະຊຸມ ໄດ້ພ້ອມກັນສະຫລຸບຕີລາຄາຄືນ ຜົນການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 16 ສະໄໝທີ IX, ຮັບຟັງການລາຍງານຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງ ຄົມຂອງແຂວງໄລຍະ 9 ເດືອນປີ 2020 ແລະ ແຜນຈຸດສຸມ 3 ເດືອນທ້າຍປີ 2020, ຟັງການສະຫລຸບລາຍງານການຈັດຕັ້ງປະຕິບັດແຜນງົບປະມານຂອງແຂວງ ປະຈຳ 9 ເດືອນປີ 2020 ແລະ ແຜນວຽກຈຸດສຸມໃນ 3 ເດືອນທ້າຍປີ 2020 ແລະ ບັນດາພະແນກການໂດຍສະເພາະລົງເລິກຂົງເຂດເສດຖະກິດ-ວັດທະນະທໍາຈຳນວນໜຶ່ງ.

ພ້ອມນີ້, ຍັງໄດ້ຮັບຟັງການລາຍງານການກະກຽມຄວາມພ້ອມຂອງຄະນະອະນຸກຳມະການດ້ານເນື້ອໃນ ກອງປະຊຸມໃຫຍ່ ສະໄໝທີ X ຂອງອົງຄະນະພັກແຂວງ ເປັນຕົ້ນ ຮ່າງລາຍ ງານການເມືອງສະບັບຫຍໍ້, ຮ່າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 9 ( 2021-2025 ) ສະບັບຫຍໍ້, ຮ່າງບົດສຳຫລວດນຳພາລວມຂອງຄະນະບໍລິ ຫານງານພັກແຂວງ (ສະໄໝທີ IX) ແລະ ຮ່າງໂຄງການດຳເນີນງານຕະຫລອດສະໄໝກອງປະຊຸມຄັ້ງທີ X ຂອງອົງຄະພັກແຂວງ, ເຊິ່ງກອງປະຊຸມດັ່ງກ່າວຈະໄດ້ຈັດຂຶ້ນໃນມໍ່ໆນີ້.

ຈາກນັ້ນ, ບັນດາສະຫາຍຜູ້ແທນກອງປະຊຸມ ໄດ້ພ້ອມ ກັນຄົ້ນຄວ້າປະກອບຄຳຄິດເຫັນໃສ່ການກະກຽມຄວາມພ້ອມດ້ານຕ່າງໆ ເພື່ອຮັບປະກັນໃຫ້ແກ່ການດຳເນີນກອງປະຊຸມບັນລຸຕາມລະດັບຈຸດປະສົງຄາດໝາຍ.

ລາຍງານຈາກຫຼວງພະບາງ: ໃນວັນທີ 7/10/2020 ໄດ້ເກີດເຫດລົດຮຸນໄດ ຕຳກັນກັບລົດ 10 ລໍ້ ຈຸດເກີດເຫດ ແມ່ນທາງເຂດບ້ານນາກອກ ເມືອງນ້ຳບາກ ແຂວງຫລວງພະບາງ.

ທະບຽນກະບະຮຸນໄດ້ ທີ່ມີຜູ່ເສຍຊີວິດ ຕິດຄາລົດ ແມ່ນ ອຸດົມໄຊ ບກ 1353

.

ລາຍງານເບື້ອງຕົ້ນ ເຫດກາຄັ້ງນີ້ໄດ້ເຮັດໃຫ້ມີຜູ້ເສຍຊີວິດ 1 ຄົນ ຕິດຢູ່ໃນລົດ ຍັງບໍ່ຮູ້ຍາດຜູ້ເສຍຊີວິດ.

.

.

