ຕາມການລາຍງານ ຂອງສູນຂ່າວສານການແພດສຸຂະສຶກສາປະຈຳວັນທີ 22ມີນາ 2022ໃຫ້ຮູ້ວ່າ:

ວັນທີ 21 ມີນາ 2022  ໄດ້ກວດວິເຄາະທັງໝົດ 5,976 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງໝົດ 2,328 ຄົນ (ຕິດເຊື້ອພາຍໃນ 2,306 ຄົນ ແລະ ນໍາເຂົ້າ 22 ຄົນ).

• ນະຄອນຫຼວງ          1329   ຄົນ
• ສະຫັວນນະເຂດ 169     ຄົນ
• ຊຽງຂວາງ          137     ຄົນ
• ອຸດົມໄຊ            106     ຄົນ
• ຄໍາມ່ວນ            85      ຄົນ
• ໄຊຍະບູລີ      84      ຄົນ
• ວຽງຈັນ            75      ຄົນ
• ບໍ່ແກ້ວ             65      ຄົນ
• ສາລະວັນ          63      ຄົນ
• ບໍລິຄໍາໄຊ      49      ຄົນ
• ຫົວພັນ            47      ຄົນ
• ອັດຕະປື           22      ຄົນ
• ໄຊສົມບູນ          20      ຄົນ
• ຫຼວງພະບາງ      17      ຄົນ
• ຫຼວງນໍ້າທາ        14      ຄົນ
• ຈໍາປາສັກ      9       ຄົນ
• ເຊກອງ            8       ຄົນ ຜົ້ງສາລີ              7       ຄົນ

ສໍາລັບການຕິດເຊື້ອນໍາເຂົ້າ ມີ 22 ຄົນ ຈາກ ນະຄອນຫຼວງວຽງຈັນ 2 ຄົນ, ສະຫວັນນະເຂດ 01 ຄົນ, ຈໍາປາສັກ 1 ຄົນ, ຊຽງຂວາງ 07 ຄົນ ແລະ ຫົວພັນ 11ຄົນ ເຊິ່ງທັງໝົດໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ.

ຮອດປັດຈຸບັນ ຢູ່ ສປປ ລາວ ມີຜູ້ຕິດເຊື້ອທັງໝົດ 154,094 ຄົນ, ອອກໂຮງໝໍວານນີ້ 153 ຄົນ, ກຳລັງປິ່ນປົວ 2,280 ຄົນ ແລະ ເສຍຊີວິດທັງໝົດ 651 ຄົນ (ເສຍຊີວິດໃໝ່ 2 ຄົນ)

ທ່ານ ສຸລິຍາ ຄຳບູຣາວົງ ຫົວໜ້າກົມໄປສະນີ ໄດ້ລາຍງານໃນພິທີສະເຫລີມສະຫລອງວັນໄປສະນີແຫ່ງຊາດ ຄົບຮອບ 57 ປີ (13/3/1965-13/3/2022) ໃນອາທິດຜ່ານມາວ່າ: ໄລຍະຜ່ານມາ ວຽກງານໄປສະນີຂອງ ສປປ ລາວ ສາມາດເຊື່ອມໂຍງກັບ 192 ປະເທດໃນທົ່ວໂລກ ເຮັດໃຫ້ການຈໍລະຈອນແຈກຢາຍສິ່ງຂອງ ແລະ ສິນຄ້າ ລະຫວ່າງບັນດາປະເທດ ລວມທັງໃນສປປ ລາວ ມີຄວາມສະດວກ ແລະ ຂະຫຍາຍຕົວເພີ່ມຂຶ້ນຢ່າງຫລວງຫລາຍ. ຂະນະທີ່ຜູ້ປະກອບການໄປສະນີໃນຂອບເຂດທົ່ວປະເທດເພີ່ມຂຶ້ນຈາກ 5 ບໍລິສັດ ໃນປີ 2016 ເປັນ 40 ບໍລິສັດ ໃນປີ 2021 ເທົ່າກັບ 800%, ມູນຄ່າການລົງທຶນທີ່ຈົດທະບຽນຮອດປີ 2021 ມີເຖິງ 126,27 ຕື້ກີບ ເພີ່ມຂຶ້ນ 393,75% ທຽບໃສ່ປີ 2019, ບໍລິມາດການຮັບຝາກເພີ່ມຂຶ້ນ 600 ໂຕນ/ປີ ເມື່ອທຽບກັບປີ 2015 ທີ່ມີບໍ່ເຖິງ 100 ໂຕນ/ປີ, ປ່ອງບໍລິການໃນປີ 2021 ມີພຽງ 521 ປ່ອງ ຕົ້ນປີ 2022 ມີເຖິງ 800 ປ່ອງໃນທົ່ວປະເທດ ເພີ່ມຂຶ້ນ 153,5% ກວມເອົາອັດຕາສ່ວນຂອງພົນລະເມືອງ 8.750 ຄົນ/ປ່ອງ ຂອງພົນລະເມືອງ 7 ລ້ານຄົນ ແລະ ອັດຕາສະເລ່ຍ 454,51 ກິໂລຕາແມັດ/ປ່ອງບໍລິການ.

