ການສຶກສາ

ໂຮງຮຽນ ມສ ສັນຕິພາບ ນະຄອນ-ຫຼວງພະບາງ ແຂວງຫຼວງພະບາງ ໄດ້ຈັດງານພົບປະຕັ້ງຄ້າຍເຍົາ ວະຊົນທັນວາ ຄັ້ງທີ VII ຂຶ້ນໃນທ້າຍເດືອນກຸມພາຜ່ານມານີ້ ທີ່ໂຮງຮຽນດັ່ງກ່າວ ໂດຍມີທ່ານ ສູນທອນ ແກ້ວສະຫວັນ ອຳນວຍການໂຮງຮຽນ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ. ໃນພິທີທ່ານ ສູນທອນ ແກ້ວສະຫວັນ ໄດ້ກ່າວເປີດງານພົບຄັ້ງນີ້ວ່າ: ການຈັດງານພົບປະຕັ້ງຄ້າຍເຍົາວະ ຊົນທັນວາ ຄັ້ງທີ VII ປະຈໍາປີ 2021 ຂອງໂຮງຮຽນ ມສ ສັນຕິພາບ ເປັນການສ້າງໂອກາດໃຫ້ກັບນັກຮຽນ ໄດ້ມີຄວາມກ້າຫານ ສະແດງຄວາມຮູ້ ຄວາມສາມາດ ແລະ ພອນສະຫວັນຂອງຕົນ ໃຫ້ໝູ່ຄູ່ໄດ້ຮັບຮູ້, ທັງເປັນການ ພົບປະແລກປ່ຽນຄວາມຮູ້ລະຫວ່າງນັກຮຽນດ້ວຍກັນ. ງານພົບປະຄັ້ງນີ້, ໄດ້ດໍາເນີນພາຍໃຕ້ຄຳຂວັນ “ເຍົາວະຊົນດີ ມີວິໄນ ໃສ່ໃຈສິ່ງແວດລ້ອມ ຮັກສາຄວາມ ສະອາດ ປ້ອງກັນໂຄວິດ-19” ຊຶ່ງມີນັກຮຽນທີ່ເປັນເຍົາວະຊົນທັນວາເຂົ້າຮ່ວມ 96 ຄົນ ພ້ອມດ້ວຍຄູນໍາພາ ແລະ ຄະນະຮັບຜິດຊອບອີກຈຳນວນໜຶ່ງ. ສໍາລັບກິດຈະກຳປະກອບມີ ວາງກະຕ່າດອກໄມ້ຢູ່ອະນຸສອນສະຖານ ຂອງທ່ານຜູ້ນຳ, ແຂ່ງຂັນແບບແຜນຂອງກອງເຍົາວະຊົນທັນວາ, ແຕ້ມຮູບ, ແຂ່ງຂັນຫຼິ້ນເກມ ແລະ...

ວິທະຍາໄລຄູຫຼວງນໍ້າທາ ຈັດຊຸດອົບຮົມທາງໄກດ້ວຍລະບົບອອນລາຍ ການລ້ຽງປາໃນນາເຂົ້າ ໃຫ້ນັກສຶກສາ ຂຶ້ນໃນວັນທີ 22 ກຸມພານີ້ ທີ່ວິທະຍາໄລດັ່ງກ່າວ ໂດຍທ່ານອາຈານ ເຢີ້ນເຕິງຫົງ ຊ່ຽວ ຊານຈາກວິທະຍາໄລກຸ່ຍໂຈ ສປ ຈີນ ໂດຍການເຂົ້າຮ່ວມຂອງທ່ານ ອາຈານ ນາງ ນວນຈັນ ທິບພະວົງ ຮອງອຳນວຍການວິທະຍາໄລຄູຫຼວງນໍ້າທາ, ແຂກຖືກເຊີນ ແລະ ນັກສຶກສາເຂົ້າຮ່ວມ. ຊຸດຝຶກອົບຮົມຄັ້ງນີ້, ສໍາມະນາກອນໄດ້ຮຽນຮູ້ກ່ຽວກັບການລ້ຽງປາໃນນາເຂົ້າເປັນຕົ້ນແມ່ນ ການລ້ຽງດ້ວຍອາຫານ, ການຄຸ້ມຄອງ, ມາດຕະການດ້ານເຕັກນິກ ແລະ ແຜນຜັງການສ້າງພື້ນທີ່ນາ, ເລືອກນາທີ່ດີ, ສ້າງຄອງນໍ້າ, ຂຸມທີ່ໃຊ້ລ້ຽງປາໃຫ້ດີ, ການຄຸ້ມຄອງການລ້ຽງ, ການປ່ອຍປາ, ການເລືອກ ປະເພດແນວພັນປາ, ຂະໜາດປາທີ່ຈະປ່ອຍ ແລະ ປະເພດປາທີ່ຈະນຳມາລ້ຽງມີ ປາໄນ, ປານິນ, ປາກິນຫຍ້າ, ປາປາກ, ປາດຸກ ແລະ ປາໄຫຼ (ປາລັອດ ແລັດ). ການຄຸ້ມຄອງຄຸນນະພາບນໍ້າ ແລະ ອື່ນໆ. ຮູບແບບໃນການຝຶກອົບຮົມຄັ້ງນີ້ແມ່ນ ໄດ້ຈັດການຝຶກທາງໄກດ້ວຍລະບົບອອນລາຍ ເພື່ອເປັນການ...

