ຂ່າວການຊ່ວຍເຫຼືອ

ໂຄງການເສີມສ້າງຄວາມຫມັ້ນຄົງຂອງມະນຸດຂັ້ນຮາກຖານ (GGP)

ນະຄອນຫຼວງວຽງຈັນ, ວັນທີ 18 ພະຈິກ 2022 ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 90,000 ໂດລາສະຫະລັດເພື່ອຈັດຕັ້ງປະຕິບັດໂຄງການກໍ່ສ້າງໂຮງຮຽນມັດທະຍົມຕອນຕົ້ນເມືອງວັນ ແຂວງຫົວພັນ ພາຍໃຕ້ໂຄງການເສີມສ້າງຄວາມຫມັ້ນຄົງຂອງມະນຸດຂັ້ນຮາກຖານ (GGP). ພິທີເຊັນສັນຍາໂຄງການ ດັ່ງກ່າວໄດ້ຖືກຈັດຂຶ້ນໃນວັນທີ 18 ພະຈິກ 2022 ລະຫວ່າງ ພະນະທ່ານ ໂຄບະຢະຊິ ເຄັນອິຈິ, ເອກອັກ ຄະຣາຊະທູດຍີ່ປຸ່ນ ປະຈໍາ ສປປ ລາວ, ແລະ ພະນະທ່ານ ວັນໄຊ ແພງຊຸມມາ, ເຈົ້າແຂວງໆຫົວພັນ ພ້ອມ ດ້ວຍບັນດາຜູ້ກ່ຽວຂ້ອງຈາກແຂວງທີ່ໄດ້ຮັບໂຄງການ. ໂຄງການດັ່ງກ່າວແມ່ນ ການສະຫນັບສະຫນູນທຶນຮອນເພື່ອກໍ່ສ້າງອາຄານຮຽນ ແລະ ຫ້ອງນໍ້າໃຫມ່, ພ້ອມທັງສະຫນອງອຸປະກອນເຄື່ອງໃຊ້ໃຫ້ແກ່ໂຮງຮຽນມັດທະຍົມຕອນຕົ້ນເມືອງນັ້ນ ໃນ ແຂວງຫົວພັນ ເພື່ອ ປະກອບສ່ວນເຂົ້າໃນການປັບປຸງສະພາບແວດລ້ອມການສຶກສາ ແລະ ສະພາບສຸຂະອານະໄມຂອງໂຮງຮຽນ ດັ່ງກ່າວ. ໂຄງການເສີມສ້າງຄວາມຫມັ້ນຄົງຂອງມະນຸດຂັ້ນຮາກຖານ (GGP) ແມ່ນ ການສະຫນອງທຶນທີ່ຈໍາເປັນ ໃຫ້ແກ່ໂຄງການຂະຫນາດນ້ອຍທີ່ໃຫ້ຜົນປະໂຫຍດໂດຍກົງແກ່ປະຊາຊົນຜູ້ອາໄສ ແລະ ມີຈຸດປະສົງເພື່ອການ ພັດທະນາເສດຖະກິດ-ສັງຄົມຂອງປະເທດລາວ ໂດຍອີງຕາມຄວາມຕ້ອງການພື້ນຖານຂອງມະນຸດເປັນຫຼັກ. ລັດ ຖະບານຍີ່ປຸ່ນຈະສືບຕໍ່ໃຫ້ການຊ່ວຍເຫຼືອລັດຖະບານລາວປັບປຸງພື້ນຖານຊີວິດການເປັນຢູ່ຂັ້ນຮາກຖານຕໍ່ໄປເພື່ອ ຮັບປະກັນ “ບໍ່ໃຫ້ມີໃຜຖືກຖິ້ມໄວ້ທາງຫຼັງ”.