ການຂະຫຍາຍຕົວຂອງວຽກງານໄປສະນີ ໄດ້ສ້າງເງື່ອນໄຂ ແລະ ຂໍ້ສະດວກຫລາຍຂຶ້ນ ໃຫ້ແກ່ສັງຄົມ ໃນການສ້າງວຽກເຮັດງານທຳ ໃຫ້ກັບຊາວໜຸ່ມໄດ້ຢ່າງກວ້າງຂວາງ ເປັນຕົ້ນ ອາຊີບເສີມໃນການ ແຈກຢາຍເຄື່ອງຝາກ ໂດຍສະເພາະ ໃນຍຸກເສດຖະກິດດີຈີຕອນ ສິ່ງທີ່ຂາດບໍ່ໄດ້ກໍຄືເລື່ອງການເຮັດທຸລະກຳ ດ້ານການຄ້າເອເລັກໂຕຣນິກ ເຊິ່ງການຄ້າເອເລັກໂຕຣນິກ ແມ່ນອົງປະກອບໜຶ່ງທີ່ສຳຄັນໃນການສ້າງມູນຄ່າເພີ່ມ ແລະ ຊ່ອງທາງເປີດກວ້າງຕະຫລາດໃຫ້ກັບຜູ້ຜະລິດ ແລະ ຜູ້ຊົມໃຊ້ ເຊື່ອມໂຍງເຖິງກັນໄດ້ງ່າຍຂຶ້ນ.

ສິ່ງສຳຄັນຊ່ວຍໃຫ້ເກີດການແລກປ່ຽນຊື້-ຂາຍກັນໄດ້ຢ່າງກວ້າງຂວາງ ທັງພາຍໃນ ແລະ ຕ່າງ ປະເທດ ໂດຍອາໄສ 3 ປັດໄຈພື້ນຖານ ຄື: ປັດໄຈດ້ານເຕັກໂນໂລຊີສື່ສານຂ່າວສານ, ປັດໄຈດ້ານຊໍາລະສະສາງ ແລະ ປັດໄຈດ້ານຈັດສົ່ງ-ແຈກຢາຍ ຂອງຂະແໜງການໄປສະນີ.