ຂໍຄວາມຊ່ວຍເຫຼືອປະກາດຫາຍາດຕິພີ່ນ້ອງຂອງຜູ້ກ່ຽວແດ່

ລາຍລະອຽດຈະລາຍງານເພີ່ມເຕີມ

ໃນວັນທີ7.10.2020 ໂດຍປະຕິບັດຕາມຂໍ້ຕົກລົງຂອງພະແນກກະສິກຳ ແລະ ປ່າໄມ້ ແຂວງເຊກອງ ວ່າດ້ວຍການຈັດແບ່ງແນວພັນສັດປີກ ແລະ ປາ ໃຫ້ 4 ຕົວເມືອງທີ່ໄດ້ຮັບ ຜົນກະທົບຈາກໄພທຳມະຊາດ ປີ 2019 ດັ່ງນັ້ນໃນຕອນເຊົ້າຂອງວັນທີ 6 ຕຸລາ ຜ່ານມານີ້ຢູ່ທີ່ຫ້ອງການກະສິກຳ ແລະ ປ່າໄມ້ ເມືອງກະລຶມ ແຂວງເຊກອງ ໄດ້ຈັດພິທີມອບ-ຮັບແນວພັນໄກ່ ໃຫ້ປະຊາຊົນ 13 ບ້ານ, ມີ 130 ຄອບຄົວ ທີ່ຖືກຜົນກະທົບຈາກໄພພິບັດໃນ 2019 ທີ່ຜ່ານມາ ເຊິ່ງມີບ້ານແກ້ງກຸຍ, ບ້ານແກ້ງກຽນ, ບ້ານວັກ, ບ້ານຈຣອກ, ບ້ານສອງຄອນ, ບ້ານຈິງ, ບ້ານໂລ້ຍ, ບ້ານຫາດນອງ, ບ້ານຕີນ-ຕຶມ, ບ້ານເຈຼະ, ບ້ານຕັງກາດ, ບ້ານຕັງປຼັງ ແລະ ບ້ານຕະມໍໃໝ່ ໂດຍໃຫ້ກຽດເຂົ້າຮ່ວມ ມີທ່ານ ຄຳປະເສີດ ດອຍບົວລະພາ ຮອງເຈົ້າເມືອງ – ເມືອງກະລຶມ, ຜູ້ຊີ້ນຳຂົງເຂດວຽກງານເສດຖະກິດ, ທ່ານ ແສງອຸໄທ ຄຳວົງສາ ຫົວໜ້າຫ້ອງການກະສິກຳ ແລະ ປ່າໄມ້ເມືອງກະລຶມ, ວິຊາການລ້ຽງສັດ ແລະ ການປະມົງຂັ້ນແຂວງ – ຂັ້ນເມືອງ, ຜູ້ຕາງໜ້າຈາກບໍລິສັດ ແລະ ພໍ່ແມ່ປະຊາຊົນມາຈາກບ້ານດັ່ງກ່າວເຂົ້າຮ່ວມ.

ທ່ານ ສີອຳພອນ ສີນາມົນຕິ ຮອງຫົວໜ້າຫ້ອງການກະສິກຳ ແລະ ປ່າໄມ້ ເມືອງກະລຶມ ໄດ້ໃຫ້ຮູ້ວ່າ: ແນວພັນໄກ່ທີ່ມອບໃຫ້ປະຊາຊົນໃນຄັ້ງນີ້ແມ່ນບໍລິສັດ ເອສ ເອມ ພີ ເທຣດດິ້ງ ຈຳກັດຜູ້ດຽວ ເປັນຜູ້ຈັດຊື້ແນວພັນໄກ່ ຈຳນວນ 1.350 ໂຕ ເພື່ອຄອບຄົວທີ່ໄດ້ຮັບຜົນກະທົບຈາກໄພພິບັດ ນຳເອົາສັດປີກຈຳນວນດັ່ງກ່າວມາລ້ຽງເປັນການປັບປຸງ, ພື້ນຟູ ຊີວິດການເປັນຢູ່ຂອງປະຊາຊົນ ໃຫ້ນັບມື້ດີຂຶ້ນເທື່ອລະກ້າວ.