ກິດຈະກຳຂັບຂີ່ປອດໄພ ຫ່ວງໃຍຊີວິດ ຫ່າງໄກຢາເສບຕິດ ເພື່ອຂ່ຳນັບຮັບຕ້ອນບັ້ນເລືອກຕັ້ງສະມາ ຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ໄດ້ຈັດຂຶ້ນເມື່ອບໍ່ດົນມານີ້ ທີ່ໂຮງຮຽນ ມສ ອຸທຸມພອນ ເມືອງອຸທຸມພອນ ແຂວງສະຫວັນນະເຂດ ໂດຍການເຂົ້າຮ່ວມ ຂອງທ່ານ ທອງໃສ ໄຊຍະວົງຄຳດີ ຫົວໜ້າຄະນະບໍລິຫານເສດຖະກິດພິເສດແຂວງ, ທ່ານ ພູລຳພອນ ສີຫາວົງ ເລຂາຄະນະບໍ ລິຫານງານຊາວໜຸ່ມແຂວງ, ແຂກທີ່ຖືກເຊີນເຂົ້າຮ່ວມ.ທ່ານ ທອງໃສ ໄຊຍະວົງຄຳດີ ໄດ້ກ່າວເປີດວ່າ: "ການຈັດກິດຈະກຳໃນຄັ້ງນີ້, ເພື່ອປູກຈິດສຳນຶກໃຫ້ ນັກຮຽນ ມສ ອຸທຸມພອນ ໄດ້ຮູ້ກ່ຽວກັບການຂັບຂີ່ລົດລາງພາຫະນະຕາມທ້ອງຖະໜົນ ໃຫ້ມີຄວາມປອດໄພ ເພື່ອຫຼີກເວັ້ນຈາກການເກີດອຸບັດເຫດ ອັນສ້າງຄວາມເສຍຫາຍແກ່ຊີວິດ ແລະ ຊັບສິນ ທັງບຸກຄົນ ແລະ ລວມໝູ່ ພ້ອມດຽວກັນນີ້, ກໍເພື່ອເປັນການສ້າງຂະບວນການຕ້ອນຮັບບັ້ນເລືອກຕັ້ງ ສສຊ ແລະ ສສຂ." ທ່ານ ພັທ ໄພວັນ ແກ້ວວໍລະວົງ ຮອງຫົວໜ້າພະແນກຕຳຫຼວດຈະລາຈອນ ກອງບັນຊາການ ປກສ ແຂວງ ໄດ້ກ່າວມີຄຳເຫັນວ່າ: ຢາກໃຫ້ຊາວໜຸ່ມ, ນັກຮຽນທຸກຄົນ ຈົ່ງມີສະຕິໃນການຂັບຂີ່ລົດຕາມທ້ອງຖະໜົນ ເພື່ອຄວາມປອດໄພຂອງໝົດທຸກຄົນ, ການຂັບຂີ່ລົດຈັກທຸກຄັ້ງ ຕ້ອງໃສ່ໝວກກັນກະທົບ...

ສະມາຄົມການສຶກສາພາກເອກະຊົນລາວ (ສກອ) ຮ່ວມມືກັນກັບໜັງສືພິມເສດຖະກິດການຄ້າ ຈັດໂຄງການສົ່ງເສີມການອ່ານ ແລະ ການຮຽນຮູ້ ເພື່ອສົ່ງເສີມ, ພັດທະນາຄວາມຮູ້ ແລະ ທັກສະຄວາມສາມາດດ້ານຕ່າງໆຂອງນັກຮຽນໃຫ້ຫລາຍຂຶ້ນ. ພິທີເຊັນສັນຍາການຮ່ວມມືຄັ້ງນີ້ໄດ້ຈັດຂຶ້ນໃນວັນທີ 2 ກຸມພາ 2021 ທີ່ຫ້ອງການສະມາຄົມການສຶກສາພາກເອກະຊົນລາວ ເຊິ່ງຮ່ວມລົງນາມ ລະຫວ່າງ ທ່ານ ປອ. ປະສິດທິຜົນ ພອນວັນທາ ຮອງປະທານ ສກອ ກັບ ທ່ານ ໃສຫລ້າຄໍາ ຂະຫຍອງເອກ ຫົວໜ້າບັນນາທິການໜັງສືພິມ ເສດຖະກິດການຄ້າ; ມີຮອງປະທານ ສກອ, ບັນດາທ່ານຜູ້ຕາງໜ້າ ສກອ ປະຈໍາເມືອງຕ່າງໆໃນນະຄອນຫລວງວຽງຈັນ ຈໍານວນໜຶ່ງເຂົ້າຮ່ວມ. ໂຄງການດັ່ງກ່າວເປັນການຮ່ວມມື 2 ຝ່າຍເພື່ອຈັດກິດຈະກໍາ ແລະ ໂຄສະນາເຜີຍແຜ່ຜົນສຳເລັດ, ການຮຽນການສອນຂອງໂຮງຮຽນຕ່າງໆທີ່ເຂົ້າຮ່ວມໂຄງການ ແນໃສ່ຊຸກຍູ້ສົ່ງເສີມການສອນດີ-ຮຽນເກັ່ງ, ການບໍລິຫານທີ່ພົ້ນເດັ່ນ, ຄົ້ນຫານັກຮຽນທີ່ມີພອນສະຫວັນ ແລະ ຄວາມສາມາດຕາມໂຮງຮຽນຕ່າງໆ ໂດຍແມ່ນໜັງສືພິມເສດຖະກິດການຄ້າ ເປັນຝ່າຍດໍາເນີນການສໍາພາດ, ຈັດກິດຈະກໍາ ແລະ ໂຄສະນາເຜີຍແຜ່ຜ່ານໜັງສືພິມເສດຖະກິດການຄ້າ ແລະ ສື່ອອນລາຍຕ່າງໆຂອງໜັງສືພິມ, ເວັບໄຊ, ຢູທູບ, ເຟສບຸກ. ...

ນະຄອນຫຼວງວຽງຈັນ: ສູນປິ່ນປົວ ແລະ ຮັກສາສຸຂະພາບຕາ ຮ່ວມກັບມູນນິທິເຟຣດໂຮໂລ ປະຈຳລາວ ໄດ້ຈັດກອງປະຊຸມສຸດທ້າຍ ໂຄງການເປີດກວ້າງຮັກສາສຸຂະພາບຕາແບບຍືນຍົງ ແລະ ກອງປະຊຸມປຶກສາຫາລື ຮ່າງແຜນຍຸດທະສາດວຽກງານສຸຂະພາບຕາ 2021-2025 ຂຶ້ນໃນວັນທີ 16-17 ທັນວາ 2020 ທີ່ນະຄອນຫລວງວຽງຈັນ. ທ່ານ ຄຳຄູນ ໂຫລານຸພາບ ຫົວໜ້າສູນປິ່ນປົວ ແລະ ຮັກສາສຸຂະພາບຕາ ກ່າວວ່າ: ກອງປະຊຸມໃນຄັ້ງນີ້, ໄດ້ຜ່ານແຜນຍຸດທະສາດ ການຮັກສາສຸຂະພາບຕາແຫ່ງຊາດໃນ 5 ປີ (2021-2025) ເພື່ອຫລຸດຜ່ອນພາວະຕາບອດ ຈາກພະຍາດທີ່ເປັນສາເຫດຕາບອດທີ່ສາມາດຫລີກລ່ຽງໄດ້ ເຊັ່ນ: ພະຍາດແກ່ນຕາຂຸ້ນ, ພະຍາດຕາກະດັນ, ອຸປະຕິເຫດທາງຕາ ແລະ ພະຍາດເບົາຫວານຂຶ້ນຕາ, ພະຍາດຕາເດັກ, ສາຍຕາຜິດປົກກະຕິ, ສາຍຕາບົກຜ່ອງ ແລະ ອື່ນໆ ສຳລັບຮ່າງແຜນຍຸດທະສາດ ກ່ຽວກັບການຮັກສາສຸຂະພາບຕາ ທີ່ເປັນມາດຕະຖານ ໃນການຈັດຕັ້ງປະຕິບັດແຜນການ 5 ປີ ແຕ່ປີ 2021-2025 ພາຍໃຕ້ ການຊີ້ນຳຂອງກະຊວງສາທາລະນະສຸກ ລວມສູນກາງ ແລະ ບັນດາແຂວງຕ່າງໆ ຄາດໝາຍຕົ້ນຕໍ ແມ່ນໃຫ້ມີຕາໜ່າງການບໍລິການປິ່ນປົວສຸຂະພາບຕາ ແລະ ຕອບສະໜອງຄວາມຮຽກຮ້ອງຕ້ອງການອັນຮີບດ່ວນ ໃຫ້ກັບພໍ່ແມ່ປະຊາຊົນບັນດາເຜົ່າ ເວົ້າລວມ, ເວົ້າສະເພາະ ກໍເພື່ອຫລຸດຜ່ອນພະຍາດຕາບອດ...