ນອກຈາກນີ້, ເຕັກໂນໂລຊີສື່ສານຂ່າວສານ ຍັງຊ່ວຍໃຫ້ການກະຈາຍຂໍ້ມູນຂ່າວສານ ຂອງສິນຄ້າ ແລະ ການບໍລິການຕ່າງໆ ຈາກຜູ້ສະໜອງໄປເຖິງຜູ້ບໍລິໂພກໄດ້ງ່າຍ ຜ່ານທາງ Smart Device ເພື່ອໃຫ້ຮູ້ສິນຄ້າຕ່າງໆມີແຫລ່ງຜະລິດຢູ່ໃສ, ມີຄຸນນະພາບແນວໃດ, ລາຄາເທົ່າໃດ, ສາມາດຊໍາລະເງິນໄດ້ໃນຊ່ອງທາງໃດ ແລະ ຈະສົ່ງໄປເຖິງມືຜູ້ບໍລິໂພກແນວໃດ ກ່ອນການພິຈາລະນາຕັດສິນໃຈສັ່ງຊື້.

ການຊໍາລະສະສາງແບບເອເລັກໂຕຣນິກ ເປັນຊ່ອງທາງທີ່ຊ່ວຍໃຫ້ເກີດຄວາມສະດວກ ໃນການສຳລະສະສາງ ໃນຮູບແບບເອເລັກໂຕຣນິກ ມີຄວາມສະດວກວ່ອງໄວ ແລະ ປອດໄພ ໂດຍນຳໃຊ້ບໍລິການຜ່ານ ແອັບພລີເຄຊັນຕ່າງໆຂອງທະນາຄານ ຫລື ບໍລິການໂອນຜ່ານຊ່ອງທາງອື່ນ ທີ່ທັງສອງຝ່າຍ ຜູ້ສະໜອງ ແລະ ຜູ້ບໍລິ ໂພກໄດ້ຕົກລົງກັນ.

ທ່ານ ສຸລິຍາ ຄຳບູຣາວົງ ກ່າວຕື່ມວ່າ: ປັດໄຈດ້ານການຈັດສົ່ງ ແລະ ແຈກຢາຍຂອງຂະແໜງ ການໄປສະນີ ແມ່ນມີຄວາມສຳຄັນຫລາຍ ເພາະມັນມີຜົນຕໍ່ສິນຄ້າ ແລະ ຄວາມເຊື່ອໝັ້ນ ລະຫວ່າງຜູ້ສະໜອງ ແລະ ຜູ້ບໍລິໂພກ ເນື່ອງຈາກການທີ່ຈະເຮັດໃຫ້ມີການຊື້ຂາຍເກີດຂຶ້ນໄດ້ຈິງ ກໍຕໍ່ເມື່ອທຸກໆການສັ່ງຊື້ທີ່ມີການສຳລະສະສາງໄປແລ້ວ ຜູ້ບໍລິໂພກກໍຕ້ອງມີຄວາມຫວັງ ທີ່ຢາກໄດ້ຮັບສິນຄ້າຕາມເວລາທີ່ຕົນກຳ ນົດ ໃນສະພາບທີ່ສິນຄ້າເທົ່າເດີມ ຕາມຈຳນວນທີ່ສັ່ງຊື້ໄປ.

ປັດໄຈດ້ານນີ້, ມັນຮຽກຮ້ອງຜູ້ໃຫ້ບໍລິການຕ້ອງມີທັງມາດຕະຖານ ແລະ ຄຸນນະພາບທີ່ດີ, ມີລາຄາທີ່ເຂົ້າເຖິງໄດ້ງ່າຍ ແລະ ສາມາດນຳສົ່ງ-ແຈກຢາຍໄປຮອດມືຜູ້ຮັບດ້ວຍຄວາມເພິ່ງພໍໃຈ.

ເພື່ອຕອບສະໜອງກັບຄວາມຕ້ອງການ ຂອງສັງຄົມຍຸກໃໝ່ ກົມໄປສະນີ ກໍຄື ກະຊວງເຕັກໂນໂລຊີ ແລະ ການສື່ສານ ຈະເພີ່ມທະວີນໍາພາ ໃນການພັດທະນາການສື່ສານໄປສະນີໃນທຸກຮູບແບບ ໃຫ້ຂະຫຍາຍທົ່ວເຖິງໃນຂອບເຂດທົ່ວປະເທດ, ສາມາດເຊື່ອມໂຍງເຂົ້າກັບພາກພື້ນ ແລະ ສາກົນ ທັງຮັບປະກັນໃຫ້ປະຊາຊົນ ໄດ້ຊົມໃຊ້ບໍລິການໄປສະນີ ໄດ້ຢ່າງສະດວກສະບາຍ, ມີຄຸນນະພາບ ແລະ ວ່ອງໄວ.

