ປະທານປະເທດ ຕ້ອນຮັບທູດຟີລິບປິນ ຍື່ນສານຕາຕັ້ງ ແລະ ມອບສານແຕ່ງຕັ້ງໃຫ້ທູດລາວໄປປະຈຳຢູ່ບຣູໄນ ດາຣູຊາລາມ

ຂປລ. ໃນວັນທີ 23 ກຸມພາ 2022 ທີ່ນະຄອນຫຼວງວຽງຈັນ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຕ້ອນຮັບ ທ່ານ ນາງ ດີນາ ຈອຍ ດີ ອາມາຕົງ (DEENA JOY D. AMATONG) ເຂົ້າຍື່ນສານຕາຕັ້ງ ເພື່ອດໍາລົງຕໍາແໜ່ງ ເປັນເອກອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງສາທາລະນະລັດ ຟີລິບປິນ ຄົນໃໝ່ ປະຈຳ ສປປ ລາວ ຊຶ່ງມີສຳນັກງານຕັ້ງຢູ່ນະຄອນຫຼວງວຽງຈັນ.

ສປປ ລາວ ແລະ ສ ຟີລິບປິນ ໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 14 ມັງກອນ 1955, ຕະຫຼອດໄລຍະຜ່ານມາການສ້າງຕັ້ງສາຍພົວພັນການທູດ ລະຫວ່າງສອງປະເທດ ເຫັນວ່າສາຍພົວພັນມິດຕະພາບ ແລະ ການຮ່ວມມື ລະຫວ່າງສອງປະເທດ ໃນຊຸມປີຜ່ານມາໄດ້ຮັບການພັດທະນາ ແລະ ຂະຫຍາຍຕົວເປັນກ້າວໆ ເຫັນໄດ້ສອງປະເທດໄດ້ມີການແລກປ່ຽນການຢ້ຽມຢາມຢ່າງເປັນປົກກະຕິ ລະຫວ່າງການນຳຂັ້ນສູງໃນລະດັບຕ່າງໆ ເພື່ອສົ່ງເສີມ ແລະ ຮັດແໜ້ນການຮ່ວມມື.

ໃນໂອກາດນີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ທ່ານ ນາງ ດີນາ ຈອຍ ດີ ອາມາຕົງ (DEENA JOY D. AMATONG) ທີ່ໄດ້ຖືກແຕ່ງຕັ້ງມາດໍາລົງຕໍາແໜ່ງ ເປັນເອກອັກຄະລັດຖະທູດຟີລິບປິນ ປະຈໍາ ສາທາລະນະລັດ ປະຊາທິປະໄຕ ປະຊາຊົນລາວ ໃນຄັ້ງນີ້, ພ້ອມທັງໄດ້ແຈ້ງສະພາບການ ຂອງ ສປປ ລາວ ໃຫ້ທ່ານທູດໄດ້ຮັບຊາບ ແລະ ຫວັງວ່າ ໃນຕະຫຼອດໄລຍະຂອງການປະຕິບັດໜ້າທີ່ ການທູດຢູ່ ລາວ ທ່ານທູດຈະປະກອບສ່ວນເສີມສ້າງສາຍພົວພັນ ແລະ ການຮ່ວມມືລະຫວ່າງ ສປປ ລາວ ແລະ ສ ຟີລິບປິນ ໃຫ້ນັບມື້ຂະຫຍາຍຕົວຂຶ້ນເລື້ອຍໆ.

ໃນວັນດຽວກັນນີ້ ທີ່ນະຄອນຫຼວງວຽງຈັນ ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ມອບສານແຕ່ງຕັ້ງໃຫ້ ທ່ານ ນາງ ແສງດາວັນ ວົງໄຊ ເພື່ອໄປດໍາລົງຕໍາແໜ່ງ ເປັນເອກອັກຄະລັດຖະທູດ ແຫ່ງ ສປປ ລາວ ປະຈຳ ບຣູໄນ ດາຣູຊາລາມ.