ໂອກາດນີ້ ທາງວິຊາການຂະແໜງລ້ຽງສັດ ແລະ ການປະມົງ ກໍໄດ້ແນະນຳວິທີການລ້ຽງໄກ່ ແລະ ການປົກປັກຮັກສາໄກ່ ເປັນຕົ້ນແມ່ນເອົາໃຈໃສ່ໃນການໃຫ້ອາຫານໄກ່, ການສັກຢາ, ຢອດຢາເປັນປົກກະຕິເພື່ອເຮັດໃຫ້ໄກ່ມີພູມຕ້ານທານທີ່ດີປອດຈາກເຊື້ອພະຍາດທີ່ອາດເກີດຂຶ້ນຕາມລະດູການ.

ພາບ-ຂ່າວ: ຄຳເພົ້າ ຮຸ່ງໄຊຍະວົງ

ໃນວັນທີ 6 ຕຸລາ 2020 ນີ້, ກະຊວງປ້ອງກັນປະເທດ ປະກາດການຈັດຕັ້ງຂັ້ນບັນຊາຫົວໜ້າຫ້ອງ, ຮອງຫ້ອງ ແລະ ຫົວໜ້າກອງພັນໃຫຍ່ຢູ່ສະໂມສອນກອງບັນຊາການທະຫານອາກາດ (ກທອ), ໂດຍການເຂົ້າຮ່ວມ ເປັນປະທານຂອງ ສະຫາຍ ພົນຕີອ່ອນສີ ແສນສຸກ ກຳມະການຄະນະປະຈຳພັກກະຊວງ, ຮອງລັດ

ຖະມົນຕີກະຊວງປ້ອງກັນປະເທດ, ມີສະຫາຍ ພັນເອກ ໂສພາວັນທຳມະເທວາ ຮອງຫົວໜ້າກົມພະ ນັກງານ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ກທອ, ຄະນະຫ້ອງ-ຮອງຫ້ອງ,ຕາງໜ້າຫ້ອງການເມືອງ 4 ກົມໃຫຍ່, ຫ້ອງວ່າການກະຊວງ ແລະ ຄະນະພັກ-ຄະນະບັນຊາກອງພັນ ໃຫຍ່ 702 ແລະ 703, ຫົວໜ້າພະແນກການພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.

ສະຫາຍ ພັນເອກ ໂສພາວັນ ທຳມະເທວາ ຮອງຫົວໜ້າກົມພະນັກງານກົມໃຫຍ່ການເມືອງ ໄດ້ຂຶ້ນຜ່ານຂໍ້ຕົກລົງ ວ່າດ້ວຍການຍົກຍ້າຍ ແລະ ແຕ່ງຕັ້ງນາຍທະຫານໄປຮັບໜ້າທີ່ໃໝ່ຢູ່ກອງບັນຊາການທະຫານອາກາດ ອີງຕາມກົດໝາຍນາຍທະ ຫານກອງທັບປະ ຊາຊົນລາວ (ສະບັບປັບປຸງ) ໃນພາກທີ II ໝວດທີ 04 ມາດຕາ 26 ວ່າດ້ວຍ ການແຕ່ງຕັ້ງ-ຍົກຍ້າຍ ນາຍທະຫານ ຕາມທິດທາງ ກ່ຽວກັບການປັບປຸງບູລະນະກົງ ຈັກການຈັດຕັ້ງນຳພາ-ບັນຊາໃນ ກຳລັງປະກອບອາວຸດໃຫ້ເຂັ້ມ ແຂງ ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ. ກະຊວງປ້ອງກັນປະເທດຕົກລົງ

ແຕ່ງຕັ້ງ ພັນເອກ ຄຳມ້າວ ວໍລະເດດ ເປັນຫົວໜ້າຫ້ອງເສນາທິການ ກທອ, ແຕ່ງຕັ້ງ ພັນໂທ ສຸພັນ ເດດນໍລະສິງ ເປັນຮອງຫົວໜ້າ ຫ້ອງອົບຮົມການບິນກທອ, ພັນໂທ ບຸນເລີດອຸດທະຈັກເປັນຮອງຫົວໜ້າຫ້ອງເສນາທິການ ກທອ, ພັນໂທ ຫຸມແພງ ປັນຍາສະຫວັດ ເປັນຮອງຫົວໜ້າຫ້ອງ ການ ກທອ ແລະ ແຕ່ງຕັ້ງ ພັນເອກ ຄໍາສຸກ ຄໍາເລືອງເທບ ເປັນຫົວ ໜ້າການທະຫານ ກອງພັນໃຫຍ່ 703.