ແຫຼ່ງຂ່າວ: ຂປລ

ເນື່ອງໃນໂອກາດ ທ່ານ ຄຳແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມດ້ວຍຄະນະການນຳຂັ້ນສູນກາງ ຢ້ຽມຢາມ ແລະ ເຮັດວຽກຢູ່ແຂວງຊຽງຂວາງ, ໃນວັນທີ 12 ມີນາ 2022 ໄດ້ຢ້ຽມຢາມໂຮງງານປຸງແຕ່ງນໍ້າມັນເຊື້ອໄຟ ຍອດງື່ມພາວເວີ ຈຳກັດ ເຊິ່ງໃຫ້ການຕອນຮັບໂດຍ ທ່ານ ສົມຫວັງ ຄຸຣຸລັດ ປະທານໂຮງງານປຸງແຕ່ງນ້ຳມັນເຊື້ອໄຟ ຍອດງື່ມພາວເວີ ພ້ອມດ້ວຍພະນັກງານບໍລິສັດ.

ທ່ານ ອຸທັນ ໄຕລິດທິ ຮອງປະທານໂຮງງານປຸງແຕ່ງນ້ຳມັນເຊື້ອໄຟ ຍອດງື່ມພາວເວີ ກໍໄດ້ລາຍງານການຈັດຕັ້ງປະຕິບັດການກໍສ້າງໂຮງງານຕໍ່ ທ່ານລັດຖະມົນຕີວ່າ: ໂຮງງານປຸງແຕ່ງນ້ຳມັນເຊື້ອໄຟ ຍອດງື່ມພາວເວີ ໄດ້ກໍ່ສ້າງໂຮງງານມາແຕ່ເດືອນກັນຍາ 2021 ມາເຖິງປັດຈຸບັນສຳເລັດແລ້ວ 100% ແລະ ຈະເປີດນຳໃຊ້ຢ່າງເປັນທາງການໃນມໍ່ໆນີ້ ມູນຄ່າການກໍ່ສ້າງ 30 ຕື້ກວ່າກີບ.

ໂຮງງານສາມາດບັນຈຸນ້ຳມັນໄດ້ 2.400.000 ລິດ, ສາມາດປຸງແຕ່ງນ້ຳມັນໄດ້ 100 ລ້ານລິດຕໍ່ປີ ໂດຍມີສ່ວນປະສົມນ້ຳມັນກາຊວນສຳເລັດຮູບ 60%, ນໍ້າມັນເຄິ່ງສຳເລັດຮູບດີໄລ້ອອຍ (Dei light oil) 39% ແລະ ເຄມີປຸງແຕ່ງ1% ຈາກປະເທດ ສສ ຫວຽດນາມ ແລະ ປະເທດໄທ ຜະລິດ-ປຸງແຕ່ງ ເປັນນ້ຳມັນກາຊວນ ແລະ ນຳເຂົ້ານ້ຳມັນແອັດຊັງ ເພື່ອຈຳໜ່າຍຢູ່ພາຍໃນ ແລະ ສົ່ງອອກບັນດາແຂວງອ້ອມຂ້າງ ຄາດວ່າຈະສົ່ງອອກຜ່ານລັດວິສາຫະກິດນ້ຳມັນເຊື້ອໄຟລາວ.