ໂອກາດດັ່ງກ່າວ, ທ່ານ ທອງລຸນ ສີສຸລິດ ໄດ້ສະແດງຄວາມຍ້ອງຍໍ ຊົມເຊີຍຕໍ່ທ່ານທູດລາວ ທີ່ຈະໄປປະຕິບັດໜ້າທີ່ການທູດຢູ່ຕ່າງປະເທດ ຈົ່ງສືບຕໍ່ປະກອບສ່ວນເຂົ້າ ໃນການຮັດແໜ້ນ ແລະ ເສີມຂະຫຍາຍ ສາຍພົວພັນການທູດ ທີ່ມີມາແຕ່ດົນນານ ລະຫວ່າງ ສປປ ລາວ ແລະ ບຣູໄນ ດາຣູຊາລາມໃຫ້ແໜ້ນແຟ້ນຍິ່ງຂຶ້ນ. ພ້ອມນີ້, ທ່ານປະທານປະເທດ ຍັງໄດ້ອວຍພອນໃຫ້ທ່ານທູດຈົ່ງເດີນທາງ ໄປປະຕິບັດໜ້າທີ່ ຢູ່ຕ່າງປະເທດ ດ້ວຍຄວາມສະຫວັດດີພາບ.

ຂ່າວ: ສົມຫວັງ – ພາບ: ເກດສະໜາ, ປະຊາຊົນ

ກະຊວງແຜນການ ແລະ ການລົງທຶນ ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ ຄະນະຄຸ້ມຄອງ ເຂດເສດຖະກິດພິເສດ ແຂວງບໍ່ແກ້ວ ອອກແຈ້ງການ: ເຖິງອຳນວຍການບໍລິສັດ, ນັກທຸລະກິດ, ຜູ້ປະກອບການ ແລະ ຜູ້ອອກແຮງງານ ພາຍ ຂສພຄ.

ເລື່ອງ: ການຄຸ້ມຄອງແຮງງານ ແລະ ນຳໃຊ້ແຮງງານໃນເຂດເສດຖະກິດພິເສດ ສາມຫຼ່ຽມຄຳ ເພື່ອເຮັດໃຫ້ການຄຸ້ນຄອງ ແລະ ນຳໃຊ້ແຮງງານຂອງຜູ້ປະກອບການ ແລະ ຜູ້ອອກແຮງງານໃຫ້ຖືກຕ້ອງຕາມລະບຽບກົດໝາຍຂອງ ສປປ ລາວ ແລະ ຮັບປະກັນການດຳເນີນທຸລະກິດຂອງບັນດາບໍລິສັດ, ຜູ້ປະກອບການ ໄດ້ດຳເນີນວຽກງານຢ່າງສະດວກ ແລະ ຕອບສະໜອງໄດ້ຕໍ່ກັບຄວາມຕ້ອງການໃນການນຳໃຊ້ແຮງງານກໍ່ຄືຜູ້ອອກແຮງງານຕໍ່ການປະຕິບັດໜ້າທີ່ວຽກງານ ແລະ ການດຳລົງຊີວິດຢູ່ພາຍໃນເຂດເສດຖະກິດພິເສດ ສາມຫຼ່ຽມຄຳ ໃຫ້ໄດ້ຮັບປະກັນ ແລະ ຖືກຕ້ອງຕາມກົດລະບຽບກົດໝາຍ.

ເຊີ່ງມີເນື້ອໃນດັ່ງລຸ່ມນີ້:

.

.

.

.

.

.

.

.

ສະຫາຍ ແສງອາທິດ ລາວເບຼຍຢາທໍ ກໍາມະການປະຈໍາພັກເມືອງ, ຮອງເຈົ້າເມືອງ ຊຽງຮ່ອນ ແຂວງ ໄຊຍະບູລີ ໄດ້ຂຶ້ນຜ່ານແຜນພັດທະນາເສດຖະກິດ-ສັງຄົມປະຈໍາປີ 2021 ແລະ ທິດທາງແຜນການປີ 2022 ຕໍ່ກອງປະຊຸມ ຄົບຄະນະບໍລິຫານງານພັກເມືອງ ຊຽງຮ່ອນ ຄັ້ງທີ 7 ສະໄໝທີ VII ໃນວັນວັນທີ 21 ກຸມພາ 2022, ທີ່ຫ້ອງປະຊຸມຂອງເມືອງດັ່ງກ່າວ, ເຊິ່ງສະຫາຍໄດ້ກ່າວວ່າ:

ຜ່ານການຈັດຕັ້ງແຜນພັດທະນາເສດຖະກິດ-ສັງຄົມ ຂອງເມືອງຊຽງຮ່ອນ ນັບແຕ່ພາຍຫຼັງສໍາເລັດກອງປະຊຸມໃຫຍ່ຄັ້ງທີ VII ຂອງອົງຄະນະພັກເມືອງເປັນຕົ້ນມາແມ່ນຍັງສາມາດຮັບປະກັນເຮັດໃຫ້ເສດຖະກິດຂອງເມືອງ ໄດ້ຮັບການພັດທະນາ ແລະ ສືບຕໍ່ຂະຫຍາຍຕົວຢ່າງຕໍ່ເນື່ອງ; ສະເພາະໃນປີ 2021 ນີ້ ເຖິງວ່າອັດຕາການຂະຫຍາຍຕົວທາງດ້ານເສດຖະກິດຈະບໍ່ສາມາດບັນລຸຕາມຄາດໝາຍທີ່ວາງໄວ້ໃນລະດັບ 7,5% ແຕ່ກໍຖືວ່າຍັງສືບຕໍ່ພັດທະນາໂດຍຄາດຄະເນວ່າຈະຂະຫຍາຍຕົວຢູ່ໃນລະດັບ 3% ທຽບໃສ່ແຜນພັດທະນາເສດຖະກິດ-ສັງຄົມ 5 ປີ ປະຕິບັດໄດ້ 42,8%; ສາມາດເກັບລາຍຮັບເຂົ້າງົບປະມານໄດ້ທັງໝົດ 2,68 ຕື້ກີບ ເທົ່າກັບ 118% ທຽບໃສ່ໄລຍະດຽວກັນ ປະຕິບັດລືນ 1,90%, ປະຕິບັດລາຍຈ່າຍໄດ້ 2,52 ຕື້ກີບ ເທົ່າກັບ 98%,

ການຜະລິດສະບຽງອາຫານເປັນຕົ້ນແມ່ນການປູກເຂົ້ານາໄດ້ຫັນມານໍາໃຊ້ເຕັກນິກຫຼາຍຂຶ້ນ ເຮັດໃຫ້ສະມັດຕະພາບແລະຄຸນນະພາບສູງຂຶ້ນກວ່າຜ່ານມາ ສາມາດຜະລິດເຂົ້າໄດ້ທັງໝົດ 20.406,1 ໂຕນ, ສະເລ່ຍໃສ່ຫົວຄົນໄດ້ 284 ກິໂລ ຕໍ່ຄົນຕໍ່ປີ, ການປູກພືດອຸດສາຫະກໍາເປັນສິນຄ້າເປັນຕົ້ນ: ໝາກເດືອຍ, ສາລີ, ໝາກໂມ, ໝາກເຜັດກໍ່ໄດ້ຮັບການສົ່ງເສີມ ແລະ ການປູກຢາງພາລາໄດ້ກາຍເປັນພືດເສດຖະກິດປາຍແຫຼມຕິດພັນກັບອຸດສາຫະກຳປຸງແຕ່ງ ເຊິ່ງໄດ້ມີການດຶງດູດເອົານັກລົງທຶນມາສ້າງຕັ້ງໂຮງງານຢາງພາລາ, ໂຮງງານອົບແຫ້ງຖົ່ວເຫຼືອງ, ໂຮງງານສີໝາກເດືອຍ, ໂຮງສີເຂົ້າທັນສະໄໝ, ການລ້ຽງສັດໃຫຍ່ເຊັ່ນ:

ງົວ, ຄວາຍ,ໝູ ໄດ້ຮັບການຊຸກຍູ້ສົ່ງເສີມກວ້າງອອກໂດຍມີສັດເພີ່ມຂຶ້ນ 33,81%, ພື້ນຖານໂຄງລ່າງທີ່ຈໍາເປັນເຊັ່ນ: ເສັ້ນທາງລະຫວ່າງເມືອງຕໍ່ເມືອງແລະເສັ້ນທາງເທດສະບານເມືອງໄດ້ຮັບການບູລະນະ ແລະ ສ້ອມແປງມີຄວາມສະດວກກວ່າຜ່ານມາ, ໄດ້ຂະຫຍາຍຕາໜ່າງໄຟຟ້າໄປສູ່ຊົນນະບົດຢ່າງທົ່ວເຖິງ, ການແກ້ໄຂນໍ້າລິນ, ນໍ້າໃຊ້ຂອງປະຊາຊົນໄດ້ຮັບການພັດທະນາຍົກລະດັບດີຂຶ້ນ, ສໍາລັບທິດທາງແຜນພັດທະນາເສດຖະກິດ-ສັງຄົມປະຈໍາປີ 2022 ທ່ານ ແສງອາທິດ ລາວເບຼຍຢາທໍ ຮອງເຈົ້າເມືອງ ຊຽງຮ່ອນ ໄດ້ກ່າວວ່າ: ຄາດໝາຍສູ້ຊົນທາງດ້ານເສດຖະກິດມະຫາພາກ ດ້ານລາຍຮັບເບື້ອງຕົ້ນປີ 2022 ຈະຈັດເກັບລາຍຮັບບໍ່ໃຫ້ຫຼຸດ 2.041 ລ້ານກີບໃນນີ້ : ລາຍຈາກສ່ວຍສາອາກອນ 1.971 ລ້ານກີບ, ລາຍຮັບຈາກຊັບສິນຂອງລັດ 70 ລ້ານກີບ, ຄາດຄະເນລາຍຈ່າຍງົບປະມານຂອງເມືອງປີ 2022 ຈໍານວນ 2.468 ລ້ານກີບ, ສູ້ຊົນເຮັດໃຫ້ມູນຄ່າການສົ່ງອອກສິນຄ້າໃຫ້ໄດ້ 2.907.990 ໂດລາສະຫະລັດຄຸ້ມຄອງການນໍາເຂົ້າສິນຄ້າໃຫ້ຢູ່ໃນລະດັບ 121.000 ລ້ານໂດລາສະຫະລັດ.