ຊ່ວຍເຫຼືອບັນເທົາທຸກໃຫ້ ຄອບຄົວ ທີ່ໄດ້ຮັບຜົນກະທົບຈາກ ລົມພະຍຸໂນຣູ

ອົງການກາແດງແຂວງອັດຕະປື ມອບເຄື່ອງຊ່ວຍເຫຼືອບັນເທົາທຸກໃຫ້ ຄອບຄົວ ທີ່ໄດ້ຮັບຜົນກະທົບຈາກ ລົມພະຍຸໂນຣູ ອົງການກາແດງແຂວງອັດຕະປື ໄດ້ລົງໄປມອບເຄື່ອງຊ່ວຍເຫຼືອບັນເທົາທຸກ ໃຫ້ປະຊາຊົນ ເຂດຈະເລີນໄຊ ເມືອງຊານໄຊ, ທີ່ໄດ້ຮັບຜົນກະທົບຈາກເຫດການນໍ້າຖ້ວມ ຍ້ອນລົມພາຍຸ ໂນຣູ ພັດເຂົ້າໃນຄໍ່າຄືນຂອງວັນທີ 27 ກັນຍາ 2022 ,ສະເພາະຢູ່ເຂດຈະເລີນໄຊ ເມືອງຊານໄຊ ແຂວງອັດຕະປື ໄດ້ຮັບຄວາມເສຍຫາຍໜັກ ມີ 1 ບ້ານຄືບ້ານຈະເລີນໄຊ,ມີ 100 ຄອບຄົວ, 98 ຫຼັງຄາເຮືອນ, ພົນລະເມືອງ 497 ຄົນ, ຍິງ 228 ຄົນ, ເຄື່ອງຊ່ວຍເຫຼືອບັນເທົາທຸກເບື້ອງຕົ້ນທີ່ອົງການກາແດງແຂວງ ນໍາໄປຊ່ວຍເຫຼືອຄັ້ງນີ້ ປະກອບມີ: ເຄື່ອງນຸ່ງຫົ່ມຈໍານວນ 1.000 ຜືນ, ແລະວັດຖຸຮັບໃຊ້ຊີວິດປະຈໍາວັນອື່ນໆ ,ລວມມູນຄ່າ 20 ລ້ານກວ່າກີບ. ພິທີມອບ-ຮັບ ໄດ້ຈັດຂື້ນ ວັນທີ 28 ກັນຍາ 2022 ທີ່ຫ້ອງການເຂດຈະເລີນໄຊ, ກ່າວມອບໂດຍທ່ານນາງ ດາວວັງ ນາມເສນາ ຮອງຫົວໜ້າຫ້ອງການອົງການກາແດງແຂວງອັດຕະປື ແລະ ກ່າວຮັບໂດຍທ່ານ ພູເງິນ ຄະນະເຂດຈະເລີນໄຊ ພ້ອມດ້ວຍອຳນາດການປົກຄອງບ້ານຕະຫຼອດຮອດປະຊາຊົນ ພາຍໃນບ້ານເຂົ້າຮ່ວມ. ທ່ານ ພູເງິນ ຄະນະເຂດຈະເລີນໄຊ ໄດ້ກ່າວສະແດງຄວາມຂອບອົກຂອບໃຈ...