ໂອກາດດັ່ງກ່າວ,ທ່ານລັດຖະມົນຕີ ກະຊວງອຸດສາຫະກຳ ແລະການຄ້າ ໄດ້ກ່າວສະແດງຄວາມຊົມເຊີຍ ໃນການລົງທຶນຂອງບໍລິສັດ ເພື່ອສ້າງສາພັດທະນາປະເທດຊາດ, ເປັນການພັດທະນາທີ່ດີ ເຊິ່ງການປຸງແຕ່ງນ້ຳມັນເຊື້ອໄຟເພື່ອຈຳໜ່າຍພາຍໃນ ຈະເປັນການປະຢັດເງິນກີບ ບໍ່ໃຫ້ຮົ່ວໄຫຼອອກປະເທດ ແລະ ເນັ້ນໃຫ້ເກັບລາຍຮັບຜ່ານປະຕູດຽວ, ຜະລິດເນໍ້າມັນສະອາດ, ຕ້ອງປະຕິບັດຕາມຫຼັກການ, ເຕັກນິກຢ່າງເຄັ່ງຄັດ, ກວດກາເປັນປະຈຳ, ຮີບຮ້ອນແລ່ນເອກະສານທີ່ຍັງບໍ່ທັນໄດ້, ພົວພັນ ແລະ ປະສານງານນຳພະແນກ ອຄ ແຂວງ ເພື່ອໃຫ້ການຈັດຕັ້ງປະຕິບັດມີປະສິດທິຜົນສູງ.

ແຫຼ່ງຂ່າວ: ເສດຖະກິດການຄ້າ

ອີງຕາມ ຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຫ້ອງການກະຊວງອຸດສາຫະກໍາ ແລະ ການຄ້າ ສະບັບເລກທີ 0634/ອຄ.ກຈພງ, ລົງວັນທີ 01 ກໍລະກົດ 2020;

ອີງຕາມສະພາບການແຜ່ລະບາດຂອງພະຍາດໂຄວິດ ຮອບໃຫມ່, ຄັ້ງວັນທີ 15 ມີນາ 2022;

ອີງຕາມ ທິດຊີ້ນໍາຂອງຄະນະນໍາກະຊວງ ອຄ, ຄັ້ງວັນທີ 16 ມີນາ 2022.

ຫ້ອງການ ກະຊວງອຸດສາຫະກໍາ ແລະ ການຄ້າ (ອຄ) ຂໍຖືເປັນກຽດແຈ້ງມາຍັງບັນດາທ່ານຊາບ ຕາມການ ລາຍງານສະພາບການແຜ່ລະບາດປະຈໍາວັນ ຂອງຄະນະສະເພາະກິດ ວ່າດ້ວຍການຕ້ານ ແລະ ສະກັດກັ້ນການແຜ່ ລະບາດ ຂອງພະຍາດໂຄວິດ-19 ມີຜູ້ຕິດເຊື້ອເພີ່ມຂຶ້ນຈໍານວນຫຼາຍ. ຄຽງຄູ່ກັນນີ້, ລາຄານ້ໍາມັນກໍເພີ້ມສູງຂື້ນ ເປັນຫວັດການໃນຮອບ 10 ປີຜ່ານມາ ເນື່ອງຈາກມີຫຼາຍປັດໃຈກະທົບໃສ່ທັງສະພາບເສດຖະກິດ ແລະ ຄວາມບໍ່ ສະຫງົບທີ່ເກີດຂື້ນ.