ຂ່າວ-ພາບ: Lao National Radio

ມວນອາກາດເຢັນ ຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ ຫາ ແຮງ, ສົມທົບກະແສລົມຕາເວັນ ອອກສ່ຽງເຫນືອພັດປົກຄຸມ, ຊຶ່ງຈະເຮັດໃຫ້ອາກາດຫນາວເຢັນລົງຕື່ມອີກ 1 ຫາ 2 ອົງສາຢູ່ໃນແຕ່ລະພາກ ແລະ ອາກາດຍັງຈະຫນາວ ເຢັນຫຼາຍຢູ່ ແຂວງພາກເຫນືອ, ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີຫມອກຫນາປົກຫຸ້ມໃນຕອນເຊົ້າ ແລະ ຈະມີ ຝົນຕົກໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ.

ອ່ານລາຍລະອຽດຕາມແຈ້ງການ

ຖະແຫລ່ງຂ່າວຈາກ ເມືອງໂຂງ ແຂວງຈຳປາສັກ ໃຫ້ຮູ້ວ່າ: ວັນທີ 21 ກຸມພາ 2022 ນີ້, ທ່ານ ຄຳສິງ ບຸນຈະເລີນ ຮອງເຈົ້າເມືອງໂຂງ ລົງຕິດຕາມ ຜົນເສຍຫາຍຈາກລົມພະຍຸລະດູຮ້ອນ ທີ່ພັດເຂົ້າໃສ່ບ້ານເຮືອນຂອງປະຊາຊົນໃນວັນທີ 20 ຜ່ານມາ ຢູ່ຈຳນວນ 5 ບ້ານຄື ບ້ານຊຽງຫວາງ, ກາງໂຂງ, ບ້ານນາ, ບ້ານຫ້ວຍ, ຫາດຊາຍຄູນ ແລະ ສູນກັກໂຕເຝົ້າລະວັງພະຍາດໂຄວິດ-19 ຂອງເມືອງ.

ທ່ານ ຄຳສິງ ບຸນຈະເລີນ ໄດ້ໃຫ້ຮູ້ວ່າ: ຕໍ່ກັບເຫດການທີ່ເກີດຂຶ້ນເຫັນວ່າຈຳນວນບ້ານເຮືອນຂອງປະຊາຊົນໄດ້ຮັບຜົນກະທົບສ່ວນໃຫຍ່ແມ່ນຫລັງຄາເປ່ເພ, ໄມ້ເຄື່ອງເຮືອນບາງຊະນິດກໍ່ບໍສາມາດນຳໃຊ້ໄດ້ ແລະ ເຄື່ອງໃຊ້ໄຟຟ້າຈຳນວນໜຶ່ງກໍເສຍຫາຍ. ດັ່ງນັ້ນ, ໃນເບື້ອງຕົ້ນ ອຳນາດການປົກຄອງເມືອງກໍໄດ້ຮີບຮ້ອນເປີດກອງປະຊຸມ, ພ້ອມແຕ່ງຕັ້ງຄະນະຮັບຜິດຊອບລົງເກັບກຳຂໍ້ມູນລາຍລະອຽດ ເພື່ອສັງລວມຜົນເສຍຫາຍໃຫ້ຊັດເຈນ.

ປັດຈຸບັນ, ຜົນເສຍຫາຍຈາກລົມພະຍຸພັດເຂົ້າໃສ່ບ້ານເຮືອນຂອງປະຊາຊົນຊາວເມືອງໂຂງ ຄັ້ງນີ້ແມ່ນຍັງບໍ່ສາມາດສະຫລຸບສັງລວມໄດ້ລະອຽດເທື່ອ.

ແຫຼ່ງຂ່າວ: ປະເທດລາວ