ໂອກາດນີ້, ສະຫາຍ ພົນຕີ ອ່ອນສີ ແສນສຸກ ໄດ້ມີຄໍາເຫັນ ໂອ້ລົມ ແລະ ຍ້ອງຍໍຊົມເຊີຍຕໍ່ນາຍທະຫານທີ່ໄດ້ຮັບໜ້າທີ່ໃໝ່ ແລະ ໄດ້ເນັ້ນໜັກໃຫ້ຍົກສູງບົດບາດຄວາມຮັບຜິດຊອບການນໍາພາ, ປັບປຸງກົງຈັກບັນຊາ, ວິທີເຮັດວຽກໃຫ້ມີຈຸດສຸມ ແລະ ມີຄວາມ ໜັກແໜ້ນ ເຂັ້ມແຂງ, ປອດໃສ ຂາວສະອາດ, ບົນພື້ນຖານຄວາມເປັນເອກກະພາບປອງດອງ ຄວາມສາມັກຄີພາຍໃນໃຫ້ແໜ້ນແຟ້ນ, ຕາມຫຼັກການລວມສູນປະຊາທິປະໄຕ, ປຶກສາຫາລືລະດົມຄວາມຄິດນຳພາວຽກງານເປັນເອກະພາບໃນໝູ່ຄະນະຢ່າງຈະແຈ້ງລະອຽດຄົບຖ້ວນ, ແບ່ງຄວາມຮັບຜິດຊອບຕ້ອງແທດເໝາະກັບຄວາມຮູ້-ຄວາມສາມາດ ແລະ ປະສົບການໃນວຽກງານ, ສົມທົບແໜ້ນໃກ້ຊິດຕິດ ແທດກັບວຽກຕົວຈິງ, ມີການຕິດຕາມກວດກາສະຫຼຸບຖອດ ຖອນບົດຮຽນເປັນປົກກະຕິ, ສົ່ງເສີມທັດສະນະກ້າຄິດ-ກ້າເຮັດ,

ກ້າຮັບຜິດຊອບຕໍ່ວຽກງານດ້ວຍທັດສະນະສູງ ຫັນປ່ຽນດ້ວຍຕົນເອງ, ຍົກສູງເຊີດຊູນຳ້ໃຈຮັກຊາດ, ຮັກການຈັດຕັ້ງ, ຮັກລະບອບປະຊາທິປະໄຕ, ປະຕິບັດຂໍ້ກຳນົດກົດລະບຽບຂອງກອງທັບຢ່າງເຂັ້ມງວດ, ມີສະຕິເປັນເຈົ້າຕົນເອງ, ມີຫຼັກໝັ້ນມິດ-ສັດຕູ ອັນຈະແຈ້ງ ເພີ່ມທະວີການສຶກສາ ອົບຮົມການເມືອງ-ນຳພາແນວ ຄິດ, ເຝິກຝົນຫຼໍ່ຫຼອມຄວາມຮູ້- ຄວາມສາມາດບັນຊາ-ນຳພາໃຫ້ມີຄຸນນະພາບ, ສຶກສາທັດສະນະຄຸນສົມບັດສິນທຳປະຕິວັດ, ປັບປຸງແບບແຜນວິທີເຮັດວຽກ, ດໍາລົງຊີວິດປອດໃສ ແລະ ເພີ່ມຄວາມສາມາດໃນໜ້າທີ່ວຽກງານການເມືອງກາຍເປັນແກ່ນສານນໍາພາຢ່າງແທ້ຈິງ ແລະ ເຮັດສໍາເລັດຕາມໜ້າທີ່ຕາມການ ຈັດຕັ້ງຂັ້ນເທິງມອບໝາຍໃຫ້.

ໂດຍ: ສີທາ