ເຫັນໄດ້ສະພາບຄວາມຫຍຸ້ງຍາກຄືແນວນັ້ນ, ຄະນະນໍາກະຊວງ ຈຶ່ງເປັນເອກະພາບ ເລີ່ມແຕ່ວັນທີ 21 ມີນາ ຫາ ວັນທີ 01 ເມສາ 2022, ໃຫ້ບັນດາກົມ, ຫ້ອງການ ແລະ ສະຖາບັນອຸດສາຫະກໍາ ແລະ ການຄ້າ ອ້ອມຂ້າງ ກະຊວງ ອຄ ພິຈາລະນາໃຫ້ພະນັກງານ-ລັດຖະກອນ ຂອງຕົນສາມາດຜັດປ່ຽນກັນປະຈໍາການເຮັດວຽກ, ເຮັດວຽກ ອອນລາຍ. ສໍາລັບຜູ້ຍິງຖືພາ ແລະ ແມ່ລູກອ່ອນ ແມ່ນນະໂຍບາຍເຮັດວຽກຢູ່ເຮືອນ, ຮັບປະກັນໃຫ້ວຽກງານໄດ້ຮັບ ການຈັດຕັ້ງປະຕິບັດປົກກະຕິ. ຜູ້ມີອາການໄຂ້ ຫຼື ເປັນຫວັດ ໃຫ້ນໍາໃຊ້ຊຸດເຄື່ອງກວດ ATK, ຕິດຕາມອາການ ແລະ ກວດ PCR ເພື່ອຢັ້ງຢືນ.

ຕາມການລາຍງານ ຂອງສູນຂ່າວສານການແພດສຸຂະສຶກສາປະຈຳວັນທີ 21 ມີນາ 2022 ໃຫ້ຮູ້ວ່າ:

ສະພາບການການຕິດເຊື້ອພະຍາດໂຄວິດ-19 ຢູ່ ສປປ ລາວ, ໃນມື້ວານ ວັນທີ 20 ມີນາ 2022, ທົ່ວປະເທດ ພົບຜູ້ຕິດເຊື້ອໃໝ່ທັງໝົດ 1,137 ຄົນ (ຕິດເຊື້ອພາຍໃນ 1,100 ຄົນ ແລະ ຕິດເຊື້ອນໍາເຂົ້າ 37 ຄົນ) ມີຜູ້ຕິດເຊຶ້ອສະສົມ ຮອດປະຈຸບັນ ແມ່ນ 154,094 ຄົນ,  ເສຍຊີວິດສະສົມ 649 ຄົນ (ໃນນີ້ເສຍຊີວິດ ໃໝ່ 4 ຄົນ) ເສຍຊີວິດໃໝ່ຈາກ ນະຄອນຫຼວງ, ສາລະວັນ, ອັດຕະປື ແລະ ບໍລິຄຳໄຊ, ປິ່ນປົວຫາຍດີ 153 ຄົນ ແລະ ກຳລັງປິ່ນປົວ 2,280 ຄົນ.

• ນະຄອນຫຼວງວຽງຈັນ 521
• ສະຫັວນນະເຂດ 248
• ຊຽງຂວາງ 45
• ຄໍາມ່ວນ 37
• ອຸດົມໄຊ 37
• ບໍລິຄໍາໄຊ 33
• ໄຊຍະບູລີ 31
• ວຽງຈັນ 27
• ຫົວພັນ 25
• ຫຼວງນໍ້າທາ 25
• ສາລະວັນ 23
• ບໍ່ແກ້ວ 18
• ອັດຕະປື 12
• ຫຼວງພະບາງ 8
• ຈໍາປາສັກ 4
• ຜົ້ງສາລີ 3
• ເຊກອງ 3
• ໄຊສົມບູນ 0

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດ ມີ 37 ຄົນ ຈາກ ນະຄອນຫຼວງວຽງຈັນ 10 ຄົນ, ສະຫວັນນະເຂດ 03, ຈໍາປາສັກ 12 ຄົນ, ຊຽງຂວາງ 05 ຄົນ, ອັດຕະປື 05 ຄົນ  ແລະ ຄຳມ່ວນ 02 ຄົນ. ທຸກຄົນໄດ້ເກັບຕົວຢ່າງ ແລະ ເຂົ້າຈຳກັດບໍລິເວນໃນສະຖານທີ່ຄະນະສະເພາະກິດກຳນົດໄວ້ກ່ອນຈະກວດພົບເຊື້ອ.