ແຈ້ງການ ເຖິງ: ພະນັກງານທະຫານ, ຕໍາຫຼວດ, ພໍ່ແມ່ປະຊາຊົນ ບັນດາເຜົ່າທົ່ວ ແຂວງບໍ່ແກ້ວຊາບ. ເລື່ອງ: ເປີດຮັບກໍາລັງປ້ອງກັນຄວາມສະຫງົບ ປະຊາຊົນ ສົກປີ 2022. – ອີງຕາມ: ຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບເລກທີ 1121/ປກສ, ລົງ

ວັນທີ 09 ກັນຍາ 2009 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມພະນັກງານ.

– ອິງຕາມ: ແຈ້ງການຂອງກົມພະນັກງານ ສະບັບເລກທີ 310/ກພງ, ລົງວັນທີ 04 ຕຸລາ 2022ວ່າດ້ວຍ ການຮັບກໍາລັງໃຫມ່ເຂົ້າເປັນກໍາລັງປ້ອງກັນຄວາມສະຫງົບ ປະຈໍາປີ 2022.

– ອີງຕາມ: ການຄົ້ນຄ້ວາ ຕົກລົງເຫັນດີ ເປັນເອກະພາບ ຂອງຄະນະພັກ – ຄະນະກອງບັນຊາການ ປກສ ແຂວງບໍ່ແກ້ວ ຄັ້ງວັນທີ 11 ຕຸລາ 2022.

ເພື່ອເຮັດໃຫ້ການເປີດຮັບກໍາລັງປ້ອງກັນຄວາມສະຫງົບ ປະຊາຊົນ ແຂວງບໍ່ແກ້ວ ສົກປີ 2022 ໄດ້ຮັບ ການຈັດຕັ້ງປະຕິບັດ ຖຶກຕ້ອງຕາມລະບຽບຫຼັກການ, ມີປະສິດທິພາບ ແລະ ສາມາດບັນລຸໄດ້ຕາມຈຸດປະສົງ, ຄາດຫມາຍທີ່ກໍານົດໄວ້.

ກອງບັນຊາການ ປກສ ແຂວງບໍ່ແກ້ວ ຂໍຖືເປັນກຽດແຈ້ງການມາຍັງ ພະນັກງານ ທະຫານ, ຕໍາຫຼວດ, ພໍ່ແມ່ປະຊາຊົນ ບັນດາເຜົ່າ ທົ່ວແຂວງບໍ່ແກ້ວ ໃຫ້ນໍາເອົາລູກຫຼານ ຜູ້ທີ່ມີຄວາມສະຫມັກໃຈ ເຂົ້າເປັນກໍາລັງປ້ອງກັນຄວາມສະຫງ ປະຊາຊົນ ແຂວງບໍ່ແກ້ວ ສົກປີ 2022 ໃນຄັ້ງນີ້:

ມາດຕະຖານ-ເງື່ອນໄຂ ຂອງຜູ້ທີ່ຈະສະມັກເຂົ້າເປັນກໍາລັງປ້ອງກັນຄວາມສະຫງົບ ປະຊາຊົນ ປະຈໍາປີ 2022 ມີດັ່ງນີ້:

1. ເພດຊາຍ: ມີສຸຂະພາບແຂງແຮງດີ, ບໍ່ສັກມຶກສັກລາຍ, ບໍ່ບ່ອງຫູ, ລວງສູງບໍ່ໃຫ້ຫຼຸດ 1,60 ຊັງຕີແມັດ, ນ້ໍາຫນັກບໍ່ໃຫ້ຫຼຸດ 50 ກກ ແລະ ບໍ່ເກີນ 85 ກກ (ຕ້ອງເປັນຄົນໂສດ).

2. ເພດຍິງ: ມີສຸຂະພາບແຂງແຮງດີ, ບໍ່ສັກມຶກສັກລາຍ, ບໍ່ບ່ອງຫູຫຼາຍຮູ, ບໍ່ໃຫ້ດັດແຂ້ວ, ບໍ່ໃຫ້ສັນຍາ ກໍາຮ່າງກາຍ ທຸກພາກສ່ວນຂອງຮ່າງກາຍ, ລວງສູງບໍ່ໃຫ້ຫຼຸດ 1,55 ຊັງຕີແມັດ, ນ້ໍາຫນັກບໍ່ໃຫ້ຫຼຸດ 45 ກກ ແລະ ບໍ່ເກີນ 65 ກກ (ຕ້ອງເປັນຄົນໂສດ)

1. ຜູ້ທີ່ຈົບມໍ 7 ແມ່ນອາຍຸ 18-22ປີ.

2. ຜູ້ທີ່ຈົບວິຊາສະເພາະຕ່າງໆ ເພດຊາຍອາຍຸບໍ່ໃຫ້ເກີນ 30 ປີ, ເພດຍິງບໍ່ເກີນ 28 ປີ (ຕ້ອງເປັນຄົນໂສດ).

ເອກະສານທີ່ຈະປະກອບສະຫມັກເຂົ້າເປັນກໍາລັງປ້ອງກັນຄວາມສະຫງົບ ປະຊາຊົນ ມີດັ່ງນີ້:

• ຊີວະປະຫວັດຈົບມໍ 7, 01 ສະບັບ (ກ່ອບປີ້)
• ໃບປະກາດພ້ອມໃບຄະແນນຈົບຊັ້ນມໍ 7 ແລະ ວິຊາສະເພາະ ຖ້າມີ, ຢ່າງລະ 01 ສະບັບ. (ກ໊ອບປີ້)
• 3. ໃບຢັ້ງຢືນທີ່ຢູ່ (ບໍ່ເກີນ 03 ເດືອນ).

ຫວຽດນາມ ຈັດຢູ່ໃນອັນດັບ 3 ທີ່ມີການລົງທຶນຢູ່ລາວ

ປັດຈຸບັນ, ວິສາຫະກິດຫວຽດນາມ ທີ່ມາລົງທຶນຢູ່ ສປປ ລາວ ມີທັງໝົດ 417 ໂຄງການ, ມູນຄ່າການລົງທຶນທັງໝົດ 4,3 ຕື້ໂດລາສະຫະລັດ ແລະ ຖືກຈັດຢູ່ໃນອັນດັບ 3 ໃນຈໍານວນ 54 ປະເທດ ແລະ ເຂດແຄ້ວນທີ່ມີການລົງທຶນຢູ່ລາວ.

ທ່ານ ຣວ່າງ ວັນ ກວັນ ຮອງປະທານກຸ່ມນັກທຸລະກິດຫວຽດນາມ ປະຈຳນະຄອນ ຫລວງວຽງຈັນ ໄດ້ລາຍງານໃນກອງປະຊຸມຜູ້ແທນທົ່ວປະເທດ ຂອງສະມາຄົມນັກທຸລະກິດຫວຽດນາມຮ່ວມມື ແລະ ລົງທຶນຢູ່ລາວ ສະໄໝ III (2022-2027) ໃນວັນທີ 12 ຕຸລາ 2022 ນີ້ວ່າ: ສະມາຄົມນັກທຸລະກິດຫວຽດນາມ ຢູ່ ລາວ ແມ່ນອົງການຈັດຕັ້ງສັງຄົມ-ວິຊາຊີບ ຂອງບັນດານິຕິບຸກຄົນວິສາຫະກິດ, ນັກລົງທຶນ, ນັກທຸລະກິດຫວຽດນາມ ທີ່ດຳລົງຊີ ວິດຢູ່ລາວ, ທີ່ກຳລັງເຄື່ອນໄຫວລົງທຶນ ແລະ ເຮັດການຜະລິດ, ດຳເນີນທຸລະກິດໃນບັນດາຂະແໜງການເສດຖະກິດ ຢູ່ ສປປ ລາວ ປະກອບສ່ວນເຂົ້າໃນການຮ່ວມມື ພັດທະນາເສດຖະກິດຂອງສອງປະເທດລາວ-ຫວຽດນາມ.

ການເຄື່ອນໄຫວວຽກງານ ຂອງສະມາຄົມນັກທຸລະກິດຫວຽດນາມຢູ່ລາວ ສະໄໝທີ II (2016-2021) ເຖິງແມ່ນວ່າໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ພັກ, ລັດຖະບານລາວ ກໍໄດ້ສະໜັບສະໜູນ ຊຸກຍູ້ສົ່ງເສີມການລົງທຶນ, ການຜະລິດ, ການດຳເນີນທຸລະກິດຕ່າງໆ ໃຫ້ມີຄວາມສະດວກສະຫລາຍຂຶ້ນ ເປັນຕົ້ນ ຂະແໜງການບໍລິການທະນາຄານ, ປະກັນໄພ, ສາທາລະນະສຸກ, ໂຄງການເຂື່ອນໄຟຟ້າ, ການຂຸດຄົ້ນແຮ່ທາດ, ວິສາຫະກິດ, ການລົງທຶນຕ່າງໆ ເຫັນວ່າມີສະຖຽນລະພາບ ຕາມແຜນການຄາດໝາຍທີ່ວາງໄວ້.

ສຳທິດທາງແຜນການ ສະໄໝທີ III (2022-2027) ຂອງສະມາຄົມນັກທຸລະກິດຫວຽດນາມຮ່ວມມື ແລະ ລົງທຶນຢູ່ລາວ ສືບຕໍ່ໃຫ້ຄຳປຶກສາ, ການຊ່ວຍເຫລືອດ້ານນິຕິກໍາກົດໝາຍ, ການປົກປ້ອງສິດ, ຜົນປະໂຫຍດອັນຊອບທຳ ແລະ ຖືກຕ້ອງຕາມກົດໝາຍຂອງສະມາຊິກຂອງສະມາຄົມ; ສະໜອງຂໍ້ມູນກ່ຽວກັບກົດໝາຍ, ນະໂຍບາຍ, ວັດທະນະທໍາ ຮີດຄອງປະເພນີ ແລະ ແວດລ້ອມການລົງທຶນ ຢູ່ ສປປ ລາວ ໃຫ້ກັບບັນດານັກລົງທຶນຫວຽດນາມ ເພື່ອສົ່ງເສີມການລົງທຶນ, ດໍາເນີນທຸລະກິດ, ການຜະລິດ ຢູ່ ສປປ ລາວ; ຈັດຕັ້ງຝຶກອົບຮົມ, ກໍ່ສ້າງ, ບຳລຸງວິຊາສະເພາະກ່ຽວກັບບັນດາຂະແໜງການລົງທຶນ, ການຜະ ລິດ, ການດຳເນີນທຸລະກິດ, ການບໍລິການ, ໃຫ້ການສະໜັບສະໜູນຊ່ວຍເຫລືອ ບັນດາສະມາຊິກສະມາຄົມ ໃຫ້ໄດ້ເຂົ້າຮ່ວມບັນດາລາຍການຕະຫລາດນັດ, ແນະນໍາຜະລິດຕະພັນບໍລິການ, ການຕະຫລາດ ແລະ ການພັດທະນາທ້ອງຕະຫລາດ ເພື່ອຈຸດປະສົງໃຫ້ບັນດາສະມາຊິກສະມາຄົມ ມີເງື່ອນໄຂສະດວກໃນການຜະລິດ ການດຳເນີນທຸລະກິດ ແລະ ການໂຄສະນາເຄື່ອງໝາຍການຄ້າ.ໃນໂອກາດດຽວກັນ, ກໍໄດ້ຄັດເລືອກເອົາຄະນະບໍລິຫານ ສະມາຄົມນັກທຸລະກິດຫວຽດນາມຮ່ວມມື ແລະ ລົງທຶນຢູ່ລາວ ຊຸດໃໝ່ ສະໄໝທີ III(2022-2027) ເຊິ່ງ ທ່ານ ເຍື່ອງດິງບາງ ເປັນປະທານ ສະມາຄົມນັກທຸລະກິດຫວຽດນາມຮ່ວມມື ແລະ ລົງທຶນຢູ່ລາວ, ທ່ານ ຝາມກວ່າງຝູ ເປັນຮອງປະທານຜູ້ປະຈຳການ, ທ່ານ ໂດ໋ດັ່ງຄ່າງ ຮອງປະທານ ເລຂາທິການ ສະມາຄົມນັກທຸລະກິດຫວຽດນາມຮ່ວມມື ແລະ ລົງທຶນຢູ່ລາວ.

ແຫຼ່ງຂ່າວ: ປະເທດລາວ

ກອງບັນຊາການ ປກສ ແຂວງອຸດົມໄຊມອບເງິນຊ່ວຍເຫຼືອໃຫ້ຄອບຄົວພະນັກງານ-ນັກຮົບທີ່ໄດ້ຮັບຜົນເສຍຫາຍຈາກໄພພິບັດນໍ້າຖ້ວມ

ດ້ວຍຄວາມເປັນຫ່ວງເປັນໄຍຂອງຄະນະພັກ-ຄະ ນະກອງບັນຊາການ ປກສ ແຂວງອຸດົມໄຊ ຕໍ່ຄອບ ຄົວພະນັກງານ-ນັກຮົບໃນກຳລັງປ້ອງກັນຄວາມສະຫງົບ ແຂວງອຸດົມໄຊ ທີ່ໄດ້ຮັບຜົນເສຍຫາຍຈາກໄພພິບັດນໍ້າຖ້ວມໃນເດືອນສິງຫາ ຜ່ານມາ;

ເຊິ່ງໃນນີ້ມີສອງຄອບຄົວໄດ້ຮັບຜົນກະທົບເສຍ ຫາຍຢ່າງໜ່ວງ ເປັນຕົ້ນແມ່ນເຮືອນຢູ່ອາໃສຖືກນໍ້າພັດໄຫຼໄປ ເຮັດໃຫ້ສອງຄອບຄົວຂາດທີ່ຢູ່ອາໃສ ໃນວັນທີ 29 ກັນຍາ 2022, ກອງບັນຊາການ ປກສ ແຂວງນຳໂດຍ ສະຫາຍ ພັທ ນາງ ວຽນໄຊ ຮົງດາລາ ຮອງຫ້ອງການເມືອງ ປກສ ແຂວງພ້ອມດ້ວຍຄະນະຮັບຜິດຊອບວຽກງານນະໂຍບາຍ ໄດ້ນຳເອົາເງິນຊ່ວຍເຫຼືອເປັນຈຳນວນ 10.000.000 ກີບ ໂດຍມອບໃຫ້ຄອບຄົວລະ 5.000.000 ກີບ.

ໃນນີ້, ໄດ້ແກ່ຄອບຄົວສະຫາຍ ວທ ຄອນ ຄຳມະນີ ຢູ່ບ້ານໂຮມສຸກ ເມືອງໄຊ ແລະ ວທເສົາ ເພັດສາຄອນ ຢູ່ບ້ານສາມະຄີໄຊ ເມືອງຫຼາ ແຂວງອຸດົມໄຊ ທັງສອງແມ່ນສັງກັດຢູ່ກອງຮ້ອຍປ້ອງກັນທີ່ຕັ້ງ ກອງພັນປ້ອງກັນເຄື່ອນທີ່ ປກສ ແຂວງອຸດົມໄຊ.ໂອກາດມອບເງິນຊ່ວຍເຫຼືອດັ່ງກ່າວ, ທ່ານ ພັທ ນາງ ວຽນໄຊ ຮົງດາລາ ຍັງໄດ້ໂອ້ລົມຊຸກຍູ້ໃຫ້ຂັວນກຳລັງໃຈແກ່ ສອງຄອບຄົວທີ່ໄດ້ຮົບຜົນເສຍຫາຍໃນຄັ້ງນີ້ໃຫ້ພ້ອມກັນສູ້ຊົນບຸກບືນນຳພາຄອບຄົວສ້າງສາພັດທະນາທາງດ້ານຊີວິດການເປັນຢູ່ໃຫ້ຄ່ອຍໆດີຂຶ້ນເທື່ອລະກ້າວ.

ເກີດຫຍັງຂຶ້ນດຽວນີ້ ຄຶວ່າອັນຕະລາຍແທ້ໆ

ຫຼ້າສຸດເກີດເຫດກຸ່ມຄົນບໍ່ດີ ລັດຕິປຸ້ນເອົາລົດຈັກ ພ້ອມທຳຮ້າຍຮ່າງກາຍເຈົ້າຂອງລົດ ເສັ້ນທາງສາຍນ້ຳເງິນ, ເມືອງໄຊທານີ ນະຄອນຫຼວງວຽງຈັນ ໃນເຊົ້າມືດວັນທີ 02:00 ໂມງ ວັນທີ 7 ຕຸລາ 2022 ເຊິ່ງຜູ້ໃຊ້ເໂສບຸກໄດ້ໂພສເຕືອນໄພ ເຊິ່ງມີດັ່ງນີ້:

ເຕືອນໄພ ໄປເດິກມາດື່ນລະວັງເດີ້ທຸກຄົນ ເລື່ອງນີ້ເກີດກັບຄົນຮັກແພງ ເຫດເກີດ 02:00 ກາງຄືນ ທີ່ເສັ້ນທາງສາຍນ້ຳເງີນ ທາງຊອດມາຫ້ວຍຫົງຮ່ອມ9 ມີກຸ່ມຊາຍບໍ່ດີຂີ່ລົດຈັກມາ2ຄັນ 4ຄົນ ໄດ້ໃຊ້ໄມ້ແລະຂອງມີຄົມມາຕີເອົາລົດຈັກHonda wave100 ສີ່ງທີ່ໂຈນໄດ້ໄປຄືໂທລະສັບແລະລົດ ເງິນຈຳນວນຫນື່ງໃນກະເປົາ ສ່ວນເຈົ້າຂອງລົດເຈັບໜັກມີບາດແຜຢູ່ຫນ້າຜາກຈີກ ແລະ ກວ້າງ, ມີບາດແຜຖືກກີດທີ່ຂໍ້ມື ບາດແຜຕາມຕົນໂຕອີກ.

ຈາກເຫດການເອື້ອຍລາວເລົ່າ ຫຼັງຈາກເກີດເລື່ອງແລ້ວມີພົນລະເມືອງດີໄດ້ຂີ່ລົດຈັກພາລາວໄປຫ້ອງການບ້ານສາຍນ້ຳເງີນແຕ່ປິດ ແລະບໍ່ມີໃຜຍາມໃຜຢູ່ເລີຍ ລາວເລີຍໃຫ້ມາສົ່ງຢູ່ຮ່ອມບ້ານ ຍ່າງມາທັງຮ້ອງທັງໄຫ້ ມາຮອດໜ້າບ້ານຂ້ອຍ ເລີຍເອີ້ນຖາມ ດ້ວຍເຫັນອາການລາວຍ່າງເຊ ເຫັນທ່າບໍ່ດີຈົນແລ່ນໄປໄຂຕູບ້ານແລ້ວເຫັນສະພາບເອື້ອຍເພີ່ນເລີຍພາລາວມາຫາໝໍ ຂ້ອຍຜູ້ທີ່ເຫັນອາການລາວທັງໃຈຮ້າຍໃຫ້ໂຈນທັງອີ່ຕົນລາວມາລັກມາຈີ້ເອົາໄປລະຍັງມາທຳຮ້າຍລາວປານນີ້.

ລາວທັງໄຫ້ທັງວ່າ ບໍ່ເຫຼືອຫຍັງແລ້ວ ເງີນຫາມາທັງຊີວິດ ທັງໂທສັບທັງລົດໂອ່ຍເອື້ອຍເອີ້ຍຂ້ອຍອີ່ຕົນເຈົ້າເດ ເຮົາກະຊ່ວຍທີ່ຊ່ວຍເຈົ້າໄດ້ເດີ້ເອື້ອຍ.

ຂໍປັນກຳລັງໃຈໃຫ້ຜູ້ໂຊກຮ້າຍຄັ້ງນີ້ ຂໍໃຫ້ຈັບຄົນຮ້າຍໄດ້ໄວໆ