ລັດຖະບານອົສຕຣາລີ ຊ່ວຍເຫຼືອວັກຊິນກັນພະຍາດໂຄວິດ-19

ລັດຖະບານອົສຕຣາລີ ຊ່ວຍເຫຼືອວັກຊິນກັນພະຍາດໂຄວິດ-19 ເມື່ອວັນທີ 28 ກັນຍາ ຜ່ານມາ ຄະນະຜູ້ແທນຈາກ ກະຊວງສາທາລະນະສຸກ, ກະຊວງສຶກສາທິການ ແລະ ກິລາ, ສະຖານທູດອົສຕຣາລີ ປະຈຳ ສປປ ລາວ ແລະ ອົງການອຸຍນີເຊັບ ປະຈຳ ສປປ ລາວ ໄດ້ລົງເຄື່ອນໄຫວຢ້ຽມຢາມໂຮງຮຽນປະຖົມສຶກສາທີ່ ນະຄອນຫຼວງວຽງຈັນ ທີ່ໄດ້ກຳນົດນຳໃຊ້ເປັນຈຸດສັກວັກຊິນ ກັນພະຍາດໂຄວິດ-19 ສຳລັບເດັກນ້ອຍໂດຍນຳໃຊ້ວັກຊິນສະເພາະເດັກເປັນຄັ້ງທໍາອິດ ຊຶ່ງໄດ້ຮັບການສະໜັບສະໜູນຊ່ວຍເຫຼືອປະເທດ ອົສຕຣາລີ. ການປະກອບຊ່ວຍເຫຼືອໃນຄັ້ງນີ້ ປະກອບມີວັກຊິນ ໄຟເຊີ ເພື່ອສ້າງພູມຄຸ້ມກັນພະຍາດ ໂຄວິດ-19 ສຳລັບເດັກ ໄດ້ທັງໝົດຈຳນວນເກືອບ 500.000 ໂດສ ຊຶ່ງມີບຸລິມະສິດໃນການສັກໃຫ້ແກ່ກຸ່ມເດັກນ້ອຍອາຍຸ 5-11 ປີ ຢູ່ ສປປ ລາວ. ວັກຊິນຈຳນວນດັ່ງກ່າວແມ່ນໄດ້ສະໜອງໃຫ້ ສປປ ລາວ ເພີ່ມຕື່ມພາຍຫຼັງຈາກການຊ່ວຍເຫຼືອວັກຊິນ ໄຟເຊີ ແລະ ແອັສຕຣາ-ເຊນິກາ ຈຳນວນຫຼາຍກວ່າໜຶ່ງລ້ານໂດສ ໂດຍລັດຖະບານອົສຕຣາລີ ໃນຕົ້ນປີທີ່ຜ່ານມາ. ທ່ານ ສະໜອງ ທອງຊະນະ ຮອງລັດຖະມົນຕີ ກະຊວງສາທາລະນະສຸກ ໄດ້ກ່າວວ່າ: ລັດຖະບານ ສປປ ລາວ ສະແດງຄວາມຂອບໃຈມາຍັງລັດຖະບານອົສຕຣາລີ ສຳລັບການປະກອບສ່ວນອັນລໍ້າຄ່ານີ້ ຕໍ່ຂະບວນການສັກວັກຊິນກັນພະຍາດ ໂຄວິດ-19...

ໂຄງການລຶບລ້າງພະຍາດແກ່ນຕາຂຸ້ນໃນ ສປປ ລາວ

ເປີດໂຄງການລຶບລ້າງພະຍາດແກ່ນຕາຂຸ້ນໃນ ສປປ ລາວ ໃນວັນທີ 16 ກັນຍາ 2022 ນີ້, ຢູ່ນະຄອນຫລວງວຽງຈັນ ໄດ້ມີພິທີເປີດໂຄງການລຶບລ້າງພະຍາດແກ່ນຕາຂຸ້ນໃນ ສປປ ລາວ ໂດຍການຊ່ວຍເຫຼືອ ຈາກມູນນິທິກອງທຶນຊ່ວຍເຫຼືອເຊິ່ງກັນ ແລະ ກັນ (GX FOUNDATION) ຂອງລັດຖະບານ ສປ ຈີນ ໂດຍມີ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ທ່ານ ຫລຽງ ເຈິນ ຢິ່ງ (Leung Chun-ying) ຮອງປະທານສະພາທີ່ປຶກສາການເມືອງ ແຫ່ງ ສປ ຈີນ ປະທານ GX FOUNDATION, ທ່ານ ຈ່ຽງ ຈ່າຍຕົ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈຳ ສປປ ລາວ, ມີພາກສ່ວນກ່ຽວຂ້ອງ ຝ່າຍຈີນ ແລະ ລາວ ເຂົ້າຮ່ວມ. ທ່ານ ສອນໄຊ ສີພັນດອນ ໄດ້ກ່າວວ່າ: ໂຄງການລຶບລ້າງພະຍາດແກ່ນຕາຂຸ້ນ ໃນ ສປປ...

ກະຊວງ ປກສ ປະຕິບັດນະໂຍບາຍຕໍ່ນາຍຕໍາຫຼວດທີ່ໄດ້ຮັບເຄາະຮ້າຍ ຢ່າງສົມກຽດ

ກະຊວງ ປກສ ໄດ້ເອົາໃຈໃສ່ໃນການປະຕິບັດນະໂຍບາຍດ້ານຕ່າງໆຢ່າງສົມກຽດ ຕໍ່ນາຍຕໍາຫຼວດ ທີ່ເສຍຊີວິດ ແລະ ໄດ້ຮັບບາດເຈັບ ໃນລະຫວ່າງການປະຕິບັດໜ້າທີ່ ໃນວັນທີ 1 ກັນຍາ 2022, ເວລາປະມານ 10 ໂມງ ທີ່ໄດ້ລົງແກ້ໄຂເປົ້າໝາຍຊື້-ຂາຍ ຢາເສບຕິດ ຢູ່ບ້ານຫ້ວຍເຈາະ ກຸ່ມສາມສຸມ ເມືອງວຽງຄຳ ແຂວງຫຼວງພະບາງ, ເຊິ່ງໃນຂະນະນັ້ນ ເປົ້າໝາຍໄດ້ມີການແກະລະເບີດ ເຮັດໃຫ້ເຈົ້າໜ້າທີ່ເສຍຊີວິດ 3 ສະຫາຍ ແລະ ບາດເຈັບ 4 ສະຫາຍ, ສ່ວນເປົ້າໝາຍທີ່ກໍ່ເຫດ ຄື ທ້າວ ຄົວວ່າ ທໍ່ ແມ່ນເສຍຊີວິດຄາທີ່. ຕໍ່ກັບເຫດການທີ່ເກີດຂຶ້ນການຈັດຕັ້ງທຸກຂັ້ນແມ່ນໄດ້ຮີບຮ້ອນ ໃຫ້ການຊ່ວຍເຫຼືອຕາມຂັ້ນຕອນ ເປັນຕົ້ນແມ່ນສົ່ງຜູ້ໄດ້ຮັບບາດເຈັບໄປປິ່ນປົວເບື້ອງຕົ້ນຢູ່ໂຮງໝໍທ້ອງຖິ່ນຢ່າງວ່ອງໄວ; ຈາກນັ້ນ, ຄະນະນໍາກະຊວງປ້ອງກັນຄວາມສະຫງົບໄດ້ຊີ້ນໍາໃຫ້ເອົາເຮືອບິນໄປຮັບຜູ້ຖືກບາດເຈັບສາຫັດເພື່ອມາປິ່ນປົວຢູ່ໂຮງໝໍໃນນະຄອນຫຼວງວຽງຈັນ. ດ້ວຍຄວາມເປັນຫ່ວງເປັນໄຍ ແລະ ເອົາໃຈໃສ່ຂອງການ ນຳພັກ-ລັດ, ກໍຄືການນຳກະຊວງປ້ອງກັນຄວາມສະຫງົບ ໃນວັນທີ 3 ກັນຍາ 2022, ພົອ ວິໄລ ຫຼ້າຄຳຟອງ ຮອງນາຍົກລັດຖະມົນຕີ, ລັດຖະມົນຕີກະຊວງ ປກສ ໄດ້ໄປຢ້ຽມຢາມຜູ້ໄດ້ຮັບເຈັບທີ່ຖືກນຳສົ່ງມາປິ່ນປົວຢູ່ໂຮງໝໍ 103 ເພື່ອເປັນການຢ້ຽມຢາມຖາມຂ່າວ ແລະ ໃຫ້ກຳລັງໃຈຢ່າງໃກ້ສິດ. ພ້ອມດຽວກັນນັ້ນ, ໃນລະຫວ່າງວັນທີ 2-5 ກັນຍາ...
All countries
646,384,116
Total confirmed cases
Updated on November 29, 2022 01:38
Italy
24,260,660
Total confirmed cases
Updated on November 29, 2022 01:38
Spain
13,595,504
Total confirmed cases
Updated on November 29, 2022 01:38
Iran
7,559,634
Total confirmed cases
Updated on November 29, 2022 01:38
Germany
36,373,164
Total confirmed cases
Updated on November 29, 2022 01:38

Frequently Asked Questions

